新官上任燒死你 (賽後分析-維拉對曼聯)
艾馬利排出4-4-2陣式。龍門馬天尼斯。防線左至右係迪尼-明斯-干沙-卡殊。中場線左至右係布安迪亞-雷斯-丹當卡-積及藍斯。前線用庇利拍屈堅斯。
坦克排出4-2-3-1陣式。龍門迪基亞。防線由左至右係梳爾-馬天尼斯-連迪路夫-達洛治。艾歷臣拍卡斯美路踢防中，攻擊中場用雲迪碧克。左右翼係加拿祖同華舒福支援前鋒C朗拿度。
《艾馬利肯定有睇皇蘇場波；坦克高位逼搶形同虛設》
艾馬利接掌維拉幾日，今場明顯有針對性戰術部署，布安迪亞同積及藍斯都並非翼鋒球員，兩個缺乏邊路爆破力，但兩人都善長係中場中路活動。積及藍斯好氣好力，活動範圍大；布安迪亞係做波型球員，善於穿針引線較炮。艾馬利係進攻上改用4-4-2菱形中場陣式，將布仔移入中路變攻中，雷斯就推前少少補一補左路，右中場中則交俾積及藍斯負責，丹當卡稍稍逗後串連中後場。兩側交俾助攻力強既二閘進攻。進攻組織由後場開始，用波唔駛急，最緊要慢，利用埋門將馬天尼斯用波，引曼聯上黎逼搶，就放長波到邊線進攻左右路空間；高位逼搶時則用攻中位守閘位，左右中場中其一去守卡斯美路；另一個則係守艾歷臣，逗後防中跟前準備補位或追截雲迪碧克。二閘就緊釘曼聯左右翼。當曼聯成功推進到中場，維拉會果斷放棄逼搶，布仔同藍斯會去番左右中場位協防二閘，整隊踢番傳統4-4-2，成隊艾馬利西甲黃色潛艇咁。如有睇小弟對皇蘇既賽後分析，就會見到場波係倒模咁。艾馬利，肯定有睇果場波。
坦克今場繼續用C朗踢箭頭，但好老實佢唔鍾意逼搶或整隊要遷就佢去更改逼搶模式，嚴重影響全隊係高位逼搶既效率，再直接講係形同虛設。對方用埋門將去用波，因坦克要遷就C朗，往往兩翼既企位壓前收中去幫手壓迫一對中堅，變成翼鋒並非企士碌架位，要一個追兩個，令維拉二閘有極多時間同空間去諗點進攻。C朗亦唔會好主動去壓迫門將，令馬天尼斯可以睇到定踢兩側，多次見到加拿祖同華舒福要狂奔番閘位幫手防守。對方踢雙箭頭亦令達洛治同梳爾冇可能壓太前去逼搶對方閘位。基本上維拉二閘一拎到波，就已經可以直接踢過頭直線，等庇利一個人去爆去扭去玩弄曼聯後防。中場亦被人overload，被人輕鬆打兩三下短再向前一湯就穿；回防速率亦因體能問題而唔夠快，防中位失去屏障，令防線多次要直接面對維拉中前場球員進攻。上場對皇蘇已經見到高位逼搶有呢個問題，只要對方踢雙箭頭肯用下波，已經輕鬆破解曼聯「咁」既逼搶。進攻上缺少左般奴指揮，雲迪碧克揸緊隱形戰機；福仔改踢右路亦嚴重影響發揮。後場build-up唔到，做波都有困難，就唔好講入波。
《維拉半場火速領先；曼聯負碌保持反勝機會》
分析完兩隊部署就知戰情係點，維拉火速係7分鐘已經憑庇利係中路接應藍斯直線，射尾柱得手先開記錄。要讚庇利一控再一推既線路，利用右邊膊頭少少擔住屠夫起左腳射。如果個波稍稍推左入中間，屠夫係有機會飛落去剷到。再讚屈堅斯係左路停波再擺脫冰人入中間，令曼聯防線企位錯晒，再俾到藍斯交直線。11分鐘，維拉前場逼搶成功，令曼聯猜傳出現失誤，逼到梳爾係左路禁區邊犯規，再由迪尼妙射罰球建功，火速領先二比零。曼聯連猜波都有困難，進攻嚴重乏力，整個上半場除左加拿祖係左路好積極嘗試突破卡殊落底，其他人走位用波突破都見唔到，只得C朗有一下難得接應到傳中頭鎚攻門，但質素絕對係水準以下。幸運之神眷顧下，補時階段梳爾禁區k角位求其窩利一抽，個波省中藍斯改變方向入網。咁惡劣形勢下，竟然負碌追番一球，對曼聯黎講絕對係好事。上半場，完。
《坦克一變又輸多球；艾馬利守下守下就完場》
下半場坦克係進攻上嘗試推前艾歷臣上一格幫手係左面進攻，有別之前會留佢係後場幫手運波上前。點知一變又輸多粒，49分鐘，明斯後場大腳解圍，馬天尼斯頭鎚失誤頂左俾人，屈堅斯左路係咁推，然後地波傳中cut-back俾後上既藍斯輕鬆撞射入網。要搵戰犯就要搵屠夫啦，好難去責怪中前場球員係果個距離下可以番到後場協防。要讚布安迪亞，佢一路向前跑令艾歷臣一定要跟，清空左中間禁區頂俾藍斯望住黎射。坦克係65分鐘一口氣換入馬拿斯亞、馬斯亞同伊蘭加，調番福仔踢左路，馬仔同C朗算踢雙箭頭，嘗試加強攻力；艾馬利則係70分鐘換入麥堅，轉陣4-5-1加強防守，再係78-79分鐘換入楊格、卡馬拉同丹尼京斯保持球隊活力。最後90分鐘桑遜既入替則屬拖延時間性質。曼聯換完人後，見到馬斯亞明顯缺態；伊蘭加就雪到硬晒；馬拿斯亞有活力但都幫唔到咩手。中前場欠缺創造力，加上明顯兵疲既情況，曼聯創造到既機會寥寥可數，就唔好講話有咩射門要人地個龍撲。場雞一響，艾馬利又贏曼聯，仲贏夠三個一皮。
《總結》
艾馬利第一場回歸就省靚招牌，睇黎佢比較適合教中型班。針對性部署，將士用命，加上體能佔優下，輕鬆擊敗來訪既曼聯。坦克再次顯示到佢未有方法應對對方雙箭頭加菱形中場陣式。佢罰左C朗停賽一場之後，曾同對方開會，開會後C朗連續四場獲得正選。歐霸盃佢踢正選我冇乜意見，但表現其實乏善可陳，而對皇蘇同呢場都明顯見到佢回晒塘啦，加上要遷就佢去更改逼搶模式，令到隊波係呢兩場都進退失據（對西咸場波都唔係踢得好）。坦克，唔通又有裸照係C朗手？如果下兩場都仍然繼續起用冇表現既佢踢正選，之前輸波陪跑然後建立既權威恐怕會前功盡廢。雲迪碧克再次消失球場，唔好話蘇b定係蘭sir雪你，依家你跟恩師踢都踢到咁，就肯定唔係領隊問題啦。相信下場聯賽盃佢都會繼續正選，要證明下自己啦。下場周中聯賽盃再戰維拉，睇下番主場又可唔可以復仇成功！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
坦克排出4-2-3-1陣式。龍門迪基亞。防線由左至右係梳爾-馬天尼斯-連迪路夫-達洛治。艾歷臣拍卡斯美路踢防中，攻擊中場用雲迪碧克。左右翼係加拿祖同華舒福支援前鋒C朗拿度。
《艾馬利肯定有睇皇蘇場波；坦克高位逼搶形同虛設》
艾馬利接掌維拉幾日，今場明顯有針對性戰術部署，布安迪亞同積及藍斯都並非翼鋒球員，兩個缺乏邊路爆破力，但兩人都善長係中場中路活動。積及藍斯好氣好力，活動範圍大；布安迪亞係做波型球員，善於穿針引線較炮。艾馬利係進攻上改用4-4-2菱形中場陣式，將布仔移入中路變攻中，雷斯就推前少少補一補左路，右中場中則交俾積及藍斯負責，丹當卡稍稍逗後串連中後場。兩側交俾助攻力強既二閘進攻。進攻組織由後場開始，用波唔駛急，最緊要慢，利用埋門將馬天尼斯用波，引曼聯上黎逼搶，就放長波到邊線進攻左右路空間；高位逼搶時則用攻中位守閘位，左右中場中其一去守卡斯美路；另一個則係守艾歷臣，逗後防中跟前準備補位或追截雲迪碧克。二閘就緊釘曼聯左右翼。當曼聯成功推進到中場，維拉會果斷放棄逼搶，布仔同藍斯會去番左右中場位協防二閘，整隊踢番傳統4-4-2，成隊艾馬利西甲黃色潛艇咁。如有睇小弟對皇蘇既賽後分析，就會見到場波係倒模咁。艾馬利，肯定有睇果場波。
坦克今場繼續用C朗踢箭頭，但好老實佢唔鍾意逼搶或整隊要遷就佢去更改逼搶模式，嚴重影響全隊係高位逼搶既效率，再直接講係形同虛設。對方用埋門將去用波，因坦克要遷就C朗，往往兩翼既企位壓前收中去幫手壓迫一對中堅，變成翼鋒並非企士碌架位，要一個追兩個，令維拉二閘有極多時間同空間去諗點進攻。C朗亦唔會好主動去壓迫門將，令馬天尼斯可以睇到定踢兩側，多次見到加拿祖同華舒福要狂奔番閘位幫手防守。對方踢雙箭頭亦令達洛治同梳爾冇可能壓太前去逼搶對方閘位。基本上維拉二閘一拎到波，就已經可以直接踢過頭直線，等庇利一個人去爆去扭去玩弄曼聯後防。中場亦被人overload，被人輕鬆打兩三下短再向前一湯就穿；回防速率亦因體能問題而唔夠快，防中位失去屏障，令防線多次要直接面對維拉中前場球員進攻。上場對皇蘇已經見到高位逼搶有呢個問題，只要對方踢雙箭頭肯用下波，已經輕鬆破解曼聯「咁」既逼搶。進攻上缺少左般奴指揮，雲迪碧克揸緊隱形戰機；福仔改踢右路亦嚴重影響發揮。後場build-up唔到，做波都有困難，就唔好講入波。
《維拉半場火速領先；曼聯負碌保持反勝機會》
分析完兩隊部署就知戰情係點，維拉火速係7分鐘已經憑庇利係中路接應藍斯直線，射尾柱得手先開記錄。要讚庇利一控再一推既線路，利用右邊膊頭少少擔住屠夫起左腳射。如果個波稍稍推左入中間，屠夫係有機會飛落去剷到。再讚屈堅斯係左路停波再擺脫冰人入中間，令曼聯防線企位錯晒，再俾到藍斯交直線。11分鐘，維拉前場逼搶成功，令曼聯猜傳出現失誤，逼到梳爾係左路禁區邊犯規，再由迪尼妙射罰球建功，火速領先二比零。曼聯連猜波都有困難，進攻嚴重乏力，整個上半場除左加拿祖係左路好積極嘗試突破卡殊落底，其他人走位用波突破都見唔到，只得C朗有一下難得接應到傳中頭鎚攻門，但質素絕對係水準以下。幸運之神眷顧下，補時階段梳爾禁區k角位求其窩利一抽，個波省中藍斯改變方向入網。咁惡劣形勢下，竟然負碌追番一球，對曼聯黎講絕對係好事。上半場，完。
《坦克一變又輸多球；艾馬利守下守下就完場》
下半場坦克係進攻上嘗試推前艾歷臣上一格幫手係左面進攻，有別之前會留佢係後場幫手運波上前。點知一變又輸多粒，49分鐘，明斯後場大腳解圍，馬天尼斯頭鎚失誤頂左俾人，屈堅斯左路係咁推，然後地波傳中cut-back俾後上既藍斯輕鬆撞射入網。要搵戰犯就要搵屠夫啦，好難去責怪中前場球員係果個距離下可以番到後場協防。要讚布安迪亞，佢一路向前跑令艾歷臣一定要跟，清空左中間禁區頂俾藍斯望住黎射。坦克係65分鐘一口氣換入馬拿斯亞、馬斯亞同伊蘭加，調番福仔踢左路，馬仔同C朗算踢雙箭頭，嘗試加強攻力；艾馬利則係70分鐘換入麥堅，轉陣4-5-1加強防守，再係78-79分鐘換入楊格、卡馬拉同丹尼京斯保持球隊活力。最後90分鐘桑遜既入替則屬拖延時間性質。曼聯換完人後，見到馬斯亞明顯缺態；伊蘭加就雪到硬晒；馬拿斯亞有活力但都幫唔到咩手。中前場欠缺創造力，加上明顯兵疲既情況，曼聯創造到既機會寥寥可數，就唔好講話有咩射門要人地個龍撲。場雞一響，艾馬利又贏曼聯，仲贏夠三個一皮。
《總結》
艾馬利第一場回歸就省靚招牌，睇黎佢比較適合教中型班。針對性部署，將士用命，加上體能佔優下，輕鬆擊敗來訪既曼聯。坦克再次顯示到佢未有方法應對對方雙箭頭加菱形中場陣式。佢罰左C朗停賽一場之後，曾同對方開會，開會後C朗連續四場獲得正選。歐霸盃佢踢正選我冇乜意見，但表現其實乏善可陳，而對皇蘇同呢場都明顯見到佢回晒塘啦，加上要遷就佢去更改逼搶模式，令到隊波係呢兩場都進退失據（對西咸場波都唔係踢得好）。坦克，唔通又有裸照係C朗手？如果下兩場都仍然繼續起用冇表現既佢踢正選，之前輸波陪跑然後建立既權威恐怕會前功盡廢。雲迪碧克再次消失球場，唔好話蘇b定係蘭sir雪你，依家你跟恩師踢都踢到咁，就肯定唔係領隊問題啦。相信下場聯賽盃佢都會繼續正選，要證明下自己啦。下場周中聯賽盃再戰維拉，睇下番主場又可唔可以復仇成功！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/