樸達：我係無辜架
雖然車路士並唔係我愛隊，對呢隊波亦冇乜特別感覺，純粹想講下係呢個階段炒樸達係咪一個明智既決定。
先睇下樸達近三季帶領白禮頓既成績。19年5月佢加盟白禮頓，係19/20賽季帶領球隊9勝14和15負，以第十五名完成。當季佢主要收購係韋比斯達、林迪、買斷麥卡里士打、慕比同杜沙特，開始打造球隊。20/21賽季就引入左費文、沙斯度、拉蘭拿同韋碧克。呢季都係同上季一樣成績，9勝14和15負，以第十六位護級成功。21/22賽季主要引入左古古尼亞同今季大爆發既三笘薰，正正式式叫組軍完成。呢季以12勝15和11負戰績，以第九名完結賽季。除左名次大幅上升外，球隊踢出黎既風格亦相當好睇，所以先吸引到車路士班主既青睞；到22/23賽季開季前主要再引入艾斯度邊恩同基摩，係被車路士徵召之前，佢帶領白禮頓排緊第四位。由佢入主白禮頓時，球隊只有山齊士、鄧克、丹般、比蘇馬、賓韋治，哥斯、馬治同麥卡里士打較具實力既戰將，經佢幾年慢慢引入球員到踢出成績，都用左三年時間。一個領隊去建立一隊波係點都需要時間，而亦因白禮頓係中小型班，所以班主係有限資金支持下，加上目標只係你唔降班下，樸達就有時間去執靚隊波，踢佢心目中既足球。場上佢既白禮頓係陣式轉換、高位逼搶、地面猜傳都絕對不比一眾所謂既強隊遜色。
睇完佢係白禮頓既生涯，就睇下佢係車路士究竟攪邊科。未睇佢攪邊科之前，要睇下杜曹既車仔發生咩事。開季前車路士好豪爽咁放走左上季主力中堅魯迪加同基斯甸臣；馬高斯阿朗素遠走巴塞；華拿重返萊比錫；左閘艾馬臣賣去西咸；盧卡古、赫臣奧度爾同巴舒亞伊都走埋；真禾達同巴克利都被放棄；雖然球隊引入左奧巴美羊、史達寧同回歸既年青球員波也，中場亦有加拉加回歸，中堅亦有引入古利巴利、科芬拿同沙亞，但當整條防線既人腳大執，中場重臣簡迪又傷埋，杜曹限米煮限飯而戰績差，我覺得情有可原，可惜最後都係慘食無情雞，車路士決定引入樸達去拯救球隊。樸達9月8號上任，由當日起計至冬季轉會窗開前，所有賽事踢左18場波，獲得9勝3和6負既成績，得勝率都有50%。當冬季轉會窗開後，班主保利大手短時間引入左八個球星。樸達就開始攪唔掂隊波。由一月至被炒期間踢左16場波，獲得4勝5和7負既成績，得勝率得番25%。以前世界盃選兵都係講23人，今屆先加到26個。依家突然成隊波由23人變到31人，真係練波點分隊都係一個問題。再加上位位都身價不菲，自然就好難擺後備席，加上保利有冇干涉調兵遣將就…你諗。唔好話樸達，安察洛堤可能都會考起！我推斷佢既死因係冬季轉會窗既過量買人，加上班主有一套想法，而佢係冇得唔跟既情況下，先攪到下半季出晒事。
總結樸達上任後既帶隊成績，12勝8和11負，得勝率只有39%。只睇數據上，39%確實係非常難睇，如單憑帶隊得勝率黎決定炒人既話，咁呢個決定係非常正確。但呢個時間炒又有冇好處先？車仔現時係聯賽得38分，都肯定護級成功（抽抽水），距離第五位既曼聯有12分差距。基本上都冇可能可以憑本土賽事爭到歐洲賽踢。歐聯8強既對手係皇家馬德里，安察洛堤同皇馬絕對唔係易踢，就算俾你過到都仲有拜仁、曼城或拿坡里等緊你，除非複製到車仔炒帥效應，憑呢班雜牌軍都冇乜可能贏到歐聯。係咁既形勢下，加上又未有合心水既領隊，再加上炒樸達要賠錢，何不等佢帶埋餘下賽季先再落鑊都未遲！如果再睇樸達帶隊史，俾番兩三年佢帶，佢又未必唔可以將呢班球星融合係一齊！我個人而言，我會先俾佢帶到季尾，俾足夠時間佢去做下季季前訓練，再睇佢頭5場波係咩狀況再決定炒唔炒，咁佢都死得心服口服！你地又不妨留言睇下你點睇！（資訊如有錯誤請指出）
先睇下樸達近三季帶領白禮頓既成績。19年5月佢加盟白禮頓，係19/20賽季帶領球隊9勝14和15負，以第十五名完成。當季佢主要收購係韋比斯達、林迪、買斷麥卡里士打、慕比同杜沙特，開始打造球隊。20/21賽季就引入左費文、沙斯度、拉蘭拿同韋碧克。呢季都係同上季一樣成績，9勝14和15負，以第十六位護級成功。21/22賽季主要引入左古古尼亞同今季大爆發既三笘薰，正正式式叫組軍完成。呢季以12勝15和11負戰績，以第九名完結賽季。除左名次大幅上升外，球隊踢出黎既風格亦相當好睇，所以先吸引到車路士班主既青睞；到22/23賽季開季前主要再引入艾斯度邊恩同基摩，係被車路士徵召之前，佢帶領白禮頓排緊第四位。由佢入主白禮頓時，球隊只有山齊士、鄧克、丹般、比蘇馬、賓韋治，哥斯、馬治同麥卡里士打較具實力既戰將，經佢幾年慢慢引入球員到踢出成績，都用左三年時間。一個領隊去建立一隊波係點都需要時間，而亦因白禮頓係中小型班，所以班主係有限資金支持下，加上目標只係你唔降班下，樸達就有時間去執靚隊波，踢佢心目中既足球。場上佢既白禮頓係陣式轉換、高位逼搶、地面猜傳都絕對不比一眾所謂既強隊遜色。
睇完佢係白禮頓既生涯，就睇下佢係車路士究竟攪邊科。未睇佢攪邊科之前，要睇下杜曹既車仔發生咩事。開季前車路士好豪爽咁放走左上季主力中堅魯迪加同基斯甸臣；馬高斯阿朗素遠走巴塞；華拿重返萊比錫；左閘艾馬臣賣去西咸；盧卡古、赫臣奧度爾同巴舒亞伊都走埋；真禾達同巴克利都被放棄；雖然球隊引入左奧巴美羊、史達寧同回歸既年青球員波也，中場亦有加拉加回歸，中堅亦有引入古利巴利、科芬拿同沙亞，但當整條防線既人腳大執，中場重臣簡迪又傷埋，杜曹限米煮限飯而戰績差，我覺得情有可原，可惜最後都係慘食無情雞，車路士決定引入樸達去拯救球隊。樸達9月8號上任，由當日起計至冬季轉會窗開前，所有賽事踢左18場波，獲得9勝3和6負既成績，得勝率都有50%。當冬季轉會窗開後，班主保利大手短時間引入左八個球星。樸達就開始攪唔掂隊波。由一月至被炒期間踢左16場波，獲得4勝5和7負既成績，得勝率得番25%。以前世界盃選兵都係講23人，今屆先加到26個。依家突然成隊波由23人變到31人，真係練波點分隊都係一個問題。再加上位位都身價不菲，自然就好難擺後備席，加上保利有冇干涉調兵遣將就…你諗。唔好話樸達，安察洛堤可能都會考起！我推斷佢既死因係冬季轉會窗既過量買人，加上班主有一套想法，而佢係冇得唔跟既情況下，先攪到下半季出晒事。
總結樸達上任後既帶隊成績，12勝8和11負，得勝率只有39%。只睇數據上，39%確實係非常難睇，如單憑帶隊得勝率黎決定炒人既話，咁呢個決定係非常正確。但呢個時間炒又有冇好處先？車仔現時係聯賽得38分，都肯定護級成功（抽抽水），距離第五位既曼聯有12分差距。基本上都冇可能可以憑本土賽事爭到歐洲賽踢。歐聯8強既對手係皇家馬德里，安察洛堤同皇馬絕對唔係易踢，就算俾你過到都仲有拜仁、曼城或拿坡里等緊你，除非複製到車仔炒帥效應，憑呢班雜牌軍都冇乜可能贏到歐聯。係咁既形勢下，加上又未有合心水既領隊，再加上炒樸達要賠錢，何不等佢帶埋餘下賽季先再落鑊都未遲！如果再睇樸達帶隊史，俾番兩三年佢帶，佢又未必唔可以將呢班球星融合係一齊！我個人而言，我會先俾佢帶到季尾，俾足夠時間佢去做下季季前訓練，再睇佢頭5場波係咩狀況再決定炒唔炒，咁佢都死得心服口服！你地又不妨留言睇下你點睇！（資訊如有錯誤請指出）