般尼從來不易（賽前簡評-般尼對曼聯）
般尼近五場賽事三負一勝一和，只計聯賽則係三負一和，暫時拎得一分排係第十九位。上場作客諾定咸森林被對手逼和，只睇數據，雖然般尼有較多控球，但射門次數同中目標次數都比森林少，實力上睇黎同森林都係差唔多。另外，四場波合共失左十二球，球隊係防守上出現極大問題。雖然對手曼聯攻力疲弱，但如果唔調整一下防守模式，睇怕呢場失波係在所難免。
曼聯周中歐聯慘負俾拜仁三比四。雖然睇比數就好似係險敗，實際上係比賽過程幾乎係冇腳好波，整隊攻守同應有水準有極大差距。今場繼續作客，作客就不嬲西多過like，加上球隊近況三連敗，士氣同信心係現時都極低，能唔能夠反底真係有保留。不過都有利好消息既，中場曼治同安拉拔應該可以復出，加上上場歐聯踢正選既海倫已開齋，希望可以加強到佢既信心。球隊現時仍飽受傷兵困擾，能變動既真係唔多。預測坦克或會用番對拜仁既正選十一人。門將繼續係安拿拿。防線四個係列古朗、連迪路夫、馬天尼斯同達洛治。艾歷臣、卡斯美路同般奴費南迪斯繼續係中場合作。左右翼係華舒福同柏利斯迪支援前鋒海倫攻堅。小弟則希望坦克會抽起艾歷臣，踢番4-2-3-1，擺麥湯文尼踢攻中，等般奴係中後場幫手組織，或者出馬斯亞拍海倫。今場要搶分要贏波既情況下，擺大個頭不失為一個好方法。
預測曼聯正選陣容（4-3-3）
安拿拿
達洛治 連迪路夫 馬天尼斯 列古朗
般奴費南迪斯 卡斯美路 艾歷臣
柏利斯迪 海倫 華舒福
曼聯周中歐聯慘負俾拜仁三比四。雖然睇比數就好似係險敗，實際上係比賽過程幾乎係冇腳好波，整隊攻守同應有水準有極大差距。今場繼續作客，作客就不嬲西多過like，加上球隊近況三連敗，士氣同信心係現時都極低，能唔能夠反底真係有保留。不過都有利好消息既，中場曼治同安拉拔應該可以復出，加上上場歐聯踢正選既海倫已開齋，希望可以加強到佢既信心。球隊現時仍飽受傷兵困擾，能變動既真係唔多。預測坦克或會用番對拜仁既正選十一人。門將繼續係安拿拿。防線四個係列古朗、連迪路夫、馬天尼斯同達洛治。艾歷臣、卡斯美路同般奴費南迪斯繼續係中場合作。左右翼係華舒福同柏利斯迪支援前鋒海倫攻堅。小弟則希望坦克會抽起艾歷臣，踢番4-2-3-1，擺麥湯文尼踢攻中，等般奴係中後場幫手組織，或者出馬斯亞拍海倫。今場要搶分要贏波既情況下，擺大個頭不失為一個好方法。
預測曼聯正選陣容（4-3-3）
安拿拿
達洛治 連迪路夫 馬天尼斯 列古朗
般奴費南迪斯 卡斯美路 艾歷臣
柏利斯迪 海倫 華舒福