明奴做左娜娜既遮醜布（賽後分析-狼隊對曼聯）
又係一場驚險既贏波，今次仲要靠18歲既明奴係補時絕殺對手，聯賽第一個入波就極具意義。
《上半場輕鬆兩球》
講番場波，上半場輕鬆領先兩球，直到下半場失波前其實都有3-4個機會可以再入波去結束比賽，但就係差把握力。睇番兩個入波都係先來自右路加拿祖既策動，俾入中路或者轉去左邊弱邊從而產生。第一球福仔既靚盪，第二球佢傳送俾梳爾疊瓦都有功勞。梳爾既復出大大提高左球隊左路側擊，亦令福仔唔駛下下都單打獨鬥，豐富左進攻套路。上半場係攻守轉換做得唔錯，防守戰術上都有改變亦係上半場唔駛失波既原因。可以見到中場三人係守陣地戰時會縮得比較深，係中路保持番10-15米較細既範圍去壓縮空間，令中場線可以保持到緊密；相比起之前防守踢4-2-3-1，而兩個防中既跟人式防守，令中路出現極大空間。卡斯美路+明奴+般奴呢個都幾肯定係正選陣容下，呢個防守模式睇黎會較好。
《明奴救全家》
下半場開波到失波前，優勢全部都係狼隊身上，換入艾迪諾希後既優勢更加明顯。相反，當曼聯後場解除左對方逼搶運波到前場後，中前場球員往往都未能完成射門，又或者係中前場已經被搶斷，未能保持到控球權就令到中後場球員不停受壓。再諗一樣就係，當你運波到前場，中後場就要step up support，但未跑到上前就斷，成班又要跑番轉頭。呢種來回跑極度消耗體能。要做到強隊，就一定要學識點樣保持控球（講緊領先兩球），又或者務必要以射門完結攻勢。
失波都係遲早既事，個勢一路都係狼隊壓住，而坦克未有果斷換人亦係其中一個敗筆。失波後隨即換入麥湯文尼同安東尼，換入麥湯驚卡斯美路紅牌；換入安東尼則希望佢可以係前場幫手停下波。幾分鐘，麥湯再次入波拉開比數。坦克係後段亦換入一眾防守球員，希望守到完場。被追成三比二果球都算唔好彩，波子機門前被人撞入。第三個失波可能好多人都怪安東尼，但我會覺得點解角球仲要所有中堅壓晒入禁區先係最致命。明奴係最後一擊係左路一個扭兩個入禁區盪遠柱固然極具級數，但要讚入替凱倫既科臣。佢先係前場護到波回傳俾明奴，跟住當明奴連過兩關時，佢佢走斜線令到多遜要稍稍跟佢移位，令到明奴有條線路射向尾柱。如果佢冇咁走而係走向尾柱或係中間等接應，多遜唔駛要移位後，就未必有條遠柱袋仔私家路去盪。
《總結》
贏波點都值得開心，但要改善既地方仍有好多。傷兵歸位後，見到整隊係攻守方面都有顯著提升，特別係馬天尼斯同卡斯美路既復出，令到中後場既防守同用波係級數上都高左好多。奧拿拿又失三球，頭兩球都算唔關佢事，但第三球係咪真係零反應，連飛下既動作都做唔到？咁既撲救水平係好難係大球會立到足，希望龍門教練可以快速提升佢既水準，否則只會繼續淪為笑柄！
《上半場輕鬆兩球》
講番場波，上半場輕鬆領先兩球，直到下半場失波前其實都有3-4個機會可以再入波去結束比賽，但就係差把握力。睇番兩個入波都係先來自右路加拿祖既策動，俾入中路或者轉去左邊弱邊從而產生。第一球福仔既靚盪，第二球佢傳送俾梳爾疊瓦都有功勞。梳爾既復出大大提高左球隊左路側擊，亦令福仔唔駛下下都單打獨鬥，豐富左進攻套路。上半場係攻守轉換做得唔錯，防守戰術上都有改變亦係上半場唔駛失波既原因。可以見到中場三人係守陣地戰時會縮得比較深，係中路保持番10-15米較細既範圍去壓縮空間，令中場線可以保持到緊密；相比起之前防守踢4-2-3-1，而兩個防中既跟人式防守，令中路出現極大空間。卡斯美路+明奴+般奴呢個都幾肯定係正選陣容下，呢個防守模式睇黎會較好。
《明奴救全家》
下半場開波到失波前，優勢全部都係狼隊身上，換入艾迪諾希後既優勢更加明顯。相反，當曼聯後場解除左對方逼搶運波到前場後，中前場球員往往都未能完成射門，又或者係中前場已經被搶斷，未能保持到控球權就令到中後場球員不停受壓。再諗一樣就係，當你運波到前場，中後場就要step up support，但未跑到上前就斷，成班又要跑番轉頭。呢種來回跑極度消耗體能。要做到強隊，就一定要學識點樣保持控球（講緊領先兩球），又或者務必要以射門完結攻勢。
失波都係遲早既事，個勢一路都係狼隊壓住，而坦克未有果斷換人亦係其中一個敗筆。失波後隨即換入麥湯文尼同安東尼，換入麥湯驚卡斯美路紅牌；換入安東尼則希望佢可以係前場幫手停下波。幾分鐘，麥湯再次入波拉開比數。坦克係後段亦換入一眾防守球員，希望守到完場。被追成三比二果球都算唔好彩，波子機門前被人撞入。第三個失波可能好多人都怪安東尼，但我會覺得點解角球仲要所有中堅壓晒入禁區先係最致命。明奴係最後一擊係左路一個扭兩個入禁區盪遠柱固然極具級數，但要讚入替凱倫既科臣。佢先係前場護到波回傳俾明奴，跟住當明奴連過兩關時，佢佢走斜線令到多遜要稍稍跟佢移位，令到明奴有條線路射向尾柱。如果佢冇咁走而係走向尾柱或係中間等接應，多遜唔駛要移位後，就未必有條遠柱袋仔私家路去盪。
《總結》
贏波點都值得開心，但要改善既地方仍有好多。傷兵歸位後，見到整隊係攻守方面都有顯著提升，特別係馬天尼斯同卡斯美路既復出，令到中後場既防守同用波係級數上都高左好多。奧拿拿又失三球，頭兩球都算唔關佢事，但第三球係咪真係零反應，連飛下既動作都做唔到？咁既撲救水平係好難係大球會立到足，希望龍門教練可以快速提升佢既水準，否則只會繼續淪為笑柄！