拿華斯雙拳難敵曼聯（賽後分析-諾定咸森林）
《曼聯黑氣繼續纏身》
曼聯周中對西維爾，領先兩球後「黑」氣襲體，先有華拉尼受傷，再有馬拿斯亞烏龍，後有馬天尼斯受傷，最後到麥佳亞擺老烏，被西維爾逼和二比二。今場「黑」氣繼續纏身，薩碧沙熱身時整親，傷兵名單又多一員，足足傷左一隊人。艾歷臣縱然狀態未十足，都被逼要立刻再熱多兩轉身正選上陣。馬拿斯亞亦都加入傷兵行列，左閘淨係得番威廉斯侯命，所以達洛治要臨危受命改踢左閘。依家基本上係冇乜調動可以做，除左韋賀斯同費特可作輪換外，只得番伊蘭加同柏利斯迪加埋威廉斯叫做相對係英超有經驗。
《拿華斯雙拳難敵曼聯》
曼聯雖然傷兵多達一隊，但整體戰力仍在諾定咸森林之上，可以睇得出依家曼聯既後備深度已經算不俗（當然仍要加強）。中場艾歷臣復出，推前番般奴費南迪斯，令到曼聯整體進攻更加流暢，而推前般奴後，亦更能發揮佢既創造力，始終都係最適合踢攻擊中場。達洛治改任左閘，今場經常先移入防守中場位置，等艾歷臣可以墮後閘位做波，兩個再有時一出一入，透過換位產生空間，令艾歷臣更容易拎波去破對方既壓迫，呢招又幾work！曼聯今場整體進攻以overload左路為主，右路反而更多透過長傳搵安東尼去哨，雲比沙加更多參與進攻，而將達洛治逗番後少少。要讚下安東尼，除左呢場一入波一助攻外，近幾場明顯刻意沉下底用右腳出波，殺對方一個措手不及，有改善有進步絕對要俾個like佢！整場賽事曼聯接近有7成控球，22腳射門中8腳框入2球。拿華斯多番成功撲救，令曼聯要去到76分鐘先入到燕梳球，成功擴大比數。森林認真要改善下防守，唔能夠下下都靠門將保住後方。除左防守，進攻都需要加強，全場7射0中，傳球成功率僅得64%，咁既表現要贏波實在太難。進攻上只得右路既歷高威廉斯同賓倫莊遜踢得較為對板；左路或者要早少少起用丹尼斯先得。中場亦缺少派牌之人，攻勢唔得連貫又冇乜創造，再唔改善都係英冠見。
《贏波都有問題要解決》
曼聯雖然踢出水準，亦算輕鬆地拎左三分，但都有少少野要留意一下。般奴同辛祖加埋有3至4下非官方正式統計係中場中路地波橫傳失敗，從而立刻被對手偷到打反擊。好彩對方只係森林，球員既質素同把握力都較差，未能憑人少打人少，利用空間去威脅迪基亞。呢類橫傳認真要小心，否則對其他隊就要負上代價。另外，當般奴踢攻中位置而馬斯亞踢前鋒時，要留意既係馬斯亞會更多時離開中鋒現身拎波，但般奴卻冇立刻跟進走入禁區，變相禁區內係冇人，又或者般奴更多時出現係禁區外做波，冇另一個中場球員入滲禁區增加禁區內既球員人數去迎接傳中球。因薩碧沙並唔係善於做波，所以佢唔會周圍幫波，而係會更多時留守禁區內入楔，或等馬仔拉扯佢就走空位，呢樣野薩碧沙絕對比般奴好。何時入禁區幫手搶點？何時周圍幫波？又或者艾歷臣幾時要後上入滲？都係坦克需要改善球隊既地方！
《總結》
曼聯呢三分袋得算輕鬆，比賽過程亦慶幸冇人受傷（迪基亞疑似受傷但最後應該冇事）。周中作客西班牙，人腳上仲要冇埋般奴，正選唔駛預測都知坦克點擺。希望各隊員可以堅持埋佢，贏埋呢場入四強，周末再同白禮頓爭入FA CUP決賽！
曼聯周中對西維爾，領先兩球後「黑」氣襲體，先有華拉尼受傷，再有馬拿斯亞烏龍，後有馬天尼斯受傷，最後到麥佳亞擺老烏，被西維爾逼和二比二。今場「黑」氣繼續纏身，薩碧沙熱身時整親，傷兵名單又多一員，足足傷左一隊人。艾歷臣縱然狀態未十足，都被逼要立刻再熱多兩轉身正選上陣。馬拿斯亞亦都加入傷兵行列，左閘淨係得番威廉斯侯命，所以達洛治要臨危受命改踢左閘。依家基本上係冇乜調動可以做，除左韋賀斯同費特可作輪換外，只得番伊蘭加同柏利斯迪加埋威廉斯叫做相對係英超有經驗。
《拿華斯雙拳難敵曼聯》
曼聯雖然傷兵多達一隊，但整體戰力仍在諾定咸森林之上，可以睇得出依家曼聯既後備深度已經算不俗（當然仍要加強）。中場艾歷臣復出，推前番般奴費南迪斯，令到曼聯整體進攻更加流暢，而推前般奴後，亦更能發揮佢既創造力，始終都係最適合踢攻擊中場。達洛治改任左閘，今場經常先移入防守中場位置，等艾歷臣可以墮後閘位做波，兩個再有時一出一入，透過換位產生空間，令艾歷臣更容易拎波去破對方既壓迫，呢招又幾work！曼聯今場整體進攻以overload左路為主，右路反而更多透過長傳搵安東尼去哨，雲比沙加更多參與進攻，而將達洛治逗番後少少。要讚下安東尼，除左呢場一入波一助攻外，近幾場明顯刻意沉下底用右腳出波，殺對方一個措手不及，有改善有進步絕對要俾個like佢！整場賽事曼聯接近有7成控球，22腳射門中8腳框入2球。拿華斯多番成功撲救，令曼聯要去到76分鐘先入到燕梳球，成功擴大比數。森林認真要改善下防守，唔能夠下下都靠門將保住後方。除左防守，進攻都需要加強，全場7射0中，傳球成功率僅得64%，咁既表現要贏波實在太難。進攻上只得右路既歷高威廉斯同賓倫莊遜踢得較為對板；左路或者要早少少起用丹尼斯先得。中場亦缺少派牌之人，攻勢唔得連貫又冇乜創造，再唔改善都係英冠見。
《贏波都有問題要解決》
曼聯雖然踢出水準，亦算輕鬆地拎左三分，但都有少少野要留意一下。般奴同辛祖加埋有3至4下非官方正式統計係中場中路地波橫傳失敗，從而立刻被對手偷到打反擊。好彩對方只係森林，球員既質素同把握力都較差，未能憑人少打人少，利用空間去威脅迪基亞。呢類橫傳認真要小心，否則對其他隊就要負上代價。另外，當般奴踢攻中位置而馬斯亞踢前鋒時，要留意既係馬斯亞會更多時離開中鋒現身拎波，但般奴卻冇立刻跟進走入禁區，變相禁區內係冇人，又或者般奴更多時出現係禁區外做波，冇另一個中場球員入滲禁區增加禁區內既球員人數去迎接傳中球。因薩碧沙並唔係善於做波，所以佢唔會周圍幫波，而係會更多時留守禁區內入楔，或等馬仔拉扯佢就走空位，呢樣野薩碧沙絕對比般奴好。何時入禁區幫手搶點？何時周圍幫波？又或者艾歷臣幾時要後上入滲？都係坦克需要改善球隊既地方！
《總結》
曼聯呢三分袋得算輕鬆，比賽過程亦慶幸冇人受傷（迪基亞疑似受傷但最後應該冇事）。周中作客西班牙，人腳上仲要冇埋般奴，正選唔駛預測都知坦克點擺。希望各隊員可以堅持埋佢，贏埋呢場入四強，周末再同白禮頓爭入FA CUP決賽！