繼續堅持己見還是有分行先（賽前分析-曼聯對利物浦）
執筆之前正正睇完利物浦點樣10打11下，先逼和再強攻對手到完場，再諗番愛隊對賓福特既精神面貌，真係話差兩三班波都不為過。唔好話要贏利物浦，和到水晶宮都好似係遙不可及既事。
講番今周雙紅會，利物浦暫時兩戰得兩分，排第12位。前鋒紐尼斯因對水晶宮拎左張紅牌，無緣呢場「大」戰；中場泰亞高亦受傷倦勤；費明奴上陣成疑；但陣中仍有小將艾利諾、卡華路同基達等球員候命。雖然陣容有少少不整，但高普既體系加上球員既能力都絕對仍在曼聯之上。面對呢隊曼聯，相信高普都必定以三分為目標，而我認為拎唔拎到個重點不在高普而在坦克。
曼聯開咧兩場皆北，坦克都係正選排陣出現錯誤。除左佢排陣有問題外，球員既執行力都係極有問題。上場慘敗俾賓福特四比零，坦克既戰術被法蘭克針對性攻擊，後場被對方人釘人高位逼搶。冇球員有能力持球擺脫對方，亦冇走位配合去搓散對方，多次係後場被逼甩控球直闖心臟地帶。面對比賓福特更強，高位逼搶能力更具效率既利物浦，究竟坦克會如何應對？繼續選擇堅持己見，強調後場組織進攻，還是以拎分為目標，改變陣式改變踢法？
如果要以拎分為目標，以曼聯後防人腳相信需要學水晶宮，改踢5人防線。三名中堅起用華拉尼、麥佳亞同馬天尼斯，搭配左右翼衛馬拉西亞同達洛特。兩名防中本身需起用攔截力強既麥湯文尼同費特，但要考慮埋搶到波之後既攻守轉換能力下，改用艾歷臣拍費特或會較佳。左右翼鋒起用辛祖同伊蘭加。前鋒要跑得快既華舒福去爆去哨，要一擊致命，踢得愈簡單愈快愈好。前場三人亦可自由轉換，兩翼必需回防，而整條防線亦不能縮得太後，盡可能係自己三閘線開始佈防，不能被利物浦係三閘線附近輕鬆做early-crossing去放中堅身後空間，亦不能長期被利物浦圍住係禁區頂附近慢慢組織。
但個人認為坦克會繼續堅持佢既戰術理念，仍舊起用四人防線，中堅麥佳亞拍馬天尼斯，右閘仍然係達洛特，左閘則因要防守沙拿，縱使梳爾未能適應坦克既體系，但佢既防守力比馬拉西亞好，唯有焗用。逗後防中位會係艾歷臣，兩個八號位球員會起用費特同雲迪碧克。利物浦主打地面為主，用費特係地面做搶截會比用麥湯文尼好；而般奴費南迪斯近兩仗表現都係垃圾，實在冇理由繼續用，而雲迪碧克既跑動同覆蓋範圍係支援前線還是防守都會比般奴為佳。左右翼鋒會係辛祖同伊蘭加。上仗賽後C朗既舉動應會令佢失去正選席位，改用華舒福踢最前睇黎係冇選擇之中既辦法。
唔知曼迷們又有咩想法？不妨留言討論一下。BTW，呢場波無論點排陣都好，要拎到分既難度係非常大。小弟只希望見到領隊悉心部署同球員有態度有執行，踢出拼勁同鬥志就可以了！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
講番今周雙紅會，利物浦暫時兩戰得兩分，排第12位。前鋒紐尼斯因對水晶宮拎左張紅牌，無緣呢場「大」戰；中場泰亞高亦受傷倦勤；費明奴上陣成疑；但陣中仍有小將艾利諾、卡華路同基達等球員候命。雖然陣容有少少不整，但高普既體系加上球員既能力都絕對仍在曼聯之上。面對呢隊曼聯，相信高普都必定以三分為目標，而我認為拎唔拎到個重點不在高普而在坦克。
曼聯開咧兩場皆北，坦克都係正選排陣出現錯誤。除左佢排陣有問題外，球員既執行力都係極有問題。上場慘敗俾賓福特四比零，坦克既戰術被法蘭克針對性攻擊，後場被對方人釘人高位逼搶。冇球員有能力持球擺脫對方，亦冇走位配合去搓散對方，多次係後場被逼甩控球直闖心臟地帶。面對比賓福特更強，高位逼搶能力更具效率既利物浦，究竟坦克會如何應對？繼續選擇堅持己見，強調後場組織進攻，還是以拎分為目標，改變陣式改變踢法？
如果要以拎分為目標，以曼聯後防人腳相信需要學水晶宮，改踢5人防線。三名中堅起用華拉尼、麥佳亞同馬天尼斯，搭配左右翼衛馬拉西亞同達洛特。兩名防中本身需起用攔截力強既麥湯文尼同費特，但要考慮埋搶到波之後既攻守轉換能力下，改用艾歷臣拍費特或會較佳。左右翼鋒起用辛祖同伊蘭加。前鋒要跑得快既華舒福去爆去哨，要一擊致命，踢得愈簡單愈快愈好。前場三人亦可自由轉換，兩翼必需回防，而整條防線亦不能縮得太後，盡可能係自己三閘線開始佈防，不能被利物浦係三閘線附近輕鬆做early-crossing去放中堅身後空間，亦不能長期被利物浦圍住係禁區頂附近慢慢組織。
但個人認為坦克會繼續堅持佢既戰術理念，仍舊起用四人防線，中堅麥佳亞拍馬天尼斯，右閘仍然係達洛特，左閘則因要防守沙拿，縱使梳爾未能適應坦克既體系，但佢既防守力比馬拉西亞好，唯有焗用。逗後防中位會係艾歷臣，兩個八號位球員會起用費特同雲迪碧克。利物浦主打地面為主，用費特係地面做搶截會比用麥湯文尼好；而般奴費南迪斯近兩仗表現都係垃圾，實在冇理由繼續用，而雲迪碧克既跑動同覆蓋範圍係支援前線還是防守都會比般奴為佳。左右翼鋒會係辛祖同伊蘭加。上仗賽後C朗既舉動應會令佢失去正選席位，改用華舒福踢最前睇黎係冇選擇之中既辦法。
唔知曼迷們又有咩想法？不妨留言討論一下。BTW，呢場波無論點排陣都好，要拎到分既難度係非常大。小弟只希望見到領隊悉心部署同球員有態度有執行，踢出拼勁同鬥志就可以了！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/