唔係踢得好果隊贏，係派膠派得少果隊贏（賽段分析-愛華頓對曼聯）
林柏特排出4-5-1。龍門碧福特。防線由左至右係米哥倫哥-達高夫斯基-高迪-高文。中場線由左至右係格雷-伊禾比-古艾耶-奧拿拿-哥頓。前鋒只踢一個慕比。
坦克排出4-2-3-1。龍門迪基亞。防線由左至右係梳爾-馬天尼斯-連迪路夫-達洛治。艾歷臣拍卡斯美路出任防中。左右翼係華舒福同安東尼。攻中般奴費南迪斯支援馬斯亞攻堅。
《兩隊鬥派膠就睇邊隊派得少》
愛華頓一開波就縮後打中低位防守，主動讓出控球權俾曼聯進攻，盡量塞死中後場空間，間唔中先會上去逼一逼。愛華頓上半場防守表現其實唔錯，中場線同防線緊密連繫，令到曼聯難以憑猜傳去創造出空間。兩閘應付安東尼同福仔都跟得好貼，兩翼回後協防亦做足，邊路鮮有被突破，中路又冇空間俾曼聯打穿，曼聯只能回後同橫傳。防守不俗，但進攻問題認真大。成功防守就講轉守為攻，但多次自己面對面交失波又或者控離腳被對方反搶，中路缺乏人派牌亦令前場三個得個跑字，成功反擊既次數寥寥可數。上半場傳球成功率僅得73%認真嚇人。曼聯情況都不惶多讓，周中歐霸盃作客賽蒲路斯，大部分球員體能明顯未能恢復，跑動頻率速度都大受影響，所以前場球員企多過跑，就更難創造空位，亦見唔到周中果場既進攻模式。縱有高達70%控球，但係陣地戰製造到黃金機會既次數極少，就連稍有威脅既攻勢都唔多。球員多次傳失波或無故失控球權，大大減低進攻組織既流暢性。5分鐘，愛華頓一次逼搶，卡斯美路派膠係後場被奧拿拿逼甩，個波輾轉到伊禾比腳下。佢係鵝眉月頂靚curve近柱先開記錄。15分鐘輪到古艾耶派膠，佢係中場控甩腳，般奴一篤俾馬斯亞就打反擊，馬仔再斜傳俾右路插入禁區既安東尼。佢又出招牌左腳射尾柱入網追成平手。及後時間都係膠著狀態，愛華頓係25分鐘後開始推前防線施壓，多次令曼聯猜失，但自己都冇乜能力組織進攻。29分鐘，坦克用C朗入替受傷既馬斯亞。44分鐘今次到伊禾比派膠，係中場中路想扭過卡斯美路，但俾佢捉晒路一個成功攔截再隨即交一個直線俾左路既C朗。佢壓入禁區左腳射近柱入網，反超前二比一。見到大師兄終於係運動戰入波，實在非常感動，希望佢入球陸續有來。碧福特封位上有少少責任，但要讚C朗係first touch再推入去既路線令到高迪係難以封到佢射門路線。上半場愛華頓係鬥派膠下贏左，所以就先落後。
《坦克今場換人較慢，林伯換人見到有計劃》
下半場兩隊都冇換人下，戰況仍舊膠著。67分鐘，林伯用麥尼爾換入0貢獻但有黃牌既哥頓。哥頓拎黃牌果下認真屈突，從後連波帶腳飛剷般奴，球證手緊少少都紅得。大約70分鐘都見到曼聯球員體能下跌情況嚴重，尤以中場卡斯美路同兩翼尤甚，但坦克都仍未作出調動，令到愛華頓開始拎到球賽主導權。林伯見勢再換入卡法路雲同加拿，改打4-4-2希望用加拿派牌，麥尼爾同格雷提供傳中球俾卡法路雲同慕比攻門。林伯換人見到方向，換人後立即有效，兩邊既傳中令到冰人同屠夫飽受壓力。坦克去到83分鐘先用麥湯文尼換入艾歷臣，加強中場攔截力同增加身高優勢。林伯則換入朗當，加強高空轟炸能力。坦克係補時階段換入華拉尼，末段勉強頂得住愛華頓既兩翼傳中，再靠迪基亞撲出加拿既射門，先成功維持二比一戰果完場。
《總結》密集賽程下，坦克絕對需要諗下點輪換球員。達洛治明顯跌watt，卡斯美路要一周雙賽都冇可能頂到。梳爾表現回勇，正好提供機會等達洛治休息。雖然前線復勇既馬斯亞再受傷，但球隊前場仍有C朗福仔可以頂替其位置；反而中場艾歷臣、般奴點鐵人都要抖，睇下坦克點用費特或者試下起用施丹仔踢下亦係解決方法。今場贏在對方派膠比自己多，下場聯賽對紐卡素就好難咁踢都贏到啦。周中主場對奧莫尼亞，因對方實力極為有限，係有條件大幅度輪換等主力球員盡量休息去備戰下場對紐卡素既賽事，睇下坦克點安排正選陣容迎戰奧莫尼亞。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
坦克排出4-2-3-1。龍門迪基亞。防線由左至右係梳爾-馬天尼斯-連迪路夫-達洛治。艾歷臣拍卡斯美路出任防中。左右翼係華舒福同安東尼。攻中般奴費南迪斯支援馬斯亞攻堅。
《兩隊鬥派膠就睇邊隊派得少》
愛華頓一開波就縮後打中低位防守，主動讓出控球權俾曼聯進攻，盡量塞死中後場空間，間唔中先會上去逼一逼。愛華頓上半場防守表現其實唔錯，中場線同防線緊密連繫，令到曼聯難以憑猜傳去創造出空間。兩閘應付安東尼同福仔都跟得好貼，兩翼回後協防亦做足，邊路鮮有被突破，中路又冇空間俾曼聯打穿，曼聯只能回後同橫傳。防守不俗，但進攻問題認真大。成功防守就講轉守為攻，但多次自己面對面交失波又或者控離腳被對方反搶，中路缺乏人派牌亦令前場三個得個跑字，成功反擊既次數寥寥可數。上半場傳球成功率僅得73%認真嚇人。曼聯情況都不惶多讓，周中歐霸盃作客賽蒲路斯，大部分球員體能明顯未能恢復，跑動頻率速度都大受影響，所以前場球員企多過跑，就更難創造空位，亦見唔到周中果場既進攻模式。縱有高達70%控球，但係陣地戰製造到黃金機會既次數極少，就連稍有威脅既攻勢都唔多。球員多次傳失波或無故失控球權，大大減低進攻組織既流暢性。5分鐘，愛華頓一次逼搶，卡斯美路派膠係後場被奧拿拿逼甩，個波輾轉到伊禾比腳下。佢係鵝眉月頂靚curve近柱先開記錄。15分鐘輪到古艾耶派膠，佢係中場控甩腳，般奴一篤俾馬斯亞就打反擊，馬仔再斜傳俾右路插入禁區既安東尼。佢又出招牌左腳射尾柱入網追成平手。及後時間都係膠著狀態，愛華頓係25分鐘後開始推前防線施壓，多次令曼聯猜失，但自己都冇乜能力組織進攻。29分鐘，坦克用C朗入替受傷既馬斯亞。44分鐘今次到伊禾比派膠，係中場中路想扭過卡斯美路，但俾佢捉晒路一個成功攔截再隨即交一個直線俾左路既C朗。佢壓入禁區左腳射近柱入網，反超前二比一。見到大師兄終於係運動戰入波，實在非常感動，希望佢入球陸續有來。碧福特封位上有少少責任，但要讚C朗係first touch再推入去既路線令到高迪係難以封到佢射門路線。上半場愛華頓係鬥派膠下贏左，所以就先落後。
《坦克今場換人較慢，林伯換人見到有計劃》
下半場兩隊都冇換人下，戰況仍舊膠著。67分鐘，林伯用麥尼爾換入0貢獻但有黃牌既哥頓。哥頓拎黃牌果下認真屈突，從後連波帶腳飛剷般奴，球證手緊少少都紅得。大約70分鐘都見到曼聯球員體能下跌情況嚴重，尤以中場卡斯美路同兩翼尤甚，但坦克都仍未作出調動，令到愛華頓開始拎到球賽主導權。林伯見勢再換入卡法路雲同加拿，改打4-4-2希望用加拿派牌，麥尼爾同格雷提供傳中球俾卡法路雲同慕比攻門。林伯換人見到方向，換人後立即有效，兩邊既傳中令到冰人同屠夫飽受壓力。坦克去到83分鐘先用麥湯文尼換入艾歷臣，加強中場攔截力同增加身高優勢。林伯則換入朗當，加強高空轟炸能力。坦克係補時階段換入華拉尼，末段勉強頂得住愛華頓既兩翼傳中，再靠迪基亞撲出加拿既射門，先成功維持二比一戰果完場。
《總結》密集賽程下，坦克絕對需要諗下點輪換球員。達洛治明顯跌watt，卡斯美路要一周雙賽都冇可能頂到。梳爾表現回勇，正好提供機會等達洛治休息。雖然前線復勇既馬斯亞再受傷，但球隊前場仍有C朗福仔可以頂替其位置；反而中場艾歷臣、般奴點鐵人都要抖，睇下坦克點用費特或者試下起用施丹仔踢下亦係解決方法。今場贏在對方派膠比自己多，下場聯賽對紐卡素就好難咁踢都贏到啦。周中主場對奧莫尼亞，因對方實力極為有限，係有條件大幅度輪換等主力球員盡量休息去備戰下場對紐卡素既賽事，睇下坦克點安排正選陣容迎戰奧莫尼亞。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/