防守反擊，就係咁簡單（賽後分析-曼聯對阿仙奴）
坦克今場係陣容上作出一個改動，接近成億鎊加盟既安東尼代替伊蘭加出任正選右翼，其餘十個則同上場一模一樣。迪基亞把守最後一關。左右閘馬拿斯亞同達洛特聯同華拉尼同馬天尼利鎮守防線。麥湯文尼拍艾歷臣踢防中。攻擊中場般奴費南迪斯同埋左翼辛祖支援前鋒華舒福進攻。
阿仙奴賽前飽受傷兵困擾，但開賽前既陣容公佈話唔踢得果D都有幾個照踢，藍斯度、奧迪哥特同薛真高都係正選名單中。其他位置一切照舊，沙列巴拍加比爾踢中堅，賓韋治右閘。盧干加拍沙加踢防中。左右翼馬天利尼同薩加支援耶蘇進攻。
上半場發揮較佳既係阿仙奴
頭十五分鐘喜見曼聯有番「歷史性」既主場氣勢主導球賽，但阿仙奴係低位防守絕不含糊。辛祖初段較為活躍，亦有一腳內切射門被擋出。安東尼既參與都相當高，助攻助守都見到佢，間中既花拳繡腿令人諗起初出茅廬既C朗拿度。雖然曼聯係控球上係遠高於對手，球員之間多左互動，但實際能猜散對面製造具威脅既埋門鏡頭不多見，仲有一下警號係出左黎。艾歷臣中路被逼甩控球，達洛特太上既企位，令薩加俾一腳斜線就送馬天利尼一程單刀射入。好彩球證翻睇var見到奧迪哥特手部同腳部都有侵犯艾歷臣先推翻入球，但見到阿仙奴係早段其實係等緊呢類機會。15分鐘後卻盡是阿仙奴既世界。阿仙奴開始企穩陣腳拎番主導權。不停針對曼聯二閘防守放題既特點，靠薩加同馬天利尼係兩側瘋狂單對單盤扭出波。曼聯除左兩翼都有番黎協防外，艾歷臣同麥湯文尼快速既包夾，都堵塞左好多空間，但迪基亞都要出動救出馬天利尼既近門球鎚先唔駛失波。
入波唔應該剩留意入波果位
雖然曼聯受壓，但阿仙奴壓前令後防空間多就又開正曼聯條水。踢到35分鐘，曼聯係左路組織進攻，引左阿仙奴五至六個球員過左中場線壓迫。艾歷臣級數就係可以係左路一腳斜線俾穿阿仙奴中場線，搵到係中路現身既般奴。阿仙奴呢下既逼搶企位有問題，令到般奴可以輕鬆轉身再避開中堅既攔截傳俾左路辛祖。
辛祖斜線俾中路福仔，佢吸引左沙列巴同埋薛真高防守，再彈俾右路無人看管既安東尼輕鬆射入。第一下策動既艾歷臣絕對要俾credit，福仔冷靜助攻亦要讚，安東尼則係最輕鬆既一腳。安東尼呢個入波亦都幫坦克抒解左唔少壓力，畢竟買得真係好貴。最緊要冇買錯！失波後既阿仙奴繼續圍攻曼聯，可惜都無功而還。半場，完。
被追平果球麥湯都要負責任
下半場出黎雙方都未有調動，阿仙奴就加大進攻力度，令曼聯後防飽受壓力。坦克係58分鐘用C朗換入安東尼，將福仔改踢左路，嘗試用C朗係前場幫手停波去減輕防線壓力。可惜，未見成效就失守。兩分鐘後曼聯本身後場組織，華拉尼引球向前去到右路三閘線，再向前交就俾對方攔截到。沙加執到第二點傳俾中路既奧迪哥特。因華拉尼向前推進，馬天尼斯同達洛特之間既空位極多，麥湯文尼係需要先向後補番華拉尼既失位，保持防線完整性，等待隊友番黎支援但佢選擇出去防守未算最大威脅既奧迪哥特，就令佢可以俾個靚直線等左路插入中間既耶蘇仔埋門。.達洛特封到射門，但薩卡係中間補多腳就追番。呢球見到麥湯係判斷補位定係上前埋波既時機仍需大大加強。
福仔入波果下都令你嚇一嚇
得勢不饒人既阿仙奴繼續進攻，但6分鐘後又出事。後場開始組織突然斷纜，達洛特截左交俾中間艾歷臣。佢即傳俾中路般奴，般奴再交腳靚直線，俾係右路插入中間既福仔單刀。福仔第一腳控得太痴身，但幸好射果腳都仍能修正擺個入網。整個攻勢只用4腳波完成，完美示範點樣由守轉攻，人少打人少下，利用空間同速度破門。坦克眼見中場被人太輕易組織，隨即用費特入替跑到莫晒既辛祖，係中圈位置先做第一重攔截同破壞，般奴移去右路幫手防守，等沙加係中路唔可以太輕易組織向前。
福仔幾耐冇試過入兩球
達叔見球隊進攻冇乜起色，係74分鐘一口氣換三個人入黎搏鎚。維亞拿、史密夫路同尼基迪亞齊齊換入，希望可以追番一球。但1分鐘後就一盆冷水倒頭淋。曼聯右路界外球，費特前插拉開沙加，等C朗落黎迎波。C朗本身想分俾中路艾歷臣，但被對方閘到後，佢拎番再俾右手邊既般奴。般奴一腳斜線就俾穿阿仙奴既防線，接應既係由中後場怒跑幾廿米既艾歷臣再橫傳冇越位既福仔輕鬆埋齋。由界外球開始，阿仙奴將條防線推到去中場線，就令到後防有大量空間俾曼聯球員跑。鬥跑，福仔真係好難輸，亦要讚費特前插拉走等C朗現身停波先有呢下組織。達叔及後再換入富安健洋都係試試啦。坦克就係尾段換入麥佳亞同卡斯美路。麥隊長入替有少少受傷既馬天尼斯；卡斯美路就入替傷左既福仔。陣式仍然係4-2-3-1，將艾力臣同般奴移去兩翼，中場用三個防守味極濃既球員去做破壞，呢個亦係坦克極喜愛既陣容去保持勝利。場雞一響，曼聯成功以三比一終止阿仙奴既連勝走勢。
總結
一億既安東尼總算有貨交，起初仲驚佢操左幾日冇態。唔計入波，佢係右路令到曼聯多左early cross，亦多左進攻發動點，呢樣係非常重要。但我略嫌佢今場太少去嘗試突破薛真高，期望佢黎緊既比賽可以做多少少盤扭去令對方防線要補位製造空間。整隊曼聯今場都無可挑剔啦，守得穩令對方只有3次中目標埋門；自己則8射6中入3球。從不擔心曼聯既防守反擊，多左艾歷臣亦加強左中路由守轉攻既速度同威脅性，亦開始見到般奴加艾歷臣既雙核驅動。要改善既地方仍然係如何有系統有效地撕破對方既低位防守。繼續加油，為前四繼續努力！
阿仙奴賽前飽受傷兵困擾，但開賽前既陣容公佈話唔踢得果D都有幾個照踢，藍斯度、奧迪哥特同薛真高都係正選名單中。其他位置一切照舊，沙列巴拍加比爾踢中堅，賓韋治右閘。盧干加拍沙加踢防中。左右翼馬天利尼同薩加支援耶蘇進攻。
上半場發揮較佳既係阿仙奴
頭十五分鐘喜見曼聯有番「歷史性」既主場氣勢主導球賽，但阿仙奴係低位防守絕不含糊。辛祖初段較為活躍，亦有一腳內切射門被擋出。安東尼既參與都相當高，助攻助守都見到佢，間中既花拳繡腿令人諗起初出茅廬既C朗拿度。雖然曼聯係控球上係遠高於對手，球員之間多左互動，但實際能猜散對面製造具威脅既埋門鏡頭不多見，仲有一下警號係出左黎。艾歷臣中路被逼甩控球，達洛特太上既企位，令薩加俾一腳斜線就送馬天利尼一程單刀射入。好彩球證翻睇var見到奧迪哥特手部同腳部都有侵犯艾歷臣先推翻入球，但見到阿仙奴係早段其實係等緊呢類機會。15分鐘後卻盡是阿仙奴既世界。阿仙奴開始企穩陣腳拎番主導權。不停針對曼聯二閘防守放題既特點，靠薩加同馬天利尼係兩側瘋狂單對單盤扭出波。曼聯除左兩翼都有番黎協防外，艾歷臣同麥湯文尼快速既包夾，都堵塞左好多空間，但迪基亞都要出動救出馬天利尼既近門球鎚先唔駛失波。
入波唔應該剩留意入波果位
雖然曼聯受壓，但阿仙奴壓前令後防空間多就又開正曼聯條水。踢到35分鐘，曼聯係左路組織進攻，引左阿仙奴五至六個球員過左中場線壓迫。艾歷臣級數就係可以係左路一腳斜線俾穿阿仙奴中場線，搵到係中路現身既般奴。阿仙奴呢下既逼搶企位有問題，令到般奴可以輕鬆轉身再避開中堅既攔截傳俾左路辛祖。
辛祖斜線俾中路福仔，佢吸引左沙列巴同埋薛真高防守，再彈俾右路無人看管既安東尼輕鬆射入。第一下策動既艾歷臣絕對要俾credit，福仔冷靜助攻亦要讚，安東尼則係最輕鬆既一腳。安東尼呢個入波亦都幫坦克抒解左唔少壓力，畢竟買得真係好貴。最緊要冇買錯！失波後既阿仙奴繼續圍攻曼聯，可惜都無功而還。半場，完。
被追平果球麥湯都要負責任
下半場出黎雙方都未有調動，阿仙奴就加大進攻力度，令曼聯後防飽受壓力。坦克係58分鐘用C朗換入安東尼，將福仔改踢左路，嘗試用C朗係前場幫手停波去減輕防線壓力。可惜，未見成效就失守。兩分鐘後曼聯本身後場組織，華拉尼引球向前去到右路三閘線，再向前交就俾對方攔截到。沙加執到第二點傳俾中路既奧迪哥特。因華拉尼向前推進，馬天尼斯同達洛特之間既空位極多，麥湯文尼係需要先向後補番華拉尼既失位，保持防線完整性，等待隊友番黎支援但佢選擇出去防守未算最大威脅既奧迪哥特，就令佢可以俾個靚直線等左路插入中間既耶蘇仔埋門。.達洛特封到射門，但薩卡係中間補多腳就追番。呢球見到麥湯係判斷補位定係上前埋波既時機仍需大大加強。
福仔入波果下都令你嚇一嚇
得勢不饒人既阿仙奴繼續進攻，但6分鐘後又出事。後場開始組織突然斷纜，達洛特截左交俾中間艾歷臣。佢即傳俾中路般奴，般奴再交腳靚直線，俾係右路插入中間既福仔單刀。福仔第一腳控得太痴身，但幸好射果腳都仍能修正擺個入網。整個攻勢只用4腳波完成，完美示範點樣由守轉攻，人少打人少下，利用空間同速度破門。坦克眼見中場被人太輕易組織，隨即用費特入替跑到莫晒既辛祖，係中圈位置先做第一重攔截同破壞，般奴移去右路幫手防守，等沙加係中路唔可以太輕易組織向前。
福仔幾耐冇試過入兩球
達叔見球隊進攻冇乜起色，係74分鐘一口氣換三個人入黎搏鎚。維亞拿、史密夫路同尼基迪亞齊齊換入，希望可以追番一球。但1分鐘後就一盆冷水倒頭淋。曼聯右路界外球，費特前插拉開沙加，等C朗落黎迎波。C朗本身想分俾中路艾歷臣，但被對方閘到後，佢拎番再俾右手邊既般奴。般奴一腳斜線就俾穿阿仙奴既防線，接應既係由中後場怒跑幾廿米既艾歷臣再橫傳冇越位既福仔輕鬆埋齋。由界外球開始，阿仙奴將條防線推到去中場線，就令到後防有大量空間俾曼聯球員跑。鬥跑，福仔真係好難輸，亦要讚費特前插拉走等C朗現身停波先有呢下組織。達叔及後再換入富安健洋都係試試啦。坦克就係尾段換入麥佳亞同卡斯美路。麥隊長入替有少少受傷既馬天尼斯；卡斯美路就入替傷左既福仔。陣式仍然係4-2-3-1，將艾力臣同般奴移去兩翼，中場用三個防守味極濃既球員去做破壞，呢個亦係坦克極喜愛既陣容去保持勝利。場雞一響，曼聯成功以三比一終止阿仙奴既連勝走勢。
總結
一億既安東尼總算有貨交，起初仲驚佢操左幾日冇態。唔計入波，佢係右路令到曼聯多左early cross，亦多左進攻發動點，呢樣係非常重要。但我略嫌佢今場太少去嘗試突破薛真高，期望佢黎緊既比賽可以做多少少盤扭去令對方防線要補位製造空間。整隊曼聯今場都無可挑剔啦，守得穩令對方只有3次中目標埋門；自己則8射6中入3球。從不擔心曼聯既防守反擊，多左艾歷臣亦加強左中路由守轉攻既速度同威脅性，亦開始見到般奴加艾歷臣既雙核驅動。要改善既地方仍然係如何有系統有效地撕破對方既低位防守。繼續加油，為前四繼續努力！