久違了既絕殺（賽後分析-富咸對曼聯）
《點評曼聯正選陣容》
世界盃前最後一場球會賽事，坦克繼續排出4-2-3-1。迪基亞出任門將。達洛治停賽下，起用馬拿斯亞改任右閘，左閘交番俾梳爾。一對中堅係連迪路夫拍馬天尼斯。中場鐵三角繼續，般奴費南迪斯踢攻擊中場，艾歷臣同卡斯美路踢防中。左右翼係華舒福同伊蘭加支援馬斯亞攻堅。熱身賽都見過馬拿斯亞踢右閘，所以雲比沙加留隊既時間應該唔長了。富咸冇左米杜勞域，改為起用冰人拍屠夫都係合理選擇。右翼安東尼同辛祖都缺陣下，坦克其實都試過用般奴踢，又試過調福仔過去，但效果都係一般，所以今場試下解凍伊蘭加，又等佢試下踢右翼提供側擊。前鋒馬仔傷癒加上C朗病左就自然復任正選。Fit到漏既加拿祖冇得出則有少少唔抵，但基於福仔踢左好過踢右，二揀一先用番福仔都合理。
《坦克吸取教訓變戰術》
曼聯上場聯賽對維拉，上半場被對方既高位逼搶攪到完全組織唔到。今場面對又係一周一賽既富咸都知道你肯定又係前面用雙箭頭去逼，所以坦克就放棄係後場build-up，選擇多以後場直接放長波扔對方後衞之間既身後空間，用前場三子既速度搵食。雖然控球權一定會少左，但可以減少到後場犯錯既機會，亦可以利用到前場球員速度上優勢。未入波前其實都有一兩下成功制造到威脅，係差埋門果腳唔夠果斷。14分鐘，卡斯美路係中場一次靚剷，成功係中場發動反擊。馬仔拎波兜左個圈俾左路後上既般奴，佢再傳去尾柱捕位既艾歷臣撞射空門先開紀錄。雖然曼聯比較被動，勝在一次反擊就得手，就開始係後場等你黎。富咸今場多次係邊路發難，尤其以左路韋利安產生較大威脅，多次盤扭玩弄馬拿斯亞，加埋羅便臣周不時既後上傳中，都提供到唔少側擊火力。幸好，對方缺少米杜勞域，咪真係會食唔少救參。彭利拿亦相當活躍參與組織進攻。不過，黃金機會唔算多，上半場既射門都未能考驗迪基亞。要讚連迪路夫，今場波佢既企位包波單防都非常出色，多次化解對方攻勢；馬天尼斯則維持高水準演出。曼聯後段其實有幾下黃金機會，不過馬仔頭鎚高出、艾歷臣十二碼點撞射唔中龍，把握力不足埋下失波伏線。
《富咸一分都冇真唔抵》
下半場雙方都冇換人調動，仍然係富咸繼續主導球賽進攻曼聯。早段已經有幾下近距離射門被迪基亞神勇撲出，曼聯失波響起警號。坦克見狀係55分鐘用麥湯文尼換走冇乜表現既伊蘭加搶中場，調般奴踢右邊，繼續維持4-2-3-1。馬高施華則係59分鐘換入丹尼爾占士加強右路側擊。富咸努力有回報，2分鐘後，曼聯前場一次進攻斷纜被富咸打反擊。左路韋利安策動反擊，隊友overlap接應地波傳中，丹占近門撞射入網追成平手。富咸繼續壓住曼聯攻，坦克係70分鐘改踢4-3-3，等卡斯美路一個去包位，以麥湯同艾歷臣去防守番對方一對中場球員，overload中場先開始令到對方攻勢冇咁銳利，場上形勢變番均勢。72分鐘，坦克用加拿祖入替勊勊地既馬仔，加強左路側擊力。佢既活力同膽色即刻產生到威脅，令曼聯進攻俾到多少少壓力富咸。整體進攻都唔係太大改善，始終連續征戰多場，加上去到球賽後段都冇乜力去走位現身。睇住都應該和波完場，曼聯最後一擊，左路加拿祖邊線傳入中間俾艾歷臣再加速走入禁區，艾歷臣回俾佢果腳其實幾大力，但加拿祖照追後發先至下，快過波比列特一步左腳第一時間推射尾柱得手，成功絕殺富咸幫曼聯拎到寶貴既三分。
《總結》
富咸表現不俗，絕對有條件可以贏波。今場既表現亦證明到點解佢會排到係上半版，護級冇問題啦，係睇下馬高施華可以帶隊波排第幾。經過呢三個月地獄緊密賽程，相信坦克都知世界盃後應該點樣輪換球員去保持整隊作戰能力。見到坦克會改變戰術，都係近幾年曼迷見唔到既野，值得安慰。世界盃後再同大家繼續支持曼聯！執筆之時，驚聞C朗受訪數臭曼聯，先睇完再寫下感受。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
世界盃前最後一場球會賽事，坦克繼續排出4-2-3-1。迪基亞出任門將。達洛治停賽下，起用馬拿斯亞改任右閘，左閘交番俾梳爾。一對中堅係連迪路夫拍馬天尼斯。中場鐵三角繼續，般奴費南迪斯踢攻擊中場，艾歷臣同卡斯美路踢防中。左右翼係華舒福同伊蘭加支援馬斯亞攻堅。熱身賽都見過馬拿斯亞踢右閘，所以雲比沙加留隊既時間應該唔長了。富咸冇左米杜勞域，改為起用冰人拍屠夫都係合理選擇。右翼安東尼同辛祖都缺陣下，坦克其實都試過用般奴踢，又試過調福仔過去，但效果都係一般，所以今場試下解凍伊蘭加，又等佢試下踢右翼提供側擊。前鋒馬仔傷癒加上C朗病左就自然復任正選。Fit到漏既加拿祖冇得出則有少少唔抵，但基於福仔踢左好過踢右，二揀一先用番福仔都合理。
《坦克吸取教訓變戰術》
曼聯上場聯賽對維拉，上半場被對方既高位逼搶攪到完全組織唔到。今場面對又係一周一賽既富咸都知道你肯定又係前面用雙箭頭去逼，所以坦克就放棄係後場build-up，選擇多以後場直接放長波扔對方後衞之間既身後空間，用前場三子既速度搵食。雖然控球權一定會少左，但可以減少到後場犯錯既機會，亦可以利用到前場球員速度上優勢。未入波前其實都有一兩下成功制造到威脅，係差埋門果腳唔夠果斷。14分鐘，卡斯美路係中場一次靚剷，成功係中場發動反擊。馬仔拎波兜左個圈俾左路後上既般奴，佢再傳去尾柱捕位既艾歷臣撞射空門先開紀錄。雖然曼聯比較被動，勝在一次反擊就得手，就開始係後場等你黎。富咸今場多次係邊路發難，尤其以左路韋利安產生較大威脅，多次盤扭玩弄馬拿斯亞，加埋羅便臣周不時既後上傳中，都提供到唔少側擊火力。幸好，對方缺少米杜勞域，咪真係會食唔少救參。彭利拿亦相當活躍參與組織進攻。不過，黃金機會唔算多，上半場既射門都未能考驗迪基亞。要讚連迪路夫，今場波佢既企位包波單防都非常出色，多次化解對方攻勢；馬天尼斯則維持高水準演出。曼聯後段其實有幾下黃金機會，不過馬仔頭鎚高出、艾歷臣十二碼點撞射唔中龍，把握力不足埋下失波伏線。
《富咸一分都冇真唔抵》
下半場雙方都冇換人調動，仍然係富咸繼續主導球賽進攻曼聯。早段已經有幾下近距離射門被迪基亞神勇撲出，曼聯失波響起警號。坦克見狀係55分鐘用麥湯文尼換走冇乜表現既伊蘭加搶中場，調般奴踢右邊，繼續維持4-2-3-1。馬高施華則係59分鐘換入丹尼爾占士加強右路側擊。富咸努力有回報，2分鐘後，曼聯前場一次進攻斷纜被富咸打反擊。左路韋利安策動反擊，隊友overlap接應地波傳中，丹占近門撞射入網追成平手。富咸繼續壓住曼聯攻，坦克係70分鐘改踢4-3-3，等卡斯美路一個去包位，以麥湯同艾歷臣去防守番對方一對中場球員，overload中場先開始令到對方攻勢冇咁銳利，場上形勢變番均勢。72分鐘，坦克用加拿祖入替勊勊地既馬仔，加強左路側擊力。佢既活力同膽色即刻產生到威脅，令曼聯進攻俾到多少少壓力富咸。整體進攻都唔係太大改善，始終連續征戰多場，加上去到球賽後段都冇乜力去走位現身。睇住都應該和波完場，曼聯最後一擊，左路加拿祖邊線傳入中間俾艾歷臣再加速走入禁區，艾歷臣回俾佢果腳其實幾大力，但加拿祖照追後發先至下，快過波比列特一步左腳第一時間推射尾柱得手，成功絕殺富咸幫曼聯拎到寶貴既三分。
《總結》
富咸表現不俗，絕對有條件可以贏波。今場既表現亦證明到點解佢會排到係上半版，護級冇問題啦，係睇下馬高施華可以帶隊波排第幾。經過呢三個月地獄緊密賽程，相信坦克都知世界盃後應該點樣輪換球員去保持整隊作戰能力。見到坦克會改變戰術，都係近幾年曼迷見唔到既野，值得安慰。世界盃後再同大家繼續支持曼聯！執筆之時，驚聞C朗受訪數臭曼聯，先睇完再寫下感受。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/