居功至偉既肯定係迪基亞（賽後分析-曼聯對李斯特城）
坦克選擇作出少量輪換，留力周中對巴塞既「決賽」。後防用連迪路夫代替華拉尼；加拿祖亦取代辛祖先任正選；薩碧沙則取代停賽既卡斯美路。其餘位置都起用慣常正選。羅渣士則起用上一仗既正選陣容迎戰，麥迪臣繼續支援伊恩拿祖攻堅。文迪繼續拍任賀爾踢防中。最後，曼聯憑華舒福梅開二度，加上辛祖既錦上添花，三比零擊敗對手。睇比數好似贏得好輕鬆，實際情況並唔係咁。以下呢幾點絕對係贏波既因素。
《迪基亞居功至偉》
上半場頭半部份，李斯特城係反擊上多次製造到威脅，往往人少打人少情況下，都可以以射門完結攻勢。麥迪臣既串連，迪迪既快放，令反擊非常流暢。李斯特城上半場有11射2中，2中目標既射門都發生係開賽頭廿分鐘內，而呢兩腳既射門都係黃金機會。要不是迪基亞神勇撲出，曼聯早早已經要落後。雖然李斯特城並冇採用高位逼搶戰術，但曼聯缺少卡斯美路同艾歷臣下，中後場用波都較容易斷攬。連迪路夫既狀態都幾令人擔心，往往好似慢一拍咁，所以曼迷頭段真係禁爆平安鐘。
《韋賀斯不再焗限踢前鋒》
韋賀斯初黎曼聯都係踢中鋒為主，經過對列斯聯一場，試過用佢踢攻擊中場幫手係中場停波護波發揮不俗下，加上中場人手短缺，近幾場都嘗試擺佢踢一個8號位。今場都係一樣，防守時拍住費特踢兩個8號位係前場逼搶，留薩碧沙一個係後面逗住。佢不惜氣力既跑動，確實令曼聯係防守時係中場俾到極大壓力對手，但進攻卻總是有少少格格不入。今場都有嘗試踢高波俾佢幫手停，但結果總是同預期有落差。跑動速率比較慢，亦有少少拖慢左球隊進攻節奏。當然，中場係冇可用之兵既情況下，加上曼聯踢高位逼搶，轉守為攻為主要最具效率既進攻手段下，佢又確係做到要做既野。坦克都見到問題所在，所以下半場佢即刻用辛祖換走貢獻不大既加拿祖，推番韋賀斯踢箭頭，嘗試利用辛祖踢攻擊中場，幫手係中前場做串連，正正就係想解決韋賀斯係中場幫唔到手組織既方法。下半場踢番前鋒既佢都有極多機會，但無論用頭定係用腳，佢既把握力都係差。呢個真係佢需要進步既地方，否則佢只可以做一個替補，難以係曼聯企穩正選位置。
《前場幾個狀態大勇；辛祖改踢攻中效果不俗》
般奴繼上場對巴塞踢右翼之下，今場繼續踢。係缺少安東尼下，佢算係咁多人之中最能夠係右邊提供到側擊，可以係右路停到波，亦多次係邊路提供到具質素既傳中球。福仔入既第一球都係靠般奴既腳面片穿對方防線，當時曼聯後防禁爆平安鐘下，佢呢個助攻真係一盤冷水淋左落李斯特城班球員度。福仔則唔需要多講，今場延續火熱狀態。第一球突破越位後，係右路窄位控左一腳，已經疊埋心水射尾柱。中間後上既加拿祖面對空門，但福仔望都冇望，信心爆棚到一個點。唔入就肯定俾人鬧爆，入左就無話可說。第二球則係回歸左翼位接應費特既直線，單刀狀態下窄位射入。成個攻勢由馬天尼斯後場發動，費特既現身再傳送，福仔跑贏卡斯泰尼射入，都極度流暢。福仔走身後盲眼位，捕捉既時間愈黎愈準。辛祖後備入替踢攻擊中場效果不俗，係中路多次憑個人小範圍技術護到波，突破策動組織都見到佢既作用。入第三球先有馬天尼斯既攔截，韋賀斯既拉扯帶到空位俾辛祖接應福仔傳送，佢再分邊俾般奴連隨接應般奴傳中撞射得手。轉守為攻組織流暢，絕對係曼聯入波既主要戰術。非常期待佢可以踢番多蒙特既水準，咁般奴呢個攻中位就有條件可以替換。
《總結》羅渣士既李斯特城未能先入波實屬不幸，要不是聖基亞太神，場波既發展絕對唔係依家咁。失第二球同第三球既時間亦太短，瞬間打沉左整隊士氣。連同今場失左三球，李斯特城連續三場都未能保持清白之身，羅渣士都需要諗諗計去解決防守問題。坦克既曼聯勝在有聖基亞保住後方，前面先有信心數糊。卡斯美路下場踢得番，終於有番個正統防中；麥湯文尼都有後備入替，表現不俗，加上辛祖開始有番態，中前場可選擇既兵源多番，對仍然四線作戰緊既曼聯幫助非常大。除左人腳外，坦克呢幾場亦都試到球員既多功能性，可以係比賽期間透過走位或者短暫既換位，從而改變整隊既進攻模式。例如，可以擺韋賀斯踢中鋒等兩翼傳中，又可以將福仔改踢最前放長傳去攻擊中堅身後空間，又可以調韋賀斯踢落一格用身型係中場做支點等（費蘭尼勁佢好多）。希望其他隊友都可以入下波，分散下入球點，依家都比較靠福仔一個，佢一死火就大件事。下場「決戰」巴塞，睇下會唔會出動強化版絞肉型中場組合。曼聯，繼續加油！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
《迪基亞居功至偉》
上半場頭半部份，李斯特城係反擊上多次製造到威脅，往往人少打人少情況下，都可以以射門完結攻勢。麥迪臣既串連，迪迪既快放，令反擊非常流暢。李斯特城上半場有11射2中，2中目標既射門都發生係開賽頭廿分鐘內，而呢兩腳既射門都係黃金機會。要不是迪基亞神勇撲出，曼聯早早已經要落後。雖然李斯特城並冇採用高位逼搶戰術，但曼聯缺少卡斯美路同艾歷臣下，中後場用波都較容易斷攬。連迪路夫既狀態都幾令人擔心，往往好似慢一拍咁，所以曼迷頭段真係禁爆平安鐘。
《韋賀斯不再焗限踢前鋒》
韋賀斯初黎曼聯都係踢中鋒為主，經過對列斯聯一場，試過用佢踢攻擊中場幫手係中場停波護波發揮不俗下，加上中場人手短缺，近幾場都嘗試擺佢踢一個8號位。今場都係一樣，防守時拍住費特踢兩個8號位係前場逼搶，留薩碧沙一個係後面逗住。佢不惜氣力既跑動，確實令曼聯係防守時係中場俾到極大壓力對手，但進攻卻總是有少少格格不入。今場都有嘗試踢高波俾佢幫手停，但結果總是同預期有落差。跑動速率比較慢，亦有少少拖慢左球隊進攻節奏。當然，中場係冇可用之兵既情況下，加上曼聯踢高位逼搶，轉守為攻為主要最具效率既進攻手段下，佢又確係做到要做既野。坦克都見到問題所在，所以下半場佢即刻用辛祖換走貢獻不大既加拿祖，推番韋賀斯踢箭頭，嘗試利用辛祖踢攻擊中場，幫手係中前場做串連，正正就係想解決韋賀斯係中場幫唔到手組織既方法。下半場踢番前鋒既佢都有極多機會，但無論用頭定係用腳，佢既把握力都係差。呢個真係佢需要進步既地方，否則佢只可以做一個替補，難以係曼聯企穩正選位置。
《前場幾個狀態大勇；辛祖改踢攻中效果不俗》
般奴繼上場對巴塞踢右翼之下，今場繼續踢。係缺少安東尼下，佢算係咁多人之中最能夠係右邊提供到側擊，可以係右路停到波，亦多次係邊路提供到具質素既傳中球。福仔入既第一球都係靠般奴既腳面片穿對方防線，當時曼聯後防禁爆平安鐘下，佢呢個助攻真係一盤冷水淋左落李斯特城班球員度。福仔則唔需要多講，今場延續火熱狀態。第一球突破越位後，係右路窄位控左一腳，已經疊埋心水射尾柱。中間後上既加拿祖面對空門，但福仔望都冇望，信心爆棚到一個點。唔入就肯定俾人鬧爆，入左就無話可說。第二球則係回歸左翼位接應費特既直線，單刀狀態下窄位射入。成個攻勢由馬天尼斯後場發動，費特既現身再傳送，福仔跑贏卡斯泰尼射入，都極度流暢。福仔走身後盲眼位，捕捉既時間愈黎愈準。辛祖後備入替踢攻擊中場效果不俗，係中路多次憑個人小範圍技術護到波，突破策動組織都見到佢既作用。入第三球先有馬天尼斯既攔截，韋賀斯既拉扯帶到空位俾辛祖接應福仔傳送，佢再分邊俾般奴連隨接應般奴傳中撞射得手。轉守為攻組織流暢，絕對係曼聯入波既主要戰術。非常期待佢可以踢番多蒙特既水準，咁般奴呢個攻中位就有條件可以替換。
《總結》羅渣士既李斯特城未能先入波實屬不幸，要不是聖基亞太神，場波既發展絕對唔係依家咁。失第二球同第三球既時間亦太短，瞬間打沉左整隊士氣。連同今場失左三球，李斯特城連續三場都未能保持清白之身，羅渣士都需要諗諗計去解決防守問題。坦克既曼聯勝在有聖基亞保住後方，前面先有信心數糊。卡斯美路下場踢得番，終於有番個正統防中；麥湯文尼都有後備入替，表現不俗，加上辛祖開始有番態，中前場可選擇既兵源多番，對仍然四線作戰緊既曼聯幫助非常大。除左人腳外，坦克呢幾場亦都試到球員既多功能性，可以係比賽期間透過走位或者短暫既換位，從而改變整隊既進攻模式。例如，可以擺韋賀斯踢中鋒等兩翼傳中，又可以將福仔改踢最前放長傳去攻擊中堅身後空間，又可以調韋賀斯踢落一格用身型係中場做支點等（費蘭尼勁佢好多）。希望其他隊友都可以入下波，分散下入球點，依家都比較靠福仔一個，佢一死火就大件事。下場「決戰」巴塞，睇下會唔會出動強化版絞肉型中場組合。曼聯，繼續加油！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/