今場都係靠福爺數糊（歐霸盃附加賽次回合 - 曼聯對巴塞隆拿）
歐霸盃附加賽首回合，巴塞係主場2:2逼和曼聯。因今屆賽事取消左作客入球優惠，所以次回合番曼聯奧脫福主場會變成一場「決賽」，邊隊贏就邊隊入去踢歐霸盃16強。
巴塞上場聯賽二比零贏左卡迪斯，延續佢地係本土賽事近十一場不敗。呢場賽事巴塞選擇輪換部分球員，佐迪艾巴同阿朗素都無上陣，拉芬夏、利雲杜夫斯基、迪莊、基斯爾同安素法迪雖然有出場，但都冇踢足，借比賽去保持狀態，留力踢呢場「決賽」。阿拉奧祖連後備名單都冇。值得留意既係布斯基斯有列入後備名單但冇落場，估計今場會踢正選。預測沙維都係踢4-3-3，貫徹tiki-taka既進攻模式。龍門係迪史達根。防線左至右係佐迪艾巴-阿朗素-觀迪-阿拉奧祖。逗後防中會係布教授布斯基斯。柏迪受傷未能上陣，加維亦因儲夠黃牌需要停賽，估計沙維會擺迪莊同基斯爾踢兩個8號位，推前迪莊係中前場幫手組織串連，基斯爾則會稍稍墮後幫手駁腳掃盪。左右翼會係用安素法迪同拉芬夏支援前鋒利雲杜夫斯基攻堅。
預測巴塞正選陣容（4-3-3）
迪史達根
阿拉奧祖 觀迪 阿朗素 佐迪艾巴
迪莊 布斯基斯 基斯爾
拉芬夏 利雲杜夫斯基 安素法迪
曼聯上場聯賽憑華舒福梅開二度、加上辛祖錦上添花，以三比零擊敗李斯特城。睇賽果就覺得輕鬆波，但有睇場波就知坦克冇講錯-「上半場除左入第一球，全部都係錯」。戰情嚇親人，勝在後面有迪基亞，前面有福爺上晒身。果場波坦克只係輪休左華拉尼同停賽既卡斯美路，其餘勝利十一人都有踢。受惠於下半場15分鐘內已經拉開左比數，一眾主力除般奴外都有被入替，都算係保留左少少體力。面對對方缺少左柏迪同加維兩個攻擊重心，我預測坦克今場個陣容會比上場進取，或者會藉主場之利係上半場踢高位逼搶，從而爭取球賽主導權。預測陣式會改用4-1-4-1。迪基亞把守最後一關。防線方面，達洛治會踢正選加強右路攻力；華拉尼拍番馬天尼斯踢中堅；梳爾回歸左閘位加強左面防守能力，減低拉芬夏既進攻威脅。逗後防中就梗係卡斯美路。般奴費南迪斯改踢右中場，增加右路既組織力。費特同薩碧沙踢一對8號位，加強中場攔截力，亦解放薩碧沙後上進攻能力，費特會稍稍墮後少少係中場多做截擊。左翼則係愈踢愈有既福爺華舒福。前鋒會擺番韋賀斯係前場幫手發動逼搶，同嘗試係前場做支點去停波俾後上隊友。
預測曼聯正選陣容（4-1-4-1）
迪基亞
達洛治 華拉尼 馬天尼斯 梳爾
卡斯美路
般奴費南迪斯 費特 薩碧沙 華舒福
韋賀斯
巴塞上場聯賽二比零贏左卡迪斯，延續佢地係本土賽事近十一場不敗。呢場賽事巴塞選擇輪換部分球員，佐迪艾巴同阿朗素都無上陣，拉芬夏、利雲杜夫斯基、迪莊、基斯爾同安素法迪雖然有出場，但都冇踢足，借比賽去保持狀態，留力踢呢場「決賽」。阿拉奧祖連後備名單都冇。值得留意既係布斯基斯有列入後備名單但冇落場，估計今場會踢正選。預測沙維都係踢4-3-3，貫徹tiki-taka既進攻模式。龍門係迪史達根。防線左至右係佐迪艾巴-阿朗素-觀迪-阿拉奧祖。逗後防中會係布教授布斯基斯。柏迪受傷未能上陣，加維亦因儲夠黃牌需要停賽，估計沙維會擺迪莊同基斯爾踢兩個8號位，推前迪莊係中前場幫手組織串連，基斯爾則會稍稍墮後幫手駁腳掃盪。左右翼會係用安素法迪同拉芬夏支援前鋒利雲杜夫斯基攻堅。
預測巴塞正選陣容（4-3-3）
迪史達根
阿拉奧祖 觀迪 阿朗素 佐迪艾巴
迪莊 布斯基斯 基斯爾
拉芬夏 利雲杜夫斯基 安素法迪
曼聯上場聯賽憑華舒福梅開二度、加上辛祖錦上添花，以三比零擊敗李斯特城。睇賽果就覺得輕鬆波，但有睇場波就知坦克冇講錯-「上半場除左入第一球，全部都係錯」。戰情嚇親人，勝在後面有迪基亞，前面有福爺上晒身。果場波坦克只係輪休左華拉尼同停賽既卡斯美路，其餘勝利十一人都有踢。受惠於下半場15分鐘內已經拉開左比數，一眾主力除般奴外都有被入替，都算係保留左少少體力。面對對方缺少左柏迪同加維兩個攻擊重心，我預測坦克今場個陣容會比上場進取，或者會藉主場之利係上半場踢高位逼搶，從而爭取球賽主導權。預測陣式會改用4-1-4-1。迪基亞把守最後一關。防線方面，達洛治會踢正選加強右路攻力；華拉尼拍番馬天尼斯踢中堅；梳爾回歸左閘位加強左面防守能力，減低拉芬夏既進攻威脅。逗後防中就梗係卡斯美路。般奴費南迪斯改踢右中場，增加右路既組織力。費特同薩碧沙踢一對8號位，加強中場攔截力，亦解放薩碧沙後上進攻能力，費特會稍稍墮後少少係中場多做截擊。左翼則係愈踢愈有既福爺華舒福。前鋒會擺番韋賀斯係前場幫手發動逼搶，同嘗試係前場做支點去停波俾後上隊友。
預測曼聯正選陣容（4-1-4-1）
迪基亞
達洛治 華拉尼 馬天尼斯 梳爾
卡斯美路
般奴費南迪斯 費特 薩碧沙 華舒福
韋賀斯