費特：知我咩料啦（賽後分析-曼聯對熱刺）
坦克排出4-2-3-1陣式。門將迪基亞。防線由左至右係梳爾-馬天尼斯-華拉尼-達洛治。費特拍卡斯美路出任防中。左右翼係辛祖同安東尼聯同攻擊中場般奴費南迪斯支援華舒福攻堅。
干地排出5-3-2陣式。門將羅列斯。防線由左至右係佩列錫-賓戴維斯-迪亞-羅美路-杜靴迪。中場線由左至右係靴爾保-比蘇馬-比坦古亞。前線孖寶繼續係孫興慜拍哈利簡尼。
《坦克有針對部署，高效既高位逼搶贏左主導權》
要讚坦克今場係高位逼搶明顯有針對部署，排面擺4-2-3-1，實際係推前費特踢4-3-3，卡斯美路稍為逗後。坦克知道熱刺會以5-3-2迎戰，進攻時三名中堅拉闊，兩翼衛推前，中場三人左中右負責中場連接。坦克安排前場三人負責防守三名中堅，而中場般奴費特卡斯美路則負責位對位式去壓迫對方三名中場（卡斯美路都會離開逗後防中位），逼對面係後場放長傳俾簡尼同孫仔去停。華拉尼同馬天尼斯則一人招呼一個，就算佢地移後幫波都照跟。二閘則睇情況，強邊閘會推前幫手壓迫翼衛，另一個則留守準備補位。高效既前場壓迫加上華拉尼同屠夫極高效凍結簡尼同孫仔，熱刺前場二人停波極困難下，曼聯上半場完全搶到主導權。
干地則冇選擇如對曼城採用超低位防守，嘗試推前整隊係前場壓迫曼聯，但因5-3-2陣式，邊路既壓迫往往只能靠翼衛，而曼聯總有閘加翼係邊路，逼使邊中場要過黎邊路協防，就令到中場中路既空間多左。曼聯多次係後場邊路一個斜線俾中間就湯開熱刺中前場既壓迫，再利用前場空間進襲。
當熱刺落入陣地戰時，前場會留孫簡二人係中場線附近，並冇將二人都縮到去自己三閘線防守。防線多次縮到入禁區內，而三人中場亦過份縮窄同防線間距離，想防止曼聯係小範圍打高速小組突破，令到禁區頂範圍有極多空間俾曼聯球員外圍放冷箭。
《費特：知我咩料啦》
基於干地既陣式同防守縮得太後，坦克加以利用，左路以辛祖持球嘗試突破，左閘梳爾頻頻後上，逼熱刺三人中場線右移協防杜靴迪，曼聯再以快速轉向，圍住禁區邊轉邊到右路安東尼去突破埋門。如禁區頂冇人防守就會嘗試放外圍冷箭。安東尼、般奴同卡斯美路，甚至費特都有係禁區頂外圍起腳，要不是羅列斯集中撲出幾下險球，曼聯早早已先開記錄。今場極需要表揚費特，今仗明顯推前佢進攻左路，佢無論傳送還是後上埋門同上場比較係天淵之別，更有一下靚直線俾福仔射門。防守既覆蓋面同逼搶跑動都幫曼聯全面贏得中場控制權。上半場曼聯更獲得19射5中既驚人數據；熱刺僅得5射1中，迪基亞難得非常清閑。曼聯上半場瘋狂圍攻下，但都未能射破羅列斯十指關，只能零比零結束。
《坦克努力有回報，干地究竟係發現唔到問題定係覺得冇問題》
下半場干地竟然未有任何調動，坦克踢得好就不變應萬變。僅兩分鐘，曼聯係中場一次逼搶成功打反擊，安東尼右路禁區頂內切入中路傳俾對面海辛祖。辛祖捽左兩下橫傳俾後上費特掃把腳撞射。個波省中賓戴維斯改變方向入網，領先一比零。雖然射得麻麻，但勝在有幸運之神眷顧。努力係有回報，終於打破僵局。落後下既熱刺唔見有任何起色，繼續都係俾曼聯圍住踢。踢到69分鐘，都係右路安東尼內切斜傳俾插入既般奴。力水大左少少俾對方攔到，個波波子機彈高左，費特竟然想心口一控再用腳一剔扭過迪亞，個波咁岩又撞到迪亞隻腳彈左去般奴前面，set左個炮台俾佢輕鬆盪射尾柱入網。費特都算間接助攻，可惜間接助攻係FPL冇分。領先兩球後既曼聯都開始慢落黎踢消耗戰，球員體能都開始跌watt就少左跑動走位。坦克76分鐘用麥湯文尼換走安東尼加強中路防守。干地要去到82分鐘先第一次換人，唔知佢心入面盤算緊咩。隊波攻守都出現極大問題，但都唔早早調動，場上戰術亦唔見有好大變化。佢一口氣換入摩拉、山齊士同沙色朗改踢番5-2-3，落後兩球加上時間無多，再加上曼聯球員打起左信心，要寄望一轉陣就即刻追得番唔係咁易。坦克再係87分鐘換入伊蘭加同艾歷臣踩下草。干地最後換入史賓斯同史傑比都係踩下草為主。最後場雞一響，曼聯以二比零極具說服力地擊敗熱刺。
《總結》
坦克成功部署令到干地既熱刺全無還擊之力。最功不可沒我認為係一對中堅，完全凍結左對方一對箭頭，令到前場球員可以放心上前進攻。無名英雄會係卡斯美路，無論係逼搶、單防，還是補位用犯規整停對手反擊都做到接近完美。美中不足係禁區頂射門差兩個波位就入波。贏波功臣當然要再讚費特，今場表現實在係驚為天人，知你咩料啦今場。希望費特黎緊都保持到今場既表現。安東尼既加盟令到其他翼鋒都多左射門欲絕對係好事。今場福仔都有幾個機會，可惜過唔到羅列斯。題外話，C朗係比賽末段未完場就走人，對球隊黎講絕對係一個極唔尊重既行為。就算贏緊唔出你或者係想你留力踢車路士，你咁樣走左，下場只會更加冇機會出場。坦克話會同佢傾傾，都唔知有乜好傾，但都希望佢地既對話可以解決到C朗既問題，畢竟密集賽程加上馬仔斷斷續續既傷病都需要C朗去輪換保持球隊攻力。下場對車路士，繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
干地排出5-3-2陣式。門將羅列斯。防線由左至右係佩列錫-賓戴維斯-迪亞-羅美路-杜靴迪。中場線由左至右係靴爾保-比蘇馬-比坦古亞。前線孖寶繼續係孫興慜拍哈利簡尼。
《坦克有針對部署，高效既高位逼搶贏左主導權》
要讚坦克今場係高位逼搶明顯有針對部署，排面擺4-2-3-1，實際係推前費特踢4-3-3，卡斯美路稍為逗後。坦克知道熱刺會以5-3-2迎戰，進攻時三名中堅拉闊，兩翼衛推前，中場三人左中右負責中場連接。坦克安排前場三人負責防守三名中堅，而中場般奴費特卡斯美路則負責位對位式去壓迫對方三名中場（卡斯美路都會離開逗後防中位），逼對面係後場放長傳俾簡尼同孫仔去停。華拉尼同馬天尼斯則一人招呼一個，就算佢地移後幫波都照跟。二閘則睇情況，強邊閘會推前幫手壓迫翼衛，另一個則留守準備補位。高效既前場壓迫加上華拉尼同屠夫極高效凍結簡尼同孫仔，熱刺前場二人停波極困難下，曼聯上半場完全搶到主導權。
干地則冇選擇如對曼城採用超低位防守，嘗試推前整隊係前場壓迫曼聯，但因5-3-2陣式，邊路既壓迫往往只能靠翼衛，而曼聯總有閘加翼係邊路，逼使邊中場要過黎邊路協防，就令到中場中路既空間多左。曼聯多次係後場邊路一個斜線俾中間就湯開熱刺中前場既壓迫，再利用前場空間進襲。
當熱刺落入陣地戰時，前場會留孫簡二人係中場線附近，並冇將二人都縮到去自己三閘線防守。防線多次縮到入禁區內，而三人中場亦過份縮窄同防線間距離，想防止曼聯係小範圍打高速小組突破，令到禁區頂範圍有極多空間俾曼聯球員外圍放冷箭。
《費特：知我咩料啦》
基於干地既陣式同防守縮得太後，坦克加以利用，左路以辛祖持球嘗試突破，左閘梳爾頻頻後上，逼熱刺三人中場線右移協防杜靴迪，曼聯再以快速轉向，圍住禁區邊轉邊到右路安東尼去突破埋門。如禁區頂冇人防守就會嘗試放外圍冷箭。安東尼、般奴同卡斯美路，甚至費特都有係禁區頂外圍起腳，要不是羅列斯集中撲出幾下險球，曼聯早早已先開記錄。今場極需要表揚費特，今仗明顯推前佢進攻左路，佢無論傳送還是後上埋門同上場比較係天淵之別，更有一下靚直線俾福仔射門。防守既覆蓋面同逼搶跑動都幫曼聯全面贏得中場控制權。上半場曼聯更獲得19射5中既驚人數據；熱刺僅得5射1中，迪基亞難得非常清閑。曼聯上半場瘋狂圍攻下，但都未能射破羅列斯十指關，只能零比零結束。
《坦克努力有回報，干地究竟係發現唔到問題定係覺得冇問題》
下半場干地竟然未有任何調動，坦克踢得好就不變應萬變。僅兩分鐘，曼聯係中場一次逼搶成功打反擊，安東尼右路禁區頂內切入中路傳俾對面海辛祖。辛祖捽左兩下橫傳俾後上費特掃把腳撞射。個波省中賓戴維斯改變方向入網，領先一比零。雖然射得麻麻，但勝在有幸運之神眷顧。努力係有回報，終於打破僵局。落後下既熱刺唔見有任何起色，繼續都係俾曼聯圍住踢。踢到69分鐘，都係右路安東尼內切斜傳俾插入既般奴。力水大左少少俾對方攔到，個波波子機彈高左，費特竟然想心口一控再用腳一剔扭過迪亞，個波咁岩又撞到迪亞隻腳彈左去般奴前面，set左個炮台俾佢輕鬆盪射尾柱入網。費特都算間接助攻，可惜間接助攻係FPL冇分。領先兩球後既曼聯都開始慢落黎踢消耗戰，球員體能都開始跌watt就少左跑動走位。坦克76分鐘用麥湯文尼換走安東尼加強中路防守。干地要去到82分鐘先第一次換人，唔知佢心入面盤算緊咩。隊波攻守都出現極大問題，但都唔早早調動，場上戰術亦唔見有好大變化。佢一口氣換入摩拉、山齊士同沙色朗改踢番5-2-3，落後兩球加上時間無多，再加上曼聯球員打起左信心，要寄望一轉陣就即刻追得番唔係咁易。坦克再係87分鐘換入伊蘭加同艾歷臣踩下草。干地最後換入史賓斯同史傑比都係踩下草為主。最後場雞一響，曼聯以二比零極具說服力地擊敗熱刺。
《總結》
坦克成功部署令到干地既熱刺全無還擊之力。最功不可沒我認為係一對中堅，完全凍結左對方一對箭頭，令到前場球員可以放心上前進攻。無名英雄會係卡斯美路，無論係逼搶、單防，還是補位用犯規整停對手反擊都做到接近完美。美中不足係禁區頂射門差兩個波位就入波。贏波功臣當然要再讚費特，今場表現實在係驚為天人，知你咩料啦今場。希望費特黎緊都保持到今場既表現。安東尼既加盟令到其他翼鋒都多左射門欲絕對係好事。今場福仔都有幾個機會，可惜過唔到羅列斯。題外話，C朗係比賽末段未完場就走人，對球隊黎講絕對係一個極唔尊重既行為。就算贏緊唔出你或者係想你留力踢車路士，你咁樣走左，下場只會更加冇機會出場。坦克話會同佢傾傾，都唔知有乜好傾，但都希望佢地既對話可以解決到C朗既問題，畢竟密集賽程加上馬仔斷斷續續既傷病都需要C朗去輪換保持球隊攻力。下場對車路士，繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/