迪基亞：尷尬囉
坦克接近排出最強陣容出戰足總盃對愛華頓賽事。門將迪基亞。防線左至右係馬拿斯亞-梳爾-華拉尼-達洛治。中場鐵三角係卡斯美路、艾歷臣同般奴費南迪斯。左右翼係安東尼同華舒福支援馬斯亞攻堅。
《林伯認真要諗諗計》
林伯特今場排左個5-3-2，除左正選冇用耶利文拿，都應該係出左最強陣黎踢呢場賽事。戰術就放棄前場逼搶，先係中後場穩守，靠前面既慕比同格雷打反擊偷雞。中場出晒三個防守力較好，但進攻串連都弱既安拿拿、古艾耶同伊禾比。搶截力其實係有，但三人都冇轉守為攻既能力，難以一搶到就可以俾到波向前。冬季轉會窗已開，加上伊禾比今場仲要傷到用擔架抬離場，唔係呢個位置買或借人的話，降班分分鐘有佢份。前場慕比今場亦做唔到佢最耍家既停波等支援，令到格雷係中路都冇乜機會用到波。格雷其實較適合踢邊，不過隊中哥頓同麥尼爾比佢更踢唔到中鋒，所以先嘗試改造佢，但驚林伯冇乜時間俾你改造成功咋。下半場入替既卡法路雲做到野，有一下靠佢接應後場傳送即彈俾格雷，最後因越位而食炸糊，起碼見到佢做支點能力係有；杜哥尼既表現亦不俗，佢本身都有後上入禁區能力，用佢好過用古艾耶。足總盃出埋局對林伯係好事，專心護級仲好啦。
《迪基亞：尷尬囉》
曼聯整場賽事基本上都搶到主導權，基於愛華頓放棄控球踢法下，曼聯都圍住黎攻。曼聯仍舊以前場高位逼搶逼對方失誤踢轉守為攻同打反擊係較有威脅，但陣地戰開始見到不停轉方向到兩側嘗試突破，又或者係左路打小組都漸見成熟。早早領先又係靠快速反擊。卡斯美路發動轉守為攻。馬仔中路支點策應，再俾腳斜線福仔單對單。有空間就推係福仔招牌菜，一推就傳中搵到安東尼門口撞入。除左成個攻勢流暢抵讚，最抵讚就係愛華頓果條防線。第一：葛飛擺明會被爆，高迪係有條件提早拉近同葛飛之間既距離去補位，而佢選擇企後少少去遮線都唔算大錯，只係呢個選擇冇咁好；第二，米哥倫哥認真嚇人，由人地開始打反擊，佢一早都見到安東尼係最前點，而達高斯基係未番到位，米哥倫哥竟然諗住守後上既般奴都唔追番係門口既安東尼，學界水準既防守咪失波囉。曼聯失果球除左講句近南哥既「尷尬囉」，相信迪基亞都冇咩好講。上半場打和，完。
《第二球雖然係烏龍，但成個攻勢就係要呢D》
曼聯入既第二球雖然係靠對方高迪擺烏龍，但由後場左路猜左兩三下短，到卡斯美路一腳轉方向俾安東尼推，再經後場三人猜幾板到艾歷臣一腳大斜線俾福仔爆。攻勢流暢，亦有隊員之間既走位配合。先有達洛治overlap邊路想同安東尼配合，後有馬拿斯亞插入half-space引到高文要內收，從而令福仔有更多空間同時間去諗點做。呢個亦係踢5-3-2既防守問題，邊路只得一個翼衛去防守對方邊路球員，邊中場需要大量跑動去協防，一個大轉向，就見到高文需要兩頭騰。亦要讚般奴同安東尼入中路等對方三個中堅係一守一，冇機會可以cover高文。呢個攻勢有長短棍，亦有左有右，波既流動性相當足夠，就產生到入波。71分鐘，坦克見對方進攻乏力，就換入費特同加拿祖等卡斯美路同馬斯亞休息。坦克見對方換入左卡法路雲、哥頓同麥尼爾開始大打邊路側擊時，亦慢慢換入馬天尼斯、麥佳亞同麥湯文尼，改打5-4-1，增加番後場人數同高度，係邊路用番梳爾去守對方既哥頓。整個調動都見到坦克知道如果要打較進取足球，可以起用馬拿斯亞；要防守就用番梳爾。最後階段，加拿祖既推進搏到十二碼，由福仔射入則係係錦上添花。曼聯最後三比一輕取愛華頓晉級。
《總結》
今場起用強陣出擊可以見到坦克對足總盃有一定既重視程度，當然下場只係對英甲查爾頓，亦有條件令佢係呢場全力出擊，再係下場先收起主力留力對曼城既賽事。今場整隊表現正常，開始見到隊波有穩定性。安東尼雖然冇入波冇助攻，亦鮮有突破，但大家可能忽略左佢一點，佢好多時都好快會吸引到對方二人夾擊，佢亦非常聰明會將波彈走等空左既隊友去做，隊友係需要利用佢吸引左既空間去創造機會。安東尼今場亦有嘗試同達洛治做配合，只係默契仍需磨合，但佢兩個係右路絕對俾到對方左閘唔少壓力。另外，當起用梳爾踢左中堅時，更會出現另類進攻陣式overload對方右路（見圖示）相信坦克有機會更多時間起用佢踢中堅去強攻較弱既對手。10號對查爾頓，繼續加油！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
《林伯認真要諗諗計》
林伯特今場排左個5-3-2，除左正選冇用耶利文拿，都應該係出左最強陣黎踢呢場賽事。戰術就放棄前場逼搶，先係中後場穩守，靠前面既慕比同格雷打反擊偷雞。中場出晒三個防守力較好，但進攻串連都弱既安拿拿、古艾耶同伊禾比。搶截力其實係有，但三人都冇轉守為攻既能力，難以一搶到就可以俾到波向前。冬季轉會窗已開，加上伊禾比今場仲要傷到用擔架抬離場，唔係呢個位置買或借人的話，降班分分鐘有佢份。前場慕比今場亦做唔到佢最耍家既停波等支援，令到格雷係中路都冇乜機會用到波。格雷其實較適合踢邊，不過隊中哥頓同麥尼爾比佢更踢唔到中鋒，所以先嘗試改造佢，但驚林伯冇乜時間俾你改造成功咋。下半場入替既卡法路雲做到野，有一下靠佢接應後場傳送即彈俾格雷，最後因越位而食炸糊，起碼見到佢做支點能力係有；杜哥尼既表現亦不俗，佢本身都有後上入禁區能力，用佢好過用古艾耶。足總盃出埋局對林伯係好事，專心護級仲好啦。
《迪基亞：尷尬囉》
曼聯整場賽事基本上都搶到主導權，基於愛華頓放棄控球踢法下，曼聯都圍住黎攻。曼聯仍舊以前場高位逼搶逼對方失誤踢轉守為攻同打反擊係較有威脅，但陣地戰開始見到不停轉方向到兩側嘗試突破，又或者係左路打小組都漸見成熟。早早領先又係靠快速反擊。卡斯美路發動轉守為攻。馬仔中路支點策應，再俾腳斜線福仔單對單。有空間就推係福仔招牌菜，一推就傳中搵到安東尼門口撞入。除左成個攻勢流暢抵讚，最抵讚就係愛華頓果條防線。第一：葛飛擺明會被爆，高迪係有條件提早拉近同葛飛之間既距離去補位，而佢選擇企後少少去遮線都唔算大錯，只係呢個選擇冇咁好；第二，米哥倫哥認真嚇人，由人地開始打反擊，佢一早都見到安東尼係最前點，而達高斯基係未番到位，米哥倫哥竟然諗住守後上既般奴都唔追番係門口既安東尼，學界水準既防守咪失波囉。曼聯失果球除左講句近南哥既「尷尬囉」，相信迪基亞都冇咩好講。上半場打和，完。
《第二球雖然係烏龍，但成個攻勢就係要呢D》
曼聯入既第二球雖然係靠對方高迪擺烏龍，但由後場左路猜左兩三下短，到卡斯美路一腳轉方向俾安東尼推，再經後場三人猜幾板到艾歷臣一腳大斜線俾福仔爆。攻勢流暢，亦有隊員之間既走位配合。先有達洛治overlap邊路想同安東尼配合，後有馬拿斯亞插入half-space引到高文要內收，從而令福仔有更多空間同時間去諗點做。呢個亦係踢5-3-2既防守問題，邊路只得一個翼衛去防守對方邊路球員，邊中場需要大量跑動去協防，一個大轉向，就見到高文需要兩頭騰。亦要讚般奴同安東尼入中路等對方三個中堅係一守一，冇機會可以cover高文。呢個攻勢有長短棍，亦有左有右，波既流動性相當足夠，就產生到入波。71分鐘，坦克見對方進攻乏力，就換入費特同加拿祖等卡斯美路同馬斯亞休息。坦克見對方換入左卡法路雲、哥頓同麥尼爾開始大打邊路側擊時，亦慢慢換入馬天尼斯、麥佳亞同麥湯文尼，改打5-4-1，增加番後場人數同高度，係邊路用番梳爾去守對方既哥頓。整個調動都見到坦克知道如果要打較進取足球，可以起用馬拿斯亞；要防守就用番梳爾。最後階段，加拿祖既推進搏到十二碼，由福仔射入則係係錦上添花。曼聯最後三比一輕取愛華頓晉級。
《總結》
今場起用強陣出擊可以見到坦克對足總盃有一定既重視程度，當然下場只係對英甲查爾頓，亦有條件令佢係呢場全力出擊，再係下場先收起主力留力對曼城既賽事。今場整隊表現正常，開始見到隊波有穩定性。安東尼雖然冇入波冇助攻，亦鮮有突破，但大家可能忽略左佢一點，佢好多時都好快會吸引到對方二人夾擊，佢亦非常聰明會將波彈走等空左既隊友去做，隊友係需要利用佢吸引左既空間去創造機會。安東尼今場亦有嘗試同達洛治做配合，只係默契仍需磨合，但佢兩個係右路絕對俾到對方左閘唔少壓力。另外，當起用梳爾踢左中堅時，更會出現另類進攻陣式overload對方右路（見圖示）相信坦克有機會更多時間起用佢踢中堅去強攻較弱既對手。10號對查爾頓，繼續加油！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/