咁樣贏係幾熱血既（足總盃賽後分析-曼聯對利物浦）
《兩隊正選都接近焗擺》
兩隊傷兵都水蛇春咁長，利物浦主要有艾利遜、阿奴、加雲貝治同祖達；曼聯則有馬天尼斯、梳爾、卡斯美路、伊雲斯同馬斯亞。賽前早兩日或者利物浦既陣容仲較為完整，但到開賽前一日曼聯既雲比沙加、曼治同海倫都有消息話可能可以復出。純以陣容黎計，曼聯反而係後備力量上會好少少。
今場高普起用高美斯踢右閘而非用巴特利，相信係想先做好防務，應付華舒福呢面既進攻。龍門就用狀態極佳既基拿靴。中堅用左崑沙拍雲迪克。左閘用羅伯臣。中前場基本上都係全正選。
坦克呢面既正選陣容基本上係焗擺。龍門安拿拿。後防傷淨雲比沙加、達洛治、華拉尼同連迪路夫。麥佳亞都係岩岩有復操就先放後備。中場明奴逗後，麥湯文尼同般奴踢一對八號位。前鋒海倫岩岩好番焗踢，拍住華舒福同加拿祖係前場攻堅。
《上半場曼聯雖然輸緊但表現較好》
坦克係後防多左雲比沙加，前場多左海倫下，冇再好似對曼城踢得咁龜縮，反而一黎就同你踢前場高位逼搶。呢一著有少少打亂左利物浦。只計頭三十鐘，雖然曼聯係控球率上比利物浦差（40:60），但論進攻既流暢度，前場逼搶導致對方失誤，中後場既攔截，都比對方為佳。十分鐘，麥湯文尼既入球亦大大提升左曼聯球員既信心。呢個失波主因係崑沙同祖高美斯防守溝通有問題，兩個一齊追出去守福仔，令福仔輕鬆質腳斜線等加拿祖冇人看管埋門，先有麥湯文尼既補中。及後曼聯亦有不少黃金機會，可惜都係把握唔到。去到上半場後十五分鐘，利物浦先真正係用波上拎到著數，開始組織到攻勢埋門，特別係禁區外搵到曼聯既漏洞。45分鐘，麥卡里士打禁區內射近柱入網，幫利物浦追成平手。雖然個波係有省中人改變方向，但個人認為安拿拿都要負上少少責任，畢竟由起腳到省中人果刻，佢都冇移過步去遠柱，正路係應該可以撲走。補時階段，般奴後場被逼甩，導致沙拿門前執雞建功。呢球波則要怪般奴護波護得唔夠好，被祖高美斯一拍就斷。太易被對手從後拍甩都係般奴要進步既地方。呢半場最抵讚既必定係曼聯二閘，基本上迪亞斯同沙拿都係被凍結，令利物浦主要進攻既起動點起動唔到。
《與其話高普換錯人，不如話佢咁換係無可厚非；坦克既調動立竿見影》
下半場出黎，雙方頭十分鐘就黎個對攻格局，大家都斷開前後場踢，兩邊都嘗試入多粒，但兩隊都無功而還。55分鐘後，曼聯體能下跌，前場逼搶同球員跑動既速率明顯冇之前咁快同缺乏一致性；利物浦就開始利用控球同你玩馬騮搶球，有機會先放波入心臟試下拮，拮唔到又翻轉頭再猜。局勢上，曼聯明顯係冇機會用到波，又或者靠反擊製造唔到具威脅既埋門。70分鐘，坦克換入安東尼同麥佳亞。呢個換人都係逼於無奈，海倫同雲比沙加都只係踢得70分鐘，否則又有機會再傷過。高普則係兩分鐘後用艾利諾入替蘇保斯禮，蘇保斯禮體能不嬲都係大約70-80分鐘貨仔，呢個調動保持番球隊活力。76分鐘，高普用加普同巴特利換走沙拿同羅伯臣。係當時局勢掌控方面，踢落曼聯確實係唔似有條件可以反擊到，就連射門機會都欠奉（55-76分鐘：曼聯2次射門；利物浦7次）。係當刻換走沙拿同羅伯臣唔可以話錯，可能兩個都係剛傷癒有時間限制，而從戰況上睇而換走去俾其他球員操狀態又無可厚非。坦克係80分鐘用艾歷臣換入明奴，中場索性冇屏障，希望靠艾歷臣去控制節奏進攻。足球就係此消彼長，當你抽走冇左雲比防守開始踢到曉飛既沙拿果陣，曼聯就換人開始搏鎚，而改打左閘既連迪路夫亦少左後顧之憂，就開始多左向前壓。85分鐘，坦克放心一搏，用迪亞路入替華拉尼，直頭改打單中堅加二閘就算。87分鐘，安東尼係禁區轉個半圈射尾柱建奇功，呢個入波重要性就大啦，幫曼聯追成平手。賽事末段，曼聯圍攻利物浦。福仔完場前接應艾歷臣妙傳，單刀竟然連龍都射唔中，錯失極黃金機會絕殺就要打加時。
《加時峰迴路轉》
加時上半場，利物浦係控球上仍稍稍佔優，對住改踢3-2–3-2既曼聯就選擇係邊路埋手。曼聯既陣式雖然唔慣，但中前場球員回防積極搵人守，令利物浦係進攻上都唔係有太多機會，反而連迪路夫仲有一腳窄位射近柱嚇得下人。105分鐘，艾利諾右路擺大位射波，今次又省中人係遠柱入網。呢下就冇得怪安拿拿啦，見佢有向左移步準備撲，變左要轉身撲右既難度大左。不過如果係一個身高手長少少既龍門…或者都可能掂到下個波。坦克係加時下半場用曼治入替連迪路夫搏命，將安東尼移任左閘，中前場曬你冷。利物浦整隊體能開始下跌，後防線速率跟唔到曼聯既中前場球員。112分鐘，紐尼斯係左路一次大意傳送省中迪亞路，麥湯係三閘線執到，推兩步再斜俾福仔係禁區內快射追成平手。高普係114分鐘用奇勒換入抽筋既迪亞斯。補時階段，迪亞路成功係禁區外搶左艾利諾個波，跟住就狂跑幾廿碼；加拿祖就推住個波怒推幾廿碼後斜傳俾迪亞路。迪亞路左腳一控入禁區，靚first touch控番去左少少位置就盪射尾柱，個波中內柱彈入，幫曼聯絕殺利物浦。由於佢興奮到除衫慶祝，兩黃一紅咁就離場，下場又停賽。呢個除衫決定真係好難講對與錯。年輕人，開心就好。
《總結》
利物浦整體黎講級數較高，上半場反勝對手全因把握力高，而呢樣正正係曼聯好缺乏。下半場至加時下半場，都係佢地較主動，不過中前場體能下降都好合理，畢竟周中都有比賽，而傷患令後備力量弱左好多都係輸波既因素。「沙拿被調走」亦係其中一個輸波既因素。唔係話佢在場唔會輸，而係冇左佢就冇左尖刀去反撲對手，始終佢既牽制力係全隊最高，特別係當曼聯收起左雲比沙加後。
曼聯今場真係踢出拼勁，開賽頭三十分鐘既表現可以話係冇得彈，尤其係見到隊員既眼神係有火。不過由被追平去到落後，跟住到下半場被人猜馬騮，就見到整隊既體能問題同鬥志都明顯係同上半場好唔同。當去到80分鐘球隊要焗攻果陣，隊波又可以重新撻番著。對球迷黎講就唔該你全場都要保持到先得，不論領先好落後好都要有火要贏先得架！今場一多番兩個球員，坦克個部署已經好唔同，證明傷兵問題根本影響好大（利物浦都一樣）。坦克今場調動換人都做得幾好，換人換到要隻翼打閘都要曬你冷，唔係個個領隊都夠薑咁換法。契仔安東尼入左相信係今季最重要既一球，希望之後可以提升番佢信心，踢番應有水準就好。小弟想讚一下麥佳亞。佢除左幫球隊積極做防守外，更主動入禁區幫手進攻，差少少仲可以入波幫球隊追平。加時下半場直頭得番佢一個中堅，都可以指揮防線頂住利物浦進攻，甩左隊長魔咒係醒神既。下場30號對蜜蜂仔，如果球隊保持到今日既狀態，三分在望。
兩隊傷兵都水蛇春咁長，利物浦主要有艾利遜、阿奴、加雲貝治同祖達；曼聯則有馬天尼斯、梳爾、卡斯美路、伊雲斯同馬斯亞。賽前早兩日或者利物浦既陣容仲較為完整，但到開賽前一日曼聯既雲比沙加、曼治同海倫都有消息話可能可以復出。純以陣容黎計，曼聯反而係後備力量上會好少少。
今場高普起用高美斯踢右閘而非用巴特利，相信係想先做好防務，應付華舒福呢面既進攻。龍門就用狀態極佳既基拿靴。中堅用左崑沙拍雲迪克。左閘用羅伯臣。中前場基本上都係全正選。
坦克呢面既正選陣容基本上係焗擺。龍門安拿拿。後防傷淨雲比沙加、達洛治、華拉尼同連迪路夫。麥佳亞都係岩岩有復操就先放後備。中場明奴逗後，麥湯文尼同般奴踢一對八號位。前鋒海倫岩岩好番焗踢，拍住華舒福同加拿祖係前場攻堅。
《上半場曼聯雖然輸緊但表現較好》
坦克係後防多左雲比沙加，前場多左海倫下，冇再好似對曼城踢得咁龜縮，反而一黎就同你踢前場高位逼搶。呢一著有少少打亂左利物浦。只計頭三十鐘，雖然曼聯係控球率上比利物浦差（40:60），但論進攻既流暢度，前場逼搶導致對方失誤，中後場既攔截，都比對方為佳。十分鐘，麥湯文尼既入球亦大大提升左曼聯球員既信心。呢個失波主因係崑沙同祖高美斯防守溝通有問題，兩個一齊追出去守福仔，令福仔輕鬆質腳斜線等加拿祖冇人看管埋門，先有麥湯文尼既補中。及後曼聯亦有不少黃金機會，可惜都係把握唔到。去到上半場後十五分鐘，利物浦先真正係用波上拎到著數，開始組織到攻勢埋門，特別係禁區外搵到曼聯既漏洞。45分鐘，麥卡里士打禁區內射近柱入網，幫利物浦追成平手。雖然個波係有省中人改變方向，但個人認為安拿拿都要負上少少責任，畢竟由起腳到省中人果刻，佢都冇移過步去遠柱，正路係應該可以撲走。補時階段，般奴後場被逼甩，導致沙拿門前執雞建功。呢球波則要怪般奴護波護得唔夠好，被祖高美斯一拍就斷。太易被對手從後拍甩都係般奴要進步既地方。呢半場最抵讚既必定係曼聯二閘，基本上迪亞斯同沙拿都係被凍結，令利物浦主要進攻既起動點起動唔到。
《與其話高普換錯人，不如話佢咁換係無可厚非；坦克既調動立竿見影》
下半場出黎，雙方頭十分鐘就黎個對攻格局，大家都斷開前後場踢，兩邊都嘗試入多粒，但兩隊都無功而還。55分鐘後，曼聯體能下跌，前場逼搶同球員跑動既速率明顯冇之前咁快同缺乏一致性；利物浦就開始利用控球同你玩馬騮搶球，有機會先放波入心臟試下拮，拮唔到又翻轉頭再猜。局勢上，曼聯明顯係冇機會用到波，又或者靠反擊製造唔到具威脅既埋門。70分鐘，坦克換入安東尼同麥佳亞。呢個換人都係逼於無奈，海倫同雲比沙加都只係踢得70分鐘，否則又有機會再傷過。高普則係兩分鐘後用艾利諾入替蘇保斯禮，蘇保斯禮體能不嬲都係大約70-80分鐘貨仔，呢個調動保持番球隊活力。76分鐘，高普用加普同巴特利換走沙拿同羅伯臣。係當時局勢掌控方面，踢落曼聯確實係唔似有條件可以反擊到，就連射門機會都欠奉（55-76分鐘：曼聯2次射門；利物浦7次）。係當刻換走沙拿同羅伯臣唔可以話錯，可能兩個都係剛傷癒有時間限制，而從戰況上睇而換走去俾其他球員操狀態又無可厚非。坦克係80分鐘用艾歷臣換入明奴，中場索性冇屏障，希望靠艾歷臣去控制節奏進攻。足球就係此消彼長，當你抽走冇左雲比防守開始踢到曉飛既沙拿果陣，曼聯就換人開始搏鎚，而改打左閘既連迪路夫亦少左後顧之憂，就開始多左向前壓。85分鐘，坦克放心一搏，用迪亞路入替華拉尼，直頭改打單中堅加二閘就算。87分鐘，安東尼係禁區轉個半圈射尾柱建奇功，呢個入波重要性就大啦，幫曼聯追成平手。賽事末段，曼聯圍攻利物浦。福仔完場前接應艾歷臣妙傳，單刀竟然連龍都射唔中，錯失極黃金機會絕殺就要打加時。
《加時峰迴路轉》
加時上半場，利物浦係控球上仍稍稍佔優，對住改踢3-2–3-2既曼聯就選擇係邊路埋手。曼聯既陣式雖然唔慣，但中前場球員回防積極搵人守，令利物浦係進攻上都唔係有太多機會，反而連迪路夫仲有一腳窄位射近柱嚇得下人。105分鐘，艾利諾右路擺大位射波，今次又省中人係遠柱入網。呢下就冇得怪安拿拿啦，見佢有向左移步準備撲，變左要轉身撲右既難度大左。不過如果係一個身高手長少少既龍門…或者都可能掂到下個波。坦克係加時下半場用曼治入替連迪路夫搏命，將安東尼移任左閘，中前場曬你冷。利物浦整隊體能開始下跌，後防線速率跟唔到曼聯既中前場球員。112分鐘，紐尼斯係左路一次大意傳送省中迪亞路，麥湯係三閘線執到，推兩步再斜俾福仔係禁區內快射追成平手。高普係114分鐘用奇勒換入抽筋既迪亞斯。補時階段，迪亞路成功係禁區外搶左艾利諾個波，跟住就狂跑幾廿碼；加拿祖就推住個波怒推幾廿碼後斜傳俾迪亞路。迪亞路左腳一控入禁區，靚first touch控番去左少少位置就盪射尾柱，個波中內柱彈入，幫曼聯絕殺利物浦。由於佢興奮到除衫慶祝，兩黃一紅咁就離場，下場又停賽。呢個除衫決定真係好難講對與錯。年輕人，開心就好。
《總結》
利物浦整體黎講級數較高，上半場反勝對手全因把握力高，而呢樣正正係曼聯好缺乏。下半場至加時下半場，都係佢地較主動，不過中前場體能下降都好合理，畢竟周中都有比賽，而傷患令後備力量弱左好多都係輸波既因素。「沙拿被調走」亦係其中一個輸波既因素。唔係話佢在場唔會輸，而係冇左佢就冇左尖刀去反撲對手，始終佢既牽制力係全隊最高，特別係當曼聯收起左雲比沙加後。
曼聯今場真係踢出拼勁，開賽頭三十分鐘既表現可以話係冇得彈，尤其係見到隊員既眼神係有火。不過由被追平去到落後，跟住到下半場被人猜馬騮，就見到整隊既體能問題同鬥志都明顯係同上半場好唔同。當去到80分鐘球隊要焗攻果陣，隊波又可以重新撻番著。對球迷黎講就唔該你全場都要保持到先得，不論領先好落後好都要有火要贏先得架！今場一多番兩個球員，坦克個部署已經好唔同，證明傷兵問題根本影響好大（利物浦都一樣）。坦克今場調動換人都做得幾好，換人換到要隻翼打閘都要曬你冷，唔係個個領隊都夠薑咁換法。契仔安東尼入左相信係今季最重要既一球，希望之後可以提升番佢信心，踢番應有水準就好。小弟想讚一下麥佳亞。佢除左幫球隊積極做防守外，更主動入禁區幫手進攻，差少少仲可以入波幫球隊追平。加時下半場直頭得番佢一個中堅，都可以指揮防線頂住利物浦進攻，甩左隊長魔咒係醒神既。下場30號對蜜蜂仔，如果球隊保持到今日既狀態，三分在望。