轉會窗係都要做deadline fighter（曼聯篇）
轉會窗已完，今個夏天曼聯簽入（計埋借用）七個球員，包括買入攻擊中場曼治、門將安拿拿、中堅伊雲斯、前鋒海隆同門將比恩迪殊，與及借入左閘列古朗、防中安拉拔；離開既人亦有甸軒達臣、迪基亞、費特同伊蘭加等。唔知你地對曼聯呢個轉會窗有咩評價呢？
首先，一早已經知道甸軒達臣同迪基亞肯定離隊他投，所以買兩位門將係肯定需要。安拿拿就由朝講到晚，國米見你咁恨買就梗係吊高少少價黎買。對比番山齊士同拉也，佢地都係大約三千萬鎊，安拿拿就肯肯定係買貴左架啦。另外，曼聯既兜售部睇黎唔夠給力，遲遲都清唔到甸軒達臣。兜售部睇佢都係留隊，就放棄左係熱身賽表現都唔係差既青訓高華。點知係轉會窗臨閂前，水晶宮又出手要人才，曼聯先急急腳係土耳其搵龍門。當然，上述都係個人想像，實情係點真係內部先知，唯有希望呢個二號門將真係有一定既實力。
中場方面，曼治都俾我講到口臭。唔係佢個人唔得，係隊波既人腳唔需要佢呢類球員黎夾。暫時呢個肯定係買錯，希望遲下被人打面。而安拉拔，小弟由轉會窗開已經講曼聯要買呢類球員做米斯美路替補。佢未必好星級，但勝在夠實際，做到防中應該做既野就夠。用佢黎頂胖虎肯定好過好麥湯文尼。先借後買既條款亦不錯，唔岩用既咪彈佢鐘，二千萬鎊都慳番。買佢既感覺係發現明奴傷左，胖虎近幾場又冇態，望望後備席，冇一個頂到既喂，跟住先再拿拿臨係死線前簽人。或者死線前先簽平少少掛。麥湯文尼既留隊亦正好做艾歷臣既替補；曼治亦可專心養傷，做般奴替補或會更好！至於走唔到既雲迪碧克就…唯有坐多一年啦！
前鋒方面則係最令人激氣。如果管理層一早決定唔會重用格連活，就應該早早物色兩個前鋒，而唔係買完一個海隆就算數。海隆仲要未踢已經傷，究竟有幾多斤兩都要潛下先知！馬斯亞又係長期文員，攪到要擺福仔甚至辛祖踢唔適合既位置。小將麥尼爾係咪真係唔值得俾機會呢？我就覺得不妨一試。
最後先講左閘位，梳爾既受傷令左閘位出現真空情況，所以曼聯要急急租借列古朗頂住。呢個又係購買部甚至坦克都要負上責任。上季已經多次起用梳爾打中堅，我假設你賣到麥佳亞，梳爾就已經會係第四中堅，即係左閘位只得番馬拉仔。換句話即係本身已經要買多個做spare，如果早著先機就唔駛咁急去搶人才。老實說，小弟唔認為列古朗岩用，佢除左跑得比較快，就只有跑得快。助攻傳中唔係叻，防守同達洛治都係半斤百兩，用波能力唔算係好。佢係熱刺冇正選，係馬體會都唔係主力，借過黎真係算頂住當；反而古古尼亞理論上比佢更適合。白禮頓時期既佢左閘左翼衞甚至左中堅都有踢過，個人能力同佢對戰術理解既能力都係毋庸置疑。只係佢上一年可以踢到咁核爆就真係不明所以。唔睇好還唔睇好，都叫有隻左閘都好過替工既達洛治既（雖然都係差無幾）！
總結，小弟今個轉會窗會俾70分。始終有兩個貴價貨未必岩用下，拉低左唔少分數，而引入安拉拔又加番唔少分，但曼聯今次買既人都係針對位置上，而唔係大海撈針式亂買，至少見到買人係有方向。今季目標仍然係保四，同縮窄與冠軍隊既分數差距，與及歐聯入到十六強（八強窄窄地）。依家要多一個目標就係曼治同般奴可以一加一大過二。曼聯，繼續加油！
首先，一早已經知道甸軒達臣同迪基亞肯定離隊他投，所以買兩位門將係肯定需要。安拿拿就由朝講到晚，國米見你咁恨買就梗係吊高少少價黎買。對比番山齊士同拉也，佢地都係大約三千萬鎊，安拿拿就肯肯定係買貴左架啦。另外，曼聯既兜售部睇黎唔夠給力，遲遲都清唔到甸軒達臣。兜售部睇佢都係留隊，就放棄左係熱身賽表現都唔係差既青訓高華。點知係轉會窗臨閂前，水晶宮又出手要人才，曼聯先急急腳係土耳其搵龍門。當然，上述都係個人想像，實情係點真係內部先知，唯有希望呢個二號門將真係有一定既實力。
中場方面，曼治都俾我講到口臭。唔係佢個人唔得，係隊波既人腳唔需要佢呢類球員黎夾。暫時呢個肯定係買錯，希望遲下被人打面。而安拉拔，小弟由轉會窗開已經講曼聯要買呢類球員做米斯美路替補。佢未必好星級，但勝在夠實際，做到防中應該做既野就夠。用佢黎頂胖虎肯定好過好麥湯文尼。先借後買既條款亦不錯，唔岩用既咪彈佢鐘，二千萬鎊都慳番。買佢既感覺係發現明奴傷左，胖虎近幾場又冇態，望望後備席，冇一個頂到既喂，跟住先再拿拿臨係死線前簽人。或者死線前先簽平少少掛。麥湯文尼既留隊亦正好做艾歷臣既替補；曼治亦可專心養傷，做般奴替補或會更好！至於走唔到既雲迪碧克就…唯有坐多一年啦！
前鋒方面則係最令人激氣。如果管理層一早決定唔會重用格連活，就應該早早物色兩個前鋒，而唔係買完一個海隆就算數。海隆仲要未踢已經傷，究竟有幾多斤兩都要潛下先知！馬斯亞又係長期文員，攪到要擺福仔甚至辛祖踢唔適合既位置。小將麥尼爾係咪真係唔值得俾機會呢？我就覺得不妨一試。
最後先講左閘位，梳爾既受傷令左閘位出現真空情況，所以曼聯要急急租借列古朗頂住。呢個又係購買部甚至坦克都要負上責任。上季已經多次起用梳爾打中堅，我假設你賣到麥佳亞，梳爾就已經會係第四中堅，即係左閘位只得番馬拉仔。換句話即係本身已經要買多個做spare，如果早著先機就唔駛咁急去搶人才。老實說，小弟唔認為列古朗岩用，佢除左跑得比較快，就只有跑得快。助攻傳中唔係叻，防守同達洛治都係半斤百兩，用波能力唔算係好。佢係熱刺冇正選，係馬體會都唔係主力，借過黎真係算頂住當；反而古古尼亞理論上比佢更適合。白禮頓時期既佢左閘左翼衞甚至左中堅都有踢過，個人能力同佢對戰術理解既能力都係毋庸置疑。只係佢上一年可以踢到咁核爆就真係不明所以。唔睇好還唔睇好，都叫有隻左閘都好過替工既達洛治既（雖然都係差無幾）！
總結，小弟今個轉會窗會俾70分。始終有兩個貴價貨未必岩用下，拉低左唔少分數，而引入安拉拔又加番唔少分，但曼聯今次買既人都係針對位置上，而唔係大海撈針式亂買，至少見到買人係有方向。今季目標仍然係保四，同縮窄與冠軍隊既分數差距，與及歐聯入到十六強（八強窄窄地）。依家要多一個目標就係曼治同般奴可以一加一大過二。曼聯，繼續加油！