英超番黎啦 - 淺談曼聯轉會窗及新賽季展望
距離英超開季仲有約一個星期，都係時候講下今季對曼聯有咩期望。直到執筆之時，雖然格拉沙的賣盤消息仍未有任何進展，但曼聯經已收購左三個球員（曼治、奧拿拿、賀倫），收購既球員都係幾對症下藥。先講講小弟對呢三個球員有咩期望同佢地帶到咩作用。
曼聯近四場熱身賽係一勝三敗，無須介懷熱身賽既勝負，最緊要係催谷球員狀態同加強球員間既磨合程度同戰術理解。暫時四場熱身賽，小弟只係睇左曼聯對朗斯既下半場賽事。奧拿拿既加盟好明顯係加強左後場控球能力，面對對方踢高位逼搶的話，確係可以有較長時間去保持控球在腳。問題係有時都要依靠長傳去解除壓迫，前場始終都係冇人有能力接應高波去停球。曼治呢場既存在感較低，進攻參與度唔多，但佢係中場既跑動同速率係防守逼搶方面仍有一定作用。小弟都講過曼聯如不買防守中場，就要購買類似艾歷臣，一個具備跑動能力，亦能控制節奏以傳送為先既中場，明顯曼治並不是呢類球員，而般奴亦不是。兩個企位都比較壓前時，中場只得卡斯美路一人，又要佢防守，又要串連中後場，仲要佢運波向前，未免太重負擔。只看今場的話，只要對方全隊縮後半場，曼聯係後場並冇能力透過穿透直線去打穿人地既中場線，就算般奴同曼治企位較深，冇波到就變得冇作用，相信般奴需要多回中後場較炮，先可以解決運波組織向前既問題。最後就係賀倫。我對佢既期望實在唔太高，波都未踢就要抖幾星期，希望坦克有說明書，而佢又真係適應到英超體力化既踢法，打我面就最好！
盛傳因文奴既受傷，加速左球隊購買摩洛哥中場安拉拔。小弟一早已講防中位係球隊必須增兵既位置，如果真係成功購買，今個轉會窗都冇咩好彈。估勿論新球員能否融入球隊踢法，或能否適應英超節奏，起碼買人係對症下藥。如果要彈，我會彈以呢個價錢買曼治實在係唔值；奧拿拿亦應會有其他替代品（傳車路士25m英鎊就買到山齊士）；賀倫未必係岩用既前鋒。另外，球隊亦應盡快出售或借走隊中冗員（雲迪碧克、費特、柏利斯迪等） 從而獲得資金去再收購球員。
直至現時為止，我認為球會相當積極同努力配合坦克既建隊方針。基本上所有收購目標都肯定有同坦克商量，而唔係胡亂收購。先唔講值唔值，起碼買既球員係上季係位置上所欠缺的。係呢個人腳陣容下，新球員要融入要適應（仲有機係水貨），係唔可能一黎就要隊波係聯賽爭冠，而要贏依家呢隊曼城就肯定未得（但要踢到有爭奪錦標既能力俾人睇），所以聯賽亦以保頭四為目標。小弟期望坦克可以拎到至少一個盃仔，而歐聯賽事則希望球隊以入八強為目標。下屆開始就真係要開始爭冠啦！
曼聯近四場熱身賽係一勝三敗，無須介懷熱身賽既勝負，最緊要係催谷球員狀態同加強球員間既磨合程度同戰術理解。暫時四場熱身賽，小弟只係睇左曼聯對朗斯既下半場賽事。奧拿拿既加盟好明顯係加強左後場控球能力，面對對方踢高位逼搶的話，確係可以有較長時間去保持控球在腳。問題係有時都要依靠長傳去解除壓迫，前場始終都係冇人有能力接應高波去停球。曼治呢場既存在感較低，進攻參與度唔多，但佢係中場既跑動同速率係防守逼搶方面仍有一定作用。小弟都講過曼聯如不買防守中場，就要購買類似艾歷臣，一個具備跑動能力，亦能控制節奏以傳送為先既中場，明顯曼治並不是呢類球員，而般奴亦不是。兩個企位都比較壓前時，中場只得卡斯美路一人，又要佢防守，又要串連中後場，仲要佢運波向前，未免太重負擔。只看今場的話，只要對方全隊縮後半場，曼聯係後場並冇能力透過穿透直線去打穿人地既中場線，就算般奴同曼治企位較深，冇波到就變得冇作用，相信般奴需要多回中後場較炮，先可以解決運波組織向前既問題。最後就係賀倫。我對佢既期望實在唔太高，波都未踢就要抖幾星期，希望坦克有說明書，而佢又真係適應到英超體力化既踢法，打我面就最好！
盛傳因文奴既受傷，加速左球隊購買摩洛哥中場安拉拔。小弟一早已講防中位係球隊必須增兵既位置，如果真係成功購買，今個轉會窗都冇咩好彈。估勿論新球員能否融入球隊踢法，或能否適應英超節奏，起碼買人係對症下藥。如果要彈，我會彈以呢個價錢買曼治實在係唔值；奧拿拿亦應會有其他替代品（傳車路士25m英鎊就買到山齊士）；賀倫未必係岩用既前鋒。另外，球隊亦應盡快出售或借走隊中冗員（雲迪碧克、費特、柏利斯迪等） 從而獲得資金去再收購球員。
直至現時為止，我認為球會相當積極同努力配合坦克既建隊方針。基本上所有收購目標都肯定有同坦克商量，而唔係胡亂收購。先唔講值唔值，起碼買既球員係上季係位置上所欠缺的。係呢個人腳陣容下，新球員要融入要適應（仲有機係水貨），係唔可能一黎就要隊波係聯賽爭冠，而要贏依家呢隊曼城就肯定未得（但要踢到有爭奪錦標既能力俾人睇），所以聯賽亦以保頭四為目標。小弟期望坦克可以拎到至少一個盃仔，而歐聯賽事則希望球隊以入八強為目標。下屆開始就真係要開始爭冠啦！