蒙特真係咁需要買？
各地聯賽都完結，就開始踏入令人期待既轉會窗。執筆之時，窗就未開，但好多球會都已經開始增兵去部署下季賽事。直至現時為止，最觸目既應該係阿仙奴收購韋斯咸既懷斯同車路士既夏維斯，同時間車路士亦收購左尼干古，放左簡迪、薛爺治、文迪同高尼巴里去沙特聯賽，而高華錫則轉投曼城。車路士應該會陸續有清洗行動，傳奧巴美羊同奧度爾都會跟大隊去沙特，認真誇張。除左上述球員會走之外，蒙特（曼治）亦宣布改投曼聯。究竟蒙特適唔適合曼聯？還是曼聯買唔到人就求其執件呢？
《預期蒙特出任既位置》蒙特此子傳盤射都有一定既能力，我會用迪利阿里2.0黎稱呼佢。技能包樣樣有，但就唔係樣樣都好突出。我認為佢係屬於空間型攻擊中場，擅於後上插入空位埋門，亦能同隊友係前場打快速入滲既小組推進。佢可以踢左翼、攻擊中場，同出任4-3-3既8號位中場偏前既位置，係一個前場攻擊既多面手。佢用左曼聯接近6000萬鎊，正路都會係正選之一。般奴費南迪斯亦係必然正選，要兩者共存下，相信坦克會抽起艾歷臣，將般奴移後一格幫手較炮，卡斯美路則繼續逗住踢，呢個會係預期可以見到既陣容。另一個則係將安東尼抽起換上般奴踢右翼，中場交俾卡斯美路逗住艾歷臣同蒙特。呢個應會係Plan B。小弟估計蒙特既加盟將會大大提高費特轉會既可能性，如費特去富咸亦係一個雙贏局面，睇下富咸係咪真係課金買。
《簡評蒙特加盟既好與壞》
小弟之前都分析過曼聯最急切要補強既位置理應係前鋒。中場人腳仍有，只係後備既質素同正選確係有距離，後備球員優缺點太明顯，所以都係有需要補強但未算最急，始終鋒線球員既把握力嚴重不足先係上季曼聯既最大問題。但既然都買左，都評評究竟佢既加盟又有咩好同壞處。先講好處，若果費特換成蒙特，對整隊中場既級數黎講當然係upgrade，進攻用波方面一定會有所提升。另外，蒙特會係升級版既雲迪碧克，相信佢係中路可以做一個進攻既策動點，令到球隊進攻上有更多變化，包括快速小組式滲入同反擊上會多一個具速度同突破力既點（般奴係做唔到）。另外，蒙特係英人，滿足註冊英人數量亦係其中一個賣點。同時佢同一眾英人都會有一定既默契，相信融入情況不是問題。壞處亦有，佢既出現令般奴要移後一格較炮，佢兩位人兄雖然勤於跑動，但防守意識同能力都較為一般，前場逼搶未必太大問題，但一陷入陣地戰，佢地既企位遮線或者會大大加重卡斯美路既負擔（執更多屎）。般奴球路比起艾歷臣會較為急進，能否控制球隊攻守節奏會係一個疑問。
《總結》
攻擊中場或八號位中場唔係曼聯最需要增兵既位置，防中位先較急切。一失去卡斯美路，曼聯就需要用兩個人先彌補佢既防守力，呢個問題唔係簽蒙特可以解決到。與其買蒙特，不如用錢買卡斯度做輪換，麥湯推前一格踢八號位，般奴亦唔駛移後可以盡情發揮佢進攻能力，整隊或會比較好。個人認為蒙特係可以做般奴既替補，而非同佢同時間一齊出。麥湯文尼係不能替換卡斯美路，冇左卡斯美路就要改變整隊陣型，所以添置沙斯度或相近類型球員仍有急切性，睇下新或舊班主會唔會有錢再增兵。性價比黎講，我覺得唔可以話好抵，現時會相信坦克有蒙特既使用說明書，希望佢會有好表現證明自己身價。期望曼聯可盡快解決班主易手問題，等球隊有更多時間係轉會窗期間補強！
《預期蒙特出任既位置》蒙特此子傳盤射都有一定既能力，我會用迪利阿里2.0黎稱呼佢。技能包樣樣有，但就唔係樣樣都好突出。我認為佢係屬於空間型攻擊中場，擅於後上插入空位埋門，亦能同隊友係前場打快速入滲既小組推進。佢可以踢左翼、攻擊中場，同出任4-3-3既8號位中場偏前既位置，係一個前場攻擊既多面手。佢用左曼聯接近6000萬鎊，正路都會係正選之一。般奴費南迪斯亦係必然正選，要兩者共存下，相信坦克會抽起艾歷臣，將般奴移後一格幫手較炮，卡斯美路則繼續逗住踢，呢個會係預期可以見到既陣容。另一個則係將安東尼抽起換上般奴踢右翼，中場交俾卡斯美路逗住艾歷臣同蒙特。呢個應會係Plan B。小弟估計蒙特既加盟將會大大提高費特轉會既可能性，如費特去富咸亦係一個雙贏局面，睇下富咸係咪真係課金買。
《簡評蒙特加盟既好與壞》
小弟之前都分析過曼聯最急切要補強既位置理應係前鋒。中場人腳仍有，只係後備既質素同正選確係有距離，後備球員優缺點太明顯，所以都係有需要補強但未算最急，始終鋒線球員既把握力嚴重不足先係上季曼聯既最大問題。但既然都買左，都評評究竟佢既加盟又有咩好同壞處。先講好處，若果費特換成蒙特，對整隊中場既級數黎講當然係upgrade，進攻用波方面一定會有所提升。另外，蒙特會係升級版既雲迪碧克，相信佢係中路可以做一個進攻既策動點，令到球隊進攻上有更多變化，包括快速小組式滲入同反擊上會多一個具速度同突破力既點（般奴係做唔到）。另外，蒙特係英人，滿足註冊英人數量亦係其中一個賣點。同時佢同一眾英人都會有一定既默契，相信融入情況不是問題。壞處亦有，佢既出現令般奴要移後一格較炮，佢兩位人兄雖然勤於跑動，但防守意識同能力都較為一般，前場逼搶未必太大問題，但一陷入陣地戰，佢地既企位遮線或者會大大加重卡斯美路既負擔（執更多屎）。般奴球路比起艾歷臣會較為急進，能否控制球隊攻守節奏會係一個疑問。
《總結》
攻擊中場或八號位中場唔係曼聯最需要增兵既位置，防中位先較急切。一失去卡斯美路，曼聯就需要用兩個人先彌補佢既防守力，呢個問題唔係簽蒙特可以解決到。與其買蒙特，不如用錢買卡斯度做輪換，麥湯推前一格踢八號位，般奴亦唔駛移後可以盡情發揮佢進攻能力，整隊或會比較好。個人認為蒙特係可以做般奴既替補，而非同佢同時間一齊出。麥湯文尼係不能替換卡斯美路，冇左卡斯美路就要改變整隊陣型，所以添置沙斯度或相近類型球員仍有急切性，睇下新或舊班主會唔會有錢再增兵。性價比黎講，我覺得唔可以話好抵，現時會相信坦克有蒙特既使用說明書，希望佢會有好表現證明自己身價。期望曼聯可盡快解決班主易手問題，等球隊有更多時間係轉會窗期間補強！