林伯都預左硬食呢隻鑊（閒談車路士近況）
要數英超近況最差既一隊必定要提車路士。由新班主保利入主，先炒杜曹請樸達，再炒樸達請林伯特回歸，整季整個球會都處於一個非常動盪既時期。之前小弟都曾出過一篇文章講炒樸達係一個唔明智既決定。依家林伯特上任之後，球隊戰績更為恐怖，係獲得6連敗，場均每場失兩球，六場波只入得2球。幸好，現時係聯賽榜有39分，距離第18位既諾定咸森林有9分差距。餘下5場賽事需要對般尼茅夫同森林呢兩隊護級隊，另加曼市雙雄同紐卡素。咁既近況同比賽對手全敗都不足為奇。不過，小弟認為對車路士對森林應該有條件拎到一分，就算輸埋都冇機會降班，因為我唔相信森林、列斯聯同李斯特城可以全勝，降班機會只有數字上可能。
小弟見到呢隊車路士反而有少少心酸而唔係興奮，亦替林伯特有點兒難過。小弟翻查林伯特近六場既資料，發現林伯特係呢六波場用左至少5個陣式，包括4-3-3、3-4-2-1、3-5-2、3-4-1-1同4-4-2。除左陣式外，有21個球員係呢6場波出現過係正選名單。如翼衛都當後衛，佢曾經用過9個球員去踢後衛；中場則有5個；前鋒包括翼鋒則有6個球員；只有門將係用左1位。呢21個球員係未計會後備出場既球員，包括薜耶治、文迪同龍虎切等。從呢堆數字亦證明林伯特到現時都係未搵到一套最佳陣容同陣式，球員間如何配搭可以產生最大效果都係未搵到，甚至乎連佢自己心中既最喜愛既十一人都定唔到！莫講要班球員建立到默契，領隊要訂立到一套進攻同防守模式都困難，憑咩講贏波？
見到車路士對阿仙奴場波，踢得最落力最著緊最熱血果個係老將艾斯比列古達，去到尾段仲同你上上落落又飛剷又進攻；第二個要數到老而彌堅既泰亞高施華。睇到隊波要靠老將去帶動整隊既積極性，只能說請好好珍惜艾斯同施華！球隊輸波，林伯特係咪全無責任？咁又唔係，例如全世界都知簡迪最佳防置係防中，但偏偏呢場就要佢推前一格，拍住奧巴美羊接近踢雙箭頭去防守。呢類咁基本既位置安排都係有問題（或者佢有佢考慮），所以佢都有部分責任，但最大責任肯定係肯科水但亂買人既班主。無論下個邊個領隊接手都好，睇黎第一件事就係要精簡球員數量（難度可謂極大）；第二件事就係班主睇黎唔可以太干預更衣室；第三先係點樣建立一隊波既game plan！攪得掂呢幾樣野，加上車路士咁既人腳，我唔相信下年佢都係踢到要護級。呢堆人腳基本上都要入頭四，起碼徘徊係榜上遊位置先叫做合格！
小弟見到呢隊車路士反而有少少心酸而唔係興奮，亦替林伯特有點兒難過。小弟翻查林伯特近六場既資料，發現林伯特係呢六波場用左至少5個陣式，包括4-3-3、3-4-2-1、3-5-2、3-4-1-1同4-4-2。除左陣式外，有21個球員係呢6場波出現過係正選名單。如翼衛都當後衛，佢曾經用過9個球員去踢後衛；中場則有5個；前鋒包括翼鋒則有6個球員；只有門將係用左1位。呢21個球員係未計會後備出場既球員，包括薜耶治、文迪同龍虎切等。從呢堆數字亦證明林伯特到現時都係未搵到一套最佳陣容同陣式，球員間如何配搭可以產生最大效果都係未搵到，甚至乎連佢自己心中既最喜愛既十一人都定唔到！莫講要班球員建立到默契，領隊要訂立到一套進攻同防守模式都困難，憑咩講贏波？
見到車路士對阿仙奴場波，踢得最落力最著緊最熱血果個係老將艾斯比列古達，去到尾段仲同你上上落落又飛剷又進攻；第二個要數到老而彌堅既泰亞高施華。睇到隊波要靠老將去帶動整隊既積極性，只能說請好好珍惜艾斯同施華！球隊輸波，林伯特係咪全無責任？咁又唔係，例如全世界都知簡迪最佳防置係防中，但偏偏呢場就要佢推前一格，拍住奧巴美羊接近踢雙箭頭去防守。呢類咁基本既位置安排都係有問題（或者佢有佢考慮），所以佢都有部分責任，但最大責任肯定係肯科水但亂買人既班主。無論下個邊個領隊接手都好，睇黎第一件事就係要精簡球員數量（難度可謂極大）；第二件事就係班主睇黎唔可以太干預更衣室；第三先係點樣建立一隊波既game plan！攪得掂呢幾樣野，加上車路士咁既人腳，我唔相信下年佢都係踢到要護級。呢堆人腳基本上都要入頭四，起碼徘徊係榜上遊位置先叫做合格！