曼市呢個光頭佬又夠鐘落鑊?
曼聯上場主場輸比曼城後，要求主帥坦夏落台既聲音又甚囂塵上。係討論佢是否應該會被炒之前，小弟想同大家先睇下利物浦高普同阿仙奴阿迪達既情況，再去分析究竟坦夏應否落台！（討論呢樣之前首先要拎開管理層問題）
阿迪達由2019年12月20加入阿仙奴做領隊，19/20年度買既人係當時艾美利要買既，所以果年從U隊提供或買入黎果五個球員都唔算關佢事。由19/20球季至22/23球季，阿迪達用左3年半時間，將阿仙奴由第八名變成第二名（上年仲有機會爭冠軍）。經佢手買入而又真係用到既（計埋艾美利買既人）大約係20-22人左右。再睇睇2019年當時既常規正選陣容與及23/24年既正選陣容
你會發現係十一個正選都全部換晒，一個不留。如果你計到22/23上年的話，只有沙加一人叫做仍在陣中。今個球季更大手買入左四個重鎊球員，真真正正叫做有能力同兵源去爭冠軍。阿迪達都要用左四個轉會窗先有佢自己既理想陣容。
高普由2015年10月加入利物浦做領隊。佢用左5年時間先幫利物浦奪得英超同歐聯冠軍。由2015/2016 - 2019/2020呢5年期間，佢總共引入左14位球員（包括從U隊提升）。再睇睇2015年既正選陣容同2020年既正選陣容作比較，只有軒達臣同費明奴仍在陣中，其餘九個都係被貶後備或者已經被賣。
睇到呢度，可以短暫得到結論係，你要拎到聯賽冠軍或者組到一隊有能力爭冠軍既球隊最少都需要四年時間。當中亦需要大量換血，包括將大部份以前既人腳清走，換入一班領隊認為岩佢踢法岩佢用既球員。換血人數起碼要換大約14-16人，先有機會可以同曼城鬥。或者有人會話，熱刺就咁換領隊都好似有力爭標啦，唔駛咁多年wor！熱刺個情況比較特別，就係佢除左換帥外，連本身隊中既攻擊戰術核心簡尼都走埋，基本上成隊係即刻由0 build-up省卻左慢慢換血既難題，再講熱刺都一口氣買左維卡里奧、麥迪臣、班倫莊臣、雲達芬、樸羅、蘇羅門同回收烏度治，呢度其實已經換左7個人，而有5個都已經係必然正選。
坦夏則係2022年4月加入曼聯做領隊。22/23年度，佢引入左卡斯美路、安東尼、馬天尼斯同馬拿斯亞。韋賀斯、杜巴卡、沙碧沙同畢拿特都係外借加盟。艾歷臣則係自由身簽入隊，小將漢尼拔、明奴同加拿祖則係U隊（只有加拿祖有較多上陣機會）。23/24年度，今季佢先買入左凱倫、曼治、安拿拿同門將比連迪亞。安拉拔係外借，而伊雲斯同列古朗都算係傷兵潮先簽入既球員。數一數，佢實際買左而又係正選既只有總共7個人，比起熱刺第一年就入左7個人，佢就算買得少（唔好講價錢先）。對比其餘兩位領隊，高普用左5年時間先拎到聯賽冠軍；阿迪達最快都要帶完第三年先叫可以衝擊到聯賽冠軍。你要坦夏係兩年都未有就可以同曼城爭？再諗，呢十年內，我地有邊一款既領隊未用過？教開中型班有莫椰斯、鳩控足球有雲高爾、終極防反有摩連奴、土生土長曼聯人蘇斯黑查同逼搶大師蘭歷克，全部唔夠三年就落台。依家有一個係阿積士叫做踢開進攻型足球既領隊帶，如果佢又係唔夠三年落台，我就諗唔到仲有邊款領隊可以教，或者戴治既高Q大棍可能岩駛。要一隊踢左咁多年防反既球隊變控傳足球一定需要時間，再者球隊中亦有某幾位球員係明顯唔太適合踢呢類波，基本上係要慢慢清走先有可能將整隊波改變。我就覺得呢個光頭佬係可以俾時間佢執，至少都俾三年時間佢，睇下佢帶成點，而唔係帶左一季半都未有就叫佢快快下台。呢個只會係無限輪迴，好快就有另一個十年黎緊！
阿迪達由2019年12月20加入阿仙奴做領隊，19/20年度買既人係當時艾美利要買既，所以果年從U隊提供或買入黎果五個球員都唔算關佢事。由19/20球季至22/23球季，阿迪達用左3年半時間，將阿仙奴由第八名變成第二名（上年仲有機會爭冠軍）。經佢手買入而又真係用到既（計埋艾美利買既人）大約係20-22人左右。再睇睇2019年當時既常規正選陣容與及23/24年既正選陣容
你會發現係十一個正選都全部換晒，一個不留。如果你計到22/23上年的話，只有沙加一人叫做仍在陣中。今個球季更大手買入左四個重鎊球員，真真正正叫做有能力同兵源去爭冠軍。阿迪達都要用左四個轉會窗先有佢自己既理想陣容。
高普由2015年10月加入利物浦做領隊。佢用左5年時間先幫利物浦奪得英超同歐聯冠軍。由2015/2016 - 2019/2020呢5年期間，佢總共引入左14位球員（包括從U隊提升）。再睇睇2015年既正選陣容同2020年既正選陣容作比較，只有軒達臣同費明奴仍在陣中，其餘九個都係被貶後備或者已經被賣。
睇到呢度，可以短暫得到結論係，你要拎到聯賽冠軍或者組到一隊有能力爭冠軍既球隊最少都需要四年時間。當中亦需要大量換血，包括將大部份以前既人腳清走，換入一班領隊認為岩佢踢法岩佢用既球員。換血人數起碼要換大約14-16人，先有機會可以同曼城鬥。或者有人會話，熱刺就咁換領隊都好似有力爭標啦，唔駛咁多年wor！熱刺個情況比較特別，就係佢除左換帥外，連本身隊中既攻擊戰術核心簡尼都走埋，基本上成隊係即刻由0 build-up省卻左慢慢換血既難題，再講熱刺都一口氣買左維卡里奧、麥迪臣、班倫莊臣、雲達芬、樸羅、蘇羅門同回收烏度治，呢度其實已經換左7個人，而有5個都已經係必然正選。
坦夏則係2022年4月加入曼聯做領隊。22/23年度，佢引入左卡斯美路、安東尼、馬天尼斯同馬拿斯亞。韋賀斯、杜巴卡、沙碧沙同畢拿特都係外借加盟。艾歷臣則係自由身簽入隊，小將漢尼拔、明奴同加拿祖則係U隊（只有加拿祖有較多上陣機會）。23/24年度，今季佢先買入左凱倫、曼治、安拿拿同門將比連迪亞。安拉拔係外借，而伊雲斯同列古朗都算係傷兵潮先簽入既球員。數一數，佢實際買左而又係正選既只有總共7個人，比起熱刺第一年就入左7個人，佢就算買得少（唔好講價錢先）。對比其餘兩位領隊，高普用左5年時間先拎到聯賽冠軍；阿迪達最快都要帶完第三年先叫可以衝擊到聯賽冠軍。你要坦夏係兩年都未有就可以同曼城爭？再諗，呢十年內，我地有邊一款既領隊未用過？教開中型班有莫椰斯、鳩控足球有雲高爾、終極防反有摩連奴、土生土長曼聯人蘇斯黑查同逼搶大師蘭歷克，全部唔夠三年就落台。依家有一個係阿積士叫做踢開進攻型足球既領隊帶，如果佢又係唔夠三年落台，我就諗唔到仲有邊款領隊可以教，或者戴治既高Q大棍可能岩駛。要一隊踢左咁多年防反既球隊變控傳足球一定需要時間，再者球隊中亦有某幾位球員係明顯唔太適合踢呢類波，基本上係要慢慢清走先有可能將整隊波改變。我就覺得呢個光頭佬係可以俾時間佢執，至少都俾三年時間佢，睇下佢帶成點，而唔係帶左一季半都未有就叫佢快快下台。呢個只會係無限輪迴，好快就有另一個十年黎緊！