冰人都破冰救駕（賽後簡評-曼聯對盧頓）
領隊可以用戰術教球員從後場build-up到前場，但去到前場點樣入波點樣走位，就要靠球員自己。曼聯今場就係做到前面既野，但做唔到後面既野。今場盧頓全隊縮後，所以曼聯後場好容易就可以用波前壓。去到前場區域，坦夏都明顯要求主打兩翼側擊，麥湯插入禁區，等凱倫唔駛孤軍作戰，般奴係禁區外捕位遠射。左翼加拿祖聯同列古朗既瘋狂overlap係左路cut大位射或出波，福仔就入禁區尾袋捕尾處；如右翼福仔持球，則達洛治走underlap準備沉底出波。
上半場戰術明顯，兩側亦提供到唔少傳中，但就係把握力問題，亦係領隊最無能為力既問題。加拿祖有一腳單刀機會，但質素未到就係未到，拖太慢錯失黃金機會。
下半場曼聯嘗試縮後，俾機會盧頓上黎攻，但反擊效率一般，令盧頓愈守愈有信心。曼聯入波都係要靠角球混戰，連迪路夫怒射入波救球隊。福仔中後段都有一個黃金機會，但處理最後果下仍然係非常差，令球隊未能拉開比數。最後，曼聯又係險勝一比零。
坦夏係陣容上已經適整左好多，兩閘用上出擊力較強既達洛治同列古朗。中場麥湯文尼入到波就推前佢入禁區；安東尼缺態就打後備；福仔係左路成日推入人堆，就試下擺佢係右路做停球點同出波；面對壓迫力唔強晚盧頓，艾歷臣就逗後少少較炮。見到坦夏係有想法，亦預左要破密集，而擺出一個攻力相對較好既陣容，奈何前場球員創造機會能力同把握力仍有極大進步空間。艾歷臣受傷，坦夏換入曼治而非安拉拔，都見到佢好想贏既決心。中後段凱倫係受傷而被換出；列古朗則疑似有傷而被換，又或者係想加強左閘位既防守力而換入華拉尼，並調冰人去左閘。適逢國際賽期又黎，正好俾傷兵養傷，亦被坦夏再諗諗可以點調較隊波去破密集。
上半場戰術明顯，兩側亦提供到唔少傳中，但就係把握力問題，亦係領隊最無能為力既問題。加拿祖有一腳單刀機會，但質素未到就係未到，拖太慢錯失黃金機會。
下半場曼聯嘗試縮後，俾機會盧頓上黎攻，但反擊效率一般，令盧頓愈守愈有信心。曼聯入波都係要靠角球混戰，連迪路夫怒射入波救球隊。福仔中後段都有一個黃金機會，但處理最後果下仍然係非常差，令球隊未能拉開比數。最後，曼聯又係險勝一比零。
坦夏係陣容上已經適整左好多，兩閘用上出擊力較強既達洛治同列古朗。中場麥湯文尼入到波就推前佢入禁區；安東尼缺態就打後備；福仔係左路成日推入人堆，就試下擺佢係右路做停球點同出波；面對壓迫力唔強晚盧頓，艾歷臣就逗後少少較炮。見到坦夏係有想法，亦預左要破密集，而擺出一個攻力相對較好既陣容，奈何前場球員創造機會能力同把握力仍有極大進步空間。艾歷臣受傷，坦夏換入曼治而非安拉拔，都見到佢好想贏既決心。中後段凱倫係受傷而被換出；列古朗則疑似有傷而被換，又或者係想加強左閘位既防守力而換入華拉尼，並調冰人去左閘。適逢國際賽期又黎，正好俾傷兵養傷，亦被坦夏再諗諗可以點調較隊波去破密集。