四冠之路第一擊（聯賽盃決賽 - 曼聯對紐卡素）
紐卡素有史以黎都未拎過聯賽盃冠軍，最接近果次要數到1976年，最後不敵曼城屈居亞軍。事隔多年再次入到決賽，無獨有偶又係要對曼徹斯特市球隊，今次既對手係曼聯，睇下紐卡素可唔可以破歷史奪得首次聯賽盃冠軍。紐卡素近況認真麻麻，近五仗賽事獲得2勝2和1負。除左兩場聯賽盃賽事都擊敗修咸頓外，近三場賽事都冇贏過。上場雖然打少個並且輸兩球比利物浦，但球員既精神面貌同戰況並唔係咁一面倒。近況明顯冇之前咁銳，周中冇比賽下，有足足一星期既時間備戰，睇下賀維有冇咩針對部署先。預測賀維都會擺4-5-1陣式。樸比因上場對利物浦拎左張紅牌，今場要停賽；2號門將杜巴卡亦因曾代表曼聯出戰聯賽盃，所以未能上陣；賀維只能起用卡列奧斯上陣。話晒都曾經係歐聯決賽上過陣，佢都有一定既決賽經驗。防線會擺番4個。丹般踢左閘；博文同舒亞踢中堅；右閘交比查比亞。中場逗後少少會係停完賽復出既甘馬雷斯，祖寧頓同朗史達夫會踢8號位係中場掃蕩。艾米朗同聖麥斯文踢兩翼支援前鋒伊薩攻堅。戰術上或會放棄前場高位逼搶，使用高位遮線，主力係中場佈防大打體力硬淨型防守，靠兩翼係邊路既突破同速度打反擊。
預測紐卡素正選陣容（4-5-1）
卡列奧斯
查比亞 舒亞 博文 丹般
艾米朗 朗史達夫 甘馬雷斯 祖寧頓 聖麥斯文
伊薩
曼聯周中激戰巴塞，先落後一球下反勝，成功晉級歐霸盃16強，將會對另一西甲球隊貝迪斯，繼續延續四線作賽。整隊士氣如虹，狀態一時無兩，今場誓要擊敗紐卡素，為曼聯打破近年冇盃捧既慘況。雖然隊中有多名傷兵陸續回歸，包括安東尼、辛祖、達洛治同麥湯文尼，令坦克有更多兵源選擇，但隊中火熱射手華舒福上場尾段因傷被換走，今場上陣成疑，絕對影響前場數糊能力。今季曼聯係聯賽已經同紐卡素交過手，當時紐卡素冇聖麥斯文下，靠中場硬橋硬馬簡單踢法，都令曼聯踢得非常狼狽（詳情可睇https://s.fanpiece.com/SAlq2wk ）今場多番呢個突破好手，將會令曼聯右路非常頭痛。曼聯除左要諗計破解對方中場硬朗踢法外，點樣限制聖麥斯文既反擊係另一要素！預測迪基亞繼續把關。右閘會先起用單防能力極強既雲比沙加去守聖麥斯文；華拉尼同馬天尼斯出任一對中堅。華拉尼要早少少去包雲比沙加，盡早令聖麥斯文陷入防守包圍網，逼佢盡快甩波減低威脅；左閘繼續用梳爾。中場方面，卡斯美路繼續逗住踢。上場有波入既費特係佢身邊掃蕩。前場其餘4個位置點出就好睇華舒福踢唔踢到。如果福爺踢到的話，有機會起用韋賀斯踢另一個8號位，加強中場硬淨同逼搶力度，右翼起用般奴費南迪斯，左翼則用上辛祖，支援最前既華舒福。如果福爺踢唔到，左右翼會係辛祖同安東尼，般奴費南迪斯踢番中間支援前鋒韋賀斯攻堅。我預期坦克會採用高位逼搶搶主導權，趁住整隊勢好士氣好，盡快係上半場爭取入球。始終紐卡素周中冇踢，體力必定佔優。只要頂得住上半場唔失波，下半場仲有力壓番曼聯黎踢。小弟相信呢場波會係一場勢均力敵既賽事。
預測曼聯正選陣容（4-2-3-1）（有福爺）
迪基亞
雲比沙加 華拉尼 馬天尼斯 梳爾
卡斯美路 費特
般奴費南迪斯 韋賀斯 辛祖
華舒福
預測曼聯正選陣容（4-2-3-1）（冇福爺）
迪基亞
雲比沙加 華拉尼 馬天尼斯 梳爾
卡斯美路 費特
安東尼 般奴費南迪斯 辛祖
韋賀斯
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
預測紐卡素正選陣容（4-5-1）
卡列奧斯
查比亞 舒亞 博文 丹般
艾米朗 朗史達夫 甘馬雷斯 祖寧頓 聖麥斯文
伊薩
曼聯周中激戰巴塞，先落後一球下反勝，成功晉級歐霸盃16強，將會對另一西甲球隊貝迪斯，繼續延續四線作賽。整隊士氣如虹，狀態一時無兩，今場誓要擊敗紐卡素，為曼聯打破近年冇盃捧既慘況。雖然隊中有多名傷兵陸續回歸，包括安東尼、辛祖、達洛治同麥湯文尼，令坦克有更多兵源選擇，但隊中火熱射手華舒福上場尾段因傷被換走，今場上陣成疑，絕對影響前場數糊能力。今季曼聯係聯賽已經同紐卡素交過手，當時紐卡素冇聖麥斯文下，靠中場硬橋硬馬簡單踢法，都令曼聯踢得非常狼狽（詳情可睇https://s.fanpiece.com/SAlq2wk ）今場多番呢個突破好手，將會令曼聯右路非常頭痛。曼聯除左要諗計破解對方中場硬朗踢法外，點樣限制聖麥斯文既反擊係另一要素！預測迪基亞繼續把關。右閘會先起用單防能力極強既雲比沙加去守聖麥斯文；華拉尼同馬天尼斯出任一對中堅。華拉尼要早少少去包雲比沙加，盡早令聖麥斯文陷入防守包圍網，逼佢盡快甩波減低威脅；左閘繼續用梳爾。中場方面，卡斯美路繼續逗住踢。上場有波入既費特係佢身邊掃蕩。前場其餘4個位置點出就好睇華舒福踢唔踢到。如果福爺踢到的話，有機會起用韋賀斯踢另一個8號位，加強中場硬淨同逼搶力度，右翼起用般奴費南迪斯，左翼則用上辛祖，支援最前既華舒福。如果福爺踢唔到，左右翼會係辛祖同安東尼，般奴費南迪斯踢番中間支援前鋒韋賀斯攻堅。我預期坦克會採用高位逼搶搶主導權，趁住整隊勢好士氣好，盡快係上半場爭取入球。始終紐卡素周中冇踢，體力必定佔優。只要頂得住上半場唔失波，下半場仲有力壓番曼聯黎踢。小弟相信呢場波會係一場勢均力敵既賽事。
預測曼聯正選陣容（4-2-3-1）（有福爺）
迪基亞
雲比沙加 華拉尼 馬天尼斯 梳爾
卡斯美路 費特
般奴費南迪斯 韋賀斯 辛祖
華舒福
預測曼聯正選陣容（4-2-3-1）（冇福爺）
迪基亞
雲比沙加 華拉尼 馬天尼斯 梳爾
卡斯美路 費特
安東尼 般奴費南迪斯 辛祖
韋賀斯
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/