連馬斯亞都笑住踢！Too easy（賽後簡評-曼聯對水晶宮）
《後備鬥後備？實力差得遠》
水晶宮今場大幅度輪換球員，整條防線連門將都差唔多全換，只得左閘米曹係常規正選。防守中場亦用左大號碼列特華（44號）取代左韋曉士或利馬。前線孖寶艾斯同艾度亞亦放左係後備席，只有常規正選舒諾普同艾耶列入正選陣容。鶴臣睇黎想留力下場聯賽搶分，或者佢覺得坦克會出後備黎踢，就實行黎場後備鬥後備！
坦克今場亦放左極多替補球員踢正選，般奴、華舒福同海倫都係後備席，小將加拿祖、柏利斯迪同漢尼拔都獲得機會。麥佳亞復任中堅拍華拉尼。安拉拔亦首次正選上場，曼治亦復出係中場擔任指揮官。前鋒馬斯亞亦正選上陣。曼聯既一眾後備同正選實力相差無幾，個人能力同水晶宮既後備相比實在係高出甚多，起碼個個都有能力入選國家隊。後備鬥後備，根本就冇得踢。
《略略講下戰術》
水晶宮今場踢4-4-2，放棄前場逼搶，踢中低位後場防守。除左人腳能力及不上對方外，4-4-2踢得唔夠緊密係輸波原因。上半場左閘位置空間極多，加上艾耶協防能力較差，令到曼聯多次進攻得手。前線兩個係中場線遮線對波有等於冇，令曼聯太容易先overload左路，再回後經後場既曼治、卡斯美路或安拉拔去放對角斜線打空位，係水晶宮今場輸波既原因。
曼聯則沿用番類似3-1-6既進攻陣形。後場長期保留三人overload對方一對箭頭。多左安拉拔係中後場，進攻時球員既走位變化更多，卡斯美路可以逗後一格，等安拉拔縮入中間推前達洛治；有時曼治亦會移後到左中堅，安拉拔推前到左翼位置，等加拿祖移入half-space overload邊路；有時達洛治會留後，安拉拔收中推前卡斯美路上一格做波，中後場個流動性非常大，令到水晶宮球員好難防守。
《講下個別球員》
先帶頭盔，對面係非常水皮，所以踢落曼聯好似好很勁咁。不過，你都要交到一定既水準先贏到，所以都想講下呢場見到既野。
1）曼治
雖然佢只踢左45分鐘就被換走，但今場球權重心係番佢度，見到佢係有一定既策應帶動進攻能力。加拿祖入既第一球都係先黎自佢既對角長傳搵到走位既柏利斯迪。曼治幾次既俾波走位撞場都係般奴身上好少見到，而今場漢尼拔既踢法，就非常幫到曼治，唔上腳走位為主，俾完波就搵位走。見到文字都覺得般奴係夾唔到，
所以點樣係中場同般奴兼容將會非常考起坦克！
2）安拉拔
呢場表現都相當完美，係中場做左好多唔顯眼既工作。有一定既用波能力，防守硬淨，攔截同埋波時間亦準。下半場改踢防守中場拍卡斯美路，相信係一個signal俾大家知，下場將會係佢兩個拍住上。呢個借將唔駛睇都知岩駛，暫時睇落佢逗深少少較好，可以試下推前胖虎發掘佢後上埋門能力。
3）哥尼
哥尼（Gore）係61分鐘入替安拉拔，等安拉拔留力迎接下場。呢個後生仔交波非常準，相信有接近九成傳球成功率。雖然多以後傳同橫傳為主，但見到佢拎個波唔會急唔會亂，目標係保持控球就不停搵隊友交。呢30分鐘亦有兩下係人群中帶波殺出重圍，再分邊俾隊友，踢落幾對板。佢同漢尼拔都絕對可以俾多少少時間上陣。
《總結》
呢場聯賽盃賽事只係聯賽前哨戰，鶴臣擺明放棄盃仔，專心聯賽護級，所以呢場大敗出局冇乜所謂，主力球員大部分都未出，禮拜尾先同你死過。
曼聯則非常需要贏呢場賽事，點都叫做衛冕冠軍，咁快出局就羞家。今場輪換大部分球員下，球隊踢出年青人既活力，前場幾個小將不停走位，竟然帶動埋馬斯亞都一齊跑。特別係右路百力支同漢尼拔，不惜氣力助攻助守。百力支係尾段都仲可以番後場搶完再推生過兩個，只能說後生真好。加拿祖今場好似開竅，冇再死推爛扭，格硬擺大位浪射，踢落突然成熟左好多，希望唔係曇花一現。球隊禮拜尾再對水晶宮，相信下場會比呢場難踢好多，究竟坦克會用番佢心中既主力踢，還是比今場踢得好既球員繼續，就要拭目以待啦！
水晶宮今場大幅度輪換球員，整條防線連門將都差唔多全換，只得左閘米曹係常規正選。防守中場亦用左大號碼列特華（44號）取代左韋曉士或利馬。前線孖寶艾斯同艾度亞亦放左係後備席，只有常規正選舒諾普同艾耶列入正選陣容。鶴臣睇黎想留力下場聯賽搶分，或者佢覺得坦克會出後備黎踢，就實行黎場後備鬥後備！
坦克今場亦放左極多替補球員踢正選，般奴、華舒福同海倫都係後備席，小將加拿祖、柏利斯迪同漢尼拔都獲得機會。麥佳亞復任中堅拍華拉尼。安拉拔亦首次正選上場，曼治亦復出係中場擔任指揮官。前鋒馬斯亞亦正選上陣。曼聯既一眾後備同正選實力相差無幾，個人能力同水晶宮既後備相比實在係高出甚多，起碼個個都有能力入選國家隊。後備鬥後備，根本就冇得踢。
《略略講下戰術》
水晶宮今場踢4-4-2，放棄前場逼搶，踢中低位後場防守。除左人腳能力及不上對方外，4-4-2踢得唔夠緊密係輸波原因。上半場左閘位置空間極多，加上艾耶協防能力較差，令到曼聯多次進攻得手。前線兩個係中場線遮線對波有等於冇，令曼聯太容易先overload左路，再回後經後場既曼治、卡斯美路或安拉拔去放對角斜線打空位，係水晶宮今場輸波既原因。
曼聯則沿用番類似3-1-6既進攻陣形。後場長期保留三人overload對方一對箭頭。多左安拉拔係中後場，進攻時球員既走位變化更多，卡斯美路可以逗後一格，等安拉拔縮入中間推前達洛治；有時曼治亦會移後到左中堅，安拉拔推前到左翼位置，等加拿祖移入half-space overload邊路；有時達洛治會留後，安拉拔收中推前卡斯美路上一格做波，中後場個流動性非常大，令到水晶宮球員好難防守。
《講下個別球員》
先帶頭盔，對面係非常水皮，所以踢落曼聯好似好很勁咁。不過，你都要交到一定既水準先贏到，所以都想講下呢場見到既野。
1）曼治
雖然佢只踢左45分鐘就被換走，但今場球權重心係番佢度，見到佢係有一定既策應帶動進攻能力。加拿祖入既第一球都係先黎自佢既對角長傳搵到走位既柏利斯迪。曼治幾次既俾波走位撞場都係般奴身上好少見到，而今場漢尼拔既踢法，就非常幫到曼治，唔上腳走位為主，俾完波就搵位走。見到文字都覺得般奴係夾唔到，
所以點樣係中場同般奴兼容將會非常考起坦克！
2）安拉拔
呢場表現都相當完美，係中場做左好多唔顯眼既工作。有一定既用波能力，防守硬淨，攔截同埋波時間亦準。下半場改踢防守中場拍卡斯美路，相信係一個signal俾大家知，下場將會係佢兩個拍住上。呢個借將唔駛睇都知岩駛，暫時睇落佢逗深少少較好，可以試下推前胖虎發掘佢後上埋門能力。
3）哥尼
哥尼（Gore）係61分鐘入替安拉拔，等安拉拔留力迎接下場。呢個後生仔交波非常準，相信有接近九成傳球成功率。雖然多以後傳同橫傳為主，但見到佢拎個波唔會急唔會亂，目標係保持控球就不停搵隊友交。呢30分鐘亦有兩下係人群中帶波殺出重圍，再分邊俾隊友，踢落幾對板。佢同漢尼拔都絕對可以俾多少少時間上陣。
《總結》
呢場聯賽盃賽事只係聯賽前哨戰，鶴臣擺明放棄盃仔，專心聯賽護級，所以呢場大敗出局冇乜所謂，主力球員大部分都未出，禮拜尾先同你死過。
曼聯則非常需要贏呢場賽事，點都叫做衛冕冠軍，咁快出局就羞家。今場輪換大部分球員下，球隊踢出年青人既活力，前場幾個小將不停走位，竟然帶動埋馬斯亞都一齊跑。特別係右路百力支同漢尼拔，不惜氣力助攻助守。百力支係尾段都仲可以番後場搶完再推生過兩個，只能說後生真好。加拿祖今場好似開竅，冇再死推爛扭，格硬擺大位浪射，踢落突然成熟左好多，希望唔係曇花一現。球隊禮拜尾再對水晶宮，相信下場會比呢場難踢好多，究竟坦克會用番佢心中既主力踢，還是比今場踢得好既球員繼續，就要拭目以待啦！