後生仔，係你未夠爐火純青姐（賽後分析-曼聯對富咸）
《曼聯正選陣容驚喜變左驚嚇》
雖然曼聯狀況極佳，但又開始飽受傷兵困擾，馬天尼斯、梳爾同海倫又傷幾個月，令到今場坦克嘗試大改變。門將不變，後防起用連迪路夫取代梳爾。華拉尼、麥佳亞同達洛治繼續正選；中場鐵三角不變；前鋒線竟然起用左小將科臣代替海倫出任右翼，加拿祖踢番左翼，而最前則交俾華舒福負責。起初見到陣容名單，原以為坦克想維持左福右加，而陣中迪亞路同安東尼都冇可能踢到中鋒位，就嘗試起用科臣，點知最後都係前場大執位。原以為此舉會帶到驚喜俾曼迷，點知科臣既表現同明奴與及加拿祖比較都有幾大落差，真係驚喜變左驚嚇。除左科臣發揮得一般外，其他球員被逼轉位踢亦影響發揮，而突然加入正選行列既科臣同隊友欠缺默契，影響左整隊發揮。
《坦克求變但冇考慮球員特性》
正選球員受傷而要起用替補係隊隊都會面對到既問題，點樣運用替補或改用其他戰術去維持隊波既戰力就好睇領隊是否出色。坦克想維持近期既踢法，依舊起用3–2-2-3既build-up。近幾場叫幾成功既原因除左左面梳爾會係build-up完後向前支援福仔外，而右翼加拿祖靠個人能力可以引到夾擊，達洛治既內收再推前明奴加強右路既小組推進能力，令到球隊左右兩面側擊都取得平衡。今場坦克既用人或部署就冇考慮到球員特點。左閘起用冰人，佢就真係同你企係後場build-up。到second-phase係基本冇參與過任何進攻，令加拿祖除左自己推就冇其他選擇。達洛治今場反而被要求長期拉邊，而科臣就收入黎中間踢攻擊中場。達洛治突破力弱，冇加拿祖既功效；科臣係好勤力，但未有同隊友建立連攜；明奴逗得較深係進攻組織幫助不大。右路完全癱瘓，就只能靠左翼加拿祖自己突破。中鋒用上華舒福亦令中間塞晒車，佢又要出黎拎波踢，但科臣同般奴費南迪斯都唔係會入楔禁區搶點後上攻門或前插，令到中路缺乏小組配合。整套進攻戰術同球員特點都撞到九彩，自然好難可以組織到持續有效既攻勢。
《坦克第一變效果係差；第二變先算重回正軌》
坦克下半場冇任何變動，但戰術上有叫達洛治多內收入中路，邊線俾番科臣踢，連迪路夫則多左壓前。踢到53分鐘，因卡斯美路頭部受傷，坦克決定第一變，除左用麥湯文尼入替卡斯美路，仲用艾歷臣入替科臣。麥湯文尼入替後同福仔踢雙箭頭，推左般奴踢右翼。艾歷臣則拍住明奴踢一對平排中場。變動後既曼聯冇乜起色，反而仲因艾歷臣係中路斷幾腳波而差少少輸反擊。艾歷臣拍明奴係中場既速率係相當輸蝕，艾歷臣既硬淨程度同防守意識更難同卡斯美路比較；而改踢右翼般奴論突破比科臣甚至更差。艾歷臣既狀態都幾差，睇黎都需要谷一谷。
65分鐘，曼聯因角球而先落後。輸死球係今季黎講已經唔係新聞，防守死球係戰術上要檢討都唔係呢一場先知，但暫時睇唔到有任何改善。
80分鐘，坦克先有第二變，就係用迪亞路入替文奴。終於踢番兩隻內切逆足翼，再將陣式改番做4-3-3，艾歷臣一個逗住，般奴同麥湯踢兩個八號位，達洛治踢內收閘位。戰術同球員特點相對上match番，就係末段多番好多攻勢同埋門。可惜呢一變略嫌遲左少少，雖然麥佳亞係89分鐘門前執雞成功，但97分鐘被對手一次反擊得手，最後都係要輸波收場。
《總結》
只能說新仔唔係咁用既，你要棄用安東尼，都仲有個迪亞路俾你用。兩個都冇傷情況下，係要贏波搶分之際你出個新人就真係玩死自己。明奴係熱身賽係有表現，而當時係傷到冇人可出要先擺佢上去正選，情況同科臣係完全唔同。小弟希望呢場波唔好毁左佢既信心同前途，但望落佢踢法同身形都好似安祖高美斯，而安祖高美斯比佢好似更好波但都留唔到係曼聯，睇下科臣仲有冇機會。
呢場波雖然踢得係差，但球賽末段擺番岩人腳同位置下，球隊唔係冇贏波機會，亦證明戰術同球員特點係要互相配合先可以相輔成。屋漏兼逢連夜雨，輸波之外，連迪路夫同般奴都係比賽末段疑似受傷。下場足總盃作客森林，除左睇下有冇傷兵增加之外，坦克都要諗清諗楚先排陣啦！
雖然曼聯狀況極佳，但又開始飽受傷兵困擾，馬天尼斯、梳爾同海倫又傷幾個月，令到今場坦克嘗試大改變。門將不變，後防起用連迪路夫取代梳爾。華拉尼、麥佳亞同達洛治繼續正選；中場鐵三角不變；前鋒線竟然起用左小將科臣代替海倫出任右翼，加拿祖踢番左翼，而最前則交俾華舒福負責。起初見到陣容名單，原以為坦克想維持左福右加，而陣中迪亞路同安東尼都冇可能踢到中鋒位，就嘗試起用科臣，點知最後都係前場大執位。原以為此舉會帶到驚喜俾曼迷，點知科臣既表現同明奴與及加拿祖比較都有幾大落差，真係驚喜變左驚嚇。除左科臣發揮得一般外，其他球員被逼轉位踢亦影響發揮，而突然加入正選行列既科臣同隊友欠缺默契，影響左整隊發揮。
《坦克求變但冇考慮球員特性》
正選球員受傷而要起用替補係隊隊都會面對到既問題，點樣運用替補或改用其他戰術去維持隊波既戰力就好睇領隊是否出色。坦克想維持近期既踢法，依舊起用3–2-2-3既build-up。近幾場叫幾成功既原因除左左面梳爾會係build-up完後向前支援福仔外，而右翼加拿祖靠個人能力可以引到夾擊，達洛治既內收再推前明奴加強右路既小組推進能力，令到球隊左右兩面側擊都取得平衡。今場坦克既用人或部署就冇考慮到球員特點。左閘起用冰人，佢就真係同你企係後場build-up。到second-phase係基本冇參與過任何進攻，令加拿祖除左自己推就冇其他選擇。達洛治今場反而被要求長期拉邊，而科臣就收入黎中間踢攻擊中場。達洛治突破力弱，冇加拿祖既功效；科臣係好勤力，但未有同隊友建立連攜；明奴逗得較深係進攻組織幫助不大。右路完全癱瘓，就只能靠左翼加拿祖自己突破。中鋒用上華舒福亦令中間塞晒車，佢又要出黎拎波踢，但科臣同般奴費南迪斯都唔係會入楔禁區搶點後上攻門或前插，令到中路缺乏小組配合。整套進攻戰術同球員特點都撞到九彩，自然好難可以組織到持續有效既攻勢。
《坦克第一變效果係差；第二變先算重回正軌》
坦克下半場冇任何變動，但戰術上有叫達洛治多內收入中路，邊線俾番科臣踢，連迪路夫則多左壓前。踢到53分鐘，因卡斯美路頭部受傷，坦克決定第一變，除左用麥湯文尼入替卡斯美路，仲用艾歷臣入替科臣。麥湯文尼入替後同福仔踢雙箭頭，推左般奴踢右翼。艾歷臣則拍住明奴踢一對平排中場。變動後既曼聯冇乜起色，反而仲因艾歷臣係中路斷幾腳波而差少少輸反擊。艾歷臣拍明奴係中場既速率係相當輸蝕，艾歷臣既硬淨程度同防守意識更難同卡斯美路比較；而改踢右翼般奴論突破比科臣甚至更差。艾歷臣既狀態都幾差，睇黎都需要谷一谷。
65分鐘，曼聯因角球而先落後。輸死球係今季黎講已經唔係新聞，防守死球係戰術上要檢討都唔係呢一場先知，但暫時睇唔到有任何改善。
80分鐘，坦克先有第二變，就係用迪亞路入替文奴。終於踢番兩隻內切逆足翼，再將陣式改番做4-3-3，艾歷臣一個逗住，般奴同麥湯踢兩個八號位，達洛治踢內收閘位。戰術同球員特點相對上match番，就係末段多番好多攻勢同埋門。可惜呢一變略嫌遲左少少，雖然麥佳亞係89分鐘門前執雞成功，但97分鐘被對手一次反擊得手，最後都係要輸波收場。
《總結》
只能說新仔唔係咁用既，你要棄用安東尼，都仲有個迪亞路俾你用。兩個都冇傷情況下，係要贏波搶分之際你出個新人就真係玩死自己。明奴係熱身賽係有表現，而當時係傷到冇人可出要先擺佢上去正選，情況同科臣係完全唔同。小弟希望呢場波唔好毁左佢既信心同前途，但望落佢踢法同身形都好似安祖高美斯，而安祖高美斯比佢好似更好波但都留唔到係曼聯，睇下科臣仲有冇機會。
呢場波雖然踢得係差，但球賽末段擺番岩人腳同位置下，球隊唔係冇贏波機會，亦證明戰術同球員特點係要互相配合先可以相輔成。屋漏兼逢連夜雨，輸波之外，連迪路夫同般奴都係比賽末段疑似受傷。下場足總盃作客森林，除左睇下有冇傷兵增加之外，坦克都要諗清諗楚先排陣啦！