曼聯賽季總結及來季展望（中）- 轉會窗前鋒及中場篇
上篇文章簡單評論左新加盟球員既表現，亦簡短講左小弟認為係黎緊既轉會窗有咩位置需要補強。今篇就分析下究竟咩類型球員（前鋒篇同中場篇）係需要購買，又或者依家傳曼聯既球員又是否合適！
《前鋒篇》
正前鋒係夏季轉會窗必必必須要購買既首個目標。如下季仍只靠福仔一個入波，真係哈哈哈….先睇下鋒線上既選擇，常規翼鋒有安東尼、辛祖、華舒福同加拿祖。伊蘭加難以進入大軍名單、尋求外借或賣走係較佳選擇；柏利斯迪比較雞肋，順足右翼但球隊欠缺柱躉高佬中鋒，加上坦克較喜歡用逆足翼鋒內切，要係一隊搶一席位甚艱難，反而今季係新特蘭踢到曉飛既迪亞路有機會留隊試下。翼鋒人手相當充裕，反而中鋒位置則只有馬斯亞、外借既韋賀斯同格連活。首先，借用既韋賀斯因其入球能力甚低，能留隊都只屬第三人選；如格連活下季能成功復出，則等同買左一個前鋒；馬斯亞傷多過踢，我只計佢半個球員，所以正前鋒位置係一定要增兵。增兵既人數好睇格連活能否復出，若不能，就可能要買兩個或先買一個再提升小將麥尼爾隨時候命。
現時傳曼聯會買熱刺既簡尼、拿玻里既奧斯文或亞特蘭大前鋒賀蘭特。先講簡尼，佢一早已經係英超打滾，絕不需要時間適應英超節奏，今季聯賽亦有30個入球。不過英格蘭籍既佢已經29歲，價錢會非常昂貴，亦不算一個長遠投資，加上佢近幾年係踢法上大改變，能否同般奴兼容，我係有相當大既疑問。奧斯文相對簡尼或會較便宜，踢法上佢係正宗九號位，身體質素好，速度唔算慢，加上搶點能力同制空力強，個人認為係適合曼聯依家既人腳配置。缺點係上腳比較粗，做波能力較差，能唔能夠係禁區回波俾隊友後上，同埋可唔可以適應到英超會係一個疑問。最後一個則係賀蘭特。此子身體質素相對一般，技術雖然較細膩，但係前場處理高波停波唔覺突出，速度亦唔見得係飛快，類似馬斯亞類型，所以我對佢就有保留啦。三選一下，或者遲下仲有程咬金，睇下坦克想要即食還是長遠發展，亦要睇下轉會窗究竟有幾多錢！
《中場篇》中場現時有卡斯美路、艾歷臣、費特、麥湯文尼、般奴費南迪斯、雲迪碧克同外借既沙碧沙，現時中場既平均年齡係偏大。長期受傷加上表現不佳既雲迪碧克，除非恩師諗到計令佢同般奴兼容，否則我認為止蝕係需要（肯賣時唔代表有隊肯買）。
沙碧沙功能上係幾好用，亦有一定既入球能力，不過半季傷四次，我就唔覺得值得再投資（29歲）。三個位置五個球員分應付四條戰線係絕對唔夠。我認為曼聯需購買一個能主要踢6號位既球員。今季當卡斯美路停賽下，無論麥湯文尼、費特還是艾歷臣都無法做到相同既工作，所以購買一個相近類型既球員係必需要。我首選都會係迪莊（FF mode）或次選熱刺既比蘇馬都可以。坦克亦有試過改踢平排中場，等麥湯文尼拍艾歷臣或般奴，再係進攻上推前麥湯，留般奴係中場串連，對弱隊亦踢得出效果，所以我就唔太想放走麥湯。如買唔到截擊型防中，可以買一個8號位球員同艾歷臣作輪換。例如：李城既泰利文斯、狼隊既魯賓拿華斯，呢類都係好選擇。費特果種自損800傷敵1000既踢波風格，如果有隊肯要，都係賣左佢啦。盛傳曼聯簽蒙特，張張刀冇張利既蒙特，點樣夾般奴會係一個大問題，加上佢不擅長防守，只會加重左卡斯美路既負擔。我唔太睇好呢個交易，與其都成7000萬鎊，不如再追迪莊仲好啦。假設費特同雲迪碧離隊，沙碧沙亦唔買斷，咁曼聯相信要係中場補兩個球員先得。另外，盃賽則可試下用施丹仔同明路，睇下佢兩個有冇條件上黎接班。不彷留言分享下大家既心得。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
《前鋒篇》
正前鋒係夏季轉會窗必必必須要購買既首個目標。如下季仍只靠福仔一個入波，真係哈哈哈….先睇下鋒線上既選擇，常規翼鋒有安東尼、辛祖、華舒福同加拿祖。伊蘭加難以進入大軍名單、尋求外借或賣走係較佳選擇；柏利斯迪比較雞肋，順足右翼但球隊欠缺柱躉高佬中鋒，加上坦克較喜歡用逆足翼鋒內切，要係一隊搶一席位甚艱難，反而今季係新特蘭踢到曉飛既迪亞路有機會留隊試下。翼鋒人手相當充裕，反而中鋒位置則只有馬斯亞、外借既韋賀斯同格連活。首先，借用既韋賀斯因其入球能力甚低，能留隊都只屬第三人選；如格連活下季能成功復出，則等同買左一個前鋒；馬斯亞傷多過踢，我只計佢半個球員，所以正前鋒位置係一定要增兵。增兵既人數好睇格連活能否復出，若不能，就可能要買兩個或先買一個再提升小將麥尼爾隨時候命。
現時傳曼聯會買熱刺既簡尼、拿玻里既奧斯文或亞特蘭大前鋒賀蘭特。先講簡尼，佢一早已經係英超打滾，絕不需要時間適應英超節奏，今季聯賽亦有30個入球。不過英格蘭籍既佢已經29歲，價錢會非常昂貴，亦不算一個長遠投資，加上佢近幾年係踢法上大改變，能否同般奴兼容，我係有相當大既疑問。奧斯文相對簡尼或會較便宜，踢法上佢係正宗九號位，身體質素好，速度唔算慢，加上搶點能力同制空力強，個人認為係適合曼聯依家既人腳配置。缺點係上腳比較粗，做波能力較差，能唔能夠係禁區回波俾隊友後上，同埋可唔可以適應到英超會係一個疑問。最後一個則係賀蘭特。此子身體質素相對一般，技術雖然較細膩，但係前場處理高波停波唔覺突出，速度亦唔見得係飛快，類似馬斯亞類型，所以我對佢就有保留啦。三選一下，或者遲下仲有程咬金，睇下坦克想要即食還是長遠發展，亦要睇下轉會窗究竟有幾多錢！
《中場篇》中場現時有卡斯美路、艾歷臣、費特、麥湯文尼、般奴費南迪斯、雲迪碧克同外借既沙碧沙，現時中場既平均年齡係偏大。長期受傷加上表現不佳既雲迪碧克，除非恩師諗到計令佢同般奴兼容，否則我認為止蝕係需要（肯賣時唔代表有隊肯買）。
沙碧沙功能上係幾好用，亦有一定既入球能力，不過半季傷四次，我就唔覺得值得再投資（29歲）。三個位置五個球員分應付四條戰線係絕對唔夠。我認為曼聯需購買一個能主要踢6號位既球員。今季當卡斯美路停賽下，無論麥湯文尼、費特還是艾歷臣都無法做到相同既工作，所以購買一個相近類型既球員係必需要。我首選都會係迪莊（FF mode）或次選熱刺既比蘇馬都可以。坦克亦有試過改踢平排中場，等麥湯文尼拍艾歷臣或般奴，再係進攻上推前麥湯，留般奴係中場串連，對弱隊亦踢得出效果，所以我就唔太想放走麥湯。如買唔到截擊型防中，可以買一個8號位球員同艾歷臣作輪換。例如：李城既泰利文斯、狼隊既魯賓拿華斯，呢類都係好選擇。費特果種自損800傷敵1000既踢波風格，如果有隊肯要，都係賣左佢啦。盛傳曼聯簽蒙特，張張刀冇張利既蒙特，點樣夾般奴會係一個大問題，加上佢不擅長防守，只會加重左卡斯美路既負擔。我唔太睇好呢個交易，與其都成7000萬鎊，不如再追迪莊仲好啦。假設費特同雲迪碧離隊，沙碧沙亦唔買斷，咁曼聯相信要係中場補兩個球員先得。另外，盃賽則可試下用施丹仔同明路，睇下佢兩個有冇條件上黎接班。不彷留言分享下大家既心得。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/