曼聯賽季總結及來季展望（上）
先總結一下曼聯今季既成績：
聯賽：第三名
聯賽盃：冠軍
足總盃：亞軍
歐霸盃：八強止步
今季夏天轉會窗引入左卡斯美路、馬拿斯亞、安東尼、艾歷臣同馬天尼斯，與及借用杜巴卡。除左陣容獲得顯著既提升，亦請左前阿積士領隊坦克黎教，期望當然係保前四，亦冇諗過會贏到任何錦標。加上當時仍有C朗在陣，就認為坦克唔會易攪呢隊波（有留意我文章都知我不嬲對C朗黎曼係極不同意）。經過季初兩場大敗，坦克齊齊跑步再果斷少用C朗，令球隊開始步入正軌。冬季轉會窗前再爆發C朗事件，後來球王遠走沙特，再係冬季轉會窗借用畢拿特、沙碧沙同韋賀斯補強陣容，最後以第三名完成賽季，獲得來季歐聯資格，仲奪得聯賽盃冠軍，於我而言已經係超額完成。
《短評一下季初加盟球員》
卡斯美路相信會係今季既最佳收購，成功將曼聯中場既級數直接提升；馬天尼斯大大加強左曼聯係後場build-up能力，加上佢熱血防守亦帶動到球隊士氣，拍住華拉尼大大鞏固到後場防守；艾歷臣迅速融入球隊，加強左中場既派牌能力，不過季尾復出既狀態非常一般，來季又大一歲下，要睇睇佢能否回復最佳狀態；馬拿斯亞仍後生，潛力有待發掘；安東尼身價不斐，雖然入球數同助攻數比預期係低，但佢係右路既停波、內切、推進，都係數據反映唔到。季尾佢亦多左沉底同右腳出波，證明佢仍可進步，相信佢下季表現會更好。
《短評一下季中加盟既球員》
季中以外借身份加盟曼聯既有前鋒韋賀斯、門將畢拿特同中場沙碧沙。畢拿特出任曼聯二三號門，佢連場都冇出過，所以都冇咩好評價。假如曼聯係轉會窗可以引入一個用到波既門將，相信佢都會番水晶宮。前鋒韋賀斯半季加盟只得兩入波兩助攻，佢出場次數唔少，呢個數據係前鋒黎講認真差。撇除佢入波同助攻能力，佢係高位逼搶既積極性，不惜氣力既回防，無球走動，對球隊係高位逼搶戰術係有作用，貢獻係有目共睹。沙碧沙出場正選連後備有18場賽事，共有3個入波1個助攻。多數踢攻擊中場為主，表現我覺得還可以。佢比較唔上腳，以入楔禁區埋門為主，又有不俗既遠射能力，作為般奴既替補都係一個唔錯既選擇。只係借用半季佢都傷左四次，證明佢都係玻璃屬性較重既球員，呢個係簽佢必須要考慮既野（玻璃人已經太多）。
《來季買賣球員及下季目標》
今季聯賽雖然拎到第三名，但如果睇入球數字同失球數字，全季入球數字只有五十八球，同賓福特一齊排係第六位；全季失球數字則有四十三球，同阿仙奴一樣排係第三位。防守黎講係不俗；進攻黎講則係完全唔達標。整季入球最多既係福仔（17球），第二已經要數到般奴（8球），第三係馬斯亞（6球），所以下季必須要買一個識入波既前鋒。再睇一睇中場線既年齡，卡斯美路（31)、艾歷臣（31）、費特(30)、麥湯文尼（26）、般奴（28），平均年齡係29.2歲，絕對需要開始搵人接班，所以中場都需要添兵，邊類球員岩就容後再談。最後到防線方面，球會已經同達洛治續約，雲比沙加亦用表現話你知佢值得留隊。基於梳爾出任中堅既表現不俗，我比較希望球隊可以增添一名左閘球員，咁梳爾就可以因應情況移入去踢中堅，左路就可以有一個更可靠既球員使用。中堅則唔係一個急需補強既位置，而門將則比較急切，購入一個能用波既門將同迪基亞競爭，睇下能否產生鯰魚效應。要講下季目標前，都需要睇下球隊補充到咩人腳，再睇睇融入情況，但我個人希望坦克下季保前四係必要，歐洲賽事16強係必須要入到，八強會係目標。
盃仔就睇下可唔可以再拎到，但可以係盃仔多練一下青年球員幫手接班。下篇再講下我認為要購買咩球員！
聯賽：第三名
聯賽盃：冠軍
足總盃：亞軍
歐霸盃：八強止步
今季夏天轉會窗引入左卡斯美路、馬拿斯亞、安東尼、艾歷臣同馬天尼斯，與及借用杜巴卡。除左陣容獲得顯著既提升，亦請左前阿積士領隊坦克黎教，期望當然係保前四，亦冇諗過會贏到任何錦標。加上當時仍有C朗在陣，就認為坦克唔會易攪呢隊波（有留意我文章都知我不嬲對C朗黎曼係極不同意）。經過季初兩場大敗，坦克齊齊跑步再果斷少用C朗，令球隊開始步入正軌。冬季轉會窗前再爆發C朗事件，後來球王遠走沙特，再係冬季轉會窗借用畢拿特、沙碧沙同韋賀斯補強陣容，最後以第三名完成賽季，獲得來季歐聯資格，仲奪得聯賽盃冠軍，於我而言已經係超額完成。
《短評一下季初加盟球員》
卡斯美路相信會係今季既最佳收購，成功將曼聯中場既級數直接提升；馬天尼斯大大加強左曼聯係後場build-up能力，加上佢熱血防守亦帶動到球隊士氣，拍住華拉尼大大鞏固到後場防守；艾歷臣迅速融入球隊，加強左中場既派牌能力，不過季尾復出既狀態非常一般，來季又大一歲下，要睇睇佢能否回復最佳狀態；馬拿斯亞仍後生，潛力有待發掘；安東尼身價不斐，雖然入球數同助攻數比預期係低，但佢係右路既停波、內切、推進，都係數據反映唔到。季尾佢亦多左沉底同右腳出波，證明佢仍可進步，相信佢下季表現會更好。
《短評一下季中加盟既球員》
季中以外借身份加盟曼聯既有前鋒韋賀斯、門將畢拿特同中場沙碧沙。畢拿特出任曼聯二三號門，佢連場都冇出過，所以都冇咩好評價。假如曼聯係轉會窗可以引入一個用到波既門將，相信佢都會番水晶宮。前鋒韋賀斯半季加盟只得兩入波兩助攻，佢出場次數唔少，呢個數據係前鋒黎講認真差。撇除佢入波同助攻能力，佢係高位逼搶既積極性，不惜氣力既回防，無球走動，對球隊係高位逼搶戰術係有作用，貢獻係有目共睹。沙碧沙出場正選連後備有18場賽事，共有3個入波1個助攻。多數踢攻擊中場為主，表現我覺得還可以。佢比較唔上腳，以入楔禁區埋門為主，又有不俗既遠射能力，作為般奴既替補都係一個唔錯既選擇。只係借用半季佢都傷左四次，證明佢都係玻璃屬性較重既球員，呢個係簽佢必須要考慮既野（玻璃人已經太多）。
《來季買賣球員及下季目標》
今季聯賽雖然拎到第三名，但如果睇入球數字同失球數字，全季入球數字只有五十八球，同賓福特一齊排係第六位；全季失球數字則有四十三球，同阿仙奴一樣排係第三位。防守黎講係不俗；進攻黎講則係完全唔達標。整季入球最多既係福仔（17球），第二已經要數到般奴（8球），第三係馬斯亞（6球），所以下季必須要買一個識入波既前鋒。再睇一睇中場線既年齡，卡斯美路（31)、艾歷臣（31）、費特(30)、麥湯文尼（26）、般奴（28），平均年齡係29.2歲，絕對需要開始搵人接班，所以中場都需要添兵，邊類球員岩就容後再談。最後到防線方面，球會已經同達洛治續約，雲比沙加亦用表現話你知佢值得留隊。基於梳爾出任中堅既表現不俗，我比較希望球隊可以增添一名左閘球員，咁梳爾就可以因應情況移入去踢中堅，左路就可以有一個更可靠既球員使用。中堅則唔係一個急需補強既位置，而門將則比較急切，購入一個能用波既門將同迪基亞競爭，睇下能否產生鯰魚效應。要講下季目標前，都需要睇下球隊補充到咩人腳，再睇睇融入情況，但我個人希望坦克下季保前四係必要，歐洲賽事16強係必須要入到，八強會係目標。
盃仔就睇下可唔可以再拎到，但可以係盃仔多練一下青年球員幫手接班。下篇再講下我認為要購買咩球員！