輕輕鬆鬆入四強（聯賽盃賽後報告-曼聯對查爾頓）
坦克起用大部分副選迎戰查爾頓。希頓把守最後一關。防線左至右係馬拿斯亞-馬天尼斯-麥佳亞-達洛特。麥湯文尼拍費特踢防中，左右翼係加拿祖同安東尼。攻擊中場用左小將文路支援改踢前鋒既伊蘭加。
《上半場統治球賽但只入得一球》
上半場踢左一陣已經見到級數上差距，早段加拿祖多次接應麥佳亞對角長傳，輕鬆爆破對方右閘，多次試射都無功而還，佢就偏向以射門終結，多過係內切中尋找隊友，需要加強呢方面。21分鐘，安東尼既招牌菜，推大位內腳curve尾柱建功。除左佢射得靚，亦要讚達洛治underlap既時間靚，令對方閘位要縮入禁區，拉開左空間俾安東尼去擺軚射。34分鐘，達洛治既傷出絕對係呢場波唔想見到既事。整隊前場高位逼搶同失波後既反搶都非常高效，速率亦快，加上麥隊長既制空能力，查爾頓甚少可以組織到攻勢。希頓係出迎兩側高波亦非常穩健，冇太大考驗下完結半場。略嫌曼聯係上半場都未能搵到燕梳球，組織入到禁區但最後一腳既把握力有待加強。質素明顯有分野下，早早需要結束球賽。
《福仔真係Fit到爆》
下半場雙方冇調動，但查爾頓開始放手一搏，而曼聯亦收收油，冇係前場做太多逼搶留力。此消彼長下，查爾頓拎番唔少攻勢，頭15分鐘更搶番主導權，令曼聯中場失勢。坦克見狀係60分鐘換入卡斯美路、艾歷臣同華舒福。除左等佢地旭下備戰下場，亦需要前兩者控制番個中場，畢竟只有一球領先優勢。換走左安東尼下，右路既威脅力明顯減弱，伊蘭加既發揮比佢踢前鋒更差。個人期望迪亞路下季可以回歸
補充右翼位置。尤幸雲比沙加係坦克調較下，進攻上有明顯進步，甚至走位到左路同馬拿斯亞打撞牆落底，再加強一下出波能力就可以唔駛買人。85分鐘，坦克換入柏歷斯迪試試。90分鐘，曼聯一次轉守為攻，卡斯美路一個靚地波斜線俾右邊柏歷斯迪，佢叻仔地推中路，加上麥湯文尼醒水走疊瓦，同福仔形成三打二，最後福仔接應佢既斜傳一控一射又入波。補時階段，又下卡斯美路係左路腳面片俾福仔，佢右腳一控入禁區，左腳就掃把腳撞射埋齋，狀態fit到一個點。曼聯埋單淨勝三球晉級。
《總結》
雙方實力有分野，曼聯上半場表現都有70分。下半場頭15分鐘既失勢都有點兒驚嚇，好在換人及時，亦成功控制番戰局。雖然係因對方壓出黎踢，先最後埋單贏三球，但都要讚鋒線把握力比以往好（即係福仔把握力好）小將攻中明路參與度唔高，睇唔到點解佢仲可以快過施丹仔出場（可能位置唔合適）麥湯文尼已到頂，逗後中場只能做替工，需要係呢個位置補強。費特可以做到派牌僅限對級數較弱對手，今場表現良好（射罰球中柱欠運）伊蘭加改踢前鋒既走動都多，亦有嘗試同隊友配合，依家呢套陣容黎講，踢前鋒做第三替補會係其出路。呢場波都見到隱憂，馬天尼斯狀態明顯未去番世界盃前，捧完盃玩創左個心，好彩有呢場波踢下谷一谷。下場坦克考牌戰-聯賽主場對曼城，加油！
《上半場統治球賽但只入得一球》
上半場踢左一陣已經見到級數上差距，早段加拿祖多次接應麥佳亞對角長傳，輕鬆爆破對方右閘，多次試射都無功而還，佢就偏向以射門終結，多過係內切中尋找隊友，需要加強呢方面。21分鐘，安東尼既招牌菜，推大位內腳curve尾柱建功。除左佢射得靚，亦要讚達洛治underlap既時間靚，令對方閘位要縮入禁區，拉開左空間俾安東尼去擺軚射。34分鐘，達洛治既傷出絕對係呢場波唔想見到既事。整隊前場高位逼搶同失波後既反搶都非常高效，速率亦快，加上麥隊長既制空能力，查爾頓甚少可以組織到攻勢。希頓係出迎兩側高波亦非常穩健，冇太大考驗下完結半場。略嫌曼聯係上半場都未能搵到燕梳球，組織入到禁區但最後一腳既把握力有待加強。質素明顯有分野下，早早需要結束球賽。
《福仔真係Fit到爆》
下半場雙方冇調動，但查爾頓開始放手一搏，而曼聯亦收收油，冇係前場做太多逼搶留力。此消彼長下，查爾頓拎番唔少攻勢，頭15分鐘更搶番主導權，令曼聯中場失勢。坦克見狀係60分鐘換入卡斯美路、艾歷臣同華舒福。除左等佢地旭下備戰下場，亦需要前兩者控制番個中場，畢竟只有一球領先優勢。換走左安東尼下，右路既威脅力明顯減弱，伊蘭加既發揮比佢踢前鋒更差。個人期望迪亞路下季可以回歸
補充右翼位置。尤幸雲比沙加係坦克調較下，進攻上有明顯進步，甚至走位到左路同馬拿斯亞打撞牆落底，再加強一下出波能力就可以唔駛買人。85分鐘，坦克換入柏歷斯迪試試。90分鐘，曼聯一次轉守為攻，卡斯美路一個靚地波斜線俾右邊柏歷斯迪，佢叻仔地推中路，加上麥湯文尼醒水走疊瓦，同福仔形成三打二，最後福仔接應佢既斜傳一控一射又入波。補時階段，又下卡斯美路係左路腳面片俾福仔，佢右腳一控入禁區，左腳就掃把腳撞射埋齋，狀態fit到一個點。曼聯埋單淨勝三球晉級。
《總結》
雙方實力有分野，曼聯上半場表現都有70分。下半場頭15分鐘既失勢都有點兒驚嚇，好在換人及時，亦成功控制番戰局。雖然係因對方壓出黎踢，先最後埋單贏三球，但都要讚鋒線把握力比以往好（即係福仔把握力好）小將攻中明路參與度唔高，睇唔到點解佢仲可以快過施丹仔出場（可能位置唔合適）麥湯文尼已到頂，逗後中場只能做替工，需要係呢個位置補強。費特可以做到派牌僅限對級數較弱對手，今場表現良好（射罰球中柱欠運）伊蘭加改踢前鋒既走動都多，亦有嘗試同隊友配合，依家呢套陣容黎講，踢前鋒做第三替補會係其出路。呢場波都見到隱憂，馬天尼斯狀態明顯未去番世界盃前，捧完盃玩創左個心，好彩有呢場波踢下谷一谷。下場坦克考牌戰-聯賽主場對曼城，加油！