福仔呢期係有運（賽後分析-狼隊對曼聯）
狼隊領隊路柏迪基今場改踢4-2-3-1陣式。祖斯沙出任門將。防線左至右用上新仔布安奴-喬文-哥連斯-施美度。拿維斯拍住馬菲奴斯紐尼斯踢防中。左右翼係普丹斯同黃喜燦。攻擊中場祖奧莫天奴支援迪亞高哥斯達攻堅。
坦克排出4-2-3-1陣式。陣容同上場比較只係換左一個，就係用左加拿祖代替華舒福踢左翼。右翼仍然係安東尼。防線依舊三閘齊發，梳爾拍華拉尼踢中堅。馬拿斯亞同雲比沙加則出任左右二閘。中場鐵三角繼續係卡斯美路、艾歷臣同般奴費南迪斯。馬斯亞繼續踢前鋒。
《狼隊有做功課；福仔既紀律問題影響部署》
今場要讚狼隊，整場既攻守都甚具效率。進攻靠拿維斯同紐尼斯控制節奏，二閘唔會龜縮係後場照壓上去進攻。投入進攻既人數不少，但甚少亂咁搏波，盡量控住個波係兩側尋找突破點或小組推進，只係個波去到三閘線既最後一傳或埋門果下都係唔夠好，射門雖少但有兩下要不是迪基亞左飛右撲…..。防守比諾定咸森林好，前場亦有針對戰術踢逼搶，務求令曼聯後場組織出現困難。哥斯達去遮一對中堅既傳球線路，嘗試焗曼聯去一邊；莫天奴則係遮線期間不停shoulder check，切斷曼聯防線同卡斯美路既連繫；拿維斯同紐尼斯則會跟係艾歷臣同般奴身後，防止佢地可以輕鬆拎波轉身。左右翼則防守對方二閘，而防線亦會推前壓縮空間。被破解逼搶後，防線唔會縮到去禁區內，盡量係禁區線前築起防線，中場同後防兩線之間既距離緊密，約十至十五碼，盡量將曼聯球員係線與線中間拎波既難度增加同處理波既時間縮短，唔容許你係呢個區域轉身再睇定黎交，成功令曼聯難以組織，基本上都未能創造到黃金機會。一分都冇實屬欠運。
福仔被抽離正選陣容，換上加拿祖係曼聯進攻踢得冇上場咁好既主因。未知係戰術原因還是踢法問題（個人覺得係後者），加拿祖上半場都長期拉邊踢，但受制於黃喜燦既勤力回防加上施美度既單防，佢多次既盤扭推進都無功而回，而佢亦甚少係無球下走位入half-space去清空左路等馬拿斯亞後上。就算佢入到去half-space都未見到佢有意識前插或同隊友打配合。上半場頭30分鐘都冇乜見到馬拿斯亞縮入中路等艾歷臣墮後去做波，左路比上場甚少互換位置做拉扯，加上狼隊防守緊密，左路打唔開就要靠右路。右路安東尼上半場多次交失波，鮮有嘗試突破，往往要拐番左腳大位已經被人睇穿。狀態差明顯動搖到佢信心。兩側都冇突破點，想係中路小組推進就更難，所以上半場都組織唔到流暢既攻勢。上半場打和非常合理。
《福仔fit到呢；狼隊既努力白費》
下半場坦克即刻換人，用福仔換入無乜建樹既加拿祖；路柏迪基則用查奧爾換入迪亞高哥斯達，推黃喜燦打前鋒，大隻佬踢番右路。出大隻佬想係前場邊路加強突破點同反擊速度，但抽走哥斯達則令到禁區內既制空力弱左，所以大隻佬係右邊多次成功突破出波，但中間都冇點去撞去頂，浪費左大隻佬既努力。福仔入黎後既參與度都有，但中場鐵三角今場發揮都明顯跌watt，戰情都係膠著。坦克係61分鐘用費特換入艾歷臣，加強中場活力，同時直接改踢4-3-3，推前費特進攻；路柏迪基則係65分鐘用莊尼換走有牌在身既施美度去防守突破力強既福仔。見到曼聯改踢4-3-3下，多左人插入禁區，路柏迪基係73分鐘換入迪提同艾特紐尼改踢5-4-1，用三中堅人數優勢去塞番個half-space。諗法係有，可惜3分鐘敵不過運氣。福仔邊路持球斜推，同般奴打個撞牆入禁區（甚少見到加拿祖有呢類進攻模式），哥連斯踢到下個波，但波子機又落番係福仔腳下，佢左邊身擔開莊尼，迪提又黎遲半步被福仔用右腳射近柱地波入網。失波後5分鐘，狼隊用占美利斯入替普丹斯，改踢4-4-2去進攻；曼聯則同時換入雲迪碧克加強中路活力。補時階段坦克再換入伊蘭加同麥佳亞防範對方高空轟炸，最後憑迪基亞救出占美利斯既頭鎚攻門，力保不失下一球險勝狼隊。
《總結》
狼隊今場表現不俗，一分都冇真慘。呢場波見到新領隊既部署，亦有一定既臨場應變力。如狼隊能保持今場既踢法同態度，護級絕對不成問題。曼聯今場受制於對手優異既表現，只能同對方踢成均勢，贏到實在係幸運之神眷顧。當整隊發揮都未如理想下，能否把握對方失誤就變得非常重要，如果加拿祖上半場能把握對方施美度送禮，場波就未必要贏得咁辛苦。此子仍而磨練下埋門能力。福仔繼續fit；馬仔今場踢得麻麻。安東尼則絕對需要提升自己狀態，否則下場隨時正選不保。1月4號對般尼茅夫，目標繼續贏波搶分，睇下坦克會唔會呢場輪換一下球員先！
#踢得唔好都贏係好緊要
#福仔係叻仔既
#梳爾愈踢愈有
#圖後面果個麻煩踢好少少
坦克排出4-2-3-1陣式。陣容同上場比較只係換左一個，就係用左加拿祖代替華舒福踢左翼。右翼仍然係安東尼。防線依舊三閘齊發，梳爾拍華拉尼踢中堅。馬拿斯亞同雲比沙加則出任左右二閘。中場鐵三角繼續係卡斯美路、艾歷臣同般奴費南迪斯。馬斯亞繼續踢前鋒。
《狼隊有做功課；福仔既紀律問題影響部署》
今場要讚狼隊，整場既攻守都甚具效率。進攻靠拿維斯同紐尼斯控制節奏，二閘唔會龜縮係後場照壓上去進攻。投入進攻既人數不少，但甚少亂咁搏波，盡量控住個波係兩側尋找突破點或小組推進，只係個波去到三閘線既最後一傳或埋門果下都係唔夠好，射門雖少但有兩下要不是迪基亞左飛右撲…..。防守比諾定咸森林好，前場亦有針對戰術踢逼搶，務求令曼聯後場組織出現困難。哥斯達去遮一對中堅既傳球線路，嘗試焗曼聯去一邊；莫天奴則係遮線期間不停shoulder check，切斷曼聯防線同卡斯美路既連繫；拿維斯同紐尼斯則會跟係艾歷臣同般奴身後，防止佢地可以輕鬆拎波轉身。左右翼則防守對方二閘，而防線亦會推前壓縮空間。被破解逼搶後，防線唔會縮到去禁區內，盡量係禁區線前築起防線，中場同後防兩線之間既距離緊密，約十至十五碼，盡量將曼聯球員係線與線中間拎波既難度增加同處理波既時間縮短，唔容許你係呢個區域轉身再睇定黎交，成功令曼聯難以組織，基本上都未能創造到黃金機會。一分都冇實屬欠運。
福仔被抽離正選陣容，換上加拿祖係曼聯進攻踢得冇上場咁好既主因。未知係戰術原因還是踢法問題（個人覺得係後者），加拿祖上半場都長期拉邊踢，但受制於黃喜燦既勤力回防加上施美度既單防，佢多次既盤扭推進都無功而回，而佢亦甚少係無球下走位入half-space去清空左路等馬拿斯亞後上。就算佢入到去half-space都未見到佢有意識前插或同隊友打配合。上半場頭30分鐘都冇乜見到馬拿斯亞縮入中路等艾歷臣墮後去做波，左路比上場甚少互換位置做拉扯，加上狼隊防守緊密，左路打唔開就要靠右路。右路安東尼上半場多次交失波，鮮有嘗試突破，往往要拐番左腳大位已經被人睇穿。狀態差明顯動搖到佢信心。兩側都冇突破點，想係中路小組推進就更難，所以上半場都組織唔到流暢既攻勢。上半場打和非常合理。
《福仔fit到呢；狼隊既努力白費》
下半場坦克即刻換人，用福仔換入無乜建樹既加拿祖；路柏迪基則用查奧爾換入迪亞高哥斯達，推黃喜燦打前鋒，大隻佬踢番右路。出大隻佬想係前場邊路加強突破點同反擊速度，但抽走哥斯達則令到禁區內既制空力弱左，所以大隻佬係右邊多次成功突破出波，但中間都冇點去撞去頂，浪費左大隻佬既努力。福仔入黎後既參與度都有，但中場鐵三角今場發揮都明顯跌watt，戰情都係膠著。坦克係61分鐘用費特換入艾歷臣，加強中場活力，同時直接改踢4-3-3，推前費特進攻；路柏迪基則係65分鐘用莊尼換走有牌在身既施美度去防守突破力強既福仔。見到曼聯改踢4-3-3下，多左人插入禁區，路柏迪基係73分鐘換入迪提同艾特紐尼改踢5-4-1，用三中堅人數優勢去塞番個half-space。諗法係有，可惜3分鐘敵不過運氣。福仔邊路持球斜推，同般奴打個撞牆入禁區（甚少見到加拿祖有呢類進攻模式），哥連斯踢到下個波，但波子機又落番係福仔腳下，佢左邊身擔開莊尼，迪提又黎遲半步被福仔用右腳射近柱地波入網。失波後5分鐘，狼隊用占美利斯入替普丹斯，改踢4-4-2去進攻；曼聯則同時換入雲迪碧克加強中路活力。補時階段坦克再換入伊蘭加同麥佳亞防範對方高空轟炸，最後憑迪基亞救出占美利斯既頭鎚攻門，力保不失下一球險勝狼隊。
《總結》
狼隊今場表現不俗，一分都冇真慘。呢場波見到新領隊既部署，亦有一定既臨場應變力。如狼隊能保持今場既踢法同態度，護級絕對不成問題。曼聯今場受制於對手優異既表現，只能同對方踢成均勢，贏到實在係幸運之神眷顧。當整隊發揮都未如理想下，能否把握對方失誤就變得非常重要，如果加拿祖上半場能把握對方施美度送禮，場波就未必要贏得咁辛苦。此子仍而磨練下埋門能力。福仔繼續fit；馬仔今場踢得麻麻。安東尼則絕對需要提升自己狀態，否則下場隨時正選不保。1月4號對般尼茅夫，目標繼續贏波搶分，睇下坦克會唔會呢場輪換一下球員先！
#踢得唔好都贏係好緊要
#福仔係叻仔既
#梳爾愈踢愈有
#圖後面果個麻煩踢好少少