安拉拔係時候上線（聯賽盃賽前分析-曼聯對水晶宮）
水晶宮近況稍為比曼聯好少少，近三場一勝一和一負，聯賽暫時有八分排係第十。水晶宮今季起用4-2-3-1為主，攻擊中場艾斯肩負起進攻重任，聯同左右翼舒諾普同佐敦艾耶支援前鋒艾度亞攻堅。前鋒艾度亞今季入左四球，係隊中主力射手，反而攻中艾斯今季都未有任何助攻，而後備上陣居多既馬迪達則係暫時既隊中助攻王，絕對唔可以睇少呢個高佬前鋒既助攻力。
今季球隊暫時只係失左七球，係聯賽排第四，證明鶴臣果套先守穩係幾有用。值得留意既係水晶宮上半場係未試過失波，全部失波都係下半場，即係話上半場好氣好力夠集中果陣，要入佢地波睇黎都幾困難啦，唯有睇下下半場有冇機會！
曼聯上場憑般奴一個世界波射死般尼，成功作客拎到三分走人。雖然場面上極其被動，但起碼肯縮後先求守穩，再係前場靠反擊打空間去爭取入波，肯改踢法先有得贏。雖然係防守上仍有唔少失誤，但般尼有黃金機會既次數唔多，而安拿拿亦終於有首場clean sheet，算係還得神落！今季曼聯好似冇拜神咁，傷兵一個接一個，上場賽前馬天尼斯有傷，被逼起用伊雲斯頂上；球賽中段，列古朗受傷下要用安拉拔客串；尾段亦有伊雲斯撞到個頭要換出，相信佢就問題不大既。見到個傷兵名單之長，仲要集中係後防線，都令到坦克排陣出人有極大困難。本以為伊雲斯都係簽黎做替補既替補，點知依家要靠佢頂住，冇簽佢既都唔知點好。幸好，華拉尼係今場後備上陣，叫做多番個手足。
曼聯近排要十一日內踢四場波，當中更要遠征德國，再作客般尼，最後先番奧脫福踢聯賽盃。眾將體能或者都去到臨界點，相信坦克會係有限既情況下輪換球員。門將就唔會旭，等安拿拿拎多少少信心。後防線或會執一執位，華拉尼拍伊雲斯踢中堅。左閘缺人下，達洛治需要客串；右閘位置則交俾連迪路夫。睇下坦克會唔會試下用艾華路費南迪斯踢左閘，畢竟盃賽都係好機會練練後生仔，咁達洛治就可以踢番右閘。卡斯美路連場征戰，安拉拔係時候幫幫手等佢抖抖。般奴費南迪斯則同漢尼拔踢兩個八號位，或者推前漢尼拔一格，等般奴縮後同安拉拔踢平排中場。左翼加拿祖或有機會上陣；華舒福要遷就加拿祖踢右翼；前鋒繼續係海倫踢。小弟認為呢場有條件係賽事中後段擺馬斯亞出黎踢左翼，前場三個就可以不停左中右交叉換位，或者會令前場有一番新景象。
預測曼聯正選陣容（4-2-3-1）
安拿拿
連迪路夫 華拉尼 伊雲斯 達洛治
安拉拔 般奴費南迪斯
華舒福 漢尼拔 加拿祖
海倫
今季球隊暫時只係失左七球，係聯賽排第四，證明鶴臣果套先守穩係幾有用。值得留意既係水晶宮上半場係未試過失波，全部失波都係下半場，即係話上半場好氣好力夠集中果陣，要入佢地波睇黎都幾困難啦，唯有睇下下半場有冇機會！
曼聯上場憑般奴一個世界波射死般尼，成功作客拎到三分走人。雖然場面上極其被動，但起碼肯縮後先求守穩，再係前場靠反擊打空間去爭取入波，肯改踢法先有得贏。雖然係防守上仍有唔少失誤，但般尼有黃金機會既次數唔多，而安拿拿亦終於有首場clean sheet，算係還得神落！今季曼聯好似冇拜神咁，傷兵一個接一個，上場賽前馬天尼斯有傷，被逼起用伊雲斯頂上；球賽中段，列古朗受傷下要用安拉拔客串；尾段亦有伊雲斯撞到個頭要換出，相信佢就問題不大既。見到個傷兵名單之長，仲要集中係後防線，都令到坦克排陣出人有極大困難。本以為伊雲斯都係簽黎做替補既替補，點知依家要靠佢頂住，冇簽佢既都唔知點好。幸好，華拉尼係今場後備上陣，叫做多番個手足。
曼聯近排要十一日內踢四場波，當中更要遠征德國，再作客般尼，最後先番奧脫福踢聯賽盃。眾將體能或者都去到臨界點，相信坦克會係有限既情況下輪換球員。門將就唔會旭，等安拿拿拎多少少信心。後防線或會執一執位，華拉尼拍伊雲斯踢中堅。左閘缺人下，達洛治需要客串；右閘位置則交俾連迪路夫。睇下坦克會唔會試下用艾華路費南迪斯踢左閘，畢竟盃賽都係好機會練練後生仔，咁達洛治就可以踢番右閘。卡斯美路連場征戰，安拉拔係時候幫幫手等佢抖抖。般奴費南迪斯則同漢尼拔踢兩個八號位，或者推前漢尼拔一格，等般奴縮後同安拉拔踢平排中場。左翼加拿祖或有機會上陣；華舒福要遷就加拿祖踢右翼；前鋒繼續係海倫踢。小弟認為呢場有條件係賽事中後段擺馬斯亞出黎踢左翼，前場三個就可以不停左中右交叉換位，或者會令前場有一番新景象。
預測曼聯正選陣容（4-2-3-1）
安拿拿
連迪路夫 華拉尼 伊雲斯 達洛治
安拉拔 般奴費南迪斯
華舒福 漢尼拔 加拿祖
海倫