打雀易，打海鷗難啊（賽前分析-曼聯對白禮頓）
白禮頓開季狀態大勇，雖然賣走卡斯度、麥卡里士打同山齊士，但上季尾已經開始提拔小將基摩、安斯素、門將史迪爾同伊雲費格遜踢正選，加上補充左占士米拿、安素法迪同祖奧柏度，整體戰力好似不跌反升，唯一要擔心既係當歐洲賽都開始時，到底後備球員能唔能夠做到輪換，還是要正選球員一周兩賽至三賽咁踢殘，就要睇迪沙比領軍功力。開季四場暫時三勝一負九分排第六。恐怖既係贏既每一場都可以攻入三球或以上；不過防守就仍有改善空間，每一場都有失波，輸果場仲失夠三球俾韋斯咸，相信迪沙比都要趁國際賽諗諗點改善。近四場波淨講控球率平均都超過六成，對住韋斯咸直頭去到八二之比，證明白禮頓係保持控球方面係非常成熟。你要贏佢最好就係等佢上黎攻，韋斯咸做得最徹底，所以就能夠贏波拎三分。預測迪沙比都會沿用上場對紐卡素既陣容，最大機會或會用拉蘭拿換上進攻意識較強既祖奧柏度出任攻擊中場位置。
預測白禮頓正選陣容（4-4-1-1）
費保亞
費文 雲希格 鄧克 艾斯度邊恩
馬治 戈斯 基摩 三笘薰
拉蘭拿
伊雲費格遜
曼聯開季走勢比較反復，四戰兩勝兩負僅得六分排第十一。上場作客阿仙奴更係尾段連失兩球，以三比一落敗，大大打擊整隊士氣同信心。輸波並唔係最大問題，因為該場波踢出部署，最大問題係馬天尼斯係賽事中段傷出，加上連迪路夫亦帶病上陣而要被換出，先導致尾段被對方圍攻。後防四名正選有三個都需要養傷，對整隊防守都必定大受影響。
塞翁失馬焉知非福，今場面對控球力咁強既白禮頓，傷晒唔出得或者係好事。上次對賽，坦克都有試過係前場高位試圖壓迫對手，結果俾人地係中路幾腳猜傳就打穿，兩翼再快速利用空位推進，令曼聯防線飽受壓力。既然踢高位逼搶唔work，而防線既僅餘人腳又唔適合踢高位逼搶，正好就學莫椰斯大打低位足球。係後場屯重兵，前面放幾隻快馬踢穩守突擊，而防反亦係最適合曼聯鋒線球員去發揮，從戰術上黎睇，中堅傷晒未必係壞事。
安東尼受家暴醜聞影響復出無期，辛祖又極度愚蠢下自爆，右翼位只剩柏利斯迪可用。不過，坦克應該唔會起用佢打正選，估計會先用般奴客串右翼位。華舒福同馬斯亞踢左翼及前鋒，攻擊中場位置交俾艾歷臣。麥湯文尼推前半格踢八號位，等卡斯美路逗住中場，應該會係佢既想法。小弟覺得再進取少少可以起用馬斯亞同華舒福踢左右兩翼，海隆踢正箭頭，利用三個既速度去牽制對方二閘同中堅。般奴踢番攻擊中場，更能發揮佢自走炮能力。麥湯文尼同卡斯美路踢防中係中場掃蕩同攔截。
後防方面，有傳馬天尼斯可以復出，咁中堅就會由佢拍連迪路夫。如改用番馬天尼斯拍冰人，相信坦克唔會係後場泊巴士，或會嘗試係對方三閘線開始壓迫對方後防。雲比沙加已經係鐵膽右閘，唯一可以變既只有左閘。達洛治同隊友既熟悉程度點都比列古朗為佳，而列古朗比達洛治更唔擅長防守，打防反先起用達洛治會係較理想。安拿拿亦係不作他選既門將。傳安拉拔同曼治亦有機會復出，個人比較期待安拉拔拍卡斯美路踢雙防中去解放般奴，可以到時佢兩個防中有冇咩化學作用出，亦可以睇下分工上會點（理論上安拉拔應該係卡斯美路既替補）。
預測曼聯正選陣容（4-3-3）
安拿拿雲比沙加 連迪路夫 馬天尼斯 達洛治
麥湯文尼 卡斯美路 艾歷臣
般奴費南迪斯 馬斯亞 華舒福
預測白禮頓正選陣容（4-4-1-1）
費保亞
費文 雲希格 鄧克 艾斯度邊恩
馬治 戈斯 基摩 三笘薰
拉蘭拿
伊雲費格遜
曼聯開季走勢比較反復，四戰兩勝兩負僅得六分排第十一。上場作客阿仙奴更係尾段連失兩球，以三比一落敗，大大打擊整隊士氣同信心。輸波並唔係最大問題，因為該場波踢出部署，最大問題係馬天尼斯係賽事中段傷出，加上連迪路夫亦帶病上陣而要被換出，先導致尾段被對方圍攻。後防四名正選有三個都需要養傷，對整隊防守都必定大受影響。
塞翁失馬焉知非福，今場面對控球力咁強既白禮頓，傷晒唔出得或者係好事。上次對賽，坦克都有試過係前場高位試圖壓迫對手，結果俾人地係中路幾腳猜傳就打穿，兩翼再快速利用空位推進，令曼聯防線飽受壓力。既然踢高位逼搶唔work，而防線既僅餘人腳又唔適合踢高位逼搶，正好就學莫椰斯大打低位足球。係後場屯重兵，前面放幾隻快馬踢穩守突擊，而防反亦係最適合曼聯鋒線球員去發揮，從戰術上黎睇，中堅傷晒未必係壞事。
安東尼受家暴醜聞影響復出無期，辛祖又極度愚蠢下自爆，右翼位只剩柏利斯迪可用。不過，坦克應該唔會起用佢打正選，估計會先用般奴客串右翼位。華舒福同馬斯亞踢左翼及前鋒，攻擊中場位置交俾艾歷臣。麥湯文尼推前半格踢八號位，等卡斯美路逗住中場，應該會係佢既想法。小弟覺得再進取少少可以起用馬斯亞同華舒福踢左右兩翼，海隆踢正箭頭，利用三個既速度去牽制對方二閘同中堅。般奴踢番攻擊中場，更能發揮佢自走炮能力。麥湯文尼同卡斯美路踢防中係中場掃蕩同攔截。
後防方面，有傳馬天尼斯可以復出，咁中堅就會由佢拍連迪路夫。如改用番馬天尼斯拍冰人，相信坦克唔會係後場泊巴士，或會嘗試係對方三閘線開始壓迫對方後防。雲比沙加已經係鐵膽右閘，唯一可以變既只有左閘。達洛治同隊友既熟悉程度點都比列古朗為佳，而列古朗比達洛治更唔擅長防守，打防反先起用達洛治會係較理想。安拿拿亦係不作他選既門將。傳安拉拔同曼治亦有機會復出，個人比較期待安拉拔拍卡斯美路踢雙防中去解放般奴，可以到時佢兩個防中有冇咩化學作用出，亦可以睇下分工上會點（理論上安拉拔應該係卡斯美路既替補）。
預測曼聯正選陣容（4-3-3）
安拿拿雲比沙加 連迪路夫 馬天尼斯 達洛治
麥湯文尼 卡斯美路 艾歷臣
般奴費南迪斯 馬斯亞 華舒福