決戰紫禁之巔（賽前分析 - 阿根庭對法國）
世界盃終於黎到終極一戰-阿根庭火拼法國。呢場除左係兩隊爭冠軍之外，亦可以算係新舊球王既對決，公認球王既美斯火拼新晉準球王麥巴比（當然佢仍需時間繼續證明自己）。兩隊由分組賽一路殺到入黎決賽絕不容易。先講阿根庭，自分組賽第一場爆大冷不敵沙特阿拉伯，及後火速回勇擊敗波蘭同墨西哥，以首名晉級16強。16強要不是門將馬天尼斯既神救，分分鐘要射12碼先分勝負，最後驚險地晉級8強。8強遇上荷蘭，阿根庭先入兩球下，被荷蘭下半場高空轟炸，最後一擊被韋賀斯憑一個極妙組織罰球追和。阿根庭要靠互射12碼先可以晉級4強。4強遇上強弩之末既克羅地亞（16強同8強都係憑12碼晉級），憑美斯既12碼，加上艾華利斯既梅開二度，以三比零相對輕鬆地殺入決賽。而世界盃開賽前早已被視為大熱門既法國，分組賽連贏兩場早早督定出線。雖然第三場因派大量副選而輸俾突尼西亞，但亦無損佢地以首名出線。16強以三比一輕取波蘭晉級。8強遇上難纏既英格蘭，要不是哈利簡尼末段射失十二碼。法國能否晉級都仲有故講。法國場面極度被動下，以二比一險勝晉級。4強碰上黑馬摩洛哥，法國憑左閘靴蘭迪斯5分鐘門前建功，加上梅安尼79分鐘門前執雞，二比零輕取摩洛哥，晉級決賽。
阿根庭領隊史卡朗尼今屆曾起用過不同既陣式，有4-3-3、5-3-2同4-4-2菱形中場，由此可見佢唔會一套陣式打天下，對陣法國究竟會如何部署？摩洛哥對法國使用5-4-1，但效果比較一般，要改踢4-1-4-1先搶番主導權；英格蘭則使用4-3-3，以跑動見稱既軒達臣協防右路夾擊麥巴比，呢著則比較成功。進攻方面，摩洛哥則倚重右路既薛耶治同夏基美；英格蘭同樣主力用薩卡去進攻法國既左閘，睇黎法國左閘位置相對右閘會係一個缺口。預測史卡朗尼會起用4-3-3陣式。門將非馬天尼斯莫屬。中堅拍檔係奧達文迪拍羅美路。左右二閘係阿古拿同莫連拿。安素費南迪斯出任逗後防中，美斯保鏢迪保羅出任右中場中協防麥巴比，麥卡里士打踢左中場中。左翼起用狀態大勇既艾華利斯；右翼或會起用抖左幾場既大賽專家迪馬利亞去進攻對方左閘。美斯當然會出任假九前鋒，盡力完成佢世界盃最後一場賽事。
預測阿根庭正選陣容（4-3-3）馬天尼斯
莫連拿 羅美路 奧達文迪 阿古拿
迪保羅 安素費南迪斯 麥卡里士打
迪馬利亞 美斯 艾華利斯
法國領隊迪甘斯今屆基本上都係沿用4-4-1-1或叫做4-4-2陣式。球隊進攻以兩翼側擊為主，核心麥巴比係左路發難，基沙文游走串連，聯同空中霸王基奧特係禁區進攻。防守甚少以高位作逼搶，多縮後至中場附近防守。麥巴比同基奧特留守前場，伺機打反擊。攻擊中場基沙文移後多半格，聯同杜曹文尼防守中路，拉比奧特或另一防中則要兼顧埋左路防務。法國隊既個人能力同團隊既磨合程度係完全唔需要懷疑，所以迪甘斯絕對唔需要為防守美斯而去改變陣式迎戰，只需要先睇阿根庭開波後點踢，再係臨場作出相對應既戰術或陣式變動去尋找阿根庭既破綻。預測迪甘斯起用4-4-1-1陣式。羅列斯把守最後一關。干拿迪同華拉尼都有病在身，但相信都會頂硬上。干拿迪會繼續取代烏柏麥簡奴拍華拉尼。左右二閘仍然係上場入波既靴蘭迪斯同觀迪。拉比奧特有病在身未必踢到，科芬拿或會頂上拍杜曹文尼踢一對防中。左右翼係麥巴比同丹比利。攻擊中場基沙文支援銀河唯一基奧特攻堅。
預測法國正選陣容（4-4-1-1）
羅列斯觀迪 華拉尼 干拿迪 靴蘭迪斯
丹比利 杜曹文尼 科芬拿 麥巴比
基沙文
基奧特
阿根庭領隊史卡朗尼今屆曾起用過不同既陣式，有4-3-3、5-3-2同4-4-2菱形中場，由此可見佢唔會一套陣式打天下，對陣法國究竟會如何部署？摩洛哥對法國使用5-4-1，但效果比較一般，要改踢4-1-4-1先搶番主導權；英格蘭則使用4-3-3，以跑動見稱既軒達臣協防右路夾擊麥巴比，呢著則比較成功。進攻方面，摩洛哥則倚重右路既薛耶治同夏基美；英格蘭同樣主力用薩卡去進攻法國既左閘，睇黎法國左閘位置相對右閘會係一個缺口。預測史卡朗尼會起用4-3-3陣式。門將非馬天尼斯莫屬。中堅拍檔係奧達文迪拍羅美路。左右二閘係阿古拿同莫連拿。安素費南迪斯出任逗後防中，美斯保鏢迪保羅出任右中場中協防麥巴比，麥卡里士打踢左中場中。左翼起用狀態大勇既艾華利斯；右翼或會起用抖左幾場既大賽專家迪馬利亞去進攻對方左閘。美斯當然會出任假九前鋒，盡力完成佢世界盃最後一場賽事。
預測阿根庭正選陣容（4-3-3）馬天尼斯
莫連拿 羅美路 奧達文迪 阿古拿
迪保羅 安素費南迪斯 麥卡里士打
迪馬利亞 美斯 艾華利斯
法國領隊迪甘斯今屆基本上都係沿用4-4-1-1或叫做4-4-2陣式。球隊進攻以兩翼側擊為主，核心麥巴比係左路發難，基沙文游走串連，聯同空中霸王基奧特係禁區進攻。防守甚少以高位作逼搶，多縮後至中場附近防守。麥巴比同基奧特留守前場，伺機打反擊。攻擊中場基沙文移後多半格，聯同杜曹文尼防守中路，拉比奧特或另一防中則要兼顧埋左路防務。法國隊既個人能力同團隊既磨合程度係完全唔需要懷疑，所以迪甘斯絕對唔需要為防守美斯而去改變陣式迎戰，只需要先睇阿根庭開波後點踢，再係臨場作出相對應既戰術或陣式變動去尋找阿根庭既破綻。預測迪甘斯起用4-4-1-1陣式。羅列斯把守最後一關。干拿迪同華拉尼都有病在身，但相信都會頂硬上。干拿迪會繼續取代烏柏麥簡奴拍華拉尼。左右二閘仍然係上場入波既靴蘭迪斯同觀迪。拉比奧特有病在身未必踢到，科芬拿或會頂上拍杜曹文尼踢一對防中。左右翼係麥巴比同丹比利。攻擊中場基沙文支援銀河唯一基奧特攻堅。
預測法國正選陣容（4-4-1-1）
羅列斯觀迪 華拉尼 干拿迪 靴蘭迪斯
丹比利 杜曹文尼 科芬拿 麥巴比
基沙文
基奧特