Mcfred組合重出江湖（賽前分析-紐卡素對曼聯）
Mcfred組合重出江湖（賽前分析-紐卡素對曼聯）
終於踢完國際賽，今個禮拜英超又番黎。紐卡素現時有47分排係第五位，距離第四位既熱刺差兩分但少賽兩場，要繼續為爭取前四而努力。今季兩戰曼聯只得一和一負既成績。雖然兩場波係戰況上都係壓住曼聯，但最後既結果都不如人意。上場聯賽盃決賽，亦而二比零不敵對手，遺憾地只能做阿二；今場番到主場聖占士公園球場，睇下有冇機會可以贏番場。國際賽期間，紐卡素相對曼聯會冇咁多人為國效力，休息時間較多，體能會稍稍佔優。不過一睇個傷兵名單，都有不少主力球員仍要養傷，包括阿米朗、聖麥斯文、博文、樸比同哥頓等，對艾迪賀維既用人排陣都有相當大既影響。本身兵源都比較短缺，加上突如期來既傷兵潮，睇怕呢場要贏都非常困難。
講開傷兵亦不得不提曼聯。近排踢得幾好既薩碧沙亦為國捐軀，正式加入曼聯龐大既傷兵名單。依家隊波有多達9人係受傷，包括傷左好耐既艾歷臣、收咧既雲迪比、傷追人馬斯亞、後生仔加拿祖、甚至退出左國家隊既華拉尼都係傷左。最大鑊係世界盃後入球停不了既福爺華舒福都傷埋，加埋停賽既卡斯美路，令最強既正選陣容中有5個人係未能上陣。幸好，曼聯陣容人數都仍算充足，仲有球員可頂上，唔駛出動到青年軍。曼聯現時有50分排係第三。距離第一既阿仙奴有19分差距，可以同冠軍講拜拜；距離第五既紐卡素只領先三分，所以今季聯賽目標必定係保四。呢場絕對係爭四大戰，呢三分曼聯係必定要搶到。可以預期紐卡素都係出動絞肉機組合，硬橋硬馬搶中場，靠兩翼側擊製造威脅俾迪基亞。坦克除左要諗點樣可以透過overload中間去搶球賽主導權外，亦要諗計防守對方兩翼同兩閘。預測迪基亞出任正選門將。中堅拍擋會係麥佳亞拍馬天尼斯。左右二閘會係梳爾同雲比沙加。卡斯美路停賽；薩碧沙、雲迪比受傷；艾歷臣仍未復出；意味住Mcfred組合將會重出江湖。逗後防中會係國際賽兩場入四球既麥湯文尼。前面一對八號位球員係費特同般奴費南迪斯。左右翼將會係辛祖同安東尼支援前鋒韋賀斯攻堅。
預測曼聯正選陣容（4-3-3）
迪基亞
雲比沙加 麥佳亞 馬天尼斯 梳爾
般奴費南迪斯 麥湯文尼 費特
安東尼 韋賀斯 辛祖
終於踢完國際賽，今個禮拜英超又番黎。紐卡素現時有47分排係第五位，距離第四位既熱刺差兩分但少賽兩場，要繼續為爭取前四而努力。今季兩戰曼聯只得一和一負既成績。雖然兩場波係戰況上都係壓住曼聯，但最後既結果都不如人意。上場聯賽盃決賽，亦而二比零不敵對手，遺憾地只能做阿二；今場番到主場聖占士公園球場，睇下有冇機會可以贏番場。國際賽期間，紐卡素相對曼聯會冇咁多人為國效力，休息時間較多，體能會稍稍佔優。不過一睇個傷兵名單，都有不少主力球員仍要養傷，包括阿米朗、聖麥斯文、博文、樸比同哥頓等，對艾迪賀維既用人排陣都有相當大既影響。本身兵源都比較短缺，加上突如期來既傷兵潮，睇怕呢場要贏都非常困難。
講開傷兵亦不得不提曼聯。近排踢得幾好既薩碧沙亦為國捐軀，正式加入曼聯龐大既傷兵名單。依家隊波有多達9人係受傷，包括傷左好耐既艾歷臣、收咧既雲迪比、傷追人馬斯亞、後生仔加拿祖、甚至退出左國家隊既華拉尼都係傷左。最大鑊係世界盃後入球停不了既福爺華舒福都傷埋，加埋停賽既卡斯美路，令最強既正選陣容中有5個人係未能上陣。幸好，曼聯陣容人數都仍算充足，仲有球員可頂上，唔駛出動到青年軍。曼聯現時有50分排係第三。距離第一既阿仙奴有19分差距，可以同冠軍講拜拜；距離第五既紐卡素只領先三分，所以今季聯賽目標必定係保四。呢場絕對係爭四大戰，呢三分曼聯係必定要搶到。可以預期紐卡素都係出動絞肉機組合，硬橋硬馬搶中場，靠兩翼側擊製造威脅俾迪基亞。坦克除左要諗點樣可以透過overload中間去搶球賽主導權外，亦要諗計防守對方兩翼同兩閘。預測迪基亞出任正選門將。中堅拍擋會係麥佳亞拍馬天尼斯。左右二閘會係梳爾同雲比沙加。卡斯美路停賽；薩碧沙、雲迪比受傷；艾歷臣仍未復出；意味住Mcfred組合將會重出江湖。逗後防中會係國際賽兩場入四球既麥湯文尼。前面一對八號位球員係費特同般奴費南迪斯。左右翼將會係辛祖同安東尼支援前鋒韋賀斯攻堅。
預測曼聯正選陣容（4-3-3）
迪基亞
雲比沙加 麥佳亞 馬天尼斯 梳爾
般奴費南迪斯 麥湯文尼 費特
安東尼 韋賀斯 辛祖