曼聯呢場非勝不可（歐聯分組賽賽前簡評-曼聯對加拉塔沙雷）
加拉塔沙雷近六場賽事五勝一和，和波果場係歐聯分組賽主場對哥本哈根。從賽果睇近況睇得出隊波狀態不俗。隊中亦不乏猛將，門將有梅斯利拿；後防有山齊士同安祖連奴；中場有托尼拉同尼當比利；前場則有韋費特沙夏、薛耶治同伊卡迪，牌面睇落絕對唔差。今場作客面對住哀兵曼聯，絕對有能力贏波而回。
曼聯上場聯賽主場以零比一不敵水晶宮，賽後奧脫福噓聲四起。坦克果場起用番一眾主力球員，曼治、般奴、華舒福同海倫悉數上陣，但球員踢出黎既整體效果強差人意。雖然球隊既傷兵名單甚長，但以僅有既人腳黎講主場輸俾水晶宮係非常難接受。今場歐聯分組賽第二場對加拉塔沙雷，如以小組次名為出線目標的話，呢場基本係一定要贏，輸既話要出線既難度就甚高。
呢場波要預測坦克既正選陣容就唔太容易。因為呢場波重要性大，起用小將要過一個幾大既心理關口，贏波就冇問題，輸就肯定問點解唔用主力。第二個難關就係上場踢正選果班冇乜化學作用，如今場再出的話，分分鐘踢出黎同上場係一模一樣就西多過Like！究竟坦克會把心一橫抽起幾個大帝還是信佢地多次？
預測坦克都會盡量沿用正選，但或會起用部分年青小將。門將繼續係安拿拿，上場輸果球波又未算太關佢事。防線會繼續起用達洛洛、華拉尼、連迪路夫同安拉拔。中前場我就預計會換一換人，防中繼續係卡斯美路。因為上場柏利斯迪係邊路提供唔到停球點同推進，今場或會改用般奴費南迪斯。中場兩個八號位則交俾曼治同漢尼拔。左翼華舒福則會正選支援前鋒馬斯亞攻堅。亦有機會唔用漢尼拔改用加拿祖踢左路，咁福仔就要改踢右翼，將般奴移番入中間。
預測曼聯正選陣容（4-3-3）
安拿拿
達洛治 華拉尼 連迪路夫 安拉拔
漢尼拔 卡斯美路 曼治
般奴費南迪斯 馬斯亞 華舒福
曼聯上場聯賽主場以零比一不敵水晶宮，賽後奧脫福噓聲四起。坦克果場起用番一眾主力球員，曼治、般奴、華舒福同海倫悉數上陣，但球員踢出黎既整體效果強差人意。雖然球隊既傷兵名單甚長，但以僅有既人腳黎講主場輸俾水晶宮係非常難接受。今場歐聯分組賽第二場對加拉塔沙雷，如以小組次名為出線目標的話，呢場基本係一定要贏，輸既話要出線既難度就甚高。
呢場波要預測坦克既正選陣容就唔太容易。因為呢場波重要性大，起用小將要過一個幾大既心理關口，贏波就冇問題，輸就肯定問點解唔用主力。第二個難關就係上場踢正選果班冇乜化學作用，如今場再出的話，分分鐘踢出黎同上場係一模一樣就西多過Like！究竟坦克會把心一橫抽起幾個大帝還是信佢地多次？
預測坦克都會盡量沿用正選，但或會起用部分年青小將。門將繼續係安拿拿，上場輸果球波又未算太關佢事。防線會繼續起用達洛洛、華拉尼、連迪路夫同安拉拔。中前場我就預計會換一換人，防中繼續係卡斯美路。因為上場柏利斯迪係邊路提供唔到停球點同推進，今場或會改用般奴費南迪斯。中場兩個八號位則交俾曼治同漢尼拔。左翼華舒福則會正選支援前鋒馬斯亞攻堅。亦有機會唔用漢尼拔改用加拿祖踢左路，咁福仔就要改踢右翼，將般奴移番入中間。
預測曼聯正選陣容（4-3-3）
安拿拿
達洛治 華拉尼 連迪路夫 安拉拔
漢尼拔 卡斯美路 曼治
般奴費南迪斯 馬斯亞 華舒福