光頭佬大戰愛神（賽前分析-曼聯對維拉）
維拉自艾美利上任後表現脫胎換骨，近十場波8勝2和不敗，成隊波狀態番晒黎。要留意既係佢上任後係冇買或借入任何球員，唔知究竟係謝拉特領軍能力太差，還是球員又黎玩逼官？總之，愛神上任近十場未輸過就係事實。前線數糊人物屈堅斯近況極佳，十場波入左七球，佔左球隊近十場接近4成幾既入球數，加上近況雷斯、布安迪亞同積及藍斯都有進帳，前場都算點點開花。艾美利多起用4-4-2菱形中場踢，中場球員較爛打，邊路靠二閘上上落落，特別係左路摩蘭奴或迪尼，兩者出擊力強，幸好右閘既卡殊傷左，右路焗用老將楊格頂，會係一個弱點，睇下麥堅或丹當卡點樣去協防楊格，或會係呢場波既關鍵。
預測維拉正選陣容（4-4-2）
馬天尼斯
艾殊利楊格 干沙 明斯 摩蘭奴
麥堅 丹當卡 雷斯 積及藍斯
布安迪亞 屈堅斯
曼聯上場再次領先兩球下被熱刺逼和，下半場球員體能透支，令中場完全失勢而導致失波，反映球隊係防守上仍有好多改善空間，又或者如何保持控球權拖慢節奏，亦係管理團隊要諗既方向之一。近兩季對維拉既戰績都係比較一般，除左聯賽盃贏過一次之外，其餘4場都係2和2敗。今季首循道對賽，曼聯都係輸三比一。睇下今場又可唔可復仇成功！保四之路仲有排行，一分都不能少下，坦克都難以輪換太多球員。預測都係排出4-2-3-1陣式。龍門都係迪基亞。連麥佳亞都入埋，只能用連迪路夫拍梳爾。左右閘繼續係達洛治同雲比沙加。中場艾歷臣明顯缺態，暫時頂盡踢到60分鐘，呢個位或者可以嘗試換一換，將般奴縮後一格拍卡斯美路。攻擊中場起用薩碧沙加強入禁區搶點既效果。辛祖上場有波入，左翼位可以繼續交俾佢；右翼則係安東尼。前鋒應會起用華舒福，始終馬斯亞都有少傷，狀態未係好夠。
預測曼聯正選陣容（4-2-3-1）
迪基亞
雲比沙加 連迪路夫 梳爾 達洛治
卡斯美路 般奴費南迪斯
安東尼 薩碧沙 辛祖
華舒福
預測維拉正選陣容（4-4-2）
馬天尼斯
艾殊利楊格 干沙 明斯 摩蘭奴
麥堅 丹當卡 雷斯 積及藍斯
布安迪亞 屈堅斯
曼聯上場再次領先兩球下被熱刺逼和，下半場球員體能透支，令中場完全失勢而導致失波，反映球隊係防守上仍有好多改善空間，又或者如何保持控球權拖慢節奏，亦係管理團隊要諗既方向之一。近兩季對維拉既戰績都係比較一般，除左聯賽盃贏過一次之外，其餘4場都係2和2敗。今季首循道對賽，曼聯都係輸三比一。睇下今場又可唔可復仇成功！保四之路仲有排行，一分都不能少下，坦克都難以輪換太多球員。預測都係排出4-2-3-1陣式。龍門都係迪基亞。連麥佳亞都入埋，只能用連迪路夫拍梳爾。左右閘繼續係達洛治同雲比沙加。中場艾歷臣明顯缺態，暫時頂盡踢到60分鐘，呢個位或者可以嘗試換一換，將般奴縮後一格拍卡斯美路。攻擊中場起用薩碧沙加強入禁區搶點既效果。辛祖上場有波入，左翼位可以繼續交俾佢；右翼則係安東尼。前鋒應會起用華舒福，始終馬斯亞都有少傷，狀態未係好夠。
預測曼聯正選陣容（4-2-3-1）
迪基亞
雲比沙加 連迪路夫 梳爾 達洛治
卡斯美路 般奴費南迪斯
安東尼 薩碧沙 辛祖
華舒福