仙魔大戰（賽前預測-阿仙奴對曼聯）
阿仙奴可謂如日方中，經阿迪達（達叔）幾年既調較下，今年搖身一變變成爭標份子，相信都令唔少人跌眼鏡（小弟諗住佢下年先爭）現時有47分排係「榜首」，聯賽戰積係15勝2和1負，首循環只係輸過比曼聯。世界盃番黎後，阿仙奴只係踢左4場賽事，獲得3勝1和既成積。上場仲以二比零擊敗死敵熱刺，隊中士氣如虹。阿仙奴狀態正佳，加上周中又冇比賽，足足有一星期既休息時間。由世界盃後計仲比曼聯踢少4場波，再加上主場出擊，體能上肯定大大佔優。如果達叔有睇番近幾場曼聯既波，只要球隊上半場頂得住曼聯有氣有力既逼搶，唔好咁易係後場失控球，下半場就可以主導球賽去進攻兵疲既曼聯。隊中主力球員只有艾蘭尼同耶蘇仔有傷，應該影響唔到達叔既排陣。預測達叔繼續沿用4-2-3-1陣式。藍斯度把守最後一關，左右閘用上賓韋治同薜真高。中堅則係加比爾拍沙列巴。一對防中當然係柏迪同沙加。馬天尼利踢左翼；而薩卡踢右翼係不作他選。攻擊中場兼隊長既奧迪哥特繼續指揮球隊進攻。前鋒尼基迪亞近幾場踢得對板，可以繼續用。戰術方面，達叔唔會再似首循環咁大舉壓上，上半場或會係後場猜傳引曼聯係前場逼，再踢長傳攻擊對方閘位同中堅既空間。進攻盡量保持控球，唔會胡亂搏波，等曼聯下半場冇貨先壓上去攻。防守會照係前場踢逼搶，曼聯冇左卡斯美路，無論用費特還是麥湯文尼，只要受壓，佢地係後場用波自然會犯錯，應會針對呢點去防守。
預測阿仙奴正選陣容（4-2-3-1）
藍斯度
賓韋治 沙列巴 加比爾 薜真高
柏迪 沙加
薩卡 奧迪哥特 馬天尼利
尼基迪亞
曼聯現時有39分排係聯賽榜第3位，距離榜首阿仙奴有8分差距。數字上仍有爭標可能性，但球隊仲踢緊4條戰線，憑現時既人腳加上傷病問題根本應付唔到，所以聯賽目標仍然係頭四，千其唔好諗爭冠就好。球隊近況相當不俗，世界盃後，各項賽事都保持不敗。近8場賽事獲得7勝1和。上場周中對水晶宮，臨天光瀨尿，俾對方奧拉斯妙射罰球追平，痛失兩分。失分都唔係最慘，最慘係卡斯美路拎左黃牌，儲夠數今場要停賽。缺少左佢，對曼聯既高位逼搶，甚至中低位防守係中路遮線，保護一對中堅，都有極大影響。球隊現時亦受傷病疲問題困擾，雲迪碧克收咧、馬斯亞再次受傷、華舒福明顯傷住踢、艾歷臣同般奴費南迪斯都接近全勤。基於前一場對曼城付出過多體能，球隊兵疲情況上場尤其明顯，一到下半場已大跌watt，所以要睇下坦克係戰術方面點踢，令隊波盡量保持體力去「捱」。前一場對曼城見坦克會放棄自己既理念，更改整隊進攻同防守模式，證明佢唔係一本通書睇到老，又睇下佢今場有冇針對性部署！預測佢會排出4-2-3-1陣式。迪基亞繼續把關。因中場卡斯美路停賽，後場要多一個出球點去彌補，所以中堅會起用華拉尼拍馬天尼斯，依靠馬天尼斯既用波能力。左右閘繼續係梳爾同雲比沙加。兩閘既單防能力毋庸置疑，有條件守死薩卡同馬天尼利。麥費組合或會重出江湖，由麥湯文尼拍費特踢防中，利用兩人既攔截力強同覆蓋範圍大既特點去保護中路。睇下費特會唔會針對式人釘人守奧迪哥特；麥湯則守壓前進攻既沙加。左翼華舒福紮住都要踢，靠佢係前場數糊同打反擊；般奴費南迪斯則改任右翼，靠佢具質數既傳中球係邊線發難。攻擊中場則推前艾歷臣，幫手策動反擊同指揮球隊進攻。前鋒會用上韋賀斯代替受傷既馬斯亞，靠佢係前場做支點同係禁區接應兩翼既傳中攻堅。
預測曼聯正選陣容（4-2-3-1）
迪基亞
雲比沙加 華拉尼 馬天尼斯 梳爾
麥湯文尼 費特
般奴費南迪斯 艾歷臣 華舒福
韋賀斯
預測阿仙奴正選陣容（4-2-3-1）
藍斯度
賓韋治 沙列巴 加比爾 薜真高
柏迪 沙加
薩卡 奧迪哥特 馬天尼利
尼基迪亞
曼聯現時有39分排係聯賽榜第3位，距離榜首阿仙奴有8分差距。數字上仍有爭標可能性，但球隊仲踢緊4條戰線，憑現時既人腳加上傷病問題根本應付唔到，所以聯賽目標仍然係頭四，千其唔好諗爭冠就好。球隊近況相當不俗，世界盃後，各項賽事都保持不敗。近8場賽事獲得7勝1和。上場周中對水晶宮，臨天光瀨尿，俾對方奧拉斯妙射罰球追平，痛失兩分。失分都唔係最慘，最慘係卡斯美路拎左黃牌，儲夠數今場要停賽。缺少左佢，對曼聯既高位逼搶，甚至中低位防守係中路遮線，保護一對中堅，都有極大影響。球隊現時亦受傷病疲問題困擾，雲迪碧克收咧、馬斯亞再次受傷、華舒福明顯傷住踢、艾歷臣同般奴費南迪斯都接近全勤。基於前一場對曼城付出過多體能，球隊兵疲情況上場尤其明顯，一到下半場已大跌watt，所以要睇下坦克係戰術方面點踢，令隊波盡量保持體力去「捱」。前一場對曼城見坦克會放棄自己既理念，更改整隊進攻同防守模式，證明佢唔係一本通書睇到老，又睇下佢今場有冇針對性部署！預測佢會排出4-2-3-1陣式。迪基亞繼續把關。因中場卡斯美路停賽，後場要多一個出球點去彌補，所以中堅會起用華拉尼拍馬天尼斯，依靠馬天尼斯既用波能力。左右閘繼續係梳爾同雲比沙加。兩閘既單防能力毋庸置疑，有條件守死薩卡同馬天尼利。麥費組合或會重出江湖，由麥湯文尼拍費特踢防中，利用兩人既攔截力強同覆蓋範圍大既特點去保護中路。睇下費特會唔會針對式人釘人守奧迪哥特；麥湯則守壓前進攻既沙加。左翼華舒福紮住都要踢，靠佢係前場數糊同打反擊；般奴費南迪斯則改任右翼，靠佢具質數既傳中球係邊線發難。攻擊中場則推前艾歷臣，幫手策動反擊同指揮球隊進攻。前鋒會用上韋賀斯代替受傷既馬斯亞，靠佢係前場做支點同係禁區接應兩翼既傳中攻堅。
預測曼聯正選陣容（4-2-3-1）
迪基亞
雲比沙加 華拉尼 馬天尼斯 梳爾
麥湯文尼 費特
般奴費南迪斯 艾歷臣 華舒福
韋賀斯