贏波唔代表夠踢（賽後分析-皇家蘇斯達對曼聯）
《點評正選陣容》
呢場淨勝唔到兩球就要踢淘汰賽附加賽既曼聯，坦克選擇起用左幾位較少上陣既球員踢正選。門將都係迪基亞。防線起用連迪路夫拍馬天尼斯，左右二閘係梳爾同達洛治。平排中場係艾歷臣同卡斯美路。左翼起用上場歐霸盃有好表現既加拿祖；右翼則用上般奴費南迪斯。攻擊中場雲迪碧克支援C朗拿度進攻。缺少安東尼下，坦克都有試過擺般奴踢右翼，希望利用佢具質數既傳中供應俾搶點力佳頭鎚好既C朗拿度攻門。攻中起用雲迪碧克則想利用佢跑動範圍大、後上插入意識高、幫波意識同隊友打小組配合強既特點，幫手係中路組織進攻。防線則變動不多，中堅二選一下揀用冰人，應該覺得佢既速度比麥隊長為佳，較岩踢高位逼搶。前鋒則想靠C朗既把握力數糊。
《皇蘇菱形中場攪到坦克亂晒龍》
皇蘇同上場一樣都係踢4-4-2既菱形中場配置，皇蘇深知小組形勢，拎到波就同你嘆慢板，利用後場有系統有信心既猜傳，等你曼聯上黎逼再集中打兩側空間。上半場多次見到左中場中既梅里路主動走入中路拉走卡斯美路，兩個中鋒連同攻中馬連一對一牽制一對中堅加埋右閘達洛治，逼使冰人跟到中場，而達洛治則要收中協防，龍門或中堅放長波到左路進攻，明顯有部署進攻曼聯右路。前場逼搶方面亦相當湊巧，艾歷臣被緊身招呼，冇時間可以梳理到中後場組織；般奴係右路缺乏速度，亦缺乏背身護波轉身去突破對手既能力；迪基亞用波能力較弱既問題亦被明顯放大；雲迪碧克同艾歷臣默契未足，兩者建立唔到連線，令曼聯係中後場無法順利運個波上前場，只能大腳向前靠C朗係前點去頂去撞，呢個亦唔係佢專長，所以整個上半場曼聯不論陣式定係戰術都被皇蘇食住。
《輸形勢但入波先》
雖然形勢上曼聯完全處於下風，但入波機會得一個就入到波。17分鐘，迪基亞長傳右路俾般奴，佢竟然跳贏仲頂到俾中路C朗拿度，少有地C朗係中路冇人mark情況下轉身腳面彈去左路入楔既加拿祖，佢一控一推入禁區就用左腳射高波入網。整個動作一氣呵成，頭17分鐘要數曼聯最活躍既中前場球員就淨係數到佢。踢到17分鐘，曼聯都係得呢一下反擊，亦係得呢一下射門就入波，亦靠呢一球贏波。上半場完全係皇蘇主導，除左放長波進攻右閘位，皇蘇亦嘗試係中路利用人數優勢猜傳用地波進攻兩側。不過入肉攻勢要去到尾段，要不是迪基亞作出二連救，曼聯已經要由頭黎過。上半場，完。
《坦克變陣先守穩再變陣強攻》
下半場雙方都未有作出調動，但皇蘇就更改戰術，不再嘗試地面猜傳，改以兩側傳中去轟炸高度不足既曼聯後場；坦克就放棄前場高位逼搶，改係中場線等你黎。踢到58分鐘，坦克用麥湯文尼同華舒福換入冇表現既雲迪碧克同連迪路夫，變陣3-3-3-1搶中場。後防變三中堅，但踢落更似係一個冇右閘既三人防線。卡斯美路繼續逗後，左右中場中係艾歷臣同麥湯文尼，聯同攻擊中場華舒福，接近一個菱形中場去應對番皇蘇既4人中場，兩翼仍然係加拿祖同般奴支援C朗。從坦克角度，球隊需要繼續爭取入球又唔想抽走前線球員換中場去搶中場。呢一著其實變得可以，因為皇蘇前場球員並唔係以個人突破力為主，坦克信任後場三人單防能力，再增加中場球員嘗試搶番主導權。唯一既困難係點防守梳洛夫既制空權，而換完人踢出黎既效果唔太差，中場多左人去搶亦減少左後場受壓情況，場上形勢變得膠著。踢到82分鐘，坦克再用費特同麥佳亞入替加拿祖同艾歷臣。C朗同麥佳亞組成雙箭頭，將左路交晒俾梳爾出波，改踢後場高Q大棍兩翼側擊出波俾箭頭進攻。麥佳亞既出場令皇蘇集中左注意力去守佢，其他人就嘗試放長波等C朗去升。呢個變動唔算太湊巧，只有卡斯美路禁區內射門嚇一嚇皇蘇。雖然曼聯一比零贏波，但都只能次名出線踢淘汰賽附加賽。
《總結》
整場波都俾皇蘇食住，贏到波已經算執到。對住西甲球隊既控傳，曼聯係高位逼搶上佔唔到甜頭，坦克仍需係系統上繼續改善。今場嘗試起用雲迪碧克，因中後場完全用唔到波下，佢既作用難以發揮，但佢亦絕對需要係場上諗辦法證明自己係攻中位置上可以比般奴更好。加拿祖則再次證明有力挑戰左翼正選席位，分分鐘周末更有機會正選出戰維拉。最後，歐霸盃只能希望抽波仔抽好D，睇下避唔避到強隊再講！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
呢場淨勝唔到兩球就要踢淘汰賽附加賽既曼聯，坦克選擇起用左幾位較少上陣既球員踢正選。門將都係迪基亞。防線起用連迪路夫拍馬天尼斯，左右二閘係梳爾同達洛治。平排中場係艾歷臣同卡斯美路。左翼起用上場歐霸盃有好表現既加拿祖；右翼則用上般奴費南迪斯。攻擊中場雲迪碧克支援C朗拿度進攻。缺少安東尼下，坦克都有試過擺般奴踢右翼，希望利用佢具質數既傳中供應俾搶點力佳頭鎚好既C朗拿度攻門。攻中起用雲迪碧克則想利用佢跑動範圍大、後上插入意識高、幫波意識同隊友打小組配合強既特點，幫手係中路組織進攻。防線則變動不多，中堅二選一下揀用冰人，應該覺得佢既速度比麥隊長為佳，較岩踢高位逼搶。前鋒則想靠C朗既把握力數糊。
《皇蘇菱形中場攪到坦克亂晒龍》
皇蘇同上場一樣都係踢4-4-2既菱形中場配置，皇蘇深知小組形勢，拎到波就同你嘆慢板，利用後場有系統有信心既猜傳，等你曼聯上黎逼再集中打兩側空間。上半場多次見到左中場中既梅里路主動走入中路拉走卡斯美路，兩個中鋒連同攻中馬連一對一牽制一對中堅加埋右閘達洛治，逼使冰人跟到中場，而達洛治則要收中協防，龍門或中堅放長波到左路進攻，明顯有部署進攻曼聯右路。前場逼搶方面亦相當湊巧，艾歷臣被緊身招呼，冇時間可以梳理到中後場組織；般奴係右路缺乏速度，亦缺乏背身護波轉身去突破對手既能力；迪基亞用波能力較弱既問題亦被明顯放大；雲迪碧克同艾歷臣默契未足，兩者建立唔到連線，令曼聯係中後場無法順利運個波上前場，只能大腳向前靠C朗係前點去頂去撞，呢個亦唔係佢專長，所以整個上半場曼聯不論陣式定係戰術都被皇蘇食住。
《輸形勢但入波先》
雖然形勢上曼聯完全處於下風，但入波機會得一個就入到波。17分鐘，迪基亞長傳右路俾般奴，佢竟然跳贏仲頂到俾中路C朗拿度，少有地C朗係中路冇人mark情況下轉身腳面彈去左路入楔既加拿祖，佢一控一推入禁區就用左腳射高波入網。整個動作一氣呵成，頭17分鐘要數曼聯最活躍既中前場球員就淨係數到佢。踢到17分鐘，曼聯都係得呢一下反擊，亦係得呢一下射門就入波，亦靠呢一球贏波。上半場完全係皇蘇主導，除左放長波進攻右閘位，皇蘇亦嘗試係中路利用人數優勢猜傳用地波進攻兩側。不過入肉攻勢要去到尾段，要不是迪基亞作出二連救，曼聯已經要由頭黎過。上半場，完。
《坦克變陣先守穩再變陣強攻》
下半場雙方都未有作出調動，但皇蘇就更改戰術，不再嘗試地面猜傳，改以兩側傳中去轟炸高度不足既曼聯後場；坦克就放棄前場高位逼搶，改係中場線等你黎。踢到58分鐘，坦克用麥湯文尼同華舒福換入冇表現既雲迪碧克同連迪路夫，變陣3-3-3-1搶中場。後防變三中堅，但踢落更似係一個冇右閘既三人防線。卡斯美路繼續逗後，左右中場中係艾歷臣同麥湯文尼，聯同攻擊中場華舒福，接近一個菱形中場去應對番皇蘇既4人中場，兩翼仍然係加拿祖同般奴支援C朗。從坦克角度，球隊需要繼續爭取入球又唔想抽走前線球員換中場去搶中場。呢一著其實變得可以，因為皇蘇前場球員並唔係以個人突破力為主，坦克信任後場三人單防能力，再增加中場球員嘗試搶番主導權。唯一既困難係點防守梳洛夫既制空權，而換完人踢出黎既效果唔太差，中場多左人去搶亦減少左後場受壓情況，場上形勢變得膠著。踢到82分鐘，坦克再用費特同麥佳亞入替加拿祖同艾歷臣。C朗同麥佳亞組成雙箭頭，將左路交晒俾梳爾出波，改踢後場高Q大棍兩翼側擊出波俾箭頭進攻。麥佳亞既出場令皇蘇集中左注意力去守佢，其他人就嘗試放長波等C朗去升。呢個變動唔算太湊巧，只有卡斯美路禁區內射門嚇一嚇皇蘇。雖然曼聯一比零贏波，但都只能次名出線踢淘汰賽附加賽。
《總結》
整場波都俾皇蘇食住，贏到波已經算執到。對住西甲球隊既控傳，曼聯係高位逼搶上佔唔到甜頭，坦克仍需係系統上繼續改善。今場嘗試起用雲迪碧克，因中後場完全用唔到波下，佢既作用難以發揮，但佢亦絕對需要係場上諗辦法證明自己係攻中位置上可以比般奴更好。加拿祖則再次證明有力挑戰左翼正選席位，分分鐘周末更有機會正選出戰維拉。最後，歐霸盃只能希望抽波仔抽好D，睇下避唔避到強隊再講！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/