近乎緣盡歐聯十六強（賽後分析-哥本哈根對曼聯 ）
《上半場表現係咁多場之中接近最好》
坦夏今場改踢4-2-3-1，整隊進攻改以兩翼側擊為主。後場控球極有耐性，亦唔會亂放長傳俾前場球員哨，嘗試對手上黎逼，等機會打穿對方前鋒線防守，搵到艾歷臣等佢較炮。如睇番未打少一個前既數據，曼聯既傳送次數同控球率都必定俾對手多。如果只睇戰況，曼聯上半場既表現我認為係今季暫時最佳既一場。福仔遷就加拿祖踢右路，正正因為好難推入中間射，令佢多左交波同走位。第一個入波正正就係佢係邊線先等雲比後上交波。雲比兜番轉頭先再有麥湯既插入傳中。紅牌果一腳，相信佢唔會係有心傷人，只係想攞位果下隻腳就踩中左對手，球證要俾紅牌都有佢原因；而麥佳亞既手球則確定左今場吹手球既尺度，只要隻手離開身體軀幹而又中到波，就有被吹十二碼既風險。防守時，除左對方開龍門球會嘗試係高位逼搶外，其餘時間都退到中後場防守，亦正係呢個模式先有第二個入波出現。凱倫級數真係未夠，雖然今場入兩球，但上半場仲有一個半單刀機會，佢應該要利用身型同速度壓入去，而唔係推去左邊射尾袋。雖然佢咁做係確保到有射門機會，但最後佢射果腳都係差。
《下半場過程都幾戲劇性》
曼聯少踢一人下，改以4-4-1繼續踢。因比數仍然打和，所以進攻選擇以控球拖延時間為目標，同時間用安拉拔入替艾歷臣增加中場攔截。哥本哈根反而冇因打多個而向前壓，仍然選擇縮係中後場防守，令曼聯係下半場頭十五分鐘都可以保持到控球權。69分鐘，麥佳亞既頭鎚省到對方後衛隻手。同上半場情況一樣，球證睇VAR下改判十二碼，般奴操刀射手。成日都講球證最緊要尺度一致。落後下既哥本哈根先開始全面反撲，83分鐘，利拉格把握到達洛治既防守失誤近距離撞入。87分鐘，哥本哈根再憑左路傳中，曼聯一對中堅解唔到圍下，達洛治再黎遲半步被對方執到第二點射入，令哥本哈根反超前，最後以四比三擊敗曼聯。
《總結》
結果論黎睇就一定係失望，但若從戰況上黎睇，今場球員執行領隊既指示係做得幾好。只計未打少一人前，係展現到球隊應有既能力，亦見到球員今場係有鬥志有跑動，絕對冇揸流灘。唯一最令我摸不著頭腦就係點解用達洛治。雖然佢相比起列古朗係好質素少少，但要佢轉打逆足左閘唔見得係進攻上幫到球隊太多，反而下下要扣番大位更容易被對手捉到傳球路線。佢既防守同列古朗比都係五十步笑打百步，繼對紐卡素輸第一球關佢事後，今場被人追平三比三果球，亦係黎自佢防守意識不足。反正兩個防守都係半桶水，不如用列古朗踢可能會有驚喜！睇番小組形勢，拜仁已篤定首名出線，加拉塔沙雷同哥本哈根各有四分，而曼聯則有三分排第四。數字上，出線仍未絕望。作客土耳其，如能踢出今場上半場既態度同足球，都未必唔可以贏到加拉塔沙雷。下場先番本土對盧頓，呢場都係好機會贏波拎番少少信心先！
坦夏今場改踢4-2-3-1，整隊進攻改以兩翼側擊為主。後場控球極有耐性，亦唔會亂放長傳俾前場球員哨，嘗試對手上黎逼，等機會打穿對方前鋒線防守，搵到艾歷臣等佢較炮。如睇番未打少一個前既數據，曼聯既傳送次數同控球率都必定俾對手多。如果只睇戰況，曼聯上半場既表現我認為係今季暫時最佳既一場。福仔遷就加拿祖踢右路，正正因為好難推入中間射，令佢多左交波同走位。第一個入波正正就係佢係邊線先等雲比後上交波。雲比兜番轉頭先再有麥湯既插入傳中。紅牌果一腳，相信佢唔會係有心傷人，只係想攞位果下隻腳就踩中左對手，球證要俾紅牌都有佢原因；而麥佳亞既手球則確定左今場吹手球既尺度，只要隻手離開身體軀幹而又中到波，就有被吹十二碼既風險。防守時，除左對方開龍門球會嘗試係高位逼搶外，其餘時間都退到中後場防守，亦正係呢個模式先有第二個入波出現。凱倫級數真係未夠，雖然今場入兩球，但上半場仲有一個半單刀機會，佢應該要利用身型同速度壓入去，而唔係推去左邊射尾袋。雖然佢咁做係確保到有射門機會，但最後佢射果腳都係差。
《下半場過程都幾戲劇性》
曼聯少踢一人下，改以4-4-1繼續踢。因比數仍然打和，所以進攻選擇以控球拖延時間為目標，同時間用安拉拔入替艾歷臣增加中場攔截。哥本哈根反而冇因打多個而向前壓，仍然選擇縮係中後場防守，令曼聯係下半場頭十五分鐘都可以保持到控球權。69分鐘，麥佳亞既頭鎚省到對方後衛隻手。同上半場情況一樣，球證睇VAR下改判十二碼，般奴操刀射手。成日都講球證最緊要尺度一致。落後下既哥本哈根先開始全面反撲，83分鐘，利拉格把握到達洛治既防守失誤近距離撞入。87分鐘，哥本哈根再憑左路傳中，曼聯一對中堅解唔到圍下，達洛治再黎遲半步被對方執到第二點射入，令哥本哈根反超前，最後以四比三擊敗曼聯。
《總結》
結果論黎睇就一定係失望，但若從戰況上黎睇，今場球員執行領隊既指示係做得幾好。只計未打少一人前，係展現到球隊應有既能力，亦見到球員今場係有鬥志有跑動，絕對冇揸流灘。唯一最令我摸不著頭腦就係點解用達洛治。雖然佢相比起列古朗係好質素少少，但要佢轉打逆足左閘唔見得係進攻上幫到球隊太多，反而下下要扣番大位更容易被對手捉到傳球路線。佢既防守同列古朗比都係五十步笑打百步，繼對紐卡素輸第一球關佢事後，今場被人追平三比三果球，亦係黎自佢防守意識不足。反正兩個防守都係半桶水，不如用列古朗踢可能會有驚喜！睇番小組形勢，拜仁已篤定首名出線，加拉塔沙雷同哥本哈根各有四分，而曼聯則有三分排第四。數字上，出線仍未絕望。作客土耳其，如能踢出今場上半場既態度同足球，都未必唔可以贏到加拉塔沙雷。下場先番本土對盧頓，呢場都係好機會贏波拎番少少信心先！