冇波入又唔代表踢得差既（賽後分析-奧摩尼亞對曼聯）
坦克係歐霸盃賽事輪換左部分球員，龍門迪基亞。防線由左至右係馬拿斯亞-馬天尼斯-連迪路夫-達洛治。卡斯美路拍艾歷臣打防中，般奴費南迪斯出任攻中，左右翼則係辛祖同安東尼，支援正選出戰既C朗拿度。
擺明想偷我雞，但又真係偷到
上半場踢左幾分鐘已經見到兩隊實力上有明顯距離，奧摩尼亞踢5-3-2陣式縮後泊巴士，等前線兩三個球員打反擊就算；曼聯早早已經主導球賽，圍攻對手。先指出對手實力係差一兩班波，今場表現未能作準。曼聯今場係進攻組織上開始見到坦克教阿積士既進攻模式-加速小組推進。球員唔再係明買明賣去打撞牆，而係開始打第二點甚至乎係第三點進攻。當有第一個球員現身做支點，同時佢會觀察附近隊友，持球者就會打地波入去再加速向前插，現身既隊友會選擇first-touch彈走又或者回後俾另一個隊友再撞牆俾插入既持球者。整個進攻講究轉速同觀察隊友之間跑位同空間既發掘。今場進攻上亦比以往有耐性，多左轉方向令到弱邊既安東尼多左機會發揮。之前都曾經搵過資料，此子射門欲係極大，今場多次見到佢內切射尾柱，質素其實不錯，可惜被龍門飛身撲走。卡斯美路早段多次較長炮，但完全冇準，及後經坦克調節後，改以短傳搵艾歷臣同般奴去梳理進攻就明顯好左。值得一提，馬天尼斯用球能力今場發揮得超好，多次透過佢係中後場既穿透力傳送，令到艾般可以係人地中場同後場線與線之間拎波轉身，從而增加係小範圍人數優勢去進攻對方。不過，馬拿斯亞一次犯錯就被對方一個反擊射入。落後一比零完上半場則意料不及。
福馬重生，落幕既係C朗
下半場坦克即刻換人，用福仔同梳爾入替辛祖同馬拿斯亞。辛祖表現未見突出；馬拿斯亞則有少少懲罰意味啦。53分鐘，福仔招牌式走位接應般奴長傳，第一下控得好差，但都仲修正到。要讚C朗拿度幫佢走overlap拉開左防守者，等佢可以轉身入大位，右腳盪射尾柱入波追成平手。睇黎佢係安東尼身上學到curve內彎波。坦克係61分鐘再用馬斯亞入替般奴。雖然陣式冇變，但呢個調動相當有效。當中後場有艾歷臣同馬天尼斯可以俾到直線打穿人地中場時，前場需要既唔係般奴去做波，而係需要人入楔同埋門。馬仔係入替後兩分鐘就入波，屠夫一腳湯穿中場，福仔一個後抽打俾靠左既馬仔，馬仔隨即一控入大位係禁區角射近柱入網。坦克再係74分鐘用費特入替安東尼加強球隊防守力，再係82分鐘用麥湯文尼入替卡斯美路加強中場活力。84分鐘，曼聯一次反擊，福仔中路推進交俾交义走位到左路C朗。佢壓入禁區應該係射，但就撻撻地變左助攻俾福仔係尾柱輕鬆撞入。2分鐘後，冰人後場犯錯失控球，被對手反擊成功追至二比三。可惜為時已晚，最後曼聯險勝三比二完場。
總結
C朗雖然有一次助攻，但今場多次失機，更有一次接近空門下撞射中柱，或者又會俾球迷柴台，但今場反而係我覺得係佢暫時踢得最好既一場波，長期留守前場捕位，唔再亂咁走到中場作無謂駁腳。牽引對方防線，等其他隊友尋找空間跑動，非常成功。只要佢入到第一個生波入球，相信入球會陸續有來。失兩球都屬球員犯錯，但第一球就有需要檢討，點解死球進攻會只留一個馬拿斯亞係後場？會唔會安排多一個球員去補位先屬明智之舉？基於對方攻力欠奉，防守自然冇乜野好批評；進攻上則開始見到球隊有模式去破密集，唔再盲頭烏蠅死攻左面。收起般奴換入馬仔亦係一個好事，般奴你並非不可取替，而艾歷臣係球隊既地位則愈黎愈重要。如何保護艾歷臣避免受傷過勞，更甚有冇Plan B去頂替佢，則係坦克極需要思考既問題。周末對近況防守力進步甚大既愛華頓，相信會係攻防戰，睇下曼聯有冇力去解決拖肥糖。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
擺明想偷我雞，但又真係偷到
上半場踢左幾分鐘已經見到兩隊實力上有明顯距離，奧摩尼亞踢5-3-2陣式縮後泊巴士，等前線兩三個球員打反擊就算；曼聯早早已經主導球賽，圍攻對手。先指出對手實力係差一兩班波，今場表現未能作準。曼聯今場係進攻組織上開始見到坦克教阿積士既進攻模式-加速小組推進。球員唔再係明買明賣去打撞牆，而係開始打第二點甚至乎係第三點進攻。當有第一個球員現身做支點，同時佢會觀察附近隊友，持球者就會打地波入去再加速向前插，現身既隊友會選擇first-touch彈走又或者回後俾另一個隊友再撞牆俾插入既持球者。整個進攻講究轉速同觀察隊友之間跑位同空間既發掘。今場進攻上亦比以往有耐性，多左轉方向令到弱邊既安東尼多左機會發揮。之前都曾經搵過資料，此子射門欲係極大，今場多次見到佢內切射尾柱，質素其實不錯，可惜被龍門飛身撲走。卡斯美路早段多次較長炮，但完全冇準，及後經坦克調節後，改以短傳搵艾歷臣同般奴去梳理進攻就明顯好左。值得一提，馬天尼斯用球能力今場發揮得超好，多次透過佢係中後場既穿透力傳送，令到艾般可以係人地中場同後場線與線之間拎波轉身，從而增加係小範圍人數優勢去進攻對方。不過，馬拿斯亞一次犯錯就被對方一個反擊射入。落後一比零完上半場則意料不及。
福馬重生，落幕既係C朗
下半場坦克即刻換人，用福仔同梳爾入替辛祖同馬拿斯亞。辛祖表現未見突出；馬拿斯亞則有少少懲罰意味啦。53分鐘，福仔招牌式走位接應般奴長傳，第一下控得好差，但都仲修正到。要讚C朗拿度幫佢走overlap拉開左防守者，等佢可以轉身入大位，右腳盪射尾柱入波追成平手。睇黎佢係安東尼身上學到curve內彎波。坦克係61分鐘再用馬斯亞入替般奴。雖然陣式冇變，但呢個調動相當有效。當中後場有艾歷臣同馬天尼斯可以俾到直線打穿人地中場時，前場需要既唔係般奴去做波，而係需要人入楔同埋門。馬仔係入替後兩分鐘就入波，屠夫一腳湯穿中場，福仔一個後抽打俾靠左既馬仔，馬仔隨即一控入大位係禁區角射近柱入網。坦克再係74分鐘用費特入替安東尼加強球隊防守力，再係82分鐘用麥湯文尼入替卡斯美路加強中場活力。84分鐘，曼聯一次反擊，福仔中路推進交俾交义走位到左路C朗。佢壓入禁區應該係射，但就撻撻地變左助攻俾福仔係尾柱輕鬆撞入。2分鐘後，冰人後場犯錯失控球，被對手反擊成功追至二比三。可惜為時已晚，最後曼聯險勝三比二完場。
總結
C朗雖然有一次助攻，但今場多次失機，更有一次接近空門下撞射中柱，或者又會俾球迷柴台，但今場反而係我覺得係佢暫時踢得最好既一場波，長期留守前場捕位，唔再亂咁走到中場作無謂駁腳。牽引對方防線，等其他隊友尋找空間跑動，非常成功。只要佢入到第一個生波入球，相信入球會陸續有來。失兩球都屬球員犯錯，但第一球就有需要檢討，點解死球進攻會只留一個馬拿斯亞係後場？會唔會安排多一個球員去補位先屬明智之舉？基於對方攻力欠奉，防守自然冇乜野好批評；進攻上則開始見到球隊有模式去破密集，唔再盲頭烏蠅死攻左面。收起般奴換入馬仔亦係一個好事，般奴你並非不可取替，而艾歷臣係球隊既地位則愈黎愈重要。如何保護艾歷臣避免受傷過勞，更甚有冇Plan B去頂替佢，則係坦克極需要思考既問題。周末對近況防守力進步甚大既愛華頓，相信會係攻防戰，睇下曼聯有冇力去解決拖肥糖。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/