又要應付絞肉機中場（賽前分析-曼聯對愛華頓）
榜尾大混戰，由第十二位既水晶宮去到第十八位既般尼茅夫都係相差三分，包尾既修咸頓距離般尼茅夫都係四分差距，睇個勢要踢到最後一場先知邊隊會降班。除左要睇分數之外，得失球差亦會係決定名次既關鍵。經歷左換帥之後，戴治帶領既愛華頓好似有番起色，9場波獲得3勝3和3負既成績。拖肥現時以27分排係16位，憑得失球差暫時脫離降班區域。戴治灌入般尼既高Q大棍、埋身肉搏、英式傳統既踢法俾愛華頓，暫時黎睇係非常適合。中場主力安拿拿、基耶同杜哥尼都係破壞十足但進攻欠奉既良將。左翼麥尼爾要佢簡簡單單出腳波冇問題。唯一較差就係改踢前鋒既格雷，搶點頭鎚射門都唔係佢強項，難以靠佢去入波完成攻勢。近五場拖肥係一勝三和一負，贏你唔到都唔可以輸比你就係佢地近況。連續兩場都係比賽末段追和對手，更顯出佢地既韌力。睇下今場作客又頂唔頂得住曼聯強攻。
預測愛華頓正選陣容（4-4-1-1）
碧福特
史密斯高文 米高堅尼 達高斯基 米哥倫哥
伊禾比 奧拿拿 基耶 麥尼爾
杜哥尼
格雷
曼聯周中補賽以一比零擊敗賓福特，終止左聯賽三場不勝兼一球不入既尷尬情況。卡斯美路既停賽對曼聯既影響係非常大，而曼聯世界盃後既賽程之密冠絕所有球隊，加上有不少球員加入受傷行列，包括新加入既左閘梳爾，坦克要排兵佈陣可謂捉襟見肘。曼聯總算都仍然拎到53分，排係第四位，仍需繼續努力追趕紐卡素。今場繼續主場出擊迎戰愛華頓，如何面對絞肉機中場對坦克黎講都係一個大課題。今季三對紐卡素，場面上都俾人食住；對住富咸，要不是米勞域主動申請紅牌，莫講要贏，入波都有難度。今場又要面對呢一類中場，肯定會非常難踢。預測坦克會用番上場對賓福特既踢法（https://s.fanpiece.com/K8uHHHA）。迪基亞出任門將。防線將會有變動，梳爾受傷，馬拿斯亞要擔大旗。中堅繼續係華拉尼拍馬天尼斯。右閘達洛治狀態一般，睇下雲比沙加能否復出，守一守狀態幾fit既麥尼爾。雖然卡斯美路繼續停賽，但麥湯文尼近兩場既表現幾好，擺番岩位可以頂到兩咀。艾歷臣終於傷完，有機會後備落場踢下。麥沙既拍擋會係般奴費南迪斯，薩碧沙推前一格踢攻擊中場。馬斯亞上場後備入替後，進攻參與度都幾多，狀態開始上力，反而辛祖既表現都係冇乜亮點。有機會馬斯亞今場坐正，華舒福同安東尼踢左右翼支援佢去爭取入球。
預測曼聯正選陣容（4-2-3-1）
迪基亞
雲比沙加 華拉尼 馬天尼斯 馬拿斯亞
麥湯文尼 般奴費南迪斯
安東尼 薩碧沙 華舒福
馬斯亞
預測愛華頓正選陣容（4-4-1-1）
碧福特
史密斯高文 米高堅尼 達高斯基 米哥倫哥
伊禾比 奧拿拿 基耶 麥尼爾
杜哥尼
格雷
曼聯周中補賽以一比零擊敗賓福特，終止左聯賽三場不勝兼一球不入既尷尬情況。卡斯美路既停賽對曼聯既影響係非常大，而曼聯世界盃後既賽程之密冠絕所有球隊，加上有不少球員加入受傷行列，包括新加入既左閘梳爾，坦克要排兵佈陣可謂捉襟見肘。曼聯總算都仍然拎到53分，排係第四位，仍需繼續努力追趕紐卡素。今場繼續主場出擊迎戰愛華頓，如何面對絞肉機中場對坦克黎講都係一個大課題。今季三對紐卡素，場面上都俾人食住；對住富咸，要不是米勞域主動申請紅牌，莫講要贏，入波都有難度。今場又要面對呢一類中場，肯定會非常難踢。預測坦克會用番上場對賓福特既踢法（https://s.fanpiece.com/K8uHHHA）。迪基亞出任門將。防線將會有變動，梳爾受傷，馬拿斯亞要擔大旗。中堅繼續係華拉尼拍馬天尼斯。右閘達洛治狀態一般，睇下雲比沙加能否復出，守一守狀態幾fit既麥尼爾。雖然卡斯美路繼續停賽，但麥湯文尼近兩場既表現幾好，擺番岩位可以頂到兩咀。艾歷臣終於傷完，有機會後備落場踢下。麥沙既拍擋會係般奴費南迪斯，薩碧沙推前一格踢攻擊中場。馬斯亞上場後備入替後，進攻參與度都幾多，狀態開始上力，反而辛祖既表現都係冇乜亮點。有機會馬斯亞今場坐正，華舒福同安東尼踢左右翼支援佢去爭取入球。
預測曼聯正選陣容（4-2-3-1）
迪基亞
雲比沙加 華拉尼 馬天尼斯 馬拿斯亞
麥湯文尼 般奴費南迪斯
安東尼 薩碧沙 華舒福
馬斯亞