要不是安拿拿…點止輸三球（賽後分析-曼聯對曼城）
《正選陣用艾歷臣就知死硬》
坦夏今場係正選陣容作出左幾個變動，先抽起華拉尼，用麥佳亞拍伊雲斯作中路屏障。如果華拉尼有傷，呢個變動都叫情有可原。左閘起用連迪路夫，相信係列古朗防守實在太弱，加上剛傷癒未有態下，呢個位都只能咁揀。咁既然你用得呢條防線，後場速度唔高，用波能力差，咁索性放棄前場高位壓迫，專心係中後場低位防守等打反擊，理應係比較正路。偏偏坦夏就真係估你唔到，中場兩個起用安拉拔拍艾歷臣。全世界都知艾歷臣防守力唔強，體能速度都差。如果有條件可以控球在腳而用佢去增加球隊創造力同控制節奏的話，會係一個完美既球員，但你對住曼城，再加後場咁既人腳，出艾歷臣可以幫到隊波乜野？如果用麥湯文尼拍安拉拔推艾歷臣打前一格，戰術上反而仲講得通。起碼麥湯係中場有番咁上下攔打，又有身型係中間度掃蕩下，等艾歷臣係中前場幫手停下波分兩邊都仲可能有睇頭。咁樣擺結果波又用唔到，中場截擊力更低，起唔到保護防線既作用，令隊波兩頭唔到岸。攻擊中場用麥湯文尼更反映坦夏依家個心態（俾我講中） - 運財童子腳風順，入波要靠你。般奴費南迪斯再次踢右翼，結果多次既盲目逼搶失位，回防亦唔夠安東尼徹底，令達洛治經常要以一敵二，右路出晒事。華舒福踢左翼同凱倫踢中鋒都係不二之選，呢兩個位置都未有更好選擇。不過福仔回防唔夠積極，坦夏亦可能有指示要留守前半場打反擊，所以左閘既冰人又係疲於奔命。
《頭十五分鐘唔係冇機會；十五分鐘後完敗》
開波頭十五分鐘，曼城有少少慢熱，係中後場有幾下猜傳失誤俾曼聯球員偷到，可惜係曼聯球員級數所限，未能轉化為入球。接住，基本上都係曼城控制大局，不停針對兩側進攻。要不是安拿拿有幾下迪基亞式撲救，早早已經失左波。安拿拿頂到二十六分鐘都係要失守，凱倫係禁區拉跌洛迪，被球證翻睇VAR吹罰。你可以話吹罰太soft，但確實係有犯規，所以不能話黑哨。要怪只能怪凱倫係區域防守時移動明顯慢左很多，係禁區用手拉就肯定要take risk。曼聯唯一可以拎番少少控球權就係上半場尾段，可惜鮮有既一次配合，麥湯接應福仔妙傳未能射破伊達臣既十指關。
《曼城下半場練波咁練；坦夏點換都冇用》
半場出黎，坦夏即用曼治換走安拉拔，因安拉拔有牌在身，順勢移後麥湯幫手做截擊。49分鐘，曼城一次左路攻勢，貝拿度施華overlap接應格利殊傳中，無人看管既夏蘭特輕鬆係尾柱頭鎚攻門，幫曼城領先到二比零，基本上都已經穩奪呢三分。坦夏係73分鐘換入列古朗同加拿祖，嘗試加強攻力。不過前場缺乏停球點，後場又冇出球點，曼城好容易就拎番個波再猜番你十幾廿下好閒。八十分鐘失埋第三球就正式玩完。完場埋單計，曼聯輸三比零。
《總結》
坦夏個gameplan明顯出現重大問題，究竟你想隊波係鬥攻還是防反還是高位壓迫？戰術唔firm，導致出人兩頭唔到岸，就好難唔輸。諗起蘇B有一次對曼城係用5-3-1-1，雖然最後當然係輸，但起碼見到蘇B有諗點去應付對手。除左正選gameplan出事，係換人上都出事，艾歷臣明顯冇作用，甚至般奴係右路都係零貢獻，但第一個竟然唔係換入安東尼而係用曼治，仲要將中場最有防守力既安拉拔換入。如咁想留麥湯，你咪換走艾歷臣，再唔係隊長都換得架，邊個話隊長一定要踢足全場？球隊冇控球下，曼治根本難發揮，安東尼起碼幫你係右路停到個波先，見唔到曼治有咩能力係中路做到呢樣野。
曼市打吡，曼聯今場無論比數、跑動、鬥志、戰情同數據等等等，都完全明顯不及對手。要不是安拿拿踢到上晒身，肯定唔止輸三球咁少。兩隊實力上明顯不在同一檔次，甚至乎講係強隊對中下遊球隊都不為過。唔好賴十二碼，唔駛十二碼人地都有本事入你波。唔好賴傷兵，我地未傷到要用青年軍。點樣用其他球員用戰術去幫手做好防守係領隊責任。如果有係防守戰術上下苦功都輸，咁就可以賴但我睇唔到有。過幾日又到聯賽盃，坦夏真係要諗諗計，咪睇黎呢場對紐卡素都係咁先！
坦夏今場係正選陣容作出左幾個變動，先抽起華拉尼，用麥佳亞拍伊雲斯作中路屏障。如果華拉尼有傷，呢個變動都叫情有可原。左閘起用連迪路夫，相信係列古朗防守實在太弱，加上剛傷癒未有態下，呢個位都只能咁揀。咁既然你用得呢條防線，後場速度唔高，用波能力差，咁索性放棄前場高位壓迫，專心係中後場低位防守等打反擊，理應係比較正路。偏偏坦夏就真係估你唔到，中場兩個起用安拉拔拍艾歷臣。全世界都知艾歷臣防守力唔強，體能速度都差。如果有條件可以控球在腳而用佢去增加球隊創造力同控制節奏的話，會係一個完美既球員，但你對住曼城，再加後場咁既人腳，出艾歷臣可以幫到隊波乜野？如果用麥湯文尼拍安拉拔推艾歷臣打前一格，戰術上反而仲講得通。起碼麥湯係中場有番咁上下攔打，又有身型係中間度掃蕩下，等艾歷臣係中前場幫手停下波分兩邊都仲可能有睇頭。咁樣擺結果波又用唔到，中場截擊力更低，起唔到保護防線既作用，令隊波兩頭唔到岸。攻擊中場用麥湯文尼更反映坦夏依家個心態（俾我講中） - 運財童子腳風順，入波要靠你。般奴費南迪斯再次踢右翼，結果多次既盲目逼搶失位，回防亦唔夠安東尼徹底，令達洛治經常要以一敵二，右路出晒事。華舒福踢左翼同凱倫踢中鋒都係不二之選，呢兩個位置都未有更好選擇。不過福仔回防唔夠積極，坦夏亦可能有指示要留守前半場打反擊，所以左閘既冰人又係疲於奔命。
《頭十五分鐘唔係冇機會；十五分鐘後完敗》
開波頭十五分鐘，曼城有少少慢熱，係中後場有幾下猜傳失誤俾曼聯球員偷到，可惜係曼聯球員級數所限，未能轉化為入球。接住，基本上都係曼城控制大局，不停針對兩側進攻。要不是安拿拿有幾下迪基亞式撲救，早早已經失左波。安拿拿頂到二十六分鐘都係要失守，凱倫係禁區拉跌洛迪，被球證翻睇VAR吹罰。你可以話吹罰太soft，但確實係有犯規，所以不能話黑哨。要怪只能怪凱倫係區域防守時移動明顯慢左很多，係禁區用手拉就肯定要take risk。曼聯唯一可以拎番少少控球權就係上半場尾段，可惜鮮有既一次配合，麥湯接應福仔妙傳未能射破伊達臣既十指關。
《曼城下半場練波咁練；坦夏點換都冇用》
半場出黎，坦夏即用曼治換走安拉拔，因安拉拔有牌在身，順勢移後麥湯幫手做截擊。49分鐘，曼城一次左路攻勢，貝拿度施華overlap接應格利殊傳中，無人看管既夏蘭特輕鬆係尾柱頭鎚攻門，幫曼城領先到二比零，基本上都已經穩奪呢三分。坦夏係73分鐘換入列古朗同加拿祖，嘗試加強攻力。不過前場缺乏停球點，後場又冇出球點，曼城好容易就拎番個波再猜番你十幾廿下好閒。八十分鐘失埋第三球就正式玩完。完場埋單計，曼聯輸三比零。
《總結》
坦夏個gameplan明顯出現重大問題，究竟你想隊波係鬥攻還是防反還是高位壓迫？戰術唔firm，導致出人兩頭唔到岸，就好難唔輸。諗起蘇B有一次對曼城係用5-3-1-1，雖然最後當然係輸，但起碼見到蘇B有諗點去應付對手。除左正選gameplan出事，係換人上都出事，艾歷臣明顯冇作用，甚至般奴係右路都係零貢獻，但第一個竟然唔係換入安東尼而係用曼治，仲要將中場最有防守力既安拉拔換入。如咁想留麥湯，你咪換走艾歷臣，再唔係隊長都換得架，邊個話隊長一定要踢足全場？球隊冇控球下，曼治根本難發揮，安東尼起碼幫你係右路停到個波先，見唔到曼治有咩能力係中路做到呢樣野。
曼市打吡，曼聯今場無論比數、跑動、鬥志、戰情同數據等等等，都完全明顯不及對手。要不是安拿拿踢到上晒身，肯定唔止輸三球咁少。兩隊實力上明顯不在同一檔次，甚至乎講係強隊對中下遊球隊都不為過。唔好賴十二碼，唔駛十二碼人地都有本事入你波。唔好賴傷兵，我地未傷到要用青年軍。點樣用其他球員用戰術去幫手做好防守係領隊責任。如果有係防守戰術上下苦功都輸，咁就可以賴但我睇唔到有。過幾日又到聯賽盃，坦夏真係要諗諗計，咪睇黎呢場對紐卡素都係咁先！