西維爾盃又要對西維爾（賽後簡評-曼聯對貝迪斯）
貝迪斯踢得非常開放，三球差距都知肯定難追，所以都好放膽壓前去逼去搶去攻。主要都係進攻馬拿斯亞鎮守既左路為主。前場高位逼搶，整隊壓前防線，都令曼聯有好多空間同機會去打身後。曼聯冇因為領先三球而打控球在腳打消耗戰，繼續係前場壓迫，搶到就攻有機會就放波。上半場自己係中後場失誤較多，令貝迪斯都不乏人少打人少既機會。貝迪斯亦有兩下黃金機會埋門，都係過唔到迪基亞；貝迪斯則因要攻，所以被曼聯多用速度同空間去製造機會，都係龍門加門柱應記一功，上半場先唔駛失波。下半場早段福仔既入波就將場波正式完結。大家之後都互有埋門，不過最後都無功而還，最後曼聯一比零再次擊敗貝迪斯晉級8強。
簡短評論下幾位球員，先講柏利斯迪。佢係真係好快，但處理傳中球仍有極大進步空間。柏利仔順足順邊，要你似哥利斯馬內切腳面埋門，或者內切用私家左棍射，都暫時唔會見得到。佢現時最大作用就係靠速度推落去沉底出波。除左要隊友係合適既位置出現外，傳中球既落點力水就係佢要俾到既野出黎。Sofar今場佢沉過幾次，但出波既質素都較為一般。盤扭技術有待加強，如果一味靠快推落去，都唔駛好快就會被人睇通。我始終認為佢係屬於戰術球員，要搶安東尼個位就難D。
第二個就係費特，坦克近幾場都將佢推上左半格。除左幫手係前場壓迫對方既一名中場外，進攻時會更似十號位出現係中路，等般奴墮後少少去用波。數據顯示今場佢被搶控球為三次，乃係隊中之冠。礙於身形所限，加上護波技術不足，往往都係搶到波就被人搶番，又或者搶到波就交番個波俾人。呢個畫面今季都出現唔少次數。另外當費特係中路禁區頂附近，佢既射門真係不敢恭維。費特都年屆三十，要進步就冇可能架啦，坦完唯有睇下幾時用就算。用法上都肯定係偏向推前佢，係前場失好過係後場甩！
第三則想講講薩碧沙。今場係佢傷癒復出既半場。出場30分鐘，傳左16腳，傳球成功率係87.5%，16腳傳送有2腳傳中1腳長傳。射門次數係2次（1次中目標），不過亦有2次控甩腳；防守方面亦有2腳攔截，冇interception亦冇clearance。佢明顯進攻意識同意欲都比防守高，boxtobox類形偏進攻。與其話佢係艾歷臣既替代品，不如話係費特。艾歷臣仍未復出，要頂上呢個位置只有費特同薩碧沙。如果要追求攻守兼備的話，薩碧沙正路會排先過費特。佢既復出對曼聯黎緊失去卡斯美路既四場比賽相當重要。費特冇左卡斯美路傍住，會踢屎一班波係事實。黎緊麥湯文尼都肯定會踢逗後防中位，俾你揀麥費組合還是麥薩組合？我就揀後者啦，期待薩碧沙黎緊幾場既表現。
《總結》
呢場貝迪斯盡晒力都入唔到一球；曼聯則算輕鬆地完成賽事。最緊要係冇人受傷冇人拎牌。八強對手係西維爾，又係西甲球隊，絕對唔容易對付。坦克都要諗諗下場會唔會用麥隊長去守一守米杜勞域，畢竟米生制空力強，而麥隊長今場既表現唔差，絕對值得一個機會出戰足總盃賽事。周末又番英國踢足總盃，繼續加油延續三條戰線！
簡短評論下幾位球員，先講柏利斯迪。佢係真係好快，但處理傳中球仍有極大進步空間。柏利仔順足順邊，要你似哥利斯馬內切腳面埋門，或者內切用私家左棍射，都暫時唔會見得到。佢現時最大作用就係靠速度推落去沉底出波。除左要隊友係合適既位置出現外，傳中球既落點力水就係佢要俾到既野出黎。Sofar今場佢沉過幾次，但出波既質素都較為一般。盤扭技術有待加強，如果一味靠快推落去，都唔駛好快就會被人睇通。我始終認為佢係屬於戰術球員，要搶安東尼個位就難D。
第二個就係費特，坦克近幾場都將佢推上左半格。除左幫手係前場壓迫對方既一名中場外，進攻時會更似十號位出現係中路，等般奴墮後少少去用波。數據顯示今場佢被搶控球為三次，乃係隊中之冠。礙於身形所限，加上護波技術不足，往往都係搶到波就被人搶番，又或者搶到波就交番個波俾人。呢個畫面今季都出現唔少次數。另外當費特係中路禁區頂附近，佢既射門真係不敢恭維。費特都年屆三十，要進步就冇可能架啦，坦完唯有睇下幾時用就算。用法上都肯定係偏向推前佢，係前場失好過係後場甩！
第三則想講講薩碧沙。今場係佢傷癒復出既半場。出場30分鐘，傳左16腳，傳球成功率係87.5%，16腳傳送有2腳傳中1腳長傳。射門次數係2次（1次中目標），不過亦有2次控甩腳；防守方面亦有2腳攔截，冇interception亦冇clearance。佢明顯進攻意識同意欲都比防守高，boxtobox類形偏進攻。與其話佢係艾歷臣既替代品，不如話係費特。艾歷臣仍未復出，要頂上呢個位置只有費特同薩碧沙。如果要追求攻守兼備的話，薩碧沙正路會排先過費特。佢既復出對曼聯黎緊失去卡斯美路既四場比賽相當重要。費特冇左卡斯美路傍住，會踢屎一班波係事實。黎緊麥湯文尼都肯定會踢逗後防中位，俾你揀麥費組合還是麥薩組合？我就揀後者啦，期待薩碧沙黎緊幾場既表現。
《總結》
呢場貝迪斯盡晒力都入唔到一球；曼聯則算輕鬆地完成賽事。最緊要係冇人受傷冇人拎牌。八強對手係西維爾，又係西甲球隊，絕對唔容易對付。坦克都要諗諗下場會唔會用麥隊長去守一守米杜勞域，畢竟米生制空力強，而麥隊長今場既表現唔差，絕對值得一個機會出戰足總盃賽事。周末又番英國踢足總盃，繼續加油延續三條戰線！