四年又四年，仲要幾多個四年？（英格蘭下屆世界盃之路）
世界盃仍未曲終人散，但港人至愛國家隊英格蘭已經係八強不敵法國出局。自1966年後，仍然未能染指世界盃冠軍。每一屆都會被港人吹捧到係自1966年後最強陣容，但往往最後都係失望而回。英軍最強陣容只係港人自己吹捧，小弟人在英國問一眾本土隊友，佢地都唔認為今屆拎到冠軍，大部份認為入到八強四強已經收貨。今場對法國既表現，我覺得球隊已經對球迷甚至乎國民有所交代，甚至超出本身既期望。整場都控制戰局下，只係未能把握機會轉化成入球，可謂時也命也。今屆出局又要等四年，下屆究竟應該點樣行呢？
修夫基自2016年接手英格蘭國家隊、不經不覺都帶左6年。上屆世界盃以第四名完成；兩年前歐國盃決賽射12碼飲恨不敵意大利拎到亞軍；今屆世界盃則八強出局。帶隊六年其成績我覺得還可以，只係最為人詬病係踢法保守，廣大球迷覺得手執呢班球員可以打得更進取更具侵略性。我覺得每個領隊都有佢既領軍帶隊模式，後衛出身既佢強調要先做好防守再尋求機會進攻既踢法唔可以話錯，只係英格蘭係進攻方面唔係太有板斧同方向。佢嘗試用熱刺既進攻模式去將簡尼效能最大化，但國家隊既效果就未如理想，一面對實力比自己弱會縮係後場既球隊就無計可施，顯得老鼠拉龜。上兩年輸俾意大利都已經有球迷叫換帥，今屆八強出局又係咪好時機呢？我認為英格蘭都係時候需要換，畢竟修夫基已經帶左6年，一黎呢套以「守」為先既戰術都俾其他隊睇穿，二黎英格蘭球員既進攻才華開始浮現，係有條件嘗試以攻代守去行一條新既路。修夫基唔係唔好，而係未夠好，睇下有冇其他進攻型領隊用另一種方式帶領英格蘭前進。
除左領隊可以諗下換一換外，我地都不仿睇下呢隊英格蘭係陣容上有冇需要係四年後有所替換。上圖顯示左今屆既球員年齡同四年後既年齡。
門將位置上，三人到時都仍然處於非常當打既年紀，相信門將位置既問題不大。防線方面，右閘重臣卡爾獲加到時36歲，如冇意外都會繼續入選，好似丹尼爾艾維斯一樣，憑經驗係後備席定軍心。列斯占士同呀諾亦有足夠能力頂上。左閘則依靠梳爾同捷維爾，但兩人到時都約30歲，呢四年需要培育一個左閘以作即戰力或替補。中堅方面，除左賓韋治到時只係29歲外，其餘所有人都32歲起，培訓一個有速度有身位用到波既年輕中堅準備接捧會係領隊既重任。湯莫利係咪只欠一個機會？
中場方面，懷斯同加雲菲臘斯到時仍然當打，呢個位置絕對唔需要擔心，反而軒達臣呢個位置則絕對需要培育新丁。係4–3-3陣式下，軒達臣呢類btb球員只得加拉查，除左需要加拉查接棒，亦需要多一個球員去作替補，如仍用屆時36歲既神軒會有點吃力。除左4-3-3既btb位置需要培育人才外，如改踢3-4-3或4-2-3-1，亦需要尋找及培育另一位具派牌，能助攻助守，亦能係中路持球推進既平排中場球員。暫時英格蘭陣中並冇此類型球員，亦令到修夫基係進攻時只能揀用懷斯一個串連中後場，推前兩名8號位球員。龍虎切、鍾斯同積及藍斯又有冇條件改變本身踢法係四年後入選國家隊？比寧咸同科頓兩名超新星則競爭緊4-3-3陣中較傾前進攻既中場，比寧咸今屆經已光芒四射，年僅19歲仍有大量進步空間；科頓係曼城已經證明左自己既能力，可惜係修夫基手下只屬於翼鋒球員，但佢絕對有能力踢中路幫手組織進攻。蒙特係隊中則有少少雞肋，踢邊路又唔夠其他翼鋒咁具侵略性；踢中路又比唔上前兩者，佢呢四年都需要努力突出自己先有機會搶到位置。攻擊中場麥迪臣則相對可惜。修夫基起用4-3-3，以簡尼墮後較炮作重心，進攻中場呢個10號位係陣中變得可有可無。如新領隊上場改踢4-2-3-1，佢同格利殊或者可以係呢個位置闖出一片天。兩名都具突破力，亦有一定創造力，可以俾到穿透力中直線俾前鋒攻門。
前線方面，除左前鋒射手位置外，翼鋒位置完全唔需要擔心。薩卡今屆大熟大勇；科頓踢邊既表現亦不俗；華舒福後備登場提供到一定既影響力；格利殊亦有改變戰局能力；史達寧則開始慢慢淡出，對英格蘭亦係一件好事。冇入選既翼鋒仲有辛祖、保雲同哈菲班尼斯等球員，翼鋒人選多到要爭。前鋒射手則極需係呢四年培育，哈利簡尼屆時已達33歲，狀態能力仲能唔能夠保持到會係疑問；卡林威爾遜其實都難登大雅之堂。班福特、卡法路雲同艾巴咸有冇機會係呢幾年大爆發取代簡尼，又或者有冇其他後起之秀可以後浪蓋過前浪就好睇呢四年既成長啦。
今屆英格蘭係世界盃既表現算唔差，見到隊中好多年輕小將開始擔到大旗，四年後肯定會再成長唔小。下屆擁有成熟既球員，到時係修夫基帶隊還是已經換左領隊，就知道係咪真係自1966年最強陣容啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
修夫基自2016年接手英格蘭國家隊、不經不覺都帶左6年。上屆世界盃以第四名完成；兩年前歐國盃決賽射12碼飲恨不敵意大利拎到亞軍；今屆世界盃則八強出局。帶隊六年其成績我覺得還可以，只係最為人詬病係踢法保守，廣大球迷覺得手執呢班球員可以打得更進取更具侵略性。我覺得每個領隊都有佢既領軍帶隊模式，後衛出身既佢強調要先做好防守再尋求機會進攻既踢法唔可以話錯，只係英格蘭係進攻方面唔係太有板斧同方向。佢嘗試用熱刺既進攻模式去將簡尼效能最大化，但國家隊既效果就未如理想，一面對實力比自己弱會縮係後場既球隊就無計可施，顯得老鼠拉龜。上兩年輸俾意大利都已經有球迷叫換帥，今屆八強出局又係咪好時機呢？我認為英格蘭都係時候需要換，畢竟修夫基已經帶左6年，一黎呢套以「守」為先既戰術都俾其他隊睇穿，二黎英格蘭球員既進攻才華開始浮現，係有條件嘗試以攻代守去行一條新既路。修夫基唔係唔好，而係未夠好，睇下有冇其他進攻型領隊用另一種方式帶領英格蘭前進。
除左領隊可以諗下換一換外，我地都不仿睇下呢隊英格蘭係陣容上有冇需要係四年後有所替換。上圖顯示左今屆既球員年齡同四年後既年齡。
門將位置上，三人到時都仍然處於非常當打既年紀，相信門將位置既問題不大。防線方面，右閘重臣卡爾獲加到時36歲，如冇意外都會繼續入選，好似丹尼爾艾維斯一樣，憑經驗係後備席定軍心。列斯占士同呀諾亦有足夠能力頂上。左閘則依靠梳爾同捷維爾，但兩人到時都約30歲，呢四年需要培育一個左閘以作即戰力或替補。中堅方面，除左賓韋治到時只係29歲外，其餘所有人都32歲起，培訓一個有速度有身位用到波既年輕中堅準備接捧會係領隊既重任。湯莫利係咪只欠一個機會？
中場方面，懷斯同加雲菲臘斯到時仍然當打，呢個位置絕對唔需要擔心，反而軒達臣呢個位置則絕對需要培育新丁。係4–3-3陣式下，軒達臣呢類btb球員只得加拉查，除左需要加拉查接棒，亦需要多一個球員去作替補，如仍用屆時36歲既神軒會有點吃力。除左4-3-3既btb位置需要培育人才外，如改踢3-4-3或4-2-3-1，亦需要尋找及培育另一位具派牌，能助攻助守，亦能係中路持球推進既平排中場球員。暫時英格蘭陣中並冇此類型球員，亦令到修夫基係進攻時只能揀用懷斯一個串連中後場，推前兩名8號位球員。龍虎切、鍾斯同積及藍斯又有冇條件改變本身踢法係四年後入選國家隊？比寧咸同科頓兩名超新星則競爭緊4-3-3陣中較傾前進攻既中場，比寧咸今屆經已光芒四射，年僅19歲仍有大量進步空間；科頓係曼城已經證明左自己既能力，可惜係修夫基手下只屬於翼鋒球員，但佢絕對有能力踢中路幫手組織進攻。蒙特係隊中則有少少雞肋，踢邊路又唔夠其他翼鋒咁具侵略性；踢中路又比唔上前兩者，佢呢四年都需要努力突出自己先有機會搶到位置。攻擊中場麥迪臣則相對可惜。修夫基起用4-3-3，以簡尼墮後較炮作重心，進攻中場呢個10號位係陣中變得可有可無。如新領隊上場改踢4-2-3-1，佢同格利殊或者可以係呢個位置闖出一片天。兩名都具突破力，亦有一定創造力，可以俾到穿透力中直線俾前鋒攻門。
前線方面，除左前鋒射手位置外，翼鋒位置完全唔需要擔心。薩卡今屆大熟大勇；科頓踢邊既表現亦不俗；華舒福後備登場提供到一定既影響力；格利殊亦有改變戰局能力；史達寧則開始慢慢淡出，對英格蘭亦係一件好事。冇入選既翼鋒仲有辛祖、保雲同哈菲班尼斯等球員，翼鋒人選多到要爭。前鋒射手則極需係呢四年培育，哈利簡尼屆時已達33歲，狀態能力仲能唔能夠保持到會係疑問；卡林威爾遜其實都難登大雅之堂。班福特、卡法路雲同艾巴咸有冇機會係呢幾年大爆發取代簡尼，又或者有冇其他後起之秀可以後浪蓋過前浪就好睇呢四年既成長啦。
今屆英格蘭係世界盃既表現算唔差，見到隊中好多年輕小將開始擔到大旗，四年後肯定會再成長唔小。下屆擁有成熟既球員，到時係修夫基帶隊還是已經換左領隊，就知道係咪真係自1966年最強陣容啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/