唔會輸俾同一隊，Twice（聯賽盃賽後分析-曼聯對維拉）
坦克排出4-3-3陣式。龍門杜巴卡。防線由左至右係馬拿斯亞-連迪路夫-麥佳亞-達洛治。麥湯文尼逗後，左右中場中係費特同雲迪碧克。左右翼係華舒福同般奴費南迪斯支援馬斯亞攻堅。
艾馬利排出4-4-2陣式。龍門奧臣。防線由左至右係奧古斯甸臣-張伯斯-干沙-楊格。中場線由左至右係麥堅-雷斯-卡馬夏-積及藍斯。前線孖寶係屈堅斯拍丹尼京斯。
《艾馬利食過番尋味；坦克再傻都知要變》
艾馬利上場套戰術用得咁成功，今場照辦煮碗再黎過。只係佢呢場作出幾大幅度去輪換，或者係想用呢場睇下其他球員咩料子，睇下岩唔岩佢用。坦克上場輸左獲甘，特別係前場逼搶失效引致後場崩潰。今場明顯有改變，陣式改為4-3-3，前鋒線起用會跑去逼搶既馬斯亞，取代散步逼搶C朗。馬仔今場盡量先逼一個中堅回傳俾門將，再孤線壓迫去逼使奧臣要大腳清或者轉方向俾另一個中堅，跟住馬仔就聯同一邊既翼鋒去逼對方。兩翼並冇好似上場咁企位對中堅，仲要幫手追二閘；今次企番閘位同中堅位之間既士碌架位去捕，等馬仔發動就一齊去逼。維拉今場後防大變動，加上奧臣既用波能力確實比馬天尼斯弱，所以曼聯上半場既逼搶甚為有效，多次逼到對方要大腳清又或者係後場因受壓引致傳球失誤而搶到控球權。搶到主導權，後防自然冇乜壓力，所以上半場後防都算幾清閒。防守冇問顯，進攻就大大問題。睇數據上半場有接近6-4控球比率，但曼聯射門次數係1，仲應該係般奴係右路罰球想斬大撻變左射果下。究竟發生咩問題？下文….繼續
《點評一下部分正選球員》
杜巴卡首次代表曼聯上陣，見到佢用波都算淡定，好肯同後防搓住踢。馬拿斯亞繼續見到佢既活力，多次係左路後上插入都產生到威脅。中場麥費組合重現就絕對係呢半場點解進攻咁差既原因。麥湯始終都冇卡斯美路既vision同企位，要佢一個去踢逗後中場，串連中後場確係艱難。費特同雲迪碧克大家都齊齊向前插入多，變左冇人落番少少幫麥湯再運波上前場。中後場冇左馬天尼斯同艾歷臣，後場缺乏穿透力傳送去打穿對方中場線，個波極困難運到上對方三閘線，只能透過後場踢兩側係邊路嘗試進攻，而維拉中場四個都係爛打型加上二閘都唔會壓太上，曼聯邊路嘗試成效不大。另外，曼聯又多以後場地波搓上去，少直接放波到對方身後去衝刺，令維拉一對中堅易於防守。馬斯亞狀態有待加強，但佢前場既逼搶，間中中路支點亦見到有佢作用。最後係雲迪碧克，今場比上場冇咁隱形，但表現都係乏善可陳。但要公道講句，你用上麥費組合，連運波上前都有問題，好難祈求雲迪碧克幫你係前場做拉扯做小組彈波入禁區進攻。佢不嬲都唔係較炮型中場，踢法亦比較另類，要時間同隊友建立默契，但前設係佢後面起碼要有艾歷臣幫佢運波上前，再等佢係前場做野。
《上半場鬥磨，下半場精彩》
兩隊上半場都大部分副選上陣，無論攻守都同正選有極大差異，鬥磨既情況下都冇具威脅埋門就完左。下半場兩隊繼續原班人馬踢，但坦克係進攻上有改變進攻模式，後場不再作太多短傳，改以放更多中堅身後波等前場三個去跑。不過戰術未執行到就先失一球，48分鐘係中場突然斷纜，一個反擊就俾屈堅斯攪掂領先。轉過頭一開波，坦克戰術湊效，達洛治既長波過左奧古斯甸臣頭。般奴靚走位接應，地波傳中俾後上馬斯亞射入，火速追平。59分鐘，艾馬利換入布安迪亞、庇利同明斯，加強攻守能力想贏波。2分鐘就見效，維拉一次反擊，楊格右路推進傳中到尾柱，庇利頭鎚二傳逼到達洛治擺左個烏龍，令維拉再度領先。坦克即刻用加拿祖、艾歷臣同伊蘭加換入雲迪碧克、馬斯亞同費特搏鎚。換番艾歷臣入黎，改踢番4-2-3-1，般奴一自由，隊波就流暢晒。6分鐘後，坦克戰術再次成功，馬拿斯亞後場長傳俾改踢中鋒既福仔二傳俾後上艾歷臣，維拉後衞解圍唔成功，福仔係禁區執到再射入追平。艾馬利見到加拿祖入替，就係74分鐘用卡殊換走楊格，想凍結多次。不過78分鐘，奧臣派膠，地波傳左俾加拿祖，佢隨即交俾中路既般奴，佢一控一射省中明斯入網，反超前3:2。艾馬利係80分鐘換入迪尼嘗試加強左路進攻；坦克就係82分鐘用卡斯美路換走華舒福改踢4-2-3-1加強防守，改用麥湯文尼踢攻中，卡斯美路拍艾歷臣係番中場控制節奏，而伊蘭加改踢最前。坦克係87分鐘換入馬天尼斯加強防守。加拿祖係補時階段左路靚傳中俾後上既麥湯，佢貪得盡篤到個波入網，成功反cup 4:2。
《總結》
沒有C朗的曼聯係前場壓迫會做得較好，呢個係鐵一般事實。般奴踢右翼並非唔好，但會大大限制佢既發揮。或者只能係強攻對手下，需要提供靚傳中時，先擺佢踢呢個位置會較好。雲迪碧克…唉…要佢帶住後備踢既話就難攪啦，睇下仲有冇機會俾佢同正選踢，再睇下佢交唔交到表現啦（個人覺得好睇咩隊友夾佢）踢埋下場富咸就到世界盃，坦克都唔駛再輪換，full team贏埋佢啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
艾馬利排出4-4-2陣式。龍門奧臣。防線由左至右係奧古斯甸臣-張伯斯-干沙-楊格。中場線由左至右係麥堅-雷斯-卡馬夏-積及藍斯。前線孖寶係屈堅斯拍丹尼京斯。
《艾馬利食過番尋味；坦克再傻都知要變》
艾馬利上場套戰術用得咁成功，今場照辦煮碗再黎過。只係佢呢場作出幾大幅度去輪換，或者係想用呢場睇下其他球員咩料子，睇下岩唔岩佢用。坦克上場輸左獲甘，特別係前場逼搶失效引致後場崩潰。今場明顯有改變，陣式改為4-3-3，前鋒線起用會跑去逼搶既馬斯亞，取代散步逼搶C朗。馬仔今場盡量先逼一個中堅回傳俾門將，再孤線壓迫去逼使奧臣要大腳清或者轉方向俾另一個中堅，跟住馬仔就聯同一邊既翼鋒去逼對方。兩翼並冇好似上場咁企位對中堅，仲要幫手追二閘；今次企番閘位同中堅位之間既士碌架位去捕，等馬仔發動就一齊去逼。維拉今場後防大變動，加上奧臣既用波能力確實比馬天尼斯弱，所以曼聯上半場既逼搶甚為有效，多次逼到對方要大腳清又或者係後場因受壓引致傳球失誤而搶到控球權。搶到主導權，後防自然冇乜壓力，所以上半場後防都算幾清閒。防守冇問顯，進攻就大大問題。睇數據上半場有接近6-4控球比率，但曼聯射門次數係1，仲應該係般奴係右路罰球想斬大撻變左射果下。究竟發生咩問題？下文….繼續
《點評一下部分正選球員》
杜巴卡首次代表曼聯上陣，見到佢用波都算淡定，好肯同後防搓住踢。馬拿斯亞繼續見到佢既活力，多次係左路後上插入都產生到威脅。中場麥費組合重現就絕對係呢半場點解進攻咁差既原因。麥湯始終都冇卡斯美路既vision同企位，要佢一個去踢逗後中場，串連中後場確係艱難。費特同雲迪碧克大家都齊齊向前插入多，變左冇人落番少少幫麥湯再運波上前場。中後場冇左馬天尼斯同艾歷臣，後場缺乏穿透力傳送去打穿對方中場線，個波極困難運到上對方三閘線，只能透過後場踢兩側係邊路嘗試進攻，而維拉中場四個都係爛打型加上二閘都唔會壓太上，曼聯邊路嘗試成效不大。另外，曼聯又多以後場地波搓上去，少直接放波到對方身後去衝刺，令維拉一對中堅易於防守。馬斯亞狀態有待加強，但佢前場既逼搶，間中中路支點亦見到有佢作用。最後係雲迪碧克，今場比上場冇咁隱形，但表現都係乏善可陳。但要公道講句，你用上麥費組合，連運波上前都有問題，好難祈求雲迪碧克幫你係前場做拉扯做小組彈波入禁區進攻。佢不嬲都唔係較炮型中場，踢法亦比較另類，要時間同隊友建立默契，但前設係佢後面起碼要有艾歷臣幫佢運波上前，再等佢係前場做野。
《上半場鬥磨，下半場精彩》
兩隊上半場都大部分副選上陣，無論攻守都同正選有極大差異，鬥磨既情況下都冇具威脅埋門就完左。下半場兩隊繼續原班人馬踢，但坦克係進攻上有改變進攻模式，後場不再作太多短傳，改以放更多中堅身後波等前場三個去跑。不過戰術未執行到就先失一球，48分鐘係中場突然斷纜，一個反擊就俾屈堅斯攪掂領先。轉過頭一開波，坦克戰術湊效，達洛治既長波過左奧古斯甸臣頭。般奴靚走位接應，地波傳中俾後上馬斯亞射入，火速追平。59分鐘，艾馬利換入布安迪亞、庇利同明斯，加強攻守能力想贏波。2分鐘就見效，維拉一次反擊，楊格右路推進傳中到尾柱，庇利頭鎚二傳逼到達洛治擺左個烏龍，令維拉再度領先。坦克即刻用加拿祖、艾歷臣同伊蘭加換入雲迪碧克、馬斯亞同費特搏鎚。換番艾歷臣入黎，改踢番4-2-3-1，般奴一自由，隊波就流暢晒。6分鐘後，坦克戰術再次成功，馬拿斯亞後場長傳俾改踢中鋒既福仔二傳俾後上艾歷臣，維拉後衞解圍唔成功，福仔係禁區執到再射入追平。艾馬利見到加拿祖入替，就係74分鐘用卡殊換走楊格，想凍結多次。不過78分鐘，奧臣派膠，地波傳左俾加拿祖，佢隨即交俾中路既般奴，佢一控一射省中明斯入網，反超前3:2。艾馬利係80分鐘換入迪尼嘗試加強左路進攻；坦克就係82分鐘用卡斯美路換走華舒福改踢4-2-3-1加強防守，改用麥湯文尼踢攻中，卡斯美路拍艾歷臣係番中場控制節奏，而伊蘭加改踢最前。坦克係87分鐘換入馬天尼斯加強防守。加拿祖係補時階段左路靚傳中俾後上既麥湯，佢貪得盡篤到個波入網，成功反cup 4:2。
《總結》
沒有C朗的曼聯係前場壓迫會做得較好，呢個係鐵一般事實。般奴踢右翼並非唔好，但會大大限制佢既發揮。或者只能係強攻對手下，需要提供靚傳中時，先擺佢踢呢個位置會較好。雲迪碧克…唉…要佢帶住後備踢既話就難攪啦，睇下仲有冇機會俾佢同正選踢，再睇下佢交唔交到表現啦（個人覺得好睇咩隊友夾佢）踢埋下場富咸就到世界盃，坦克都唔駛再輪換，full team贏埋佢啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/