兩大流量密碼變英雄（賽後簡評-曼聯對哥本哈根）
賽前曼聯兩場歐洲賽事全敗得零分，如果要爭歐聯出線席位，呢場係必須要贏，和都好大機會只可以爭歐霸。曼聯憑麥佳亞既頭鎚建功，加上安拿拿係最後階段撲走十二碼，兩個今季流量密碼人物成功幫曼聯拎到極重要既三分。
《坦夏出人心態已經係運財童子先行》
曼聯近況反勝賓福特再贏錫菲聯，兩場波都係踢得唔好但贏到，所以坦夏都唔諗太多。雖然明知道麥湯文尼唔太合適佢既進攻理念，但既然你有運入到波就不仿繼續出。除左列古朗傷癒就踢番左閘同埋華拉尼復出頂伊雲斯外，今場其餘人腳同上場係一樣，踢得順有運就唔好旭。進攻上亦唔駛麥湯參與太多中場組織，有控球就係前場同禁區等，中場靠安拉拔加有時墮後既般奴去較下炮。
《上半場零組織係預期之內；早段唔駛輸係靠血肉長城》
曼聯既中場正選陣容只得般奴係較為技術型，安拉拔一早知只能負責掃蕩同駁腳，單靠般奴一個係難以兼顧串聯中前場同中後場，所以上半場曼聯既攻勢接近零。最有威脅都係黎自反擊。相信坦夏都預見到情況，所以防守時改以中低位，引哥本哈根上黎攻，並冇不停推前防線。雖然數字上哥本哈根上半場係7射0中，但有幾腳射門都係黃金機會，反映曼聯防線守得並唔算太理想；相反曼聯只得5射1中，攻力之疲乏真係嚇死人。
《曼聯贏波竟然要靠孖寶》
兩隊半場互無記錄，坦夏就係半場立刻換入艾歷臣，繼續保留運財童子麥湯，改踢4-2-3-1。進攻踢番以前既套路，概念仍然係維持三個後場出球點，但般奴就會霸番成個中路踢，而艾歷臣則可以隨時縮入中路較炮又可以變左中堅幫手出球。坦夏再係63分鐘換入加拿祖同連迪路夫。冰人既入替純粹等列古朗抖抖，但加拿祖既入替則係指示到要爭取入波。經調動後，整個下半場都多左好多攻勢，整隊亦創造左至少兩個至三個黃金機會，只係獨欠最後一腳。麥佳亞72分鐘既頭鎚入波價值連城，當然要讚艾歷臣既傳中落點冇得彈。麥湯防守時睇黎都需要遠離禁區先得，補時階段先輸球十二碼，好彩安拿拿成功撲走，球證隨即吹完場雞。曼聯驚險地拎三分保住出線希望。值得一提，根據小弟觀察，曼聯近幾次輸既十二碼，安拿拿大部分都係捉到路，係撲十二碼方面相信佢比迪基亞稍微好些少。
《總結》
曼聯成功拎三分當然值得高興，但睇「過程」既話就實在有太多野需要改進。小弟相信坦夏現階段都唔會係陣容上作出太大調整，難得隊波係水心火熱之中連贏三場，順開就唔好點變啦。依家踢得好唔好睇係其次，佢心目中就肯定係拎分行先。麥佳亞同麥湯文尼都成功用表現搶番正選位，證明坦夏用人係睇表現而唔係只靠關係；安拿拿則係今場拎番極大信心，希望呢場可以打番起佢，下場對曼城睇黎你都有排撲！
《坦夏出人心態已經係運財童子先行》
曼聯近況反勝賓福特再贏錫菲聯，兩場波都係踢得唔好但贏到，所以坦夏都唔諗太多。雖然明知道麥湯文尼唔太合適佢既進攻理念，但既然你有運入到波就不仿繼續出。除左列古朗傷癒就踢番左閘同埋華拉尼復出頂伊雲斯外，今場其餘人腳同上場係一樣，踢得順有運就唔好旭。進攻上亦唔駛麥湯參與太多中場組織，有控球就係前場同禁區等，中場靠安拉拔加有時墮後既般奴去較下炮。
《上半場零組織係預期之內；早段唔駛輸係靠血肉長城》
曼聯既中場正選陣容只得般奴係較為技術型，安拉拔一早知只能負責掃蕩同駁腳，單靠般奴一個係難以兼顧串聯中前場同中後場，所以上半場曼聯既攻勢接近零。最有威脅都係黎自反擊。相信坦夏都預見到情況，所以防守時改以中低位，引哥本哈根上黎攻，並冇不停推前防線。雖然數字上哥本哈根上半場係7射0中，但有幾腳射門都係黃金機會，反映曼聯防線守得並唔算太理想；相反曼聯只得5射1中，攻力之疲乏真係嚇死人。
《曼聯贏波竟然要靠孖寶》
兩隊半場互無記錄，坦夏就係半場立刻換入艾歷臣，繼續保留運財童子麥湯，改踢4-2-3-1。進攻踢番以前既套路，概念仍然係維持三個後場出球點，但般奴就會霸番成個中路踢，而艾歷臣則可以隨時縮入中路較炮又可以變左中堅幫手出球。坦夏再係63分鐘換入加拿祖同連迪路夫。冰人既入替純粹等列古朗抖抖，但加拿祖既入替則係指示到要爭取入波。經調動後，整個下半場都多左好多攻勢，整隊亦創造左至少兩個至三個黃金機會，只係獨欠最後一腳。麥佳亞72分鐘既頭鎚入波價值連城，當然要讚艾歷臣既傳中落點冇得彈。麥湯防守時睇黎都需要遠離禁區先得，補時階段先輸球十二碼，好彩安拿拿成功撲走，球證隨即吹完場雞。曼聯驚險地拎三分保住出線希望。值得一提，根據小弟觀察，曼聯近幾次輸既十二碼，安拿拿大部分都係捉到路，係撲十二碼方面相信佢比迪基亞稍微好些少。
《總結》
曼聯成功拎三分當然值得高興，但睇「過程」既話就實在有太多野需要改進。小弟相信坦夏現階段都唔會係陣容上作出太大調整，難得隊波係水心火熱之中連贏三場，順開就唔好點變啦。依家踢得好唔好睇係其次，佢心目中就肯定係拎分行先。麥佳亞同麥湯文尼都成功用表現搶番正選位，證明坦夏用人係睇表現而唔係只靠關係；安拿拿則係今場拎番極大信心，希望呢場可以打番起佢，下場對曼城睇黎你都有排撲！