杜巴卡好有澳洲龍門feel（聯賽盃賽後報告-曼聯對般尼）
坦克係聯賽盃都照派遣強陣出戰。門將起用杜巴卡。右閘達洛治受傷，雲比沙加被逼上陣，睇下佢可唔可以借機搶番正選位；左閘則用上馬拿斯亞，等梳爾抖抖。一對正選中堅華拉尼同馬天尼斯都剛剛踢完世界盃決賽，所以需要時間休息。今場亦冇出麥佳亞，反而用上卡斯美路拍連迪路夫。中前場則接近全主力。麥湯文尼拍艾歷臣踢防中。左右翼係加拿祖同華舒福。攻擊中場般奴費南迪斯支援前鋒馬斯亞攻堅。
面對甘賓尼帶領既般尼，對手只係英冠球隊，曼聯整隊既表現我會話係唔合格。般尼防守係高位逼搶至縮後踢low-block都絕不含糊，進攻組織亦敢拉開陣形用盡球場闊度用地面進攻，有別於以往般尼既燒味硬橋硬馬式既套路。不過礙於球員質素所限，去到三閘線後既最後一傳或埋門處理果腳就較為一般，未有太大考驗俾到杜巴卡，反而係杜巴卡幾下自己派膠仲得人驚（諗起澳洲龍門）難得有正選踢就唔好踢得咁高張啦。雖然我明佢要係用波上展現到佢比迪基亞好先有機會搶贏正選，但一登場就過份賣弄嚇親領隊啊！
後場未知咩原因唔用「馬古尼」，嘗試用卡斯美路打後一格等後場有多一個出球點應該係坦克既如意算盤，但效果就不似如期。要佢中場轉邊駁下腳或者first-touch彈前搵隊友係強項，但要佢做出球點就唔太好了。可能坦克覺得麥湯文尼更加踢唔到，就決定搵卡斯美路試試。雲比沙加今場都算貢獻左一球助攻，般尼主攻右路，所以雲比呢面考驗冇乜。馬拿斯亞繼續處於撞牆期，要慢慢踢持續進步。兩位中堅則礙於對方前鋒級數所限，相對輕鬆地協助龍門零封對手。
中場既麥湯文尼則比較令我失望，進攻串連仍然毫無進步，更有一兩下直頭交左個波俾人攻；反而透過反擊，佢有兩下入楔禁區埋門仲似樣。睇黎點樣使用佢都係一門學問。般奴同艾歷臣則繼續主導球隊進攻。入波都要靠般奴靚踢大斜線俾後上雲比飛剷傳中，等後上入禁區既大力臣門前撞入。整個攻勢屬於偶然性一腳，唔見得整場波經常踢大對角等閘位後上入禁區助攻。加拿祖繼續勤力有餘，但略嫌太過心急，幾下處理都未夠成熟，浪費左入波機會。福仔除左入波果下較有亮點外，其餘時間唔算好突出，一個千里走單騎式入波純屬個人能力既表現。馬斯亞則仍需操起狀態，但見佢逼搶串連都對隊波有作用，希望唔好再輕易受傷就好。
感覺上整隊係踢陣地戰時仍搵緊一個有效套路去進攻，要慢慢build-up進攻模式。今場多靠前場高位逼搶令對方傳球失誤打轉守為攻，又或者靠反擊利用速度進襲對方後場空間。防守都唔係話好架啦，只係人地差先唔駛失波。樂見班頓威廉斯復出試踢右閘，但個人認為佢打踢左閘會較好，而馬拿斯亞則可以改造成右閘。悲既係雲迪碧克連呢場波都冇機會踢，睇黎恩師都救你唔到。
面對甘賓尼帶領既般尼，對手只係英冠球隊，曼聯整隊既表現我會話係唔合格。般尼防守係高位逼搶至縮後踢low-block都絕不含糊，進攻組織亦敢拉開陣形用盡球場闊度用地面進攻，有別於以往般尼既燒味硬橋硬馬式既套路。不過礙於球員質素所限，去到三閘線後既最後一傳或埋門處理果腳就較為一般，未有太大考驗俾到杜巴卡，反而係杜巴卡幾下自己派膠仲得人驚（諗起澳洲龍門）難得有正選踢就唔好踢得咁高張啦。雖然我明佢要係用波上展現到佢比迪基亞好先有機會搶贏正選，但一登場就過份賣弄嚇親領隊啊！
後場未知咩原因唔用「馬古尼」，嘗試用卡斯美路打後一格等後場有多一個出球點應該係坦克既如意算盤，但效果就不似如期。要佢中場轉邊駁下腳或者first-touch彈前搵隊友係強項，但要佢做出球點就唔太好了。可能坦克覺得麥湯文尼更加踢唔到，就決定搵卡斯美路試試。雲比沙加今場都算貢獻左一球助攻，般尼主攻右路，所以雲比呢面考驗冇乜。馬拿斯亞繼續處於撞牆期，要慢慢踢持續進步。兩位中堅則礙於對方前鋒級數所限，相對輕鬆地協助龍門零封對手。
中場既麥湯文尼則比較令我失望，進攻串連仍然毫無進步，更有一兩下直頭交左個波俾人攻；反而透過反擊，佢有兩下入楔禁區埋門仲似樣。睇黎點樣使用佢都係一門學問。般奴同艾歷臣則繼續主導球隊進攻。入波都要靠般奴靚踢大斜線俾後上雲比飛剷傳中，等後上入禁區既大力臣門前撞入。整個攻勢屬於偶然性一腳，唔見得整場波經常踢大對角等閘位後上入禁區助攻。加拿祖繼續勤力有餘，但略嫌太過心急，幾下處理都未夠成熟，浪費左入波機會。福仔除左入波果下較有亮點外，其餘時間唔算好突出，一個千里走單騎式入波純屬個人能力既表現。馬斯亞則仍需操起狀態，但見佢逼搶串連都對隊波有作用，希望唔好再輕易受傷就好。
感覺上整隊係踢陣地戰時仍搵緊一個有效套路去進攻，要慢慢build-up進攻模式。今場多靠前場高位逼搶令對方傳球失誤打轉守為攻，又或者靠反擊利用速度進襲對方後場空間。防守都唔係話好架啦，只係人地差先唔駛失波。樂見班頓威廉斯復出試踢右閘，但個人認為佢打踢左閘會較好，而馬拿斯亞則可以改造成右閘。悲既係雲迪碧克連呢場波都冇機會踢，睇黎恩師都救你唔到。