好彩冇麥明詩咋（賽後分析-曼聯對紐卡素）
坦克排出4-2-3-1陣式。龍門迪基亞。防線由左至右係梳爾-馬天尼斯-華拉尼-達洛治。卡斯美路拍費特踢防中。左右翼係辛祖同安東尼。攻擊中場般奴費南迪斯支援前鋒C朗拿度。
賀維排出4-2-3-1陣式。龍門樸比。防線左至右係丹般-博文-舒亞-查比亞。基馬利斯拍朗史達夫踢平排防中。左中右係積及梅菲-祖寧頓-艾米朗。前鋒係卡林威爾遜。
《上半場都唔知踢乜，要不是一條柱一條楣已經落後緊》
一見到艾歷臣因病連後備名單都冇，就預計到波場波肯定出事。上場歐霸盃已經試過用費特頂，場上表現話你知係唔work；今場麥湯文尼停賽，雲迪碧克受傷，艾歷臣病左，坦克冇得揀焗用費特（唔想改變陣式下），結果整個上半場中場完全失勢。祖寧頓、基馬利斯、朗史達夫三人係中場硬橋硬馬，鬥身形鬥碰撞式既踢法下，令到曼聯中場難以組織攻勢。控球率縱然有62%，但傳球成功率僅得76%，傳送頻頻斷纜，唔斷都只係外圍橫傳後傳多，連一段似樣少少具威脅組織都欠奉。馬天尼斯又俾對方重點壓迫，唔容許佢有太多時間向前俾到穿透力直線。當個波打唔穿對方中場線，費特、般奴就要移出黎去拎波踢，就更加令前面唔夠人走位拉扯。進攻只能靠辛祖同梳爾係左路發動，安東尼則係右路嘗試個人突破，整隊踢法單調，令紐卡素只要守穩邊路，曼聯已冇辦法入波。紐卡素進攻又唔會壓太上，曼聯反擊空間同次數都少。上半場6射1中，1中要去到37分鐘先成功打到一次反擊，由安東尼係左路窄位射近柱。今場竟然起用C朗拿度踢最前，亦令到前場踢唔到逼搶，只能高位遮線，但紐卡素球員對搓傳極有信心，個波甚少係後場搓失。前場缺乏聖麥斯文，嚴重影響球隊打反擊既威脅力同前場牽制力。雖然係咁，但祖寧頓既兩連頭鎚要不是中柱中楣，紐卡素已經可以先開記錄。卡林威爾遜亦有一次殺入禁區被踢跌，但走甩左十二碼，曼聯都算夠運。
《所謂既問題球根本唔係問題球》
下半場雙方都冇換人，原班人馬繼續踢。48分鐘出現問題球，C朗被吹越位後，見到舒亞用腳拉後個波俾門將，見樸比冇乜反應就篤走個波再射入空門。球證當時吹番轉頭話C朗違規入球無效。C朗同其他隊友就梗係衝前理論，最後投訴過激仲食左張牌。實情係球證吹左C朗越位後，就向後移向前場位置準備，當時佢由頭到尾都舉起右手，示意越位係屬於間接自由球。佢亦見到舒亞輕輕將波拉後俾門將開波，當時佢亦冇將手放低，即係佢認為個波需要係樸比企既位置開出。球證由始至終都冇垂低過右手，即係示意個波係仍未開出俾第二位隊員接應，所以呢個問題球根本唔係問題球。
《有時要放手一搏先得》
戰情一路都係膠著，曼聯組織唔到攻勢埋門，反而紐卡素一次前場逼搶，令卡林威爾遜係前場有機會埋門。賀維係69分鐘先換入費沙想加強前場邊路用波能力，再係78分鐘換入泰格、基斯活特同韋洛克加強中場活力，泰格則換走有牌在身既丹般。賀維相比起坦克更敢換人。坦克整場只係72分鐘用華舒福入替C朗拿度，位換位換人並冇嘗試更改陣式或者進攻模式。踢左70分鐘都見唔到隊波係組織上有咩改善，其實係需要放手一搏。何不抽起費特改踢雙箭頭？縮般奴落一格拍卡斯美路派牌？後場保持兩中堅加一對防中，將二閘再壓前嘗試打穿邊路。如再冇起色，加拿祖同伊蘭加亦可換走一對翼，加強邊線活力。人腳唔係冇，但唔肯換唔肯試咪就係呢場波咁。福仔出黎都有一下突破越位傳中，可惜費特再次射斜，錯失今場鮮有既黃金機會。福仔最後階段既頭鎚亦唔中目標。最後，雙方都冇威脅攻門，零比零和局收場。
《總結》
先講紐卡素，冇左聖麥斯文係邊路側擊對佢地影響甚大。呢場如果佢冇傷，絕對有條件係左路玩謝達洛治。中場祖寧頓同朗史達夫都係工兵型球員，要將隊波提升需要係中場入手，購買一兩個技術型做波型球員先可以令攻力提升。曼聯方面，整場波有兩下都可以判十二碼既犯規，但球證同VAR都冇任何表示。不過就算俾十二碼你而你又射入埋贏埋，場波都係要鬧。缺少艾歷臣令中場組織力大減，費特難以移後到左中堅位置交具穿透力直線，推前佢又缺乏持球推進突破力，交到波俾隊友已經還神，就唔好講有創造力，射波更可以冇腳中龍。進攻要贏波出佢既話，真係好難攪。小弟認為冇艾歷臣就需要縮般奴落一格，先可以解決中場組織力弱既問題。前場改踢雙箭頭應有利C朗拿度發揮。見到今場坦克起用辛祖同梳爾都令我感到安慰，起碼佢會知道邊個體能好狀態好就要用，唔係死用勝利十一人。下場周中硬碰熱刺，如果再用呢套戰術，或者又會大敗一場。睇下坦克會唔會針對性部署啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
賀維排出4-2-3-1陣式。龍門樸比。防線左至右係丹般-博文-舒亞-查比亞。基馬利斯拍朗史達夫踢平排防中。左中右係積及梅菲-祖寧頓-艾米朗。前鋒係卡林威爾遜。
《上半場都唔知踢乜，要不是一條柱一條楣已經落後緊》
一見到艾歷臣因病連後備名單都冇，就預計到波場波肯定出事。上場歐霸盃已經試過用費特頂，場上表現話你知係唔work；今場麥湯文尼停賽，雲迪碧克受傷，艾歷臣病左，坦克冇得揀焗用費特（唔想改變陣式下），結果整個上半場中場完全失勢。祖寧頓、基馬利斯、朗史達夫三人係中場硬橋硬馬，鬥身形鬥碰撞式既踢法下，令到曼聯中場難以組織攻勢。控球率縱然有62%，但傳球成功率僅得76%，傳送頻頻斷纜，唔斷都只係外圍橫傳後傳多，連一段似樣少少具威脅組織都欠奉。馬天尼斯又俾對方重點壓迫，唔容許佢有太多時間向前俾到穿透力直線。當個波打唔穿對方中場線，費特、般奴就要移出黎去拎波踢，就更加令前面唔夠人走位拉扯。進攻只能靠辛祖同梳爾係左路發動，安東尼則係右路嘗試個人突破，整隊踢法單調，令紐卡素只要守穩邊路，曼聯已冇辦法入波。紐卡素進攻又唔會壓太上，曼聯反擊空間同次數都少。上半場6射1中，1中要去到37分鐘先成功打到一次反擊，由安東尼係左路窄位射近柱。今場竟然起用C朗拿度踢最前，亦令到前場踢唔到逼搶，只能高位遮線，但紐卡素球員對搓傳極有信心，個波甚少係後場搓失。前場缺乏聖麥斯文，嚴重影響球隊打反擊既威脅力同前場牽制力。雖然係咁，但祖寧頓既兩連頭鎚要不是中柱中楣，紐卡素已經可以先開記錄。卡林威爾遜亦有一次殺入禁區被踢跌，但走甩左十二碼，曼聯都算夠運。
《所謂既問題球根本唔係問題球》
下半場雙方都冇換人，原班人馬繼續踢。48分鐘出現問題球，C朗被吹越位後，見到舒亞用腳拉後個波俾門將，見樸比冇乜反應就篤走個波再射入空門。球證當時吹番轉頭話C朗違規入球無效。C朗同其他隊友就梗係衝前理論，最後投訴過激仲食左張牌。實情係球證吹左C朗越位後，就向後移向前場位置準備，當時佢由頭到尾都舉起右手，示意越位係屬於間接自由球。佢亦見到舒亞輕輕將波拉後俾門將開波，當時佢亦冇將手放低，即係佢認為個波需要係樸比企既位置開出。球證由始至終都冇垂低過右手，即係示意個波係仍未開出俾第二位隊員接應，所以呢個問題球根本唔係問題球。
《有時要放手一搏先得》
戰情一路都係膠著，曼聯組織唔到攻勢埋門，反而紐卡素一次前場逼搶，令卡林威爾遜係前場有機會埋門。賀維係69分鐘先換入費沙想加強前場邊路用波能力，再係78分鐘換入泰格、基斯活特同韋洛克加強中場活力，泰格則換走有牌在身既丹般。賀維相比起坦克更敢換人。坦克整場只係72分鐘用華舒福入替C朗拿度，位換位換人並冇嘗試更改陣式或者進攻模式。踢左70分鐘都見唔到隊波係組織上有咩改善，其實係需要放手一搏。何不抽起費特改踢雙箭頭？縮般奴落一格拍卡斯美路派牌？後場保持兩中堅加一對防中，將二閘再壓前嘗試打穿邊路。如再冇起色，加拿祖同伊蘭加亦可換走一對翼，加強邊線活力。人腳唔係冇，但唔肯換唔肯試咪就係呢場波咁。福仔出黎都有一下突破越位傳中，可惜費特再次射斜，錯失今場鮮有既黃金機會。福仔最後階段既頭鎚亦唔中目標。最後，雙方都冇威脅攻門，零比零和局收場。
《總結》
先講紐卡素，冇左聖麥斯文係邊路側擊對佢地影響甚大。呢場如果佢冇傷，絕對有條件係左路玩謝達洛治。中場祖寧頓同朗史達夫都係工兵型球員，要將隊波提升需要係中場入手，購買一兩個技術型做波型球員先可以令攻力提升。曼聯方面，整場波有兩下都可以判十二碼既犯規，但球證同VAR都冇任何表示。不過就算俾十二碼你而你又射入埋贏埋，場波都係要鬧。缺少艾歷臣令中場組織力大減，費特難以移後到左中堅位置交具穿透力直線，推前佢又缺乏持球推進突破力，交到波俾隊友已經還神，就唔好講有創造力，射波更可以冇腳中龍。進攻要贏波出佢既話，真係好難攪。小弟認為冇艾歷臣就需要縮般奴落一格，先可以解決中場組織力弱既問題。前場改踢雙箭頭應有利C朗拿度發揮。見到今場坦克起用辛祖同梳爾都令我感到安慰，起碼佢會知道邊個體能好狀態好就要用，唔係死用勝利十一人。下場周中硬碰熱刺，如果再用呢套戰術，或者又會大敗一場。睇下坦克會唔會針對性部署啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/