雙紅會（賽前分析-阿仙奴對曼聯）
阿仙奴開季暫時都順風順水，三戰兩勝一和，拎到七分排係第五位，今周將會主場迎戰曼聯。阿仙奴頭兩場都係險勝對手一球，上場打多一人之下，被富咸靠死球逼和錯失左寶貴兩分。上季踢閘位內切既薛真高近兩場都有後備入替，上場亦踢左接近半個鐘，狀態應該有所提升。防中懷斯肯定會係必然正選下，近三仗都要出任右閘既柏迪既競爭對手已經係變左左閘既薛真高。究竟達叔理想陣容係兩個一齊出，還是兩個只能活一個呢？尼基迪亞繼續有傷，上場托沙要出任中鋒。幸好耶蘇仔亦有後備入替，睇黎鋒線既選擇會有幸福的煩惱。小弟預測呢場阿仙奴都會延續佢地主攻踢法，繼續用內切閘位既進攻方式去overload中場，前場亦會踢高位逼搶去搶控球權。藍斯度如無意外都係正選。後防線既選擇都幾多，沙列巴係必然正選。沙列巴既拍擋我估會係賓韋治。薛真高狀態未足，柏迪應該會先踢右閘，左閘起用富安健洋。飯哥懷斯踢防中，前面一左一右係夏維斯同奧迪哥特。左右翼會係薩卡同馬天利尼支援出任假九前鋒既杜沙特。
預測阿仙奴正選陣容（4-3-3）
藍斯度
柏迪 賓韋治 沙列巴 富安健洋
奧迪哥特 懷斯 夏維斯
薩卡 杜沙特 馬天利尼
曼聯開季就冇咁順利啦，三戰兩勝一負得六分，暫時排係第八位。頭場對狼隊絕對可以話係負碌贏波，本身係和到都偷笑；第二場同熱刺踢開放式足球，把握唔到幾次黃金機會，下半場被技術性擊倒；上場開波四分鐘內連失兩球，幸好，球隊用番上季既主力陣容下，進攻有番方向，最後連追三球反勝森林，幫隊員係對阿仙奴前打番支強心針。今場作客猶長球場，勝負既關鍵會係前場逼搶後既轉守為攻既效率，與及球隊係後場踢反擊既把握力。現時整隊球員狀態極為一般，馬天尼斯、卡斯美路、艾歷臣、馬斯亞同華舒福都明顯同最佳狀態有一段距離。艾歷臣既速率不復當年，呢場要同對方既懷斯、奧迪哥特同夏維斯係中場埋牙，肯定好快乾塘。加上左閘梳爾受傷，要起用單防能力弱既達洛治去守薩卡，而華舒福亦甚少會回防到較深位置協防，左路肯定會俾人針對性進攻。
若果坦克依舊起用艾歷臣踢，小弟相信呢場波輸既機會相當大，睇下坦克會唔會針對性起用防守力較高，跑動速率較好既麥湯文尼先穩守左路；左翼就靠福仔去爆對方賓韋治；達洛治就麻煩先凍結薩卡。前鋒馬斯亞雖然冇態，但佢迎波停波仍有一定既作用。安東尼上場極fit，希望今場可以維持到。華拉尼傷出六個星期，唯有信任連迪路夫。其餘位置應該會跟上場一模一樣。
預測曼聯正選陣容（4-3-3）
安拿拿
雲比沙加 連迪路夫 馬天尼斯 達洛治
般奴費南迪斯 卡斯美路 艾歷臣
安東尼 馬斯亞 華舒福
預測阿仙奴正選陣容（4-3-3）
藍斯度
柏迪 賓韋治 沙列巴 富安健洋
奧迪哥特 懷斯 夏維斯
薩卡 杜沙特 馬天利尼
曼聯開季就冇咁順利啦，三戰兩勝一負得六分，暫時排係第八位。頭場對狼隊絕對可以話係負碌贏波，本身係和到都偷笑；第二場同熱刺踢開放式足球，把握唔到幾次黃金機會，下半場被技術性擊倒；上場開波四分鐘內連失兩球，幸好，球隊用番上季既主力陣容下，進攻有番方向，最後連追三球反勝森林，幫隊員係對阿仙奴前打番支強心針。今場作客猶長球場，勝負既關鍵會係前場逼搶後既轉守為攻既效率，與及球隊係後場踢反擊既把握力。現時整隊球員狀態極為一般，馬天尼斯、卡斯美路、艾歷臣、馬斯亞同華舒福都明顯同最佳狀態有一段距離。艾歷臣既速率不復當年，呢場要同對方既懷斯、奧迪哥特同夏維斯係中場埋牙，肯定好快乾塘。加上左閘梳爾受傷，要起用單防能力弱既達洛治去守薩卡，而華舒福亦甚少會回防到較深位置協防，左路肯定會俾人針對性進攻。
若果坦克依舊起用艾歷臣踢，小弟相信呢場波輸既機會相當大，睇下坦克會唔會針對性起用防守力較高，跑動速率較好既麥湯文尼先穩守左路；左翼就靠福仔去爆對方賓韋治；達洛治就麻煩先凍結薩卡。前鋒馬斯亞雖然冇態，但佢迎波停波仍有一定既作用。安東尼上場極fit，希望今場可以維持到。華拉尼傷出六個星期，唯有信任連迪路夫。其餘位置應該會跟上場一模一樣。
預測曼聯正選陣容（4-3-3）
安拿拿
雲比沙加 連迪路夫 馬天尼斯 達洛治
般奴費南迪斯 卡斯美路 艾歷臣
安東尼 馬斯亞 華舒福