曼聯都有絞肉型中場組合（賽後分析-巴塞隆拿對曼聯）
《沙維逼搶上有心思；坦克改踢高Q大腳》
沙維帶隊係戰術同陣式既變化都有心思。當曼聯開龍門球，巴塞陣式上會變成3-5-2逼迪基亞踢長。加維縮入中間同利雲杜夫斯基形成雙前鋒，係前面壓迫一對中堅。佐迪艾巴推前變成左翼防守雲比沙加；右翼拉芬夏防守馬拿斯亞。柏迪則移入中路防守卡斯美路。基斯爾同迪莊則係中路防守，值得留意既係基斯爾會主動防守韋賀斯，利用身形同對抗性爭第一點。後防三個則保持緊密，阿朗素居左，觀迪居中，阿拉奧祖居右，準備搶第二點。如曼聯大腳向前踢而又冇失控球權下，巴塞會將防守陣式改番做4-2-3-1，艾巴變番左閘，阿拉奧祖變右閘，加維走番落黎踢左翼。進攻上，巴塞會推二閘向前拉闊球場，左翼加維更多時內收入中路，清空左邊俾艾巴後上。右路拉芬夏則聯同拉邊既阿拉奧祖主力係右路側擊。迪莊同基斯爾則係中路同兩名中堅負責後場組織。柏迪踢得較自由，係前場周圍支援隊友。利雲就留守中路居多等機會，但有時亦會墮後幫手駁腳。巴塞今場較傾向overload右路為主，靠拉芬夏既牽制，猜入中路或轉邊等艾巴後上。
坦克見上場搵韋賀斯踢攻中，成功追番兩球。今場想食過翻尋味，陣式直頭改踢4-1-4-1。龍門不變。後防用梳爾拍華拉尼，右閘起用單防能力極佳既雲比沙加；左閘用馬拿斯亞。單防中用卡斯美路。4個中場由右至左係般奴費南迪斯-韋賀斯-費特-辛祖，支援華舒福爭取入波。除左陣式改變，戰術亦一反常態，坦克放棄平時帶隊踢聯賽所堅持既後場build-up地面推進既進攻模式，起用針對性踢法，改以大腳踢俾韋賀斯係中場幫手做二傳或停波。因巴塞三線都會壓上黎逼，如後場成功拎到控球權，則嘗試放長傳攻擊巴塞防線身後空間。有辣有唔辣，主動讓出控球，就令到巴塞可以主導球賽，但亦可以避免後場用波犯錯而被對手係自己半場轉守為攻，同時間呢個踢法都會較消耗體能，因前場同中場都需要向前走，拉闊左三線既距離。防守則放棄前場高位逼搶，改以係中場至對方三閘線以遮線為主，兩翼必需回後協防閘位球員。般奴同辛祖係防守意識同防守態度都較好，令二閘受壓情況比預期低。中場亦出動曼聯絞肉型中場組合去同巴塞既中場抗衡，實在係估你唔到。整個部署見到光頭佬係有心思。
《上半場兩隊互有攻守，踢得比較開放就係龍門表演時間》
基於上述既戰術部署，上半場巴塞主導球賽，控球比率接近6-4之比。不得不提迪莊係串連球隊，控制節奏派牌能力明顯為高，亦有基斯爾係中場做dirty work，成功控制住中場。雖然巴塞主導球賽，但曼聯較直接既踢法都多次產生威脅。曼聯又未去到打龜縮防守，兩邊都踢得較開放，就係龍門表演時間。迪基亞先撲出早段利雲既左路窄位施射，中後段亦撲出艾巴後上係左路窄位既埋門。曼聯今場較多邊路傳中去威脅對手，生波上黃金機會亦有兩下，一下係福仔左路突入禁區右腳掃把腳盪射尾柱，另一下係般奴係中路靈光一閃既直線，搵到半單刀既韋賀斯攻門。可惜，兩個攻門都被迪史達根成功撲走。上半場尾段，沙治羅拔圖入替受傷既柏迪，對巴塞黎講絕對係壞事。柏迪係中前場既策動，同拉芬夏係右路攻擊防守力弱既馬拿斯亞效果顯著，令馬拿斯亞非常吃力，沙治羅拔圖難以做到同樣功能。上半場，零比零，完。
《睇換人次數睇到兩隊後備既板凳深度》
下半場雙方都冇換人調動。僅踢5分鐘，巴塞憑阿朗素接應拉芬夏既角球頂入。曼聯再次係防守死球出現問題，被人頂入唔係問題，點解會完全走甩人先係問題。好彩兩分鐘後，曼聯已經追番一球。中場卡斯美路好似撻撻地咁俾到費特，費特再直線隊俾係右路入楔既福仔。要讚佢first touch係靚，一控唔係入中路而係推番落底線，令到自己跑順可以係窄位射到近柱，如果佢推中路就有機會俾阿朗素攔到。輸近柱波，達史達根都要負上少少責任。59分鐘，曼聯一次短角球攻勢。福仔右路窄位，突然加速再沉底過左拉芬夏，用急勁地波傳中。門前一輪混亂，觀迪意外地擺左個烏龍，令曼聯反超前一球。拉芬夏始終都係翼鋒出身，防守腳步位置都有錯下，被福仔咁樣窄位過要孭鑊。落後既巴塞好快就作出調動。沙維用安素法迪、基斯甸臣同巴迪入替基斯爾、阿朗素同佐迪艾巴，將加維移番入中場組織，邊路用法迪突破。換完人既巴塞繼續主導比賽，相反曼聯球員體能明顯下降。76分鐘，今場活躍既拉芬夏係右路冇人mark輕鬆內彎傳中，利雲同華拉尼都一齊漏左之下，個波慢溜尾袋，巴塞追成平手。巴塞得勢不饒人繼續施壓。坦克係81分鐘先換入加拿祖，企圖係左路提供一個反擊點；沙維則係83分鐘換入費蘭托利斯再爆右路。最後十分鐘演變成攻防戰。多得迪基亞尾段連番撲救，加上門柱幫手，最後頂得住2:2完場。睇番下半場沙維調動積極；再睇下坦克既後備席，除左加拿祖可以加強到攻力，就已經要數到甚少出場既伊蘭加同柏利斯迪，傷兵多導致板凳深度不足，將會大大影響曼聯下半季既成績。
《總結及展望下場》
巴塞主場加上賽程冇咁密再加上傷兵不多情況下，壓住曼聯黎踢都係意料中事。下場加維停賽，柏迪又受傷下（下場未知踢唔踢到），就大大影響到沙維下場既排兵佈陣。此兩子係巴塞作用明顯，特別係柏迪既受傷最為影響，或者睇下布教授能否復出，推迪莊上一格係前場組織或會係解決方法。坦克肯放棄聯賽踢開果套理念，改用針對性踢法，絕對需要俾個credit佢。不過，用韋賀斯係中場爭頭鎚呢一著就唔太成功，佢對著基斯爾係佔唔到任何甜頭，而佢個人速率係明顯較慢，亦令對方係中場滲入容易左，但佢係前鋒黎，都不能苛求佢太多。曼聯作客和波絕對收貨，下場要當決賽踢啦。主場出擊，加上對方有傷停問題下，坦克會唔會擺一個較進取既進攻陣容呢？小弟預期佢都會比較保守，但人腳上會作出變動。馬天尼斯復出，就可以推番梳爾踢左閘，加強左路防守。薩碧沙、費特同卡斯美路有機會組合成絞肉型中場搶中場。前面三個則會照舊以快打慢。周末對李斯特城，呢場硬仗分分鐘難過踢巴塞，繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
沙維帶隊係戰術同陣式既變化都有心思。當曼聯開龍門球，巴塞陣式上會變成3-5-2逼迪基亞踢長。加維縮入中間同利雲杜夫斯基形成雙前鋒，係前面壓迫一對中堅。佐迪艾巴推前變成左翼防守雲比沙加；右翼拉芬夏防守馬拿斯亞。柏迪則移入中路防守卡斯美路。基斯爾同迪莊則係中路防守，值得留意既係基斯爾會主動防守韋賀斯，利用身形同對抗性爭第一點。後防三個則保持緊密，阿朗素居左，觀迪居中，阿拉奧祖居右，準備搶第二點。如曼聯大腳向前踢而又冇失控球權下，巴塞會將防守陣式改番做4-2-3-1，艾巴變番左閘，阿拉奧祖變右閘，加維走番落黎踢左翼。進攻上，巴塞會推二閘向前拉闊球場，左翼加維更多時內收入中路，清空左邊俾艾巴後上。右路拉芬夏則聯同拉邊既阿拉奧祖主力係右路側擊。迪莊同基斯爾則係中路同兩名中堅負責後場組織。柏迪踢得較自由，係前場周圍支援隊友。利雲就留守中路居多等機會，但有時亦會墮後幫手駁腳。巴塞今場較傾向overload右路為主，靠拉芬夏既牽制，猜入中路或轉邊等艾巴後上。
坦克見上場搵韋賀斯踢攻中，成功追番兩球。今場想食過翻尋味，陣式直頭改踢4-1-4-1。龍門不變。後防用梳爾拍華拉尼，右閘起用單防能力極佳既雲比沙加；左閘用馬拿斯亞。單防中用卡斯美路。4個中場由右至左係般奴費南迪斯-韋賀斯-費特-辛祖，支援華舒福爭取入波。除左陣式改變，戰術亦一反常態，坦克放棄平時帶隊踢聯賽所堅持既後場build-up地面推進既進攻模式，起用針對性踢法，改以大腳踢俾韋賀斯係中場幫手做二傳或停波。因巴塞三線都會壓上黎逼，如後場成功拎到控球權，則嘗試放長傳攻擊巴塞防線身後空間。有辣有唔辣，主動讓出控球，就令到巴塞可以主導球賽，但亦可以避免後場用波犯錯而被對手係自己半場轉守為攻，同時間呢個踢法都會較消耗體能，因前場同中場都需要向前走，拉闊左三線既距離。防守則放棄前場高位逼搶，改以係中場至對方三閘線以遮線為主，兩翼必需回後協防閘位球員。般奴同辛祖係防守意識同防守態度都較好，令二閘受壓情況比預期低。中場亦出動曼聯絞肉型中場組合去同巴塞既中場抗衡，實在係估你唔到。整個部署見到光頭佬係有心思。
《上半場兩隊互有攻守，踢得比較開放就係龍門表演時間》
基於上述既戰術部署，上半場巴塞主導球賽，控球比率接近6-4之比。不得不提迪莊係串連球隊，控制節奏派牌能力明顯為高，亦有基斯爾係中場做dirty work，成功控制住中場。雖然巴塞主導球賽，但曼聯較直接既踢法都多次產生威脅。曼聯又未去到打龜縮防守，兩邊都踢得較開放，就係龍門表演時間。迪基亞先撲出早段利雲既左路窄位施射，中後段亦撲出艾巴後上係左路窄位既埋門。曼聯今場較多邊路傳中去威脅對手，生波上黃金機會亦有兩下，一下係福仔左路突入禁區右腳掃把腳盪射尾柱，另一下係般奴係中路靈光一閃既直線，搵到半單刀既韋賀斯攻門。可惜，兩個攻門都被迪史達根成功撲走。上半場尾段，沙治羅拔圖入替受傷既柏迪，對巴塞黎講絕對係壞事。柏迪係中前場既策動，同拉芬夏係右路攻擊防守力弱既馬拿斯亞效果顯著，令馬拿斯亞非常吃力，沙治羅拔圖難以做到同樣功能。上半場，零比零，完。
《睇換人次數睇到兩隊後備既板凳深度》
下半場雙方都冇換人調動。僅踢5分鐘，巴塞憑阿朗素接應拉芬夏既角球頂入。曼聯再次係防守死球出現問題，被人頂入唔係問題，點解會完全走甩人先係問題。好彩兩分鐘後，曼聯已經追番一球。中場卡斯美路好似撻撻地咁俾到費特，費特再直線隊俾係右路入楔既福仔。要讚佢first touch係靚，一控唔係入中路而係推番落底線，令到自己跑順可以係窄位射到近柱，如果佢推中路就有機會俾阿朗素攔到。輸近柱波，達史達根都要負上少少責任。59分鐘，曼聯一次短角球攻勢。福仔右路窄位，突然加速再沉底過左拉芬夏，用急勁地波傳中。門前一輪混亂，觀迪意外地擺左個烏龍，令曼聯反超前一球。拉芬夏始終都係翼鋒出身，防守腳步位置都有錯下，被福仔咁樣窄位過要孭鑊。落後既巴塞好快就作出調動。沙維用安素法迪、基斯甸臣同巴迪入替基斯爾、阿朗素同佐迪艾巴，將加維移番入中場組織，邊路用法迪突破。換完人既巴塞繼續主導比賽，相反曼聯球員體能明顯下降。76分鐘，今場活躍既拉芬夏係右路冇人mark輕鬆內彎傳中，利雲同華拉尼都一齊漏左之下，個波慢溜尾袋，巴塞追成平手。巴塞得勢不饒人繼續施壓。坦克係81分鐘先換入加拿祖，企圖係左路提供一個反擊點；沙維則係83分鐘換入費蘭托利斯再爆右路。最後十分鐘演變成攻防戰。多得迪基亞尾段連番撲救，加上門柱幫手，最後頂得住2:2完場。睇番下半場沙維調動積極；再睇下坦克既後備席，除左加拿祖可以加強到攻力，就已經要數到甚少出場既伊蘭加同柏利斯迪，傷兵多導致板凳深度不足，將會大大影響曼聯下半季既成績。
《總結及展望下場》
巴塞主場加上賽程冇咁密再加上傷兵不多情況下，壓住曼聯黎踢都係意料中事。下場加維停賽，柏迪又受傷下（下場未知踢唔踢到），就大大影響到沙維下場既排兵佈陣。此兩子係巴塞作用明顯，特別係柏迪既受傷最為影響，或者睇下布教授能否復出，推迪莊上一格係前場組織或會係解決方法。坦克肯放棄聯賽踢開果套理念，改用針對性踢法，絕對需要俾個credit佢。不過，用韋賀斯係中場爭頭鎚呢一著就唔太成功，佢對著基斯爾係佔唔到任何甜頭，而佢個人速率係明顯較慢，亦令對方係中場滲入容易左，但佢係前鋒黎，都不能苛求佢太多。曼聯作客和波絕對收貨，下場要當決賽踢啦。主場出擊，加上對方有傷停問題下，坦克會唔會擺一個較進取既進攻陣容呢？小弟預期佢都會比較保守，但人腳上會作出變動。馬天尼斯復出，就可以推番梳爾踢左閘，加強左路防守。薩碧沙、費特同卡斯美路有機會組合成絞肉型中場搶中場。前面三個則會照舊以快打慢。周末對李斯特城，呢場硬仗分分鐘難過踢巴塞，繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/