踢到咁收貨啦（賽後分析-曼城對曼聯）
《哥帥以不變應萬變；坦克針對部署》
哥帥果然如賽前所料，繼續以4-2-3-1為基本防守陣式，進攻將史東斯推前任防中，改踢3-2-4-1/3-2-5，前場高位逼搶就推前迪布尼變雙箭頭壓迫曼聯。除左龍門改用奧迪加外，其他人腳同對皇馬一樣。迪亞斯拍史東斯，左右二閘係艾簡治同獲加。洛迪出任防中，左右中場中係根度簡同迪布尼。左右翼係格利殊同貝拿度施華支援前鋒夏蘭特攻堅。曼城繼續維持一貫高位逼搶，地面傳控踢法。
曼聯開波前又傷兩個，安東尼同馬斯亞都踢唔到。前場選擇不多情況下，坦克選擇以守行先，針對性部署令曼城冇咁容易組織。迪基亞出任門將。防線由左至右係梳爾-連迪路夫-華拉尼-雲比沙加。卡斯美路拍費特出任防中。左右翼係辛祖同般奴費南迪斯。艾歷臣出任攻中支援前鋒華舒福攻堅。整隊嘗試係高位遮線，甚少前場進行逼搶。艾歷臣聯同福仔係前面先以遮住迪亞斯傳俾洛迪同史東斯既傳球路線，翼鋒則防守對方二閘。放棄對迪亞斯施壓，逼佢放棄係中路打穿，焗佢先傳兩邊。費特同卡斯美路則接近釘防迪布尼同根度簡。左右二閘一對一防守曼城一對翼鋒。華拉尼同連迪路夫則輪流招呼夏蘭特，只要佢一現身拎波就貼身招呼。進攻上，坦克放棄兩翼進攻兩側，推辛祖入中路聯同福仔打雙箭頭，般奴多移入中路，類似踢一個菱形中場，嘗試overload中路進攻，兩側就靠閘位後上。福仔同辛祖有機會就從中路走邊路接應過頭波，係兩側停到波再等隊友後上，整隊進攻多靠右路為主，避開獲加既防守都比較正路。
《哥帥點都算唔到13秒就入波；坦克冇自亂陣腳照部署踢》
曼城一開波，第一個攻勢，第一個射門，就出現第一個入球。奧迪加長傳，兩下空中鬥撞，個波落係根度簡面前。佢係禁區頂球不著地窩利靚射入網。迪基亞完全得個「望」字。13秒入波，相信好多人都覺得場波可以放入雪櫃，但曼聯話你知場波仲有89分47秒踢。曼聯上半場踢出部署，係前場雖然搶唔到波，但可以透過高位遮線，成功令曼城後場難以輕鬆傳俾洛迪同史東斯組織。曼城後場build-up唔太成功，亦可靠長傳俾夏蘭特係中場停波再回後俾中場，但曼聯整條防線壓得唔係太上，兩側單防能力亦高，所以曼城呢下只能將波推進到較前位置，未能產生好大威脅。要讚冰人同華拉尼係單防夏蘭特非常成功，上半場只有一次機會俾佢轉到身推再射。曼城上半場空有控球權，只有史東斯一次偶然性落到half-space地波傳中cut-back係極大威脅，基本上係冇黃金機會可以製造到，但都要講曼城太早領先，有少少收住油睇住黎食，進攻節奏唔係推得好快。曼城上半場6射2中，（印象流）係禁區內既射門只得一兩下，曼聯防守上算係非常成功，而曼聯係前場欠缺支點停波，後場一受壓就向前大腳轟就算，所以甚少可以持續地「用波」。辛祖入中路當中鋒打亦非佢擅長，兩側要靠二閘上黎亦需時。般奴移居右路，亦令右面少左一隻快馬去突襲艾簡治。其實右路會係相對易攻，但奈何安東尼同馬斯亞受傷，辛祖又唔係擅長單對單突破，都只能用般奴去踢。曼聯生波冇乜大機會創造到，但33分鐘格利殊禁區犯手球，般奴成功為曼聯追成平手，場波由頭黎過。直至完半場雞響，戰局都冇太大改變，半場，完。
《曼城又係靠根叔再領先；曼聯差少少追番》
兩隊半場都冇換人。踢左6分鐘，根度簡又把握到曼聯防守死球既問題，係禁區頂接應迪布尼傳送窩利射入，為曼城再次領先。兩隊係戰術上冇乜大改變，但曼聯既艾歷臣跌watt明顯，令曼城開始搵到機會打穿中路。62分鐘，坦克用加拿祖換入艾歷臣，加強左邊突破力。同時將般奴移番入中路較炮，辛祖回歸右路。加拿祖入替後，佢既活力同突破力確係俾到獲加唔少壓力，幾下內切射門都有威脅。76分鐘，哥帥用科頓換入迪布尼。雖然曼聯踢落唔算太製造到威脅，但咁早換走都有一定既危險性。78分鐘，坦克用韋賀斯入替辛祖，改打雙箭頭。韋賀斯即刻做到支點作用，前場停波，前場施壓，令曼聯成功推進到前場。83分鐘，坦克再用麥湯文尼入替連迪路夫，後場只打華拉尼一個中堅，麥湯、福仔同韋賀斯接近三箭頭。瘋狂既換人換黎幾下差少少入波既鏡頭，可惜都係過唔到奧迪加十指關。哥帥係尾段換入艾基同拿樸迪，加強防守同制空力；坦克就冇得再換入麥隊長去撞。最後，曼城以二比一擊敗曼聯，暫時做住雙冠王先。
《總結》
曼城實力實在比曼聯高，係有少少未出盡全力，睇住你黎食既感覺。後備仍有馬列斯同艾華利斯，都無需要換入黎搏鎚。唯一我覺得哥帥有少少太老定，就係領先一球下換走迪布尼。雖然迪布尼今場被凍結，但始終佢級數係高，未有燕梳球前，都唔應該抽走（追和就要加時）。
曼聯算係雖敗猶榮啦，防守上令曼城甚少製造到黃金機會。整條防線都表現出色，未去到完封夏蘭特，但都令佢唔可以鬆容起腳。進攻則變左做巧婦，缺少安東尼同馬斯亞，後場又少左馬天尼斯去做波，坦克可以做既已經盡做。不過就算安東尼冇傷，我都會將佢先列後備，要搏殺要贏先出，但有馬仔既話或者係反擊上會做得更好。整隊表現正常，太早落後亦冇亂晒大龍，踢出部署令對方贏得冇咁輕鬆。始終對手整體戰力比我地高，我地亦有三名重要戰將缺陣，加上疲倦程度又比對方大，我對呢場波既表現絕對收貨。唯一失望係艾歷臣，佢復出後一路都操唔番最佳狀態，今場亦唔太發揮到控場作用，希望下季可以重拾狀態。
最後恭喜曼城先做雙冠王，同市光榮論又好，點都好，都希望曼城贏到歐聯冠軍，為英超爭番口氣。曼聯則下屆努力，繼續重建去衝擊所有冠軍！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
哥帥果然如賽前所料，繼續以4-2-3-1為基本防守陣式，進攻將史東斯推前任防中，改踢3-2-4-1/3-2-5，前場高位逼搶就推前迪布尼變雙箭頭壓迫曼聯。除左龍門改用奧迪加外，其他人腳同對皇馬一樣。迪亞斯拍史東斯，左右二閘係艾簡治同獲加。洛迪出任防中，左右中場中係根度簡同迪布尼。左右翼係格利殊同貝拿度施華支援前鋒夏蘭特攻堅。曼城繼續維持一貫高位逼搶，地面傳控踢法。
曼聯開波前又傷兩個，安東尼同馬斯亞都踢唔到。前場選擇不多情況下，坦克選擇以守行先，針對性部署令曼城冇咁容易組織。迪基亞出任門將。防線由左至右係梳爾-連迪路夫-華拉尼-雲比沙加。卡斯美路拍費特出任防中。左右翼係辛祖同般奴費南迪斯。艾歷臣出任攻中支援前鋒華舒福攻堅。整隊嘗試係高位遮線，甚少前場進行逼搶。艾歷臣聯同福仔係前面先以遮住迪亞斯傳俾洛迪同史東斯既傳球路線，翼鋒則防守對方二閘。放棄對迪亞斯施壓，逼佢放棄係中路打穿，焗佢先傳兩邊。費特同卡斯美路則接近釘防迪布尼同根度簡。左右二閘一對一防守曼城一對翼鋒。華拉尼同連迪路夫則輪流招呼夏蘭特，只要佢一現身拎波就貼身招呼。進攻上，坦克放棄兩翼進攻兩側，推辛祖入中路聯同福仔打雙箭頭，般奴多移入中路，類似踢一個菱形中場，嘗試overload中路進攻，兩側就靠閘位後上。福仔同辛祖有機會就從中路走邊路接應過頭波，係兩側停到波再等隊友後上，整隊進攻多靠右路為主，避開獲加既防守都比較正路。
《哥帥點都算唔到13秒就入波；坦克冇自亂陣腳照部署踢》
曼城一開波，第一個攻勢，第一個射門，就出現第一個入球。奧迪加長傳，兩下空中鬥撞，個波落係根度簡面前。佢係禁區頂球不著地窩利靚射入網。迪基亞完全得個「望」字。13秒入波，相信好多人都覺得場波可以放入雪櫃，但曼聯話你知場波仲有89分47秒踢。曼聯上半場踢出部署，係前場雖然搶唔到波，但可以透過高位遮線，成功令曼城後場難以輕鬆傳俾洛迪同史東斯組織。曼城後場build-up唔太成功，亦可靠長傳俾夏蘭特係中場停波再回後俾中場，但曼聯整條防線壓得唔係太上，兩側單防能力亦高，所以曼城呢下只能將波推進到較前位置，未能產生好大威脅。要讚冰人同華拉尼係單防夏蘭特非常成功，上半場只有一次機會俾佢轉到身推再射。曼城上半場空有控球權，只有史東斯一次偶然性落到half-space地波傳中cut-back係極大威脅，基本上係冇黃金機會可以製造到，但都要講曼城太早領先，有少少收住油睇住黎食，進攻節奏唔係推得好快。曼城上半場6射2中，（印象流）係禁區內既射門只得一兩下，曼聯防守上算係非常成功，而曼聯係前場欠缺支點停波，後場一受壓就向前大腳轟就算，所以甚少可以持續地「用波」。辛祖入中路當中鋒打亦非佢擅長，兩側要靠二閘上黎亦需時。般奴移居右路，亦令右面少左一隻快馬去突襲艾簡治。其實右路會係相對易攻，但奈何安東尼同馬斯亞受傷，辛祖又唔係擅長單對單突破，都只能用般奴去踢。曼聯生波冇乜大機會創造到，但33分鐘格利殊禁區犯手球，般奴成功為曼聯追成平手，場波由頭黎過。直至完半場雞響，戰局都冇太大改變，半場，完。
《曼城又係靠根叔再領先；曼聯差少少追番》
兩隊半場都冇換人。踢左6分鐘，根度簡又把握到曼聯防守死球既問題，係禁區頂接應迪布尼傳送窩利射入，為曼城再次領先。兩隊係戰術上冇乜大改變，但曼聯既艾歷臣跌watt明顯，令曼城開始搵到機會打穿中路。62分鐘，坦克用加拿祖換入艾歷臣，加強左邊突破力。同時將般奴移番入中路較炮，辛祖回歸右路。加拿祖入替後，佢既活力同突破力確係俾到獲加唔少壓力，幾下內切射門都有威脅。76分鐘，哥帥用科頓換入迪布尼。雖然曼聯踢落唔算太製造到威脅，但咁早換走都有一定既危險性。78分鐘，坦克用韋賀斯入替辛祖，改打雙箭頭。韋賀斯即刻做到支點作用，前場停波，前場施壓，令曼聯成功推進到前場。83分鐘，坦克再用麥湯文尼入替連迪路夫，後場只打華拉尼一個中堅，麥湯、福仔同韋賀斯接近三箭頭。瘋狂既換人換黎幾下差少少入波既鏡頭，可惜都係過唔到奧迪加十指關。哥帥係尾段換入艾基同拿樸迪，加強防守同制空力；坦克就冇得再換入麥隊長去撞。最後，曼城以二比一擊敗曼聯，暫時做住雙冠王先。
《總結》
曼城實力實在比曼聯高，係有少少未出盡全力，睇住你黎食既感覺。後備仍有馬列斯同艾華利斯，都無需要換入黎搏鎚。唯一我覺得哥帥有少少太老定，就係領先一球下換走迪布尼。雖然迪布尼今場被凍結，但始終佢級數係高，未有燕梳球前，都唔應該抽走（追和就要加時）。
曼聯算係雖敗猶榮啦，防守上令曼城甚少製造到黃金機會。整條防線都表現出色，未去到完封夏蘭特，但都令佢唔可以鬆容起腳。進攻則變左做巧婦，缺少安東尼同馬斯亞，後場又少左馬天尼斯去做波，坦克可以做既已經盡做。不過就算安東尼冇傷，我都會將佢先列後備，要搏殺要贏先出，但有馬仔既話或者係反擊上會做得更好。整隊表現正常，太早落後亦冇亂晒大龍，踢出部署令對方贏得冇咁輕鬆。始終對手整體戰力比我地高，我地亦有三名重要戰將缺陣，加上疲倦程度又比對方大，我對呢場波既表現絕對收貨。唯一失望係艾歷臣，佢復出後一路都操唔番最佳狀態，今場亦唔太發揮到控場作用，希望下季可以重拾狀態。
最後恭喜曼城先做雙冠王，同市光榮論又好，點都好，都希望曼城贏到歐聯冠軍，為英超爭番口氣。曼聯則下屆努力，繼續重建去衝擊所有冠軍！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/