賠了兩分又折兵（賽後分析-水晶宮對曼聯）
《淺談水晶宮呢場表現》
韋拉排出4-2-3-1，進攻主要想靠沙夏同奧拉斯兩邊突破側擊去產生威脅，後場亦嘗試地波組織，引曼聯壓前就放長波等馬迪達利用身高優勢去恰馬天尼斯，想靠咁樣運個波向前。不過受制於馬天尼斯波到人到極硬淨既防守，加上馬迪達護波停波甚至頭鎚既能力都較為一般，水晶宮難以係前場停波；沙夏同奧拉斯亦被單防能力強既雲比沙加同梳爾攪到冇淡好食。艾度亞同杜古希都唔係技術組織型既球員，中場只得韋曉士一個用波較強，所以整隊地波生波組織都非常疲弱，只能靠死球威脅迪基亞。防守都並非完全縮係後面泊巴士，間中會上前逼一逼，主要都係以中低位防守為主，但球員線與線既距離都較長，球員間既距離都唔係太緊密，所以都經常被曼聯打穿。入波既一球則靠住奧拉斯妙射罰球建奇功；失波既責任則需要杜古希承擔（容後再談）整場表現黎講拎到一分算執到。
《水晶宮防守一個失誤就付出代價》
坦克係上場擊敗曼城後，照派出大量上場有踢既球員，只更換左韋賀斯、馬天尼斯同安東尼。上半場憑前場逼搶，加上對方控球組織能力一般，大部分時間都主導球賽。雖然控球時間多，但實際可以產生既威脅就唔太大。般奴多次係final third最後一傳過急，傳波質素有D跌watt。福仔狀態則令我非常擔憂，明顯欠缺前幾場既銳利感。我覺得佢係帶傷上陣，或者仲要打止痛針。韋賀斯受惠於馬斯亞既受傷而正選上陣，前場支點作用明顯比馬仔為佳，但駁腳後跟進速度較慢，有少少追唔到兩翼既速度。球隊係30分鐘先斬到一球波俾佢球鎚攻門，同隊友仍需磨合，但多左佢明顯可以打多一家波，可以多係45度early-cross俾佢去撞都係好事。卡斯美路再次擔當重要角色，多次補位、反搶、爭第一點等dirty work都做得稱職。43分鐘，般奴既入波絕對要多謝杜古希。曼聯左路進攻，2打2情況下佢掛住叫佳尼去守福仔，自己就完全冇追散步式插入half-space既艾歷臣。艾歷臣接應福仔傳送，輕鬆cut-back俾中路般奴。因韋曉士嘗試補位（呢下佢有權留番係中間等中堅去補），就令到中路位置冇人守般奴，大把時間俾佢一控一射輕鬆入波。曼聯領先一球入更衣室。
《曼聯賠了兩分又折兵》
下半場出黎雙方都冇調動，但形勢就明顯由曼聯主導變成有少少下風。曼聯下半場拖慢節奏，前場球員跑動明顯比上半場慢及少，兵疲情況異常明顯，畢竟上場對曼城付出既體能相當大。下半場可以話係0組織，兩翼冇突破，中路冇串連，唔好講入波，射門都接近冇。水晶宮雖然控球多左，但礙於組織能力欠奉，亦受制於曼聯既防守（攻唔到但防守仍然有貨），所以都唔算有太大威脅，都係靠死球先有一個頭鎚要迪基亞飛撲。坦克係70分鐘換入麥湯文尼同加拿祖，增加前線既活力，同時用麥湯加強中路防守，應對番韋拉換入艾斯、佐敦艾耶等攻擊球員。80分鐘，曼迷最唔想見既事情出現，卡斯美路係中後場一記職業犯規阻止對方既一次快速轉守為攻食左一面黃牌，下場對阿仙奴需要停賽。坦克再係3分鐘後換入費特，希望球隊可以守到尾。補時階段，水晶宮係右路獲得一個罰球，奧拉斯左腳靚射近柱擦楣底入網追平。水晶宮更有最後一擊，沙夏反擊直奔龍門，好彩八爪魚從後靚剷先令佢起唔到腳。一比一，打和。
《總結》
呢場係曼聯蝕到入肉既一場波。除左冇左兩分，下場仲冇埋卡斯美路。另外，兵疲既問題異常明顯，坦克要諗點樣輪換先保持到球隊活力。打和都好既，依家隊波係未有爭聯賽冠軍既陣容深度。中場明顯需要繼續補強或培育年輕小將接棒。千其唔好諗奪冠，目標頭四再睇下爭唔爭到盃仔已經好好了。下場再對達叔，達叔唔會再咁傻仔壓晒上黎攻，睇下坦克缺少卡斯美路下有咩對策了。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
韋拉排出4-2-3-1，進攻主要想靠沙夏同奧拉斯兩邊突破側擊去產生威脅，後場亦嘗試地波組織，引曼聯壓前就放長波等馬迪達利用身高優勢去恰馬天尼斯，想靠咁樣運個波向前。不過受制於馬天尼斯波到人到極硬淨既防守，加上馬迪達護波停波甚至頭鎚既能力都較為一般，水晶宮難以係前場停波；沙夏同奧拉斯亦被單防能力強既雲比沙加同梳爾攪到冇淡好食。艾度亞同杜古希都唔係技術組織型既球員，中場只得韋曉士一個用波較強，所以整隊地波生波組織都非常疲弱，只能靠死球威脅迪基亞。防守都並非完全縮係後面泊巴士，間中會上前逼一逼，主要都係以中低位防守為主，但球員線與線既距離都較長，球員間既距離都唔係太緊密，所以都經常被曼聯打穿。入波既一球則靠住奧拉斯妙射罰球建奇功；失波既責任則需要杜古希承擔（容後再談）整場表現黎講拎到一分算執到。
《水晶宮防守一個失誤就付出代價》
坦克係上場擊敗曼城後，照派出大量上場有踢既球員，只更換左韋賀斯、馬天尼斯同安東尼。上半場憑前場逼搶，加上對方控球組織能力一般，大部分時間都主導球賽。雖然控球時間多，但實際可以產生既威脅就唔太大。般奴多次係final third最後一傳過急，傳波質素有D跌watt。福仔狀態則令我非常擔憂，明顯欠缺前幾場既銳利感。我覺得佢係帶傷上陣，或者仲要打止痛針。韋賀斯受惠於馬斯亞既受傷而正選上陣，前場支點作用明顯比馬仔為佳，但駁腳後跟進速度較慢，有少少追唔到兩翼既速度。球隊係30分鐘先斬到一球波俾佢球鎚攻門，同隊友仍需磨合，但多左佢明顯可以打多一家波，可以多係45度early-cross俾佢去撞都係好事。卡斯美路再次擔當重要角色，多次補位、反搶、爭第一點等dirty work都做得稱職。43分鐘，般奴既入波絕對要多謝杜古希。曼聯左路進攻，2打2情況下佢掛住叫佳尼去守福仔，自己就完全冇追散步式插入half-space既艾歷臣。艾歷臣接應福仔傳送，輕鬆cut-back俾中路般奴。因韋曉士嘗試補位（呢下佢有權留番係中間等中堅去補），就令到中路位置冇人守般奴，大把時間俾佢一控一射輕鬆入波。曼聯領先一球入更衣室。
《曼聯賠了兩分又折兵》
下半場出黎雙方都冇調動，但形勢就明顯由曼聯主導變成有少少下風。曼聯下半場拖慢節奏，前場球員跑動明顯比上半場慢及少，兵疲情況異常明顯，畢竟上場對曼城付出既體能相當大。下半場可以話係0組織，兩翼冇突破，中路冇串連，唔好講入波，射門都接近冇。水晶宮雖然控球多左，但礙於組織能力欠奉，亦受制於曼聯既防守（攻唔到但防守仍然有貨），所以都唔算有太大威脅，都係靠死球先有一個頭鎚要迪基亞飛撲。坦克係70分鐘換入麥湯文尼同加拿祖，增加前線既活力，同時用麥湯加強中路防守，應對番韋拉換入艾斯、佐敦艾耶等攻擊球員。80分鐘，曼迷最唔想見既事情出現，卡斯美路係中後場一記職業犯規阻止對方既一次快速轉守為攻食左一面黃牌，下場對阿仙奴需要停賽。坦克再係3分鐘後換入費特，希望球隊可以守到尾。補時階段，水晶宮係右路獲得一個罰球，奧拉斯左腳靚射近柱擦楣底入網追平。水晶宮更有最後一擊，沙夏反擊直奔龍門，好彩八爪魚從後靚剷先令佢起唔到腳。一比一，打和。
《總結》
呢場係曼聯蝕到入肉既一場波。除左冇左兩分，下場仲冇埋卡斯美路。另外，兵疲既問題異常明顯，坦克要諗點樣輪換先保持到球隊活力。打和都好既，依家隊波係未有爭聯賽冠軍既陣容深度。中場明顯需要繼續補強或培育年輕小將接棒。千其唔好諗奪冠，目標頭四再睇下爭唔爭到盃仔已經好好了。下場再對達叔，達叔唔會再咁傻仔壓晒上黎攻，睇下坦克缺少卡斯美路下有咩對策了。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/