迪基亞肯定睇到由心笑出黎（賽後分析-曼聯對加拉塔沙雷）
《正選陣容同戰術都有改變》
呢場正選陣容同小弟預測既非常接近，只有海倫繼續踢正選而非起用馬斯亞。門將連後防都冇變。中場起用左漢尼拔取代上場係右路建樹不多既柏利斯迪，同時間亦將般奴費南迪斯改踢右翼，希望佢可以係右路幫到球隊推進，其他中前場球員照上場對水晶宮一樣。雖然人腳只係變動左一個，但係進攻戰術都有些少改變。之前安拉拔會更多時移入中路推前卡斯美路，又或者同卡斯美路平排踢中場，但今場當福仔將會係邊線持球後，明顯見到安拉拔多從左閘位置overlap或underlap沉底，同時間曼治亦可選擇入禁區等，或係附近現身提供傳球選擇。
《機緣巧合下入波；沙夏倒戈入波》
加拉塔沙雷今場都冇刻意縮係後面泊巴士，前場嘗試用4-4-2係高位壓逼踢得都幾半開放，變相後場都有幾多空間俾曼聯前鋒哨。曼聯則改變左少少進攻模式下，繼續都係倚重左路進攻。係未入波前，安拉拔同曼治已經有幾次沉底接應福仔傳送再去傳中，可惜都係差少少，而今場福仔明顯係俾多左波。17分鐘，曼聯一次機緣巧合下兩翼換左位，卡斯美路係自己三閘線截到波後，真係求其踢向右邊就已經俾到空晒既福仔爆。佢頭一點前個波再傳中就已經搵到海倫頭鎚頂入。幾分鐘後，曼治策動反擊，一腳靚直線俾海倫已經單刀，但可惜佢未能擺脫出迎既梅斯利拿，錯失拉開比數既機會。23分鐘，山齊士後場一個長傳，韋費特沙夏用身型硬食達洛治，再半車身射入。呢球波完全係達洛治個人單防能力問題，安拿拿再叻都幫唔到手。上半場只能一比一完。加拉塔沙雷上半場踢落冇乜特別既進攻套路，都係倚靠兩翼側擊，以左路沙夏為主；防守都幾開放，防線壓得幾前。曼聯則比較單調集中左路進攻，因般奴費南迪斯不太安於右路，經常會移左入中間，令到右八既漢尼拔有少少唔識走，右路塞車情況下，進攻唔夠立體。另外，曼聯球員傳控方面比較急容易斷纜，未能做到完全主導進攻去圍攻對手。控球率只得52%就見到場面同對方只係勢均力敵。
《坦克終於知買錯人；安拿拿又派膠》
坦克係半場立即用艾歷臣入替漢尼拔，般奴仍然係踢右翼。67分鐘，山齊士接應隊友回傳時係中場跣腳，海倫偷到再怒推半場單刀射入，為曼聯再次領先。由45分鐘至67分鐘呢段時間，曼聯係有67%控球，並且有6次射門3次中框既數據。原因在於般奴終於企番係條右路，加上艾歷臣精準既分邊同控制進攻節奏，令到整隊曼聯攻勢係立體左好多。曼治重新支配中路，踢番攻中位亦多左入禁區埋門。呢22分鐘證明左坦克買錯人，曼治並唔係用黎頂艾歷臣而係般奴。
可惜曼聯僅僅開心左4分鐘就被追平。加拉塔沙拉雷一下右路側擊，一腳簡單地波傳中，加多腳射門就追和。卡斯美路再次望住對手跑入禁區埋門固然要鬧，但達洛治冇放棄尾柱先追近柱入楔既球員都要負上一定既責任，防守一定係先跟近後跟遠。
78分鐘，安拿拿一次後場派膠交左個波俾對手，卡斯美路忍唔住係禁區踢跌對手，被球證兩黃一紅趕離場兼輸十二碼。原以為伊卡迪射失，可以令到紅魔鬼打少一人下可以拎一分走人。點知係81分鐘，山齊士後場一個解圍頭鎚，就助攻俾到空晒單刀既伊卡迪。佢只面對安拿拿下輕鬆射入，為球隊反超前三比二。呢個失波可能要怪安拉拔斬完個波做咩唔走快兩步，你話條防線有冇錯又真係唔多有，但黑起上黎真係要你輸就會輸。及後，加拉塔沙雷都仲有機會入波，可惜都射唔中目標；曼聯既馬斯亞後備入替都有一腳埋門，可惜過唔到梅斯利拿。場雞一響，曼聯以二比三輸比加拉塔沙雷。
《總結》
曼聯歐戰兩戰兩敗，暫時以零分排係小組第尾。老實說，要出線歐聯十六強既機會不大。雖然主場對拜仁，但你都幾難拎到分。當你其他賽事全勝都只係得9分，好大機會都要加拉塔沙雷失分先得，好大機會都係歐霸見。
對手實力唔算強，踢落仲要咁開放，特別係我地曾經兩度領先，咁樣輸就肯定係失望。不過，整隊既表現比起上場係有進步，特別係艾歷臣出左黎之後。呢場起碼令坦克知道般曼係不能同時間係中路出現，要兩個一齊出就要將其中一個扔去邊路。另外，艾歷臣仍然係陣中必然正選（對弱隊或需要控球破密集），始終佢係中場疏理進攻同創造性都係隊內最佳（冇之一）。海倫踢歐聯賽事係有作用，希望佢可以加強上身力量，畢竟聯賽既對手會有更多身體碰撞，依家既佢明顯係未能應付到本土聯賽既中堅。此外，安拿拿除左今場派膠外，面對對方高位逼搶好多時都係大腳踢向前，今場37腳傳送有25腳都係長傳（傳球成功率只得56.8%）。中後場其他球員都冇現身或夠膽去用波，就更令人質疑點解要高價買安拿拿番黎。下場對賓福特，又睇下坦克會點應付蜜蜂仔既五人防線。
呢場正選陣容同小弟預測既非常接近，只有海倫繼續踢正選而非起用馬斯亞。門將連後防都冇變。中場起用左漢尼拔取代上場係右路建樹不多既柏利斯迪，同時間亦將般奴費南迪斯改踢右翼，希望佢可以係右路幫到球隊推進，其他中前場球員照上場對水晶宮一樣。雖然人腳只係變動左一個，但係進攻戰術都有些少改變。之前安拉拔會更多時移入中路推前卡斯美路，又或者同卡斯美路平排踢中場，但今場當福仔將會係邊線持球後，明顯見到安拉拔多從左閘位置overlap或underlap沉底，同時間曼治亦可選擇入禁區等，或係附近現身提供傳球選擇。
《機緣巧合下入波；沙夏倒戈入波》
加拉塔沙雷今場都冇刻意縮係後面泊巴士，前場嘗試用4-4-2係高位壓逼踢得都幾半開放，變相後場都有幾多空間俾曼聯前鋒哨。曼聯則改變左少少進攻模式下，繼續都係倚重左路進攻。係未入波前，安拉拔同曼治已經有幾次沉底接應福仔傳送再去傳中，可惜都係差少少，而今場福仔明顯係俾多左波。17分鐘，曼聯一次機緣巧合下兩翼換左位，卡斯美路係自己三閘線截到波後，真係求其踢向右邊就已經俾到空晒既福仔爆。佢頭一點前個波再傳中就已經搵到海倫頭鎚頂入。幾分鐘後，曼治策動反擊，一腳靚直線俾海倫已經單刀，但可惜佢未能擺脫出迎既梅斯利拿，錯失拉開比數既機會。23分鐘，山齊士後場一個長傳，韋費特沙夏用身型硬食達洛治，再半車身射入。呢球波完全係達洛治個人單防能力問題，安拿拿再叻都幫唔到手。上半場只能一比一完。加拉塔沙雷上半場踢落冇乜特別既進攻套路，都係倚靠兩翼側擊，以左路沙夏為主；防守都幾開放，防線壓得幾前。曼聯則比較單調集中左路進攻，因般奴費南迪斯不太安於右路，經常會移左入中間，令到右八既漢尼拔有少少唔識走，右路塞車情況下，進攻唔夠立體。另外，曼聯球員傳控方面比較急容易斷纜，未能做到完全主導進攻去圍攻對手。控球率只得52%就見到場面同對方只係勢均力敵。
《坦克終於知買錯人；安拿拿又派膠》
坦克係半場立即用艾歷臣入替漢尼拔，般奴仍然係踢右翼。67分鐘，山齊士接應隊友回傳時係中場跣腳，海倫偷到再怒推半場單刀射入，為曼聯再次領先。由45分鐘至67分鐘呢段時間，曼聯係有67%控球，並且有6次射門3次中框既數據。原因在於般奴終於企番係條右路，加上艾歷臣精準既分邊同控制進攻節奏，令到整隊曼聯攻勢係立體左好多。曼治重新支配中路，踢番攻中位亦多左入禁區埋門。呢22分鐘證明左坦克買錯人，曼治並唔係用黎頂艾歷臣而係般奴。
可惜曼聯僅僅開心左4分鐘就被追平。加拉塔沙拉雷一下右路側擊，一腳簡單地波傳中，加多腳射門就追和。卡斯美路再次望住對手跑入禁區埋門固然要鬧，但達洛治冇放棄尾柱先追近柱入楔既球員都要負上一定既責任，防守一定係先跟近後跟遠。
78分鐘，安拿拿一次後場派膠交左個波俾對手，卡斯美路忍唔住係禁區踢跌對手，被球證兩黃一紅趕離場兼輸十二碼。原以為伊卡迪射失，可以令到紅魔鬼打少一人下可以拎一分走人。點知係81分鐘，山齊士後場一個解圍頭鎚，就助攻俾到空晒單刀既伊卡迪。佢只面對安拿拿下輕鬆射入，為球隊反超前三比二。呢個失波可能要怪安拉拔斬完個波做咩唔走快兩步，你話條防線有冇錯又真係唔多有，但黑起上黎真係要你輸就會輸。及後，加拉塔沙雷都仲有機會入波，可惜都射唔中目標；曼聯既馬斯亞後備入替都有一腳埋門，可惜過唔到梅斯利拿。場雞一響，曼聯以二比三輸比加拉塔沙雷。
《總結》
曼聯歐戰兩戰兩敗，暫時以零分排係小組第尾。老實說，要出線歐聯十六強既機會不大。雖然主場對拜仁，但你都幾難拎到分。當你其他賽事全勝都只係得9分，好大機會都要加拉塔沙雷失分先得，好大機會都係歐霸見。
對手實力唔算強，踢落仲要咁開放，特別係我地曾經兩度領先，咁樣輸就肯定係失望。不過，整隊既表現比起上場係有進步，特別係艾歷臣出左黎之後。呢場起碼令坦克知道般曼係不能同時間係中路出現，要兩個一齊出就要將其中一個扔去邊路。另外，艾歷臣仍然係陣中必然正選（對弱隊或需要控球破密集），始終佢係中場疏理進攻同創造性都係隊內最佳（冇之一）。海倫踢歐聯賽事係有作用，希望佢可以加強上身力量，畢竟聯賽既對手會有更多身體碰撞，依家既佢明顯係未能應付到本土聯賽既中堅。此外，安拿拿除左今場派膠外，面對對方高位逼搶好多時都係大腳踢向前，今場37腳傳送有25腳都係長傳（傳球成功率只得56.8%）。中後場其他球員都冇現身或夠膽去用波，就更令人質疑點解要高價買安拿拿番黎。下場對賓福特，又睇下坦克會點應付蜜蜂仔既五人防線。